القوات المسلحة تهاجم 6 ابريل في بيان رسمي

[eslam elmasre]

بيان جماعة الاخوان المسلمين ردا على بيان 69 من المجلس العسكري

http://www.egyptiantalks.org/invb/index.php?showtopic=124509

برافوا يا اخوان مسلمين

معلمين سياسة بحق وحقيقي

استنى بس يا استاذ اسلام

هو دا بيان من جماعة الاخوان المسلمين و لا شباب الاخوان المسلمين؟؟؟

اصلها اليومين دول تفرق

هو كل واحد فيهم شغال مع نفسه

يعني دول مرفودين من الجماعة يعني ولا ايه وضعهم بالظبط

بس بردوا ما يمنعش انهم عيال رجالة وعجبني اوي

تم تعديل 24 يوليو 2011 بواسطة eslam elmasre

[Ahmed Anwer]

النهاردة تخوين 6 أبريل بكام فيديو من عاليوتيوب

بكره ما أسهل تخوين الأخوان المسلمين دوول ممكن يجبيلوهم دلائل من 80 سنة علي الخيانة

بعدهم السلفيين ماشاء الله دول مش محتاجين دلائل كفاية تفجيراتهم و إغتيالاتهم

الأخوة الإسلاميين فوقوا !!!

ستأكلون يوم أكل الثور الأبيض

[بركة]

اذا كان البرادعي عميل امريكا و6 ابريل حركة مشبوهه وخالد سعيد مدمن ووائل غنيم ماسوني فلماذا حمي الجيش هذه الثوره ؟؟؟؟؟؟ - Copied

[tarek hassan]

http://www.youtube.com/watch?v=qqMFdF-l2lM&feature=related

من قتل الشهداء

حقائق حول القناصة في مصر والدول العربية

http://www.facebook....208134569206683

محمد عادل عضو في حركة 6 أبريل يحمل سلاح قنص !!!!

http://www.youtube.com/watch?v=sNKF3Rz5yyQ

تم تعديل 25 يوليو 2011 بواسطة tarek hassan

[م تيمور المراغي]

محمد عادل عضو في حركة 6 أبريل يحمل سلاح قنص !!!!

http://adhmsabry.blogspot.com/search/label/6%20%D8%A7%D8%A8%D8%B1%D9%8A%D9%84%20%D8%AB%D9%88%D8%B1%D8%A9%2025%20%D9%8A%D9%86%D8%A7%D9%8A%D8%B1

دي في زيارته لقطاع غزة سنة 2009 بعد ما كان من اوائل المعتصمين امام معبر رفح ونال من النظام السابق ما الله به اعلم

على فكرة دي كانت دعوه من احد عشائر المتعاونين مع حركة حماس

ومحمد عادل بالذات معروف وله مكانه خاصة في قلوب قبائل سيناء والعشائر الغزاوية

على فكره الاخوان المسلمين ليهم ميادين تدريب لاطلاق النار داخل مزارع احد القيادات في مدينة السادات انا بنفسي كنت بتدرب فيها سنة 1989 اثناء صداقتي لابن القيادي الكبير او بالاصح لابن اخ المرشد الاسبق للاخوان المسلمين

[م تيمور المراغي]

يعني اللي قنص ال 1000 شهيد مصري هو محمد عادل !!

والي اتصوروا فوق الداخلية كانت نسخ منه على اساس اننا فيلم ماتركس مثلا ههههه :happy:

طيب واللي في السويس واسكندرية !!!

انتوا بتتفرجوا على توفيق عكاشة كتير فاتعديتم منه !

صح !!

الظاهر مش المجلس لوحده اللي جات له الفره !

[م تيمور المراغي]

أعتقد - وليصححنى القانونيون إن كنت مخطئا - أن الحركة إذا رفعت الدعوى فلابد أن تكون أمام القضاء العسكرى

كلامك سليم

موقع قناة العربية \\ خبراء يؤكدون عدم جواز محاكمة ''الرويني'' أما المحاكم المدنية\\ اضغط هنا !

