القوات المسلحة تهاجم 6 ابريل في بيان رسمي

[shawshank]

أه صحيح ... سمعت تعليق من حوالي ساعتين في التليفزيون وقت الغدا لأحد قادة المجلس العسكري بيقول : إحنا بنحترم التظاهر السلمي والمتظاهرين المحترمين .. لكن هل المتظاهر اللي سوري خالع النصف الأعلى من ملاسه وماسك سيف ومولوتف زي اللي شوفناهم في العباسية ده يبقى متظاهر محترم ؟

ده كان قائد الجيش الثالث على ما أعتقد.

السؤال المهم اللي مش لاقي له إجابة: يا جيش ويا شرطة عسكرية، ياللي كنتم على علم بخروج المسيرة قبلها بـ 24 ساعة، لما شفتوا اللي خالعين النص الأعلى من ملابسهم وماسكين سيوف ومولوتوف، واللي لا يمكن يكونوا متظاهرين سلميين محترمين، ماقبضتوش عليهم ليه؟!

[MZohairy]

يا طارق الأمور لا تؤخذ هكذا " يا أيها الذين أمنوا لا تقربوا الصلاة "

طب ما الاف المصريين ومنهم عسكر بيتدربوا في أمريكا كل شوية .. ورئيس الأركان كان هناك وقت الثورة .. وانا شخصياً قرايبي من القوات المسلحة أتدربوا في أمريكا في إتفاقيات مشتركة ...

يبقى خلاص كل اللي عتب أمريكا وأتدرب على برامج مايكرسوفت حتى يبقى عميل وخاين وإمبريالي ؟

هل هذا كلام معقول ؟

وتركتوا كل اللي أتدربوا على الخيانة وقلب نظام الحكم السنين اللي فاتوا دي ليه ؟

حكم عقلك يا طارق .. بالله عليك يا أخي وعشان خاطر ربنا .... أمبارح فقط إكتشفت مصر كلها إن كل دول إتدربوا على قلب نظام الحكم في أمريكا وصربيا وكانوا بيتكلموا أنكلش لانكوتش ونزلوهم في فنادق قدام البيض الأبيض في واشنطن دي سي زي البت العبيطة بتاعت قناة المحرو ما قالت ؟

أنا كنت متأكد إننا سننتقل من مرحلة الإنكار الكلي إلى مرحلة التبرير الكلي

مفيش فايدة ... إحنا هندور في حلقة مفرغة

ياعم أنا هنزل استناهم عند كوبري القبة ومش خايف من السيوف والسنج والمطاوي اللي كانت بتلمع في إيديهم إمبارح حتى في الضلمة

هي دي الدورة التدريبية اللي هتفيد البلد .. أنا سأقف ضد مخطط عرقنة مصر كما فعلت أمريكا بالعراق

أنا مخي أتقفل على كده والبلد في خطر ولازم تقف على رجليها ومنبقاش رجالة ولاستحقينا نعيش لو مدفعناش عنها

تحياتي وفوتك بألف عافية

انا مخي اتقفل على كده

هو ده الموضوع و اصل القصه

ارجوا ان تكون استوعبت اهم اسباب اعتقالهم لك في السابق حتى لا تعيد الكره حاليا و تجبرهم على اعتقالك في الحاضر يا روقه

نصيحه لوجه الله خالصه و لا اريد منك جزاء ولا شكورا

تحياتي

[م تيمور المراغي]

يعني لما يهجم على الشباب في الميدان ناس علشان تطلعهم من الميدان

أوعى حد يقول بلطجية

عاوز تقول لي ان رب اسره مصريه ولا شاب محترم حيمسك سنجه وينزل الميدان يحارب الثوار !!

ده تمهيد للاجرام اللي بيتم التخطيط ليه ومش عارفين ولا ايه :happy:

طيب ما يورونا الجدعنه كده ويهجموا !

ساكتين ليه كل الاسابيع دي !!

