القوات المسلحة تهاجم 6 ابريل في بيان رسمي

[م تيمور المراغي]

تعرفوا لو الناس دي فعلا كويسين وعاقلين

كانوا دعوا مجموعه من النشطاء من مختلف التيارات اخوان سلفيين ليبراليين كله

واجتمعوا معهم وعرفوا طلباتهم وحددوا جدول زمني لتنفيذها

انما اجندات و عملاء !!

ايه ده !

ماجابوش مجموع لا طب ولا هندسه ولا سياسه واقتصاد فاتبلينا احنا بيهم !

[م تيمور المراغي]

عن احد النشطاء

6 ابريل مستهدفة لأنها رأس حربة الثورة التي لا يريد المشير وعصابته أن تكتمل حتى لا تحرمهم من امتيازاتهم وملياراتهم ... نعم 6 ابريل حركة لها أجنده وهي تحرير مصر من حكم العسكر والانتقال بها لنظام حكم مدني (حقيقي) ديموقراطي رشيد ... أما أجندة المجلس العسكري فهو العودة بمصر الى عهد مبارك بوجوه وأسماء جديدة وهو في سبيل ذلك يستكمل تنفيذ مخطط الكلب عمر سليمان لتشويه قوى الثورة والضغط على الشعب لينقلب عليها.

[م تيمور المراغي]

البيان 69 بيقول

إيماناً من المجلس الأعلى لاستمرار التواصل مع الشعب المصري العظيم وشباب الثورة، وبالإشارة إلى الخطوات الإيجابية التي تحققت خلال الأيام الأخيرة والتي تهدف إلى تحقيق المطالب المشروعة لثورة 25 يناير؛ إلا أن تحقيق هذه الخطوات الإيجابية قد تعارضت مع المصالح الشخصية لبعض الحركات السياسية ذات الأجندات الخاصة، والتي بدأت في التحريض لزرع الفتنة بين الشعب والقوات المسلحة لذا يُرجى العلم بالآتي:

1- لا صحة مطلقاً لما تردّد عن قيام القوات المسلحة باستخدام العنف ضد المتظاهرين في الإسماعيلية والسويس أو أي مدينة أخرى.

2- إن الفتنة التي تسعى إليها حركة شباب 6 إبريل لوقيعة الجيش والشعب، ما هي إلا هدف من الأهداف التي تسعى إليها منذ فترة وفشلت بسبب الخطوات التي اتخذت أخيراً.

يدعو المجلس الأعلى للقوات المسلحة كل فئات الشعب إلى الحذر، وعدم الانقياد وراء هذا المخطط المشبوه الذي يسعى إلى تقويض استقرار مصر، والعمل على التصدّي له بكل قوة.

والله الموفق،،،،

الجيش انكر ان الشرطة العسكرية بيضربوا المتظاهرين في اي مدينة

حركة رصد نزلت فيديو بيأكد ضرب وسحل المتظاهرين !

بالتالي البيان ده فشنك

اي كلام يعني

ولسه التقيل ورا

بس حاجه حاجه ,,

www.youtube.com/watch?v=c6TOHpIeocY

[ابراهيم عبد العزيز]

مع أنني أرى ان غالبية الاخوة فى الموضوع يهاجمون حركة 6 ابريل

إلا أنني واثق ومتاكد تماما أن حركة 6 ابريل هى حركة وطنية مصرية مخلصة

وما الهجوم الذي يحدث عليها الان ومحاولات تشويه صورتهاإلا لأنها الحركة الثورية الوحيدة التي لم يستطيع احد ترويضها حتى الان , ومازالت تمثل رأس حربة الاحتجاجات ما بعد الثورة , ومتابعة سريعة على تاريخ الثورات العالمية نجد انه لا توجد ثورة يقوم بها أهلها وبعد نجاحها فى اسقاط النظام يخرج الناس ليقولوا ( خلاص انتهت الثورة والكل لازم يهدأ !!!) لان اسقاط النظام فى اى ثورة هو البداية فقط وليس نهاية اذا اراد اهل الثورة أن تاتي اكلها , ونظرة سريعة فى تاريخ الثورات فى العالم نجد ان مرحلة ما بعد الثورة أهم بكثير من الثورة ذاتها وهى المرحلة التي يتصدى لها بقايا الانظمة الساقطة بشراسة اكبر من التصدي للثورة ذاتها لانها مرحلة ينتج عنها ازالة ما تبقى لهم من نفوذ .