[م تيمور المراغي]

الصور التي أذاعها التيلفزيون المصري للزميل محمد عادل وادعي إنها تدريب مسلح في صربيا،كانت في غزة أثناء لقائه بأم المقاومة الفلسطينية أم نضال فرحات. والصورة لمحمد عادل وأم نضال

[tarek hassan]

أعتقد - وليصححنى القانونيون إن كنت مخطئا - أن الحركة إذا رفعت الدعوى فلابد أن تكون أمام القضاء العسكرى

كلامك سليم

موقع قناة العربية \\ خبراء يؤكدون عدم جواز محاكمة ''الرويني'' أما المحاكم المدنية\\ اضغط هنا !

طيب طالما بتتهموا الرويني بإنه كذاب تقدر تفسر لي

ليه كانت هناك تدريبات للقناصة وإيه علاقة القناصة بالديمقراطية ؟

وليه الثوار إتقتلوا بأسلحة غير موجودة في مصر ( ودا موجود في إحدى مداخلات الفاضل الكريم : أبو محمد )

وليه القناصة اللي كانوا فوق وزارة الداخلية منهم ناس بدقن مع إن مباحث أمن الدولة مفيش فيها حد بدقن ؟

وليه أنتم مبتتكلموشس على انتخابات ولا ديمقراطية والموضوع كله فتن في فتن ؟

وليه ظهر أحمد عادل في أكثر من صورة وهو يحمل أسلحة قنص ؟

يا عزيزي أنتم متهمون ولا أقول مدانون الآن على الأقل ؟

أتمنى أن تظهر الحقيقة كاملة ويحاكم من قتل الثوار دون الانصياع للضغوط الأمريكية أو لعملائها في الإعلام المصري

وأتمنى على الشرفاء أن يبحثوا عن الحقيقة وأن يفترضوا الافتراض الأخير وهو أنه ربما تكون الشرطة بريئة من عمليات القنص بعد ما أوردته في مداخلاتي السابقة

تحياتي

تم تعديل 25 يوليو 2011 بواسطة tarek hassan

[بركة]

نفسي المجلس يطلع اللي عنده

كل ما بسأل حد من الناس عن البيان الاخير يقوللي كلام غير منطقي .........حتى اللي كانو ضد الثورة

شكرا يامجلس الحجر نطق.

[الغريب]

ومجلس بحجم المجلس العسكري بامكانياته يرمي قنبلة ومايطفهاش لغاية الان تفتكر ايه مصلحته من استمرار حالة الغليان وهل هو حريص علي التهدئة بحق وحقيقي

سؤال مهم جدا .. وبيقلقنى جدا

أخشى أن يكون سيناريو بيتكتب لخروج مليونيات تهتف باسم المجلس العسكرى .. وبعدين يفضل الحكم العسكرى كابس على نفسنا .. أو أقل ما فيها يطلع مرشح عسكرى لرئاسة الجمهورية

تخوف منطقي جدا ، وقد أكدته في مداخلة لي سابقة بالموضوع

وكما قلت أننا ندفع الناس دفعا رغما عنهم إلى تأييد المجلس العسكري بسبب أفعال البعض الغير مسؤولة والغير محسوبة

في الفترة القادمة أخشى أن يكون التأييد الجارف للمجلس العسكري من عامة الشعب أو الأغلبية الصامتة

وحينها سيدفع الكل الثمن غاليا

والسبب أننا لم نعطي الأمور حقها ، ولم نحسب لإجراءات التصعيد حسابها

حينها ستخرج الأغلبية عن صمتها ويتمسكون بالمجلس العسكري لأنه سيكون طوق النجاة

ولو تكلم معهم أي أحد في أي إتجاه ربما يجد بثقة على وجهه

[MZohairy]

ومجلس بحجم المجلس العسكري بامكانياته يرمي قنبلة ومايطفهاش لغاية الان تفتكر ايه مصلحته من استمرار حالة الغليان وهل هو حريص علي التهدئة بحق وحقيقي

سؤال مهم جدا .. وبيقلقنى جدا

أخشى أن يكون سيناريو بيتكتب لخروج مليونيات تهتف باسم المجلس العسكرى .. وبعدين يفضل الحكم العسكرى كابس على نفسنا .. أو أقل ما فيها يطلع مرشح عسكرى لرئاسة الجمهورية

ابتديت يابو محمد تخاف من اللي انا خايف منه من كام شهر

محمد عادل عضو في حركة 6 أبريل يحمل سلاح قنص !!!!

http://adhmsabry.blo...%A7%D9%8A%D8%B1

دي في زيارته لقطاع غزة سنة 2009 بعد ما كان من اوائل المعتصمين امام معبر رفح ونال من النظام السابق ما الله به اعلم