انا اعرف ان الراجل ما بيتكلمش كتير و بينفذ

انما اللوك لوك لوك ده

ولا بلاش ,,

[م تيمور المراغي]

يا الله ... يا مثبت العقل والدين يارب .... بالله عليكم ردوا إنتوا عليه وقولوا له مين اللي كانوا ماسكين السيوف والمولوتوف ويعتلون أسطح المنازل

هم اهالى العباسية الشرفاء اللى كانوا بيدافعوا عن نفسهم وبيوتهم ومحلاتهم ضد الفوضى المسماة 6 ابريل

http://www.youtube.com/watch?v=xlM2de9y0O0&feature=youtu.be

التلفزيون الحكومي اللي رئيسه طارق المهدي واللي طلع تامر بتاع غمره يولول زي النسوان

مش مستغرب عليه يعمل ايه حاجه

دي مناظر اهالي بذمتك !

[م تيمور المراغي]

البلطجية نوارة نجم في حوار بلطجي مجند من دول اجنبيه وكائنات فضائيه :happy:

http://www.youtube.com/watch?v=Hv1CtBRvyjU&feature=related

[م تيمور المراغي]

شوفوا يا جماعة الأمور هتهدا عند الجماعة دول في حالتين على حسب ظني

- لإما المجلس العسكري يخضع لأمريكا وساعتها الناس هتهدا أو هتديهم أمريكا بدورة تهدئة

- أو يحيبوا مجلس رئاسي تابع لأمريكا وساعتها هيبقى كله تمام والثورة بتاعتهم حققت كل أهدافها الخفية والمخفية

كلام معقول

فعلا موقف أمريكا بيفكرني بالقصة التي تروى في موت الإمام أحمد حينما كان يأتيه الشيطان ليفتنه فيقول ليس بعد

أمريكا لا تزال تفتن الثورة المصرية ، ولكن الشعب المصري في كل مرة يخرج لسانه لها ويقول ليس بعد

أسأل الله أن يتم علينا أمر هذه الثورة على خير ، كما أنعم علينا بزوال دولة الظالمين ..أمين

في الوقت الذي رحبت فيه جماعة الاخوان المسلمين بفتح قنوات اتصال مع الادارة الامريكية

رفض شباب 6 ابريل دعوة هيلاري كلينتون للقاءها وهاجم احمد ماهر بمنتهى العنف الرئيس الامريكي والادارة الامريكية لموقفها المتخاذل اثناء الثورة ودعمها لنظام مبارك

شباب 6 ابريل

ام الاجنبي !

[tarek hassan]

شوفوا يا جماعة الأمور هتهدا عند الجماعة دول في حالتين على حسب ظني

- لإما المجلس العسكري يخضع لأمريكا وساعتها الناس هتهدا أو هتديهم أمريكا بدورة تهدئة

- أو يحيبوا مجلس رئاسي تابع لأمريكا وساعتها هيبقى كله تمام والثورة بتاعتهم حققت كل أهدافها الخفية والمخفية

كلام معقول

فعلا موقف أمريكا بيفكرني بالقصة التي تروى في موت الإمام أحمد حينما كان يأتيه الشيطان ليفتنه فيقول ليس بعد

أمريكا لا تزال تفتن الثورة المصرية ، ولكن الشعب المصري في كل مرة يخرج لسانه لها ويقول ليس بعد

أسأل الله أن يتم علينا أمر هذه الثورة على خير ، كما أنعم علينا بزوال دولة الظالمين ..أمين

في الوقت الذي رحبت فيه جماعة الاخوان المسلمين بفتح قنوات اتصال مع الادارة الامريكية

رفض شباب 6 ابريل دعوة هيلاري كلينتون للقاءها وهاجم احمد ماهر بمنتهى العنف الرئيس الامريكي والادارة الامريكية لموقفها المتخاذل اثناء الثورة ودعمها لنظام مبارك

شباب 6 ابريل

ام الاجنبي !

يا باشا تحت إشراف وزارة الخارجية

ومش هيروحوا يتدربوا ولا هياخدوا معونات

بل إن معونا أمريكا من شروطها إبعاد الإخوان

تم تعديل 24 يوليو 2011 بواسطة tarek hassan

[Alshiekh]

فزروة رمضان بقى ...