وعلما أنني اختلف مع البعض ممن توجهوا أمس الى المجلس العسكري امس لانه بذلك يساعدون المحاولات الرامية لزرع الفتنة بين الشعب والجيش

[Diab]

ائتلاف شباب الثوره و بعض القوي السياسيه تطالب بتأجيل شهر رمضان لأن مافيش حد مستعد له غيرا الاخوان و السلفيين :D

شرف:إذاعة المحاكمات بعد الإفطار بدل ما الناس تشتم القاضي وتخسر صيامها

العيسوي:لا يوجد لدينا مدفع إفطر

عمرو حمزاوى:أرفض بشدة مايسمى بـ "قمر الدين".و على التيارات الإسلامية أن تكف عن خلط الدين بالقمر

=-=-=-=-=

بس حد خد باله من عنوان الموضوع

القوات المسلحة تهاجم 6 ابريل في بيان رسمي

أخيرا

طارق حسن من أخوان المنصورة وخريج الأزهر

تم تعديل 23 يوليو 2011 بواسطة Diab

[طارق مصرى]

ليه ميكنوش اللى بيضرب فى الفيديو ده من البلطجية زى اللى تم تعليقهم على عواميد النور ؟ايه الدليل انه من الثوار الشرفاء؟ الفيديو مفهوش هجوم عام على المتظاهرين ثم إن الفيديو جايب رد فعل الجيش مع الشخص ده عاوزين نعرف هو عمل ايه الاول معقول مسكوه كده من غير اى لازمه؟

[se_ Elsyed]

أنا الحمد لله لأ أنتمي لـ 6 إبريل ولا 15 ذو القعدة ...

وأرفض كثيراً من تصرفاتهم المتسرعة ...

لكن إذا كنت بأرفض تصرفاتهم وهما مجرد حركة سياسية .. قيراط

فأنا أرفض تصرفات المجلس العسكري الحاكم 100 قيراط

لإنه حاكم ولإن بيده السلطة ...

ولإن تباطئة وتواطئة في بعض الأحيان شيء مُثير للريبة والدهشة

وما حركة تنقلات الشرطة والتغيير الوزاري الأخير ببعيد

6 شهور كاملة يا سادة

6 شهور وإحنا بندور في حلقة مفرغة .. وفي الأخر يقول لك بندرس تطبيق قانون الغدر على اللي خربوها لمدة 30 سنة وهما كانوا في غفلة عاوزين يطلعوهم براءة ... فاكرين براءة زكريا عزمي وفتحي سرور وإبراهيم كامل ؟

هاتقول لي ده القضاء .... قول والله ؟ وعلانية المحاكمات قضاء ... والاتهامات اللي لم توجه لمبارك ولمراته حتى الان .. قضاء

وعادل عبد السلام جُمعه المشبوه .. قضاء ؟

يبقى مين اللي بيحمي الثورة ومين ضدها ؟

وكل واحد يسأل نفسه .. لو ما كانتش الحركات السياسية دعت إلى إعتصامات 8 يوليو ... كان هايبقى إيه الوضع ؟

عارفين كلنا طبعاً كان هايحصل إيه ... نفس اللكلكة والتهتهه بتاعت عصام بيه وفي معوكات بتعوكني عشان أنا معوك ... بقى 6 إبريل بتعوكك ... طب إزاي إشرح لنا عشان نمدهم على رجليهم ونملص ودانهم ؟

عُمركوا شوفتوا رئيس حكومة بيوجه كلمة هامة للشعب بعد تغيير ثوري - ده المفروض - ويقول في كلمته .. مش عاوز أطول عليكم ؟؟؟؟؟؟؟ وكل مره يتكلم ما تفهمش منه حاجه ولا تفهم خطوات ولا خطة عمل ولا حاجه ابداً

وكانت هاتبقى نفس الولولة بتاعت الوزرا الفاشلين وإن البلد رايحه في داهية لا محالة

ونفس المحافظين بتوع الحزب الوطني موجودين

يا ناس يا هو يا عالم يا اصحاب العقول ... حصلت في الدنيا منذ بدء الخلق إن ثورة تقوم على نظام فاسد وتقتلعه ... ثم نجد كثر من ذيول هذا النظام هي برضوا اللي تُحكم وتُسير الأمور بعد الثورة وتحقق أهدافها ؟