على فكرة دي كانت دعوه من احد عشائر المتعاونين مع حركة حماس

ومحمد عادل بالذات معروف وله مكانه خاصة في قلوب قبائل سيناء والعشائر الغزاوية

على فكره الاخوان المسلمين ليهم ميادين تدريب لاطلاق النار داخل مزارع احد القيادات في مدينة السادات انا بنفسي كنت بتدرب فيها سنة 1989 اثناء صداقتي لابن القيادي الكبير او بالاصح لابن اخ المرشد الاسبق للاخوان المسلمين

:P

انا عازمك يا أرش على طبق كبسه مفتخر يستاهل بقك

[se_ Elsyed]

وليه القناصة اللي كانوا فوق وزارة الداخلية منهم ناس بدقن مع إن مباحث أمن الدولة مفيش فيها حد بدقن ؟

بس لقيتها

أنا هاعمل صفحة على الفيس بوك وأثبت إن اللي كانوا فوف وزارة الداخلية واقفين بقناصة وبدقون هما من السلفيين .. وكانوا بيقتلوا المتظاهرين العُزل عشان يوقعوا بين حسن الرويني وبين الشعب ...

وبكده نبقى خلصنا على 6 إبريل وكفاية والسلفيين في ضربة واحده ...

---------

اه على فكرة .... ظباط الداخلية أنفسهم في العديد من المواقع والبرامج كذبوا العيسوي وقالوا في قناصة في وزارة الداخلية في إدارة مكافحة الإرهاب الدولي ومكنهم الناس اللي بيلبسوا أقنعة سوداء على وجوههم ..

وعلى فكرة كمان ... امن الدولة والمخابرات ممكن تلاقيهم بدقون ... وممكن تلاقيهم على شكل شحاتين أو سائقي تاكسي أو جرسونات في مقاهي ... عادي ودي طبيعة شغلهم ..

وعلى فكرة كمان .. الجيش هو اللي جاء بمدرعات لإخراج حبيب العادلي اللي كان مختبيء زي الفار داخل وزارة الداخلية ....

والقناصة دول ما كانوش بيدافعوا عن الوزارة لكن كانوا بيدافعوا عن العادلي نفسه ...

[tarek hassan]

اللي هيعتب المجلس العسكري هنكسر له رجله (فيديو)

http://www.youtube.com/watch?v=X9bPnF5a-ZA

[se_ Elsyed]

بأقول لكم كلام وكلي ثقة في الله أولاً ثم في الشعب المصري كله ثانياً

وهو

إننا لن نُحكم بالعسكر بعد اليوم ... ولن نعود إلى عصور الظلام مرة أخرى .. وإن تاريخ 25 يناير هو الميلاد الحقيقي لمصر ....

أما مقولة إن التورتة كانت قدام المجلس العسكري لو عاوز يعمل إنقلاب ....

من غير يمين كانت البلد ولعت وكانوا ولعوا في المجلس كله لإن ما فيش قوة ولا القوة النووية حتى تقدر تردع ملايين البشر اللي نزلت الشارع ومستعدة تنزل عشان تسترد كرمتها وحريتها ...

[se_ Elsyed]

اللي هيعتب المجلس العسكري هنكسر له رجله (فيديو)

http://www.youtube.com/watch?v=X9bPnF5a-ZA

مزايدات لا محل لها من الاعراب

وناس عاوزه تركب الموجة وتكسب نقط ولو على جثث الأخرين

وهانروح بعيد ليه .... الي خدته القرعه كانت تاخده ام الشعور

[ابراهيم عبد العزيز]

اسمعوا الكلام البليغ العاقل من شيخ الازهر والذي ادان فيه احداث العباسية ورفض فيه رسميا تخوين اى معارضة

عبر الإمام الأكبر الدكتور أحمد الطيب شيخ الأزهر عن ألمه و استيائه الشديد لأحداث العباسية مساء أمس، وأدان العنف أيا كان مصدره، مؤكدا على حق التعبير السلمى والتعبير الحر عن الرأى الذى نكفله كل القوانين، والأعراف والشرائع.

