القوات المسلحة تهاجم 6 ابريل في بيان رسمي

[م تيمور المراغي]

من صفحة دكتور حازم عبد العظيم على تويتر

اعتقد ان كلامه يستحق التأمل

Dr. Hazem Abdelazim

@Hazem_Azim Dr. Hazem Abdelazim

المجلس العسكري : نريد أن نعرف الحقيقة وراء هذا الاتهام الخطير ل6 ابريل . في أول سابقة من نوعها لجماعة بعينها

...........

وأتمنى أن تقوم الحركة برفع الدعوى القضائية بأسرع وقت .. وأن تطالب المجلس - فى المحكمة - أن يقدم ماعنده من أدلة إن كان صادقا .. فالبينة على من ادعى .. وأهم شئ .. أرجو أن تكون المحاكمة علنية

اشكرك استاذ محمد على انصافك

وابشرك ان شاء الله الحركة والمتضامنون معها من الرموز الوطنيه حيكون ليهم رد فعل قانوني على الكلام ده يرضي حضراتكم

[بركة]

اتفق مع حضرتك الاستاذ الفاضل ابو محمد

وياريت يكون من هنا ورايح كل حاجة معلنة عشان الناس ترتاح والاحوال تستقر والاشاعات تنطفي والبلد تقوم .

[م تيمور المراغي]

انا زعلان اوي

الجيش المصري

من ايام احمس طارد الهكسوس

حتى الفريق الشاذلي رحمه الله

تناوب على قيادته خير البشر

زعلان اوي

لما الاقي بعد ظهور مبارك

ان يوصل الحال لما هو عليه الآن

البينه على من ادعى

واللي عنده ورقه ( مش كلام جرايد و مقاطع فيديو زي ما قال استاذ ابو محمد )

اللي معاه دليل واحد

يتقدم بيه للمحكمة

محكمة مدنيه طبعا

مش محكمة عسكرية و نيابه عسكرية زي ما بيدبروا لينا

بس احب والله اقول للمجلس العسكري

لحم شباب 6 ابريل مر اوي

لاننا مش وحدنا

كل شرفاء الوطن معانا

حتى من نختلف معه في الايدلوجيه و الرؤية و الاسلوب

[ابو محمود]

اذا غرتكم كثرتكم فأن الاسلاميين كانو اكثر عددآ وتصميمآايام اضطهادهم يا سادة الجيش لا يلعب واذا اتخذ موقف لا يرجع عنة هذا ليس شماتة او تحذير لانى اعرف جيدآ ان هناك من فى حركة 6 ابريل من هم اشرف ناس وثوار بحق لكن هناك من يخدعهم ويضعهم امام فوهة مدفع ليكونو الفتيل الذى ينهى مكتسبات الثورة فالعناد من شيم غير العقلاء ام الصبر والتفكير الصائب هو الحل وعدم التصعيد هو الركيزة التى لابد من العمل عليها اننا كمصريين نحترم ومجل كل من يدافع عن الثورة من اي تيار ثورى اسلامى قبطى لا نفرق وسنكتوى بنار كم ان تم الأعتداء عليكم فكلنا مصريين وكلمات الاخ ابو محمد فى محلها ويجب عدم التصعيد او تقفيل الدماغ فنحن جميعآ نعرف قوة الجهاز العسكرى وكيف انة من الممكن اختزالكم فى لحظات وهذا لا يسعدنا اطلاقآ مهما كان اختلافنا الفكرى ندعو الله عز وجل ان نخرج من تلك المشكلة بنجاح وبدون جراح رغم انى ارى ان الصدام واقع لا محالة رغم ان الفرصة ما زالت مواتية

[بركة]

والله الحال مايسرش ابدا يا استاذ محمود كلهم اولادي على رأي المثل

مصر بلدنا نصرها ربنا ونصر اللي نصروه " ان تنصروا الله ينصركم " النصر جه بس للسبب ده واقسم بذلك

النصر جه عشان الناس خرجت تنصر الحق وربنا هو الحق وخرجت تنصر الضعيف وربنا مع الضعيف

قال صلى الله عليه وسلم "انما تنصرون وترزقون بضعفائكم "

والنصر مش هيكمل الا لو الكل فضل ثابت على الحق وعشان الضعيف مش عشان اي حاجة تانية

واللهم اجعل كيد كل متآمر في نحره

وحسبنا الله عليه توكلنا وهو رب العرش العظيم .