حصلت في الدنيا إننا نسمع أفواة وكلمات حمضانة في عز الثورة ( كنتاكي ... عمالة .. تمويل من بره .. 5000 ج لكل متظاهر .... أجندات وكراسات صفحة وصفحة من غير جلاد ) ... والناس تضحك ملء أفواهها .. ثم بعد الثورة تسمع برضوا نفس الكلام ده ... طب إزاي ؟

بيقول لك فايزة ابو النجا شغالة على الملف ده وهاتفضح الكل على الملأ .. ماشي يا ست فايزة ... وأعتقد إن حركة 6 إبريل وغيرها يهمها برضوا تعرف الحقائق وتعرف دخل حساباتهم كام

أقسم بالله على قناة العربية أمس إستمعت لنص تحقيقات النيابة مع عُمر سليمان وقال بالحرف الواحد ( الأمور كانت ماشية إلى حد ما كويس يوم 25 و 26 و 27 يناير وكانت الشرطة بتفض المظاهرات والمتظاهرين بيتفرقوا بالليل ويتجمعوا الصباح فقط .. وكان النظام متخوف من نزول الاخوان للمظاهرات .. لكن فجأة - وخير اللهم جعله خير - رصدت المخابرات المصرية وجود إتصالات بين الأخوان المسلمين وبين حركة حماس في غزة ثم فجأة حدثت جُمعة الغضب يوم 28 يناير التي نزل فيها الأخوان للشارع )

وعيشوا وفسروا إنتوا بقى

يعني الجميع خائن والجميع تواطأ ومافيش حاجه مصرية خالصة

[م تيمور المراغي]

إبريلي وافتخر !

[م تيمور المراغي]

طب مادام بلطجيه يا طارق

ليه البيان جاب سيرة شباب 6 ابريل !!!!!!!!!!!!!

[se_ Elsyed]

إبريلي وافتخر !

غلطان يا تيمور .. المفروض إنتماءك الاول يكون لمصر ... وتعترف إن لو حركة 6 إبريل طلع عليهم اي شبهات يبقى لازم تتبرا منهم فوراً

[abdulmuttaleb]

عن احد النشطاء

6 ابريل مستهدفة لأنها رأس حربة الثورة التي لا يريد المشير وعصابته أن تكتمل حتى لا تحرمهم من امتيازاتهم وملياراتهم ... نعم 6 ابريل حركة لها أجنده وهي تحرير مصر من حكم العسكر والانتقال بها لنظام حكم مدني (حقيقي) ديموقراطي رشيد ... أما أجندة المجلس العسكري فهو العودة بمصر الى عهد مبارك بوجوه وأسماء جديدة وهو في سبيل ذلك يستكمل تنفيذ مخطط الكلب عمر سليمان لتشويه قوى الثورة والضغط على الشعب لينقلب عليها.

النغمة دي زادت أوي،

هي الفورة أو الثورة دي قام بها الشعب المصري، وللا الإخوان المسلمين، وللا حركة 6 إبريل؟!!!!!

وإذا كانت حركة 6 إبريل هي رأس الحربة، فممكن نتعرف على بقية الأحد عشر لاعبا؟؟؟

تم تعديل 23 يوليو 2011 بواسطة abdulmuttaleb

[م تيمور المراغي]

إبريلي وافتخر !

غلطان يا تيمور .. المفروض إنتماءك الاول يكون لمصر ... وتعترف إن لو حركة 6 إبريل طلع عليهم اي شبهات يبقى لازم تتبرا منهم فوراً

عشان اوضح لك الصورة

الناس دي انا عرضت عليهم ارسال اموال والله الذي لا اله الا هو اليهم مجموعه تبرعات وصلت تقريبا 80 الف جنيه مصري

وكان الرد بالرفض !

رغم انهم مصريين

وانا احد الاعضاء

حاجه اهم

انا داخل الكواليس وشايف بعيني ادق التفاصيل

يعني اقول على الغريب مثلا انه ماسوني

او ان حسام عبد الفتاح بيعبد االاصنام

حتصدق !