حزروا فزروا لو المجلس طلع بيطخطخ في الهوا وكل اللي حيلته مقطاع من الفيش بوك وتويتر وجوجل إيرث ... إيه موقفنا كناس إنضحك علينا في فيلم حمضان شوفناه مليون مره أيام مبارك ؟

أوعى حد يقول لي ممكن الرويني يطلع ويقول : كنا بنهزر معاكم يا 6 إبريل ؟

حل الفزورة هو:

اللواء الرويني سيخرج علينا ويقول بما اننا نجحنا فى تهدئة الميدان بإطلاق الشائعات حول القبض على أحمد عز وحبيب العادلي ، ولقينا اللعبة حلوة

قررنا نعمل نفس الكلام بس علشان نشعللها ونقلب الناس على الحركة اللي عاملة لنا وجع دماغ ، فقررنا إطلاق شائعة العمالة للخارج ضد 6 ابريل علشان نخلي الشعب يكره 6 ابريل ، ولو نجحنا حنعممها على باقي الحركات ، وماتنسوش إن إحنا معانا السيد نائب الرئيس ورجالته .

[Alshiekh]

.

اخى الفاضل ارفع معى التساؤل

لماذا لم تتقدم جماعه ابريل حتى الان بالشكوى ضد المجلس على اتهاماته لهم ان كانوا صادقين ؟؟

هو انتو يابو عمر مش عندكوا في دينكوا ان البينه على من ادعى؟

تحياتي

اللي يجوز أمي ؛ أقول له ياعمي وماخرجش عليه

[م تيمور المراغي]

يا باشا تحت إشراف وزارة الخارجية

الله بقى !

مانتوا لسه بتقولوا ان الامريكان كوخه

ووحشين

واحفاد القردة والخنازير !!

كل المفردات دي اتنست خلاص !!

بعدين انهي وزير خارجيه !

العربي ولا العرابي ولا ابو العربي !! :happy:

[م تيمور المراغي]

طارق حسن هو انت في القاهرة !!

منتظر ردك ,,

[م تيمور المراغي]

بمناسبة مرور 48 ساعة على فتح التوبيك ,,

ممكن حد يجاوبني بالله عليكم

لماذا لم يعتقل حتى الآن جاسوس واحد من جواسيس حركة شباب 6 ابريل !!!

وعزة الله انا نفسي ما ارضاها على مصر

انها تترك 60 الف جاسوس يتجولون في شوارعها ويشربون من نيلها وبيجربوا يغنولها بكل حرية

ولا وشوف البجاحة كمان

المنسق العام والمتحدث الاعلامي يكذبون الاتهامات بكل عنف وعلى كل وسائل الاعلام ,,

آه يا مجلس اللي مالهمش فيها ,,

كسفتنا امام الامم !

[م تيمور المراغي]

أه صحيح ... سمعت تعليق من حوالي ساعتين في التليفزيون وقت الغدا لأحد قادة المجلس العسكري بيقول : إحنا بنحترم التظاهر السلمي والمتظاهرين المحترمين .. لكن هل المتظاهر اللي سوري خالع النصف الأعلى من ملاسه وماسك سيف ومولوتف زي اللي شوفناهم في العباسية ده يبقى متظاهر محترم ؟

ده كان قائد الجيش الثالث على ما أعتقد.

السؤال المهم اللي مش لاقي له إجابة: يا جيش ويا شرطة عسكرية، ياللي كنتم على علم بخروج المسيرة قبلها بـ 24 ساعة، لما شفتوا اللي خالعين النص الأعلى من ملابسهم وماسكين سيوف ومولوتوف، واللي لا يمكن يكونوا متظاهرين سلميين محترمين، ماقبضتوش عليهم ليه؟!