[أبو محمد]

أعتقد - وليصححنى القانونيون إن كنت مخطئا - أن الحركة إذا رفعت الدعوى فلابد أن تكون أمام القضاء العسكرى

[م تيمور المراغي]

تويتر مولع علينا .. :happy:

من تويتر

الانتشار اللي عملناه من اول الثورة لحد دلوقتي كوووم

والبيان العسل ده كوووم تاني :))

ربنا لما يحب لجنة الانتشار

يبعتلها بيان عسكري لحد باب بيتها هههههههههههههه

البيان 70 من المجلس العسكري الي حركة 6 ابريل "كل دا اتصور لو عايزنا نذيع قول ذيع"

[ابو محمود]

أعتقد - وليصححنى القانونيون إن كنت مخطئا - أن الحركة إذا رفعت الدعوى فلابد أن تكون أمام القضاء العسكرى

عايز تقولى ان المحاكمة هتكون عادلة او نزيهة ؟؟ ام تحاول ان تنبة الاخوة فى 6 ابريل ان التيار شديد

انك تمتلك خبرة كبيرة بما يفعلة الجيش عندما يقلم اظافر خصم ما

كل سنة وانت طيب وهتشوف تراجع الحركة وغيرها ممن يؤجج الاحتجاجات ويصنع احتقان

[م تيمور المراغي]

أعتقد - وليصححنى القانونيون إن كنت مخطئا - أن الحركة إذا رفعت الدعوى فلابد أن تكون أمام القضاء العسكرى

حنرفعها ضده بصفته الرئاسية

وليست العسكريه

وليصحح لنا القانونيون

[م تيمور المراغي]

أعتقد - وليصححنى القانونيون إن كنت مخطئا - أن الحركة إذا رفعت الدعوى فلابد أن تكون أمام القضاء العسكرى

عايز تقولى ان المحاكمة هتكون عادلة او نزيهة ؟؟ ام تحاول ان تنبة الاخوة فى 6 ابريل ان التيار شديد

انك تمتلك خبرة كبيرة بما يفعلة الجيش عندما يقلم اظافر خصم ما

كل سنة وانت طيب وهتشوف تراجع الحركة وغيرها ممن يؤجج الاحتجاجات ويصنع احتقان

يعني ايه تراجع الحركة !!

[عادل أبو عمر]

[

الحل كل واحد يشوف هو بيقول إيه كويس قبل ما يقوله

المجلس

و الشيخ

و 6 إبريل

تفتكر المجلس بيقول كلام هو مش عارفه ياأستاذ عادل ومش عارف إيه تبعاته؟

أنا لا أعتقد

أستاذي أبو محمد

بالعكس أنا أتفق مع حضرتك

و أعتقد إن بيان المجلس العسكري رد فعل و ليس فعل

عشان كدة جبت فقرة الفاضل أركتيكت ( بكرة هيبدأ التصعيد ) ..

لكن واضح إن المجلس حب يستبق هذا التصعيد بهذا البيان

عزيزي أركتيكت

لو المجلس كاذب لا أنصح باتهامه بالكذب فقط و لكن بالتحرك صباح اليوم بإذن الله برفع قضية بهذا الشأن فمن شأنها رد الشبهة عن 6 إبريل

بمناسبة الكذب

هل الأستاذ عصام سلطان يكذب في الفيديو ده

http://www.youtube.com/watch?v=Mr0lqacq9Y0

و هل هناك رابط بين هذا الكلام و ظهور إشكالية الوثيقة الفوق دستورية

في انتظار تعليقك

[م تيمور المراغي]