فيه حاجات بتتعرف اذا كان اللي قصادك مخلص وحيضحي برقبته ومستقبله ولا مسيس وممول

6 ابريل اشراف يا احمد لاهما خونه ولا عملاء ولا جواسيس

وبيني وبينك ال 48 ساعه الجايين

لان المجلس ده لو محترم

يقدم مستندات ( محترمه ) للنائب العام

زي ماتحديناه بدل المره الف مره

ولكنه لن يفعل لسبب بسيط جدا

انه ماعندوش ورقه توحد ربنا

شوفت بيان رقم 70

اقرأ اخر فقرة

بيقول لك انه لاحظ على مواقع الانترنت كذا وكذا !!!!!!!

الباشا بيعمل سيرش على جوجل فجاب التايهه

والله ما حنسامحه

[م تيمور المراغي]

عن احد النشطاء

6 ابريل مستهدفة لأنها رأس حربة الثورة التي لا يريد المشير وعصابته أن تكتمل حتى لا تحرمهم من امتيازاتهم وملياراتهم ... نعم 6 ابريل حركة لها أجنده وهي تحرير مصر من حكم العسكر والانتقال بها لنظام حكم مدني (حقيقي) ديموقراطي رشيد ... أما أجندة المجلس العسكري فهو العودة بمصر الى عهد مبارك بوجوه وأسماء جديدة وهو في سبيل ذلك يستكمل تنفيذ مخطط الكلب عمر سليمان لتشويه قوى الثورة والضغط على الشعب لينقلب عليها.

النغمة دي زادت أوي،

هي الفورة أو الثورة دي قام بها الشعب المصري، وللا الإخوان المسلمين، وللا حركة 6 إبريل؟!!!!!

وإذا كانت حركة 6 إبريل هي رأس الحربة، فممكن نتعرف على بقية الأحد عشر لاعبا؟؟؟

روح اسأل المجلس العسكري

حط ليه اسمنا لوحدنا في البيان

بيت الشعر بيقول

وان اتتك مذمتي من متواطئ

فهي شهادة لي باني كامل

[طارق مصرى]

اولا: انا لا اجزم انه بلطجى حاشا الله ان اتهم احد بغير علم ان قلت فيه احتمال

ثانيا : ليه بتربط بين بيان المجلس العسكرى حول حركة 6 ابريل و بين الفيديو ده ؟ ارجع تانى و اقولك ان الفيديو يظهر هجوم فردى و ليس هجوما عاما لتفرقة المتظاهرين .

[م تيمور المراغي]

ماهما استفردوا بكل مجموعه لوحدها

اللي يلاقوه راجل ومش بيهرب بينزلوا فيه ضرب زي ماشوفت

حتى لو بلطجيه يا سيدي

انا حديك عقلي انهم فجأه بقوا بيقبضوا على البلطجيه الحمد لله بامارة موقعة الجمل لما قعدوا يتفرجوا ماعلينا

هل ده يديهم الحق بضرب وركل البلطجيه بالشكل ده !

[abdulmuttaleb]

تعرفوا لو الناس دي فعلا كويسين وعاقلين

كانوا دعوا مجموعه من النشطاء من مختلف التيارات اخوان سلفيين ليبراليين كله

واجتمعوا معهم وعرفوا طلباتهم وحددوا جدول زمني لتنفيذها

انما اجندات و عملاء !!

ايه ده !

ماجابوش مجموع لا طب ولا هندسه ولا سياسه واقتصاد فاتبلينا احنا بيهم !

يا ريت نعمل امتحان آي كيو

IQ

لنشطاء الثورة ولضباط الجيش ونشوف مين ح يجيب أعلى درجات، دي نقطة تعليقا على حكاية المجموع، رغم أنها تناقش دعاوى انهيار التعليم وكونه ينتج عيال حفيظة مش فاهمة حاجة، لكن نفوتها.

الطلبات والجدول الزمني، هو أصلا ايه الطلبات المتفق عليها?

أحب أفكر سيادتك بالمطالب الأصلية لميدان التحرير أيام هوجة يناير

المطالب الأصلية لميدان التحرير - وإن كنت ناسي أفكرك

وبعدين بلاش والنبي حكاية المماطلة دي، علشان بقت موضة قديمة حضرتك..

أنا قلت هنا على مدونتي الخاصة (لماذا لن أنزل التحرير 8 يوليو):

من اللا منطقي أن نتحدث عن المجلس الأعلى للقوات المسلحة، أو عن ثوار التحرير بمقياس أو بمعيار واحد. كلنا بشر وكلنا إيجابيات وسلبيات، ولولا هذا الكوكتيل لما كنا بشرا أو بني آدمين. الشخص الذكي هو الذي يستخدم ذكاءه في توظيف إيجابيات الآخرين، وتلافي سلبياتهم للوصول لأهداف مشتركة أو شخصية.