شوف الصورة دي ,,

وشوف كتف مين مع كتف مين

وانت تعرف الاجابة

وشوف معلش الصورة دي كمان

وانت تعرف مين هما شباب 6 ابريل

[Melhakim]

يا الله ... يا مثبت العقل والدين يارب .... بالله عليكم ردوا إنتوا عليه وقولوا له مين اللي كانوا ماسكين السيوف والمولوتوف ويعتلون أسطح المنازل

هم اهالى العباسية الشرفاء اللى كانوا بيدافعوا عن نفسهم وبيوتهم ومحلاتهم ضد الفوضى المسماة 6 ابريل

http://www.youtube.com/watch?v=xlM2de9y0O0&feature=youtu.be

التلفزيون الحكومي اللي رئيسه طارق المهدي واللي طلع تامر بتاع غمره يولول زي النسوان

مش مستغرب عليه يعمل ايه حاجه

دي مناظر اهالي بذمتك !

طيب يا باشا بلاش التلفزيون الحكومى وبلاش الناس اللى شكلها مش اهالى مع ان العباسية من المناطق الشعبية اللى طبيعى جدا اننا نشوف ناس شكلها عادى وبسيطة

راجل لابس بدلة وشكله محترم وبيتكلم مع الجزيرة وشكله اهالى :)

http://www.youtube.com/watch?v=yg90984GFw0&feature=player_embedded

سؤال على جنب يا تيمور باشا بعيدا عن الموضوع

هوا ايه البديل اللى ممكن يجى ويحكم بدل المجلس العسكرى فى الفترة الانتقالية اللى احنا فيها

[م تيمور المراغي]

سؤال على جنب يا تيمور باشا بعيدا عن الموضوع

هوا ايه البديل اللى ممكن يجى ويحكم بدل المجلس العسكرى فى الفترة الانتقالية اللى احنا فيها

محمد لما اشوفك انت عارف حيحصل لك ايه ههههه :happy:

شوف الاول دي صورة قبل وصول المظاهرة بساعه واقف واحد من الشرطة العسكرية بجانب شيخ البلطجية بيخططوا للفيديو اللي بعد قليل

دقق في الصورة وشوف الفيديو ونكمل كلامنا

ممكن حد يفسر لي ايه اللي في الصوره ده !

ده قبل وصول المتظاهرين بساعه

والفيديو ده لنفس العماره بعد وصول المتظاهرين !

https://www.youtube.com/watch?v=NWQMb5LNpZM

ثانيا

مين قال اننا عاوزين نخلع المجلس العسكري من الحكم !!!!!!

احنا عاوزين نضغط عليه بالوسائل السلمية المعروفة عشان يحاكم مبارك بدل ماهو متستر عليه بالمنظر المستفز ده

يا اخي اذا بليتم فاستتروا

خلاص عارفين انه ممشي كلامه عليكم استغلوا الفرصة وتخلصوا منه

ولا هو مأمن نفسه بوثائق تدينكم في لندن زي ما تقال !!!!

[se_ Elsyed]

طيب يا باشا بلاش التلفزيون الحكومى وبلاش الناس اللى شكلها مش اهالى مع ان العباسية من المناطق الشعبية اللى طبيعى جدا اننا نشوف ناس شكلها عادى وبسيطة

راجل لابس بدلة وشكله محترم وبيتكلم مع الجزيرة وشكله اهالى :)

http://www.youtube.com/watch?v=yg90984GFw0&feature=player_embedded

سؤال على جنب يا تيمور باشا بعيدا عن الموضوع

هوا ايه البديل اللى ممكن يجى ويحكم بدل المجلس العسكرى فى الفترة الانتقالية اللى احنا فيها

تصدق بالله إني إتكسفت للناس دي وأنا بأسمع كلامهم اللي بيدل إنهم مالهمش في البطيخ وحافظين كام أكلاشيه كده وبيرددوه زي البغبغانات من غير فهم :

1- المتظاهرين كانوا رايحين يسقطوا الجيش زي ما سقطوا الشرطة

2- هما كانوا جايين ينتقموا من أهالي العباسية

3- لقيناهم رايحين المجلس العسكري ووزارة الدافع وبيحرقوا وبيضربوا فيها

4- البرادعي هو اللي وراهم عشان يخرب مصر زي ما خرب العراق

5- وقنة الجزيرة كمان عاوزه تخرب مصر هي كمان

أه صحيح .. إنت سمعت الحاجات دي ومصدقها ؟

--------

هوا ايه البديل اللى ممكن يجى ويحكم بدل المجلس العسكرى فى الفترة الانتقالية اللى احنا فيها