بمناسبة الكذب

هل الأستاذ عصام سلطان يكذب في الفيديو ده

http://www.youtube.com/watch?v=Mr0lqacq9Y0

و هل هناك رابط بين هذا الكلام و ظهور إشكالية الوثيقة الفوق دستورية

في انتظار تعليقك

لا وحياتك يا عادل مافيش دماغ اسمع عصام سلطان خالص

كل ذرة في دماغنا موجهه الان ضد المجلس العسكري

وازاي حناخد حقنا منه

لما ناخد حقنا ان شاء الله حرجع للفيديو ده حاضر

تحيتي

[م تيمور المراغي]

عزيزي أركتيكت

لو المجلس كاذب لا أنصح باتهامه بالكذب فقط و لكن بالتحرك صباح اليوم بإذن الله برفع قضية بهذا الشأن فمن شأنها رد الشبهة عن 6 إبريل

المبدأ القانوني بيقول

البينة على من ادعى

حنرفع القضية ان شاء الله حلضر لكن

لو انا اتهمت حضرتك دلوقتي انك صاحب اجنده خارجيه وممول والكلام بتاع عمر سليمان ده

مش المفروض ان حضرتك تتعب وتجيب ادلة برائتك

لكن المفروض اني انا اقدم مستمدات ( محترمة ) تليق بي كمجلس رئاسي يدير البلاد مش مجلس الانس ده اللي حنخرب بيته في المحاكم والله ما حنرحمه

[ابو محمود]

أعتقد - وليصححنى القانونيون إن كنت مخطئا - أن الحركة إذا رفعت الدعوى فلابد أن تكون أمام القضاء العسكرى

عايز تقولى ان المحاكمة هتكون عادلة او نزيهة ؟؟ ام تحاول ان تنبة الاخوة فى 6 ابريل ان التيار شديد

انك تمتلك خبرة كبيرة بما يفعلة الجيش عندما يقلم اظافر خصم ما

كل سنة وانت طيب وهتشوف تراجع الحركة وغيرها ممن يؤجج الاحتجاجات ويصنع احتقان

يعني ايه تراجع الحركة !!

شوف بقى يا سيدى اشاهد الجزيرة مصر دائمآ وتم اتهام الثوار بانهم اعتدو على عمرو حمزاوى فقالو انها قلة مندثة وتم اتهامهم بتعذيب بعض البلطجية وقالو انها قلة مندثة والان يقف الجيش امام تصريحاتكم والجيش ما بيهزرش وممكن تشوف ازاى مش عارف معنديش فيديو يشرح لك لكنى اعرف جيدآ لانى خدمت بالقوات المسلحة ان الجيش يدة كالسندان شوف انت بقى والعملية مش فرد ذراع او خناقة انا شايف ان هناك شيء غلط ويجب تحاشى حدوث تفرقة واستعداء الجيش لانة فى غير مصلحة مصر اما ال6 ابريل فهى فصيل فى جسد مصر يمكن تقليمة كما قلم النظام غيرة من الفصائل

[Ahmed Anwer]

الجيش شكله لسه بيستخدم النت و الفيس بووك قريب

و فاكر إن المواضيع بسيطة و اللينك موجود علي جوجل

فبالتالي أكتب الكومنت اللي أنا عايزه

الجيش في موقف حرج لو مبيتكلموش بجد و بدلائل موقفهم وحش أووي

الهتاف الأن في الميدان

(( يا مشير يا مشير كلنا 6 ابريل ))

[ابو محمود]

عزيزي أركتيكت

لو المجلس كاذب لا أنصح باتهامه بالكذب فقط و لكن بالتحرك صباح اليوم بإذن الله برفع قضية بهذا الشأن فمن شأنها رد الشبهة عن 6 إبريل

المبدأ القانوني بيقول

البينة على من ادعى

حنرفع القضية ان شاء الله حلضر لكن

لو انا اتهمت حضرتك دلوقتي انك صاحب اجنده خارجيه وممول والكلام بتاع عمر سليمان ده

مش المفروض ان حضرتك تتعب وتجيب ادلة برائتك

لكن المفروض اني انا اقدم مستمدات ( محترمة ) تليق بي كمجلس رئاسي يدير البلاد مش مجلس الانس ده اللي حنخرب بيته في المحاكم والله ما حنرحمه