الغباء هو التنديد ببطء المحاكمات ومماطلة إجراءات التقاضي، في حين أن قضية مصمم الأزياء محمد داغر الذي قتل أول إبريل 2011م بشقته في المهندسين، لم تبدأ أولى جلسات التقاضي أمام محكمة الجنايات إلا في نهاية الأسبوع الأول من شهر يوليو 2011م الجاري. وهذا رغم أن المتهم قبض عليه خلال النصف الأول من شهر إبريل 2011م.

هذه يا سادة يا كرام قضية قتل عادية وربما يعتبرها ضباط المباحث قضية روتينية أوراقها وتفاصيلها ليست معقدة وليست متشابكة، ورغم ذلك هنالك فارق زمني أكثر من ثلاثة أشهر بين وقوع الجريمة وإحالتها للمحكمة من جهة، وبين عقد أولى جلسات المحاكمة فعليا. وبالمناسبة ففي أولى جلسات المحاكمة انتقد رئيس المحكمة ميدان التحرير وأجل الجلسة للنطق بالحكم في سبتمبر2011م.

الغباء المستحكم هو إغفال قرار المجلس العسكري بخفض عجز الموازنة ورفض الاقتراض من الخارج، وهو القرار الذي رفع مستوى تصنيف الائتماني للاقتصاد المصري طبقا لمؤسسة فيتش الدولية. رفع التصنيف الائتماني يؤثر إيجابا على مستوى الأسعار، ومرونة الاستيراد والتصدير، ويعكس ثقة أكبر في مؤسسات الاقتصاد وهياكله الإجرائية.

الغباء الأعمى هو الهجوم على السلطات الأمنية بما فيها الشرطة العسكرية ووزارة الداخلية، رغم أن مليونيات التحرير كانت تمر بسلام، ولولا جهود الأمن (رغم ما لاقاه من همجية وبلطجية) بشقيه السري والعلني لما مرت المليونيات والتجمعات الكبيرة للمواطنين بسلام. فقط تخيلوا لو أن شخصا مجنونا رفع مسدسا وأطلق رصاصتين وسط جموع البشر الهادرة، سيلقى العشرات حتفهم فقط من الصدمة العصبية ومن التجمهر والتزاحم. عدم حصول هذا هو أولا وأخيرا بفضل الله سبحانه، ثم بفضل جهود غير منظورة لمنظومة الأمن المصرية من الجيش والمخابرات والداخلية.

ليس معنى كلامي أعلاه أن المجلس العسكري أو قادته أو ضباطه هم ملائكة، بالعكس: هم بشر مثلنا لهم ما لهم وعليهم ما عليهم.

غياب الموازنة بين الحسنات والسيئات هي معضلة تواجه المجتمع المصري وخصوصا طبقة الثوار والنخبة، وهم الذين لم يتفقوا حتى على منصات ميدان التحرير اليوم الجمعة (جمعة الإصرار)، رغم الإعلان عن توحيد المنصات سابقا.

اليوم في جمعة الثورة أولا هنالك خمس أو ست منصات ما بين منصة للمجلس الوطني وأخرى لجماعة الإخوان المسلمين والجمعية الوطنية للتغيير، وثالثة لحزب الجبهة الديمقراطية ورابعة لحركة السادس من إبريل وهكذا. بل تم توزيع منشورات للدستور أولا (ودعايات للإخوان المسلمين) على عكس ما أعلن عن توافق القوى السياسية على عدم الترويج لا للأحزاب، ولا الجماعات ولا للانتخابات أولا ولا للدستور أولا.

حتى حمدي قنديل بعد إعجابه بالدكتور محمد البرادعي انقلب إلى النقيض وهجا الرجل وتحدث عن مصلحة المجاري في القاهرة الكبرى، بل حتى وزراء الحكومة أنفسهم يصرحون في جلساتهم الخاصة بالغضب من ميدان التحرير وابتزاز ثواره لمشاعر العامة والبسطاء والعهدة على عماد الدين حسين في الشروق.