ودعا الإمام الأكبر فى تصريحات له اليوم الأحد، كل الفرقاء والشركاء السياسيين إلى العمل من أجل مصر، ورفض مبدأ الإقصاء والتخوين لأى من الأطراف، داعيا إلى وحدة الصف ونبذ الفرقة والعمل على البناء لا على الهدم، حتى تمر مصر من تلك المرحلة ولكى تؤكد على نجاح ثورتها المباركة.

[se_ Elsyed]

على فكرة دي من ضمن أيات المنافق أو علامات النفاق ... إنه إذا خاصم فجر

يعني إنت حبيبي وصاحبي وكفاءه وشقيقي لحد أمبارح

لكن النهاردة لو إختلفت معاك .. يبقى الويل لك .. والملفات - بتاعت مرتضى منصور - تطلع ... وصور القناصة .. والتمويل .. والتدريب في صربيا والجبل الأسود وأقليم كوسوفو وسربرينيتشا من سنة 1948 ..... كل الحاجات القديمة دي اللي كنا شايلينها لوقت عوزه تطلع

طب إيه رأيكم إني بأتهم المجلس العسكري وأمن الدولة والمخابرات بالخيانة العُظمى ... عشان كانوا عارفين إن بيننا خونة وجواسيس وعُملاء وسابوهم وسطنا ..

وبما إن المجلس إتسرع وورط نفسه .. فالموضوع في غاية البساطة ولا يخرج عن حلين :

1- إما أن نُثبت تورط 6 إبريل وكفايه - والبقية تأتي - بوقائع حقيقية أمام القضاء العادي .. ها واخدين بالكم مش القضاء العسكري .

أو

2- المجلس يشوف له صِرفه ويطلع بقى يعتذر للناس دي ويحب على راسهم أو يقول " إحنا اسفين يا ثورة "

خلوا بالكم من نقطة خطيرة .. إحنا ماشيين في طريق تشويه الثورة وتصويرها على إنها مؤامرات أجنبية لزعزوعة الأستقرار في مصر وللأنقلاب على الحام الجميل الحلو مبارك

[mfarag]

بأقول لكم كلام وكلي ثقة في الله أولاً ثم في الشعب المصري كله ثانياً

وهو

إننا لن نُحكم بالعسكر بعد اليوم ... ولن نعود إلى عصور الظلام مرة أخرى .. وإن تاريخ 25 يناير هو الميلاد الحقيقي لمصر ....

أما مقولة إن التورتة كانت قدام المجلس العسكري لو عاوز يعمل إنقلاب ....

من غير يمين كانت البلد ولعت وكانوا ولعوا في المجلس كله لإن ما فيش قوة ولا القوة النووية حتى تقدر تردع ملايين البشر اللي نزلت الشارع ومستعدة تنزل عشان تسترد كرمتها وحريتها ...

الفاضل

هل ما حدث فى العباسبة يقربنا من التحول الديمقراطى ام من حكم العسكر

يا سيدى لقد اخطا مبارك على الرغم من امتلاكة كل شى ( جيش - داخلية - امن دولة .....) عندما اعتبر الشعب المصرى غير موجود

الان بعض الحركات ترتكب نفس الخطا مع الفارق ان معندهاش جيش و لا شرطة و ولا غيرة

الشارع المصرى الان قطاع عريض منة اصبح ضد 6 ابريل

حضرتك عمرك شوفت ثورة بدون دعم شعبى

لمصلحة مين محاولات الاحتكاك بين الجيش و بعض الثوار

و البعض على المنتدى كا بيسخر ان الجيش ميقدرش يعمل حاجة و لو دكر يعمل

طيب افرض الجيش عمل

لمصلحة مين الاصرار على وضع البنزين جنب النار

تم تعديل 25 يوليو 2011 بواسطة mfarag

[MohamedAli]

انا ارى الموضوع بسيط ولايحتاج لخلاف

ان كان قادة حركة 6 ابريل بيقبضوا من الخارج فعلى المجلس اعلان الادلة للشعب

ان لم يكن كذلك فعلى المجلس الاعتذار للحركة اما الشعب

لكن بعيداً عن الاتهامات والتخوين

حركة 6 ابريل تتصرف حالياً برعونة شديدة وقد تودي بالبلد في اتجاه الفوضى

فكلنا رأينا نتائج مافعلوه بالذهاب لمقر وزارة الدفاع وقبلها التهديد بغلق المترو كأن المجلس العسكري هو من يركب المترو!

تم تعديل 25 يوليو 2011 بواسطة MohamedAli