يأخ ارتيكت هل انت واع لما تخرجة من فمك ام هو طق حنك ؟

الجيش والمجلس العسكرى هم سواء وانتم تعادو قوة كبيرة لا تعلمون قدرتها على اسكات نيران قوية وليست حناجر ياريت تكون منطقى فى التحدث عن الجيش او المجلس العسكرى لانهم هم من يحكم ويمكن الانقلاب على اي شيء ولا تقولى شرطة ولا غيرة لو الجيش عايز الشرطة تشتغل هيشغلها ياريت الرسالة تكون وصلت والسلوك توصل جيدآ لان القادم اسوأ لو هناك تصادم وسلملى على المحاكم كلها انت تحت حكم العسكر ياريت بقى نفوق

[أبو محمد]

أعتقد - وليصححنى القانونيون إن كنت مخطئا - أن الحركة إذا رفعت الدعوى فلابد أن تكون أمام القضاء العسكرى

عايز تقولى ان المحاكمة هتكون عادلة او نزيهة ؟؟ ام تحاول ان تنبة الاخوة فى 6 ابريل ان التيار شديد

انك تمتلك خبرة كبيرة بما يفعلة الجيش عندما يقلم اظافر خصم ما

كل سنة وانت طيب وهتشوف تراجع الحركة وغيرها ممن يؤجج الاحتجاجات ويصنع احتقان

وانت طيب يا أستاذ محمود .. والسنة الجاية إن شاء الله تكون سنة أحسن لكل المصريين

من متابعتى للأخبار ولما حدث فى الاسكندرية على وجه الخصوص حيث روى لى شهود عيان أن المتظاهرين بدأوا بالأقاء الحجارة (بعد هتافات عدائية) على المنطقة الشمالية .. وفعلا أحرقوا سيارة شرطة (متظاهرون آخرون أنقذوا السائق الغلبان) .. أقول إن - من متابعتى - هناك من يقوم بالتصعيد "فعلا" ضد المجلس العسكرى .. وبعد أن أشار الفنجرى بأصبعه إلى "البعض" دون تحديد أى هويات ، فوجئنا اليوم - على غير العادة - أن إصبع الاتهام يتوجه إلى حركة 6 أبريل بالتحديد !!!

أنا بس عاوز أذكر ببيت الشعر اللى بيقول :

إذا رأيت نيوب الليث بارزة *** فلا تظنن أن الليث يبتسم

اللواء حسن الرويني قائد المنطقة المركزية العسكرية وعضو المجلس الأعلي للقوات المسلحة

7/23/2011 12:06:00 AM

كتب - أحمد الشمسي:

أكد اللواء حسن الرويني، قائد المنطقة المركزية العسكرية، أن وراء غضب المتظاهرين المعتصمين بالتحرير، هو إشاعة تسربت حول استخدام القوات المسلحة للعنف لتفريق بعض المتظاهرين في محافظات مثل السويس والاسكندرية.

وقال الرويني، خلال اتصال هاتفي ببرنامج (منتهى الصراحة)، على قناة الحياة الفضائية، ''ما تردد حول استخدام القوات المسلحة للعنف لتفريق المتظاهرين عبارة عن أنباء ليس لها أساس من الصحة''، مؤكدًا أن الإشاعة تسببت في غضب بعض المتظاهرين بميدان التحرير وذهابهم إلى مقر القوات المسلحة بمدينة نصر.

وأفاد شهود عيان إلى قيام أفراد من القوات المسلحة بإغلاق مداخل مدينة نصر لمنع المتظاهرين من الوصول للمجلس العسكري.

وشارك أكثر من 2000 شخص في مسيرة انطلقت من ميدان التحرير، متجهة إلى مقر المجلس العسكري في مدينة نصر، للاحتجاج على ما وصفوه بـ''قمع الشرطة العسكرية للمتظاهرين والمعتصمين السلميين في الإسكندرية والسويس وباقي المحافظات''، وطالب المشاركون في المسيرة المجلس العسكري بـ''وقف القمع واحترام المتظاهرين السلميين والمعتصمين في القاهرة والمحافظات''.