لست أدري لماذا يرتبط الحديث أحيانا عن ثوار ميدان التحرير بالغباء (وأحيانا البلطجة أو الهمجية). لقد تحدثت أعلاه عن الغباء، والغباء المستحكم، والغباء الأعمى.

أما الغباء الذي يجعلني لا أنزل للتحرير وراء النازلين، فهو غباء الثوار أنفسهم الذين يهتفون ليل نهار: يا ليتنا لم نترك التحرير، لقد خدعنا في عصام شرف (وهم الذين رفعوه على الأعناق)، مش حاسين بتغيير، يجب تطهير وزارة الداخلية، إلى آخر الشعارات والنداءات الزاعقة.

فإذا كان هؤلاء الثوار وخلفهم الجماعات والأحزاب والتيارات والنخبة والكنبة، إذا كانوا جميعا لم يستطيعوا إدارة الأمر في موضوع متعلق بجمهورية مصر العربية، فكيف أئتمنهم على مستقبل وطن، أو إدارة حكومة، أو حتى توزيع أنابيب بوتاجاز مدعم؟!

وعلى رأي الدكتور المعتز بالله عبد الفتاح المستشار السياسي لرئيس الوزراء د.عصام شرف في نقله لمقولة رنا من المنصورة: لو لم نكن نحن، لما كان مبارك.

http://www.youtube.com/watch?v=gjWDWFOy_KA

دمت بود ولك خالص الاحترام.

تم تعديل 23 يوليو 2011 بواسطة abdulmuttaleb

[م تيمور المراغي]

استاذ عبد المطلب انا تهت منك !

حضرتك البيان والتوبيك بيتكلموا ان 6 ابريل اصحاب اجندات خارجيه تهدف للايقاع بين الشعب والجيش

حضرتك موافق ع الكلام ده ولا معترض !

المطالب اللي في الصورة دي كانت في انهي يوم !!

ومين اللي حطها !

اصلي بشوفها مع الاسلاميين كتير اوي كان شعب مصر كتبها بدمه !

[م تيمور المراغي]

تم الغاء اللقاء التليفزيوني لاحمد عبدالله و هاني خورشيد اعضاء حركه 6 ابريل الان في برنامج يسعد صباحك علي القناه الثانيه و تم ابلاغهم انها تعليمات امنيه بمنعهم من الظهور في البرنامج

[se_ Elsyed]

مرة أخرى يرتكب المجلس العسكري نفس أخطاء جهاز الشرطة الغابر واللي خلى الشعب كله يتحرك يوم عيدهم يوم 25 يناير عشان يقول كفايه حرام عليكم إحنا عاوزين الحرية من العسكر ومن الشرطة

والغلطة هي أن تحل المشاكل كلها حلاً أمنياً

أسحل 6 إبريل

أنفخ 6 إبريل

خلي 6 إبريل عبرة لكل اللي يفتح بؤه

ومرة أخرى يلعب المجلس العسكري نفس لعبة ظباط الأمن المركزي مع المتظاهرين من عشرات السنين .. يقفوا هما خلف الصفوف ... ويبرمجوا العساكر الجهلة اللي للأسف بيتم إختيارهم فرز رابع على رأي اللواء فؤاد علام ظابط أمن الدولة الشهير ... يعني يبختاروا ناس ما بتفهمش .... والمجلس دلوقت بيعاملنا زي عساكر الأمن المركزي وعاوز يبرمجنا على إن 6 إبريل هي اللي خربتها .. و6 إبريل هي اللي سرقت عجلة الإنتاج بالمفناخ وسابونا على الجنط .. و6 إبريل هي اللي بتعوك عصام شرف لحد ما بقى معوق ... وأنا هاقف بعيد أهو يا شعب ومش هاستخدم القوة .. وبِسك إنتوا عليهم عشان نطهر البلد من 6 إبريل الوحشين .

فإذا كانو 6 إبريل هما اللي بهدلونا خلال الـ 6 شهور الماضية ومخليين نفس حكومة الحزب الوطني هي اللي تحكم بنفس العقليات حتى الأن ..

يبقى أنا من هنا ورايح 6 إبريل ... لأني الحمد لله بأفهم .. وعُمري لا كُنت ولا هاكون عسكري أمن مركزي

[م تيمور المراغي]

يعني لا فيه مستندات طلعت ولا بلاغ اتقدم ولا تحقيق اتفتح !!

تفتكروا لسه نايمين :happy:

اللهم طولك ياروح