ممكن أجاوب أنا كمان ؟

أنا شخصياً لا ضد المجلس العسكري ولا غيره

لكن ضد أي حد يقف في طريق تحقيق أهداف الثورة اللي ميعوها وتاهت في الزحمة

البديل ؟

باتذكر دلوقت بالظبط بعض الأصوات زمان اللي كانت بتقول : تقدر تقول لي مين بديل مبارك دلوقت ومين يقدر يحكم البلد دي ؟

ليه وهو المجلس العسكري كان بيحكم برضوا قبل 12 فبراير ؟

وهو الجيش ما ينفعش يحمي مصر وأهلها وحدودها واهما حاجه ثورتها وهو في ثكناته وعالحدود .. ولا لازم يكون قاعد على كراسي الحكم ؟

هناك مليون واحد ينفعوا يحكموا مصر في الفترة الأنتقالية ...

بالمناسبة .. هو الجيش اللي وقف مع ثوار تونس بيحكم دلوقت في الفترة الانتقالية برضوا ؟

----------

لو سمحتم ياجماعة حد ينزل لنا مكالمة اللوا الرويني لبرنامج صباح دريم أمبارح عشان نشوف المجلس العسكري بيبص لمصر وثورتها إزاي

[eslam elmasre]

اين الادلة التي وعدنا الجيش بتقديمها واسكات السنة الجميع بعد تقديمها

اذا كانت الادلة تقل عن اعترافات لاعضاء الحركة او تقديم تسجيلات مصرح بتسجيلها بينهم وبين الجهات الاجنبية بتنفيذ خطة معينة ( وفي هذه الحالة يستحقون تحويلهم الي النيابة وتقديمهم لمحاكمة عاجلة )

فلا تساوي عندي هذه الادلة قدر المداد الذي كتبت به

هل تظنون ان رمي الناس بالباطل شيء هين وهل اذا ادعى احدهم علي الجيش انه عميل لامريكا او اسرائيل او أي جهة فهل كنتم ستتركونه لحال سبيله ام كنتم ستضعون القيود في يديه وتحكمون عليه بالسجن لانه اتهمكم تهمة شنعاء يستحقون عليها الحبس والعقاب

اما انتم اذا حدث وكان كلامكم عار من الصحة فمن سيحاسبكم

سلاح الشعب هو التظاهر وعلي الجيش ان يستجيب للشعب لا ان يكون سوط عليه يبطش كما يشاء دون ان يحاسبه احد

انا مع الجيش اذا كان عادل ويحكم بالعدل وضده اذا كان يحكم بالباطل والادعاءات الكاذبة

[MZohairy]

• الجيش قطاع كبير منه ماكانش رافض التوريث في حد ذاته، لكن كان رافض إن جمال هو اللي ياخد الورث بعيد عن العسكر.. وطبعا هذا القطاع مبسوط مننا عشان أزحناله جمال.
• وعدد كبير من قيادات المجلس العسكري نقاوة المخلوع..وفيه بينهم ود ومصالح.. وأي محاكمة حقيقية للمخلوع.. وأي انتصار حقيقي للثورة بيهدد رقاب.
• من أول يوم 28 يناير لما دخلت أول مدرعات ميدان التحرير والشباب فرحوا بيها وهللولها، اتضح بعد كده انها بتاعة الحرس الجمهوري وكانت جايبة ذخيرة للشرطة، وانهالت عليهم الشرطة بيها، فالشباب عمل بطولات لصد المدرعات اللي جت بعد كده.
• يوم موقعة الجمل وقف الجيش يتفرج على أولادنا والجمال والخيل بتدهسهم، مافيش إلا تصرفات فردية لضابط شريف زي ماجد بولس أو أحمد شومان.. لكن الأوامر كانت للباقيين انهم يقفوا يتفرجوا.. والخيل والجمال كانت جاية من نزلة السمان للتحرير ماحدش فكر يصدها أو يمنعها.
• يوم موقعة العباسية.. الجيش وقف يتفرج على بلطجية بسكاكين وقزازيز فاضية مولتوف، ماقبضش على ولا واحد من المعتدين لكن قبض على بعض النشطاء.. صحيح أفرج عنهم صباحا، لكن مادام بيعرف يقبض ماقبضش على البلطجية ليه؟
• ماحدش من الجيش سأل نفسه ليه البلطجية ما بيهاجموش بتوع روكسي ولا مصطفى محمود؟
• الخلاصة ومن الآخر برضه.. الجيش لم يحم الثورة بدليل اللي حصل في موقعة الجمل وفي موقعة العباسية.. لكنه رفض فعلا إطاعة أوامر إطلاق النار على المتظاهرين.. مش عشان عايز يحمي الثورة.. لكن عشان القيادات الصغيرة والمتوسطة كانوا مستحيل يوافقوا ويضربوا أهاليهم عشان يحموا مصالح الروس الكبيرة المتورطة مع المخلوع.

مداخله للصحفيه الكبيره المحترمه إكرام هانم يوسف (والدة زياد العليمي) من منتدى آخر

[Melhakim]

تصدق بالله إني إتكسفت للناس دي وأنا بأسمع كلامهم اللي بيدل إنهم مالهمش في البطيخ وحافظين كام أكلاشيه كده وبيرددوه زي البغبغانات من غير فهم :

1- المتظاهرين كانوا رايحين يسقطوا الجيش زي ما سقطوا الشرطة

2- هما كانوا جايين ينتقموا من أهالي العباسية

3- لقيناهم رايحين المجلس العسكري ووزارة الدافع وبيحرقوا وبيضربوا فيها

4- البرادعي هو اللي وراهم عشان يخرب مصر زي ما خرب العراق

5- وقنة الجزيرة كمان عاوزه تخرب مصر هي كمان

أه صحيح .. إنت سمعت الحاجات دي ومصدقها ؟

الموضوع مش مصدق او لا

الهدف من الفيديو انه يبين ان اللى اتصدى للجماعة اللى كانوا جايين من التحرير للعباسية هما اهل العباسية نفسهم مش بلطجية

كون ان الناس اللى بتكلم دى مالهومش فى السياسة ومش بيعرفوا يتكلموا دى حاجه عادية جدا ومش عيب

هوا ايه البديل اللى ممكن يجى ويحكم بدل المجلس العسكرى فى الفترة الانتقالية اللى احنا فيها

ممكن أجاوب أنا كمان ؟

أنا شخصياً لا ضد المجلس العسكري ولا غيره

لكن ضد أي حد يقف في طريق تحقيق أهداف الثورة اللي ميعوها وتاهت في الزحمة

البديل ؟

باتذكر دلوقت بالظبط بعض الأصوات زمان اللي كانت بتقول : تقدر تقول لي مين بديل مبارك دلوقت ومين يقدر يحكم البلد دي ؟

اللى كان بيقول كده زمان كان واحد ماشى جنب الحيط وبيطبق مثل اللى نعرفه احسن من اللى منعرفوش والمقارنة هنا مش فى محلها لأن ظروف البلد مختلفة

ليه وهو المجلس العسكري كان بيحكم برضوا قبل 12 فبراير ؟

وهو الجيش ما ينفعش يحمي مصر وأهلها وحدودها واهما حاجه ثورتها وهو في ثكناته وعالحدود .. ولا لازم يكون قاعد على كراسي الحكم ؟

هناك مليون واحد ينفعوا يحكموا مصر في الفترة الأنتقالية ...

طيب انا عايز اسم واحد مش اكتر بس تكون الاغلبية( بلاش كل ) من القوى السياسية والاحزاب والشارع مجتمعين عليه

بالمناسبة .. هو الجيش اللي وقف مع ثوار تونس بيحكم دلوقت في الفترة الانتقالية برضوا ؟

لا الجيش مبيحكمش

----------

[tarek hassan]

http://www.youtube.com/watch?v=m6nGMf7Nuuw&feature=player_embedded#at=22

يا نهار أبيض ... ربطة الجرجير ... هو صحيح هي فيها كام عود ..... رأي عكاشة في موقعة العباسية وطايح في البرادعي والإخوان