وأعتقد إننا قرينا - هنا فى المحاورات - الكلام عن تجهيز مظاهرات تتجه إلى مقر المجلس العسكرى

الخبر اللى فات ده كان الساعة 12:06 صباح اليوم .. قبلها بقى كان فيه أخبار اسكندرية والخبر ده عن السويس الساعة عشرة إلا خمسة:

الجيش يعتقل 5 أشخاص بالسويس بعد هجوم بالمولوتوف على ''الأمن الوطني''

7/22/2011 9:53:00 PM

القاهرة - (مصراوي)

هاجم نحو 15 شخصا مبنى فرع جهاز الأمن الوطني بمحافظة السويس، الواقع بجوار مجمع المحاكم بالمحافظة، بزجاجات المولوتوف، حسب شهود عيان.

وقال خالد عمر، محامى عدد من أسر شهداء ومصابي الثورة، إن بعض الأشخاص تعدوا على العميد عاطف السيد، قائد إحدى فرق الجيش المكلفة بتأمين السويس، وألقوا زجاجات مولوتوف على مبنى الأمن الوطني، وأشعلوا النيران في إطارات السيارات.

وألقت قوات الجيش القبض على نحو 5 أشخاص، وقال سيد صيام، أحد المشاركين في اللجان الشعبية، إن من بين المقبوض عليهم أحد المتظاهرين.

وأضاف أفراد من المعتصمين أن اللجان الشعبية نجحت في ضبط 2 من أمناء الشرطة يعملون مع جهاز الأمن الوطني، وسلم المعتصمون أحدهما للجيش، فيما اعترف الآخر بأنه مكلف من أحد ضباط جهاز الأمن الوطني بالسويس بالتجسس على المتظاهرين، ونقل ما يحدث له أولا بأول.

أنا مش عاوز أعلق على الأخبار .. بالنسبة لى أنا أعرف أن العسكريين مش بيحبوا يقولوا كلام فاضى .. الدرس بتاع 67 كان درس قاسى جدا

[ابو محمود]

الجيش شكله لسه بيستخدم النت و الفيس بووك قريب

و فاكر إن المواضيع بسيطة و اللينك موجود علي جوجل

فبالتالي أكتب الكومنت اللي أنا عايزه

الجيش في موقف حرج لو مبيتكلموش بجد و بدلائل موقفهم وحش أووي

الهتاف الأن في الميدان

(( يا مشير يا مشير كلنا 6 ابريل ))

يبقى الجيش هيعمل شيء غير مطمئن ويريد ان يقوم ساكنى التحرير بالتخريب او التشاحن ويبقى جتلة الفرصة

[م تيمور المراغي]

اما 6 ابريل فهى فصيل فى جسد مصر يمكن تقليمة كما قلم النظام غيرة من الفصائل

كان قلمها حبيب العادلي ولا عمر سليمان

اطمن ,,

الحق عمره ما ينهزم

[simpleDeveloper]

رسالة لكل صفوف المعارضة و لكل مؤيد للقرار من الرفقاء : إنما أكلت يوم أكل الثور الأبيض.

أنا غير متابع بشكل حى اخبار المظاهرات لبعدى عن مصر لذا لن اتدخل فى التفاصيل. فقط يجب ان نكون واضحين مع انفسنا هل نحن مع حق التظاهر السلمى ام لا. ان كانت الاجابة نعم فلايجوز باى شكل من الاشكال الغاء حق لاى فرد من التظاهر باى حجة كانت , لكن لنبدأ فى الحوار. الانقسام لن يفيد اى طرف من اطراف المعارضة - و الكل سيخسر ان شق الصف.

فقط دقيقة تفكير لكل مواطن مصرى - بغض النظر عن الاختلافات الفكرية بين الاطراف لكن الدولة فى مصر ليست مستقرة بالشكل الكافى لبدء التناحر و الانقسامات.