القوات المسلحة تهاجم 6 ابريل في بيان رسمي

[tarek hassan]

يعني لا فيه مستندات طلعت ولا بلاغ اتقدم ولا تحقيق اتفتح !!

تفتكروا لسه نايمين :happy:

اللهم طولك ياروح

الواحد حط الموضوع صبح لقاه 100 مشاركة ومعرفتش أقرأ غير نصف المشاركات

أنت مستعجل ليه يا أخ تيمور دايما عايز محاكمات عاجلة وعادلة .... القوات المسلحة يومها بسنة وبيتأنوا قوي

بس مش عارف ليه قالوا الكلام ده في البيان 67 إشمعنى الرقم ده وكأن فيه اعتداء إسرائيلي على مصر بمباركة أمريكا أنا شايف إنك تتدارى اليومين دول علشان فيه اتفاقيات تسليم بين الدول العربية

هههههههههه

تحياتي

تم تعديل 23 يوليو 2011 بواسطة tarek hassan

[abdulmuttaleb]

استاذ عبد المطلب انا تهت منك !

حضرتك البيان والتوبيك بيتكلموا ان 6 ابريل اصحاب اجندات خارجيه تهدف للايقاع بين الشعب والجيش

حضرتك موافق ع الكلام ده ولا معترض !

المطالب اللي في الصورة دي كانت في انهي يوم !!

ومين اللي حطها !

اصلي بشوفها مع الاسلاميين كتير اوي كان شعب مصر كتبها بدمه !

كل أصدقائي الأعزاء من عينتك الثورية بيتوهوا مني:)

بيان مبدئي زي ده أكيد له توابعه من توضيحات من الجيش، وفعلا سمعت أن اللواء سامح سيف اليزل امبارح طلع ع الفضائية هاتفيا وأكد تورط 6 إبريل

وللا هو المجلس العسكري حلو وأمور وشربات لما يطلع بيانات ضد فلول الحزب الوطني، وكخة وعيب وحرام ووحش لما يقرب ناحية قدس الأقداس ميدان التحرير؟!!!

بخصوص تعليق حضرتك على مطالب التحرير اللي كانت موجودة قبل تنحي الرئيس مبارك، واللي كانت على عمارة كاملة يا راااااااااااااااااجل طيب، تقوللي مين اللي حاطها، عايز تفهمني إن الميدان بجبروته لو كان الناس فيه معترضين على المطالب مكانوش ح يجيبوا العمارة نفسها الأرض!!!!!!!!!!!!!!!!!!

ده القنوات الفضائية ما كانتش بتقدر تعتب الميدان بدون رضا مولد سيدي الميدان، فما بالك بيافطة كبيرة ضخمة على عمارة في قلب الميدان في عز أيام الثورة!!!!!!!!!!!!!!!!!!!!!!!!!!!!!

بس تعليق حضرتك فيه ميزة، إني عرفت إن فيه نوعين من المطالب الثورية:

نوع بيكتب بالدم، وده فرست كلاس حاجة زبد الزبادي نوع فاخر مفتخر.

نوع بيكتب على عمارة في قلب ميدان التحرير، وده سيكند هاند.

إلا بخصوص مين اللي حط اليافطة دي، هو مين اللي حدد ميدان التحرير نقطة لتجمع المتظاهرين؟ واشمعنى ميدان التحرير؟

ومين حدد يوم 25 يناير كبداية التظاهر؟

نهارك سعيد أخي العزيز رغم اختلافي معك.

[Diab]

وعشان الحيرة تزيد

هو مين مع مين

ومين ضد مين

تم تعديل 23 يوليو 2011 بواسطة Diab

[se_ Elsyed]

وعشان الحيرة تزيد

هو مين مع مين

ومين ضد مين

أنا مش شايف بروبليم يا دبدوب

يعني أنا لو كنت سلمت في مره على زكريا عزمي أبقى من الفلول ؟

طب ما أسامه الغزالي حرب كان فِل قبل كده وكان في لجنة السياسات وأستقال ؟

طب ما هو مجلس شعب 2005 كان فيه 88 عضو من الأخوان وبالتأكيد لهم الاف الصور مع فتحي سرور وزكريا عزمي وأحمد عز والشلة بتاعت بورتو طُره ؟

إذن العبرة بالأفعال المُعلنة .. وليس بالصور الفوتوغرافية

[الغريب]

أنا بجد حزين لما آلت إليه الأمور

خايف أؤيد حركة شباب 6 إبريل ، وأتغافل عن بعض الروائح الغير جيدة والتي ظهرت منها (وأشرت لأحدها في موضوع سابق)

خايف أؤيد المجلس العسكري يطلع البيان رقم 89 يتهم السلفيين بالعمالة وتلقي تمويل سعودي

أعتقد أنه لابد أن يقف المجلس العسكري وحركة 6 إبريل أمام القضاء ليتثنى للمواطن البسيط أن يحسم أمره

[se_ Elsyed]

أنا بجد حزين لما آلت إليه الأمور

خايف أؤيد حركة شباب 6 إبريل ، وأتغافل عن بعض الروائح الغير جيدة والتي ظهرت منها (وأشرت لأحدها في موضوع سابق)

خايف أؤيد المجلس العسكري يطلع البيان رقم 89 يتهم السلفيين بالعمالة وتلقي تمويل سعودي

أعتقد أنه لابد أن يقف المجلس العسكري وحركة 6 إبريل أمام القضاء ليتثنى للمواطن البسيط أن يحسم أمره

الحل بسيط يا غريب

ويتمثل في أن تقف مع الحق ... وتعلم جيداً أننا جميعاً بشر .. لنا ما لنا وعلينا ما علينا

وإننا نُخطيء ونُُصيب

نجهل ونتعلم

لكن عشان تجارب تمر علينا .. ويا ريتها بعيدة .. لكن دي مُنذ أيام قليلة ولا نتعلم منها ... يبقى ده مُنتهى الغباء عفواً يعني

وأقصد هنا أخطاء المجلس العسكري التي يُصمم على إرتكابها بمنتهى الكِبر والصلف ..

يعني كل مصر ضحكت وسخرت من إتهامات العمالة والكنتاكي وحفلات الجنس الجماعي التي تُقام في التحرير ... وكنا نعلم أن من كانوا هناك هم أشرف من فينا

وبالرغم ذلك يأتي المجلس ليُكرر نفس الأخطاء بنفس الطريقة والألية

يا أخي معاك أدلة إظهرها وإسحل الناس دي بالقانون ...

يا أخي فلقتونا إنتوا وعصام شرف بالكلام عن المؤامرات وأعداء الثورة وكأنكم بتخوفونا بأمنا الغوله أو أبو رجل مسلوخه اللي موجودين في خيالكم بس

ولما أنتو كحكام تتكلموا كلام مُرسل .. وعفواً عبيط وبدون أدلة ويمين وشمال وكلام في الهوا

بالرغم من إن امن الدولة عندكم .. والمخابرات عندكم ... والشُرطة عندكم ... لأ والبنوك كمان عندكم ... يعني بكبسة زر واحدة تعرف مين جاله كام ومن فين

أومال الناس العادية اللي زينا تعمل إيه ؟

خايف أؤيد المجلس العسكري يطلع البيان رقم 89 يتهم السلفيين بالعمالة وتلقي تمويل سعودي

حصل وعلى عينك يا تاجر وإتهامات لقوى " البترودلاور " ... وللأسف هو فخ إستُدرج إليه السلفيون وهم قليلو الخبرة السياسية .. واصبحوا يرددون أن من هناك في التحرير هم عملاء ويتلقون أموال من الخارج وبلاب لاب بلا ....

وبالتالي بمنتهى السذاجة ما يعرفوش اللي بيُدبر لهم وإنهم غداً سيؤُكلوا يوم يؤكل الثور الأبيض اللي في التحرير

فالظاهر والله أعلم إن المجلس العسكري بيحاول يضرب الحركات السياسية القوية ببعض ويقف هو يتفرج ويضحك .. وبالتالي اللي يفوز منهم يتصرف هو معاه بقى على إنفراد

عشان كده بنلاقي إن الأخون المسلمين موقفهم دلوقت في منتهى المكر ويُشبه موفق المجلس العسكري في الحيادية السلبية ولا يدخلون في صراع مع أحد وحتى مطالب الثورة وأهدافها لم تعد تهمهم ...

وأنا لا أتفق معهم على الإطلاق .. لإن مصر مش تورتة أو سبوبة الواحد يدرو ياكلها منين ...

ومطالب الثورة التي لم تتحقق حتى الأن ولن تتحقق بهذا البطء والتخاذل هي مطالبنا كلنا

وعفواً فلم يكن من مطالب الثورة إن يبقى هناك حزب للأخوان ويبقى هناك تخطيط إستراتيجي بقنص أكبر عدد من الفرص السياسية حتى لو على حساب مصر نفسها

لإن المفروض مصر فوق الجميع وفوق أي مطالب أو أهداف شخصية

فعشان قوة كبيرة زي الأخوان يشوفوا الحركات الليبرالية أو هاسميها التي لا تتبنى الفكر الإسلامي ... تصطدم بالحركات السلفية وغيرها من منتهجي هذا الفكر .... وهاتك يا كلام هنا وهناك ..

بالرغم والله يعلم أنني لا أنتمي لا إلى دول ولا إلى هؤلاء ... فإن إحقاقاً للحق الليبراليين أو الحركات الغير إسلامية لم تبدأ بالصدام ويمكن لا تذكر الحركات الاخرى في أحاديثها أو نشاطها .. لكن العكس يفعله السلفييون مثلاً وكإننا خلصنا كل القضايا وحققنا كل الأهداف وأصبح أمامنا فقط القضاء على الليبراليين الكفرة .. وهذا خطأ كبير ...

واللي السلفييون مش قادرين يفهموه إن طبيعة الحياة هي الإختلاف والتنوع .. وإن كل واحد فينا بفكرة وبثقافته لو إشتغل في منطقتة بدون إصطدام أو الحرب مع أحد .. فبالتأكيد كل ده هايصب في مصلحة البلد في النهاية ...

لكن نتصيد لبعض الأخطاء وندخل في صدام ونعمل زي اللي داخل سباق وكل همه يكعبل اللي جنبه فقط .. لحد ما في النهاية يلاقي نفسه خسر .. وبالتأكيد اللي كعبله خسر هو كمان .. وتلاقي واحد تاني هو اللي كسب ويا عالم التاني ده هايكون مين ..

[Alattar]

بالرغم والله يعلم أنني لا أنتمي لا إلى دول ولا إلى هؤلاء ... فإن إحقاقاً للحق الليبراليين أو الحركات الغير إسلامية لم تبدأ بالصدام ويمكن لا تذكر الحركات الاخرى في أحاديثها أو نشاطها .. لكن العكس يفعله السلفييون مثلاً وكإننا خلصنا كل القضايا وحققنا كل الأهداف وأصبح أمامنا فقط القضاء على الليبراليين الكفرة .. وهذا خطأ كبير ...

والله يا عم أحمد أنا بكلمك و أنا عارف انك من أكثر الناس الحياديين اللي شفتهم..و عارف انك فعلا لا مع دول ولا مع دول..لكن اسمح لي بس بتسجيل ملاحظة صغيرة

حتة ان الليبراليين ما بدأتش بالهجوم..معلش..أنا مش شايف كده خالص..بص يا عمنا..من أول ما الثورة بدأت و حتي موضوع الاستفتاء..الناس كلها كانت ايد واحدة..و حتي يوم الاستفتاء كله كان بيقول نعم و لا إيد واحدة..بالرغم ان كان فيه حالات حشد لأصوات معينة من الطرفين..لكن برضه كلنا قلنا..أيا كانت النتيجة كلنا ان شاء الله هنرضي بيها و المهم هو العرس الديموقراطي اللي حصل يومها..

بعد الاستفتاء ايه اللي حصل؟..بدأ هجوم فظيع علي الاسلاميين..و بدأت أصوات تنادي بالدستور أولا رغم ان ده قفز صريح علي شرعية الاستفتاء..و بدأت أصوات تنادي بأن الشعب جاهل و إن رأي النخبة غير كده...و كلام من النوعية دي...يبقي معلش يا عم أحمد...مين اللي بدأ بالهجوم؟

أنا والله لا عاوز أولع الدنيا..ولا بحب ان النار تفضل مولعه كده..وأرجو من الله أن يؤلف بين قلوبنا جميعا..و نصبح علي قلب رجل واحد..بس أنا حبيت أوضح مين اللي بدأ بالتخوين و التشكيك في الآخر

و عموما أنا عارف ان ده مش وقت الكلام ده..و ربنا يستر من اللي جاي

[م تيمور المراغي]

الآن على شاشة الجزيرة مباشر مصر: مؤتمر صحفي لحركة شباب 6 ابريل

[الغريب]

الحل بسيط يا غريب

ويتمثل في أن تقف مع الحق ... وتعلم جيداً أننا جميعاً بشر .. لنا ما لنا وعلينا ما علينا

وإننا نُخطيء ونُُصيب

نجهل ونتعلم

لكن عشان تجارب تمر علينا .. ويا ريتها بعيدة .. لكن دي مُنذ أيام قليلة ولا نتعلم منها ... يبقى ده مُنتهى الغباء عفواً يعني

وأقصد هنا أخطاء المجلس العسكري التي يُصمم على إرتكابها بمنتهى الكِبر والصلف ..

أخطاء متوقعة ولكنها مقبولة من مؤسسة غير سياسية بالأصل ولكنها قبلت أن تكون هي الحاكم في وقت أفتقدت الثورة للرأس فهي تشكر عليه وعلى اجتهادها فيه القابل للخطأ، وكان يفترض أن تكون أهم واجبات المرحلة لكل القوى السياسية هي أن تعد نفسها لتسلم البلاد من خلال انتخابات نزيهة تمرر البلاد لحكم الشعب

ولكننا للأسف وجدنا بعض القوى لا تحسن إلا الحنجورية وشغل الثورات ولا تتصور نفسها تبعد عن الميادين والجلوس في الشوارع

قوى لا تملك أي برامج تنمية ، ثم تتهم الآخرين بأنهم يريدوا تقسيم الكعكة (الإسلاميين قطعا)..

يعني كل مصر ضحكت وسخرت من إتهامات العمالة والكنتاكي وحفلات الجنس الجماعي التي تُقام في التحرير ... وكنا نعلم أن من كانوا هناك هم أشرف من فينا

مش قوي كدة يا أخي

أنت لسه قايل كلنا بشر وكلنا بنخطأ واللي في الميدان مش أيضا بشر

وهناك من أكد مثل هذا الكلام ، لو كنت متابع لفيس بوك وتويتر

أعلى درجات العصمة للقوى الثورية أنتهت يا عزيزي يوم 11 فبراير ، وبعد ذلك دخل الشيطان في تفاصيل حلم البناء

وبالرغم ذلك يأتي المجلس ليُكرر نفس الأخطاء بنفس الطريقة والألية

يا أخي معاك أدلة إظهرها وإسحل الناس دي بالقانون ...

يا أخي فلقتونا إنتوا وعصام شرف بالكلام عن المؤامرات وأعداء الثورة وكأنكم بتخوفونا بأمنا الغوله أو أبو رجل مسلوخه اللي موجودين في خيالكم بس

ولما أنتو كحكام تتكلموا كلام مُرسل .. وعفواً عبيط وبدون أدلة ويمين وشمال وكلام في الهوا

بالرغم من إن امن الدولة عندكم .. والمخابرات عندكم ... والشُرطة عندكم ... لأ والبنوك كمان عندكم ... يعني بكبسة زر واحدة تعرف مين جاله كام ومن فين

أومال الناس العادية اللي زينا تعمل إيه ؟

معاك حق أن المجلس والحكومة متأخرين في التعاطي مع هذا الملف ، ولكن لا تنسى أنه ملف يمس الثوريين المشتعلين الآن

ولا تنسى أنه هناك كلام أصلا على المجلس والحكومة ولم تتثبت أقدامهم بعد ليخوضوا في مثل هذه الملفات

فكيف لك وأنت لا تثق في المجلس في إجمالي مداخلتك ، كيف ستثق في تحقيقاته حول هذا الملف

سبحان الله أنت أصلا تنكر على المجلس أن يبرز هذه الملفات في وقت بلغ فيه السيل الزبى

فكيف لك أن تقبله من قبل ذلك ,, أمر عجيب .. صح ؟؟

حصل وعلى عينك يا تاجر وإتهامات لقوى " البترودلاور " ... وللأسف هو فخ إستُدرج إليه السلفيون وهم قليلو الخبرة السياسية .. واصبحوا يرددون أن من هناك في التحرير هم عملاء ويتلقون أموال من الخارج وبلاب لاب بلا ....

وبالتالي بمنتهى السذاجة ما يعرفوش اللي بيُدبر لهم وإنهم غداً سيؤُكلوا يوم يؤكل الثور الأبيض اللي في التحرير

فالظاهر والله أعلم إن المجلس العسكري بيحاول يضرب الحركات السياسية القوية ببعض ويقف هو يتفرج ويضحك .. وبالتالي اللي يفوز منهم يتصرف هو معاه بقى على إنفراد

شهادتي مجروحة في السلفيين ، ولكن الواقع يقول بخصوصهم "ياما دقت على الراس طبول"

فهؤلاء كانوا على خط النار على الدوام وكان غيرهم داخل الغرف المكيفة

أما مقولة "قليلوا الخبرة السياسية " .. فمع أحترامي وتقديري لك ولمداخلاتك ، إلا أن هذه الفقرة -التي رددها بعض الأعضاء مؤخرا- لا تدخل زمتي بمليم ,, سامحني

على كل حال هناك من 6 إبريل أنفسهم داخل المنتدى هنا من جاء عليه وقت وقال " أنا بحب المجلس العسكري وبموت فيه"

وقال أيضا حينما رفض المجلس العسكري استقالة يحيى الجمل بالرغم من قبول عصام شرف لها "حقه مش هو رأس الأمر"

هؤلاء لعبوا بكرت المجلس حينما كان في صفهم ، ومن حق غيرهم أيضا أن يلعب ، ولا نقول عليه لا يجيد السياسية ,, أليس كذلك

عشان كده بنلاقي إن الأخون المسلمين موقفهم دلوقت في منتهى المكر ويُشبه موفق المجلس العسكري في الحيادية السلبية ولا يدخلون في صراع مع أحد وحتى مطالب الثورة وأهدافها لم تعد تهمهم ...

وأنا لا أتفق معهم على الإطلاق .. لإن مصر مش تورتة أو سبوبة الواحد يدرو ياكلها منين ...

ومطالب الثورة التي لم تتحقق حتى الأن ولن تتحقق بهذا البطء والتخاذل هي مطالبنا كلنا

وعفواً فلم يكن من مطالب الثورة إن يبقى هناك حزب للأخوان ويبقى هناك تخطيط إستراتيجي بقنص أكبر عدد من الفرص السياسية حتى لو على حساب مصر نفسها

لإن المفروض مصر فوق الجميع وفوق أي مطالب أو أهداف شخصية

فعشان قوة كبيرة زي الأخوان يشوفوا الحركات الليبرالية أو هاسميها التي لا تتبنى الفكر الإسلامي ... تصطدم بالحركات السلفية وغيرها من منتهجي هذا الفكر .... وهاتك يا كلام هنا وهناك ..

بالرغم والله يعلم أنني لا أنتمي لا إلى دول ولا إلى هؤلاء ... فإن إحقاقاً للحق الليبراليين أو الحركات الغير إسلامية لم تبدأ بالصدام ويمكن لا تذكر الحركات الاخرى في أحاديثها أو نشاطها .. لكن العكس يفعله السلفييون مثلاً وكإننا خلصنا كل القضايا وحققنا كل الأهداف وأصبح أمامنا فقط القضاء على الليبراليين الكفرة .. وهذا خطأ كبير ...

حرام بجد تظلم الأخوان لهذه الدرجة

وهم الفصيل الأقوى في مصر والأكثر حنكة وخبرة

الأخوان هم أفضل لاعب على الساحة السياسية الآن وميزتهم السكوت

قوى سياسية أعدت نفسها بشكل سليم للظهور في وقت تسلم إدارة البلد كقوة مدنية سياسية متمكنة

والناس بالمنطق يبحثوا عن تسلم مدني لسلطة البلاد وهو أمر منطقى جدا

ولكن غيرهم من معدومي الخبرة السياسية

ربيبة برامج التوك شو ومقالات الأسواني وبلال فضل أبوا علينا إلا أن نرجأ بدء تسلم البلاد من العسكر إلى شهرين قادمين

هؤلاء (وأقسم بالله) حينما كنا نقول لهم يوم الإستفتاء : قولوا نعم حتى لا يمتد حكم العسكر للبلاد ويطمع في السلطة

كانوا يردون علينا : العسكر لو كان يطمع في السلطة لقفز عليها من البداية !!!

واللي السلفييون مش قادرين يفهموه إن طبيعة الحياة هي الإختلاف والتنوع .. وإن كل واحد فينا بفكرة وبثقافته لو إشتغل في منطقتة بدون إصطدام أو الحرب مع أحد .. فبالتأكيد كل ده هايصب في مصلحة البلد في النهاية ...

لكن نتصيد لبعض الأخطاء وندخل في صدام ونعمل زي اللي داخل سباق وكل همه يكعبل اللي جنبه فقط .. لحد ما في النهاية يلاقي نفسه خسر .. وبالتأكيد اللي كعبله خسر هو كمان .. وتلاقي واحد تاني هو اللي كسب ويا عالم التاني ده هايكون مين ..

أيييييييييييييه دنيا

ومين اللي بدء بتصيد الأخطاء للسلفيين، ولا نسيت الحرب الإعلامية الظالمة لهم ، أليست القوى الليبرالية التي تنزهها أنت عن بداية الصدام مع الإسلاميين ؟؟

نسيت الهجوم عليهم في كل النوافذ الليبرالية او الغير إسلامية ؟؟

وقال لهم السلفيين حينها ستقولوا "أكلت يوم أكل السلفييون"

يبدوا أنك تنسى يا عزيزي..

[MZohairy]

إذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية من يعارضك... أدولف هتلر

[الغريب]

إذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية من يعارضك... أدولف هتلر

العبارة دي كانت مقبولة جدا حينما أطلقها النظام البائد على الثورة

عارف ليه لأنه أطلقها هو ، ولم يصدقها الشعب

أما الآن فبيانات المجلس العسكري تأتي كردود أفعال إستجابة لما يحدث في الشارع وليس هو من يبدأ، ومن يخوف الناس ويخبرهم أن أمنهم مهدد بالأخطار

[م تيمور المراغي]

حتة ان الليبراليين ما بدأتش بالهجوم..معلش..أنا مش شايف كده خالص..بص يا عمنا..من أول ما الثورة بدأت و حتي موضوع الاستفتاء..الناس كلها كانت ايد واحدة..و حتي يوم الاستفتاء كله كان بيقول نعم و لا إيد واحدة..بالرغم ان كان فيه حالات حشد لأصوات معينة من الطرفين..لكن برضه كلنا قلنا..أيا كانت النتيجة كلنا ان شاء الله هنرضي بيها و المهم هو العرس الديموقراطي اللي حصل يومها..

والفيديو بتاع حازم شومان

اللي بيقول ان يعني ايه ليبرالي يعني امه تمشي عريانه في الشارع

مش عاوزين نقلب في الماضي لكن اللي بدأ الهجوم فعلا هما السلفيين احنا كنا بنقول مهما كانت النتيجه فنحن واحد وهما بيدوروا على صور البرادعي وبناته عشان يشوهوها !

واننا عاوزين نلغي المادة التانيه والاستفتاء اصلا مافيهوش المادةا لتانيه

عموما ده مش وقته بس كنت اتمنى تكون محايد لكن شكلك دخلت في نص الفيلم

[MZohairy]

إذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية من يعارضك... أدولف هتلر

العبارة دي كانت مقبولة جدا حينما أطلقها النظام البائد على الثورة

عارف ليه لأنه أطلقها هو ، ولم يصدقها الشعب

أما الآن فبيانات المجلس العسكري تأتي كردود أفعال إستجابة لما يحدث في الشارع وليس هو من يبدأ، ومن يخوف الناس ويخبرهم أن أمنهم مهدد بالأخطار

انا عن نفسي يا غريب مش مطمئن ابدا لنوايا المجلس العسكري و عندي ربعوميت قرينه على كده

و ربك يستر

[م تيمور المراغي]

أما الآن فبيانات المجلس العسكري تأتي كردود أفعال إستجابة لما يحدث في الشارع وليس هو من يبدأ، ومن يخوف الناس ويخبرهم أن أمنهم مهدد بالأخطار

الكلام ده ممكن يكون مقبول لو كان كلام مرسل

يعني انا لو قلت مثلا ان المحاورات فيها مغرضين قد يكون كلامي مقبول نوعا

لكن لما اجي اقول ان الغريب مدسوس ع المحاورات لاشعال الفتنه هنا يبقى الكلام بحساب

البينه على من ادعى زي ما بيقولوا واحنا منتظرين من المجلس المحترم زي ما قال س وتحت ايديه كل اجهزة الدولة الرقابيه

منتظرين مستندات ( تثبت ) تورط شباب 6 ابريل في التآمر على مصر والوقيعه بين الشعب والجيش

ولما يقف بكل ثقه ويقول اجندات خارجيه مشبوهه

طيب

اجنبيه مع اي دولة ؟

وماهو المحتوى ؟

تحيتي ,,

[Alattar]

حتة ان الليبراليين ما بدأتش بالهجوم..معلش..أنا مش شايف كده خالص..بص يا عمنا..من أول ما الثورة بدأت و حتي موضوع الاستفتاء..الناس كلها كانت ايد واحدة..و حتي يوم الاستفتاء كله كان بيقول نعم و لا إيد واحدة..بالرغم ان كان فيه حالات حشد لأصوات معينة من الطرفين..لكن برضه كلنا قلنا..أيا كانت النتيجة كلنا ان شاء الله هنرضي بيها و المهم هو العرس الديموقراطي اللي حصل يومها..

والفيديو بتاع حازم شومان

اللي بيقول ان يعني ايه ليبرالي يعني امه تمشي عريانه في الشارع

مش عاوزين نقلب في الماضي لكن اللي بدأ الهجوم فعلا هما السلفيين احنا كنا بنقول مهما كانت النتيجه فنحن واحد وهما بيدوروا على صور البرادعي وبناته عشان يشوهوها !

واننا عاوزين نلغي المادة التانيه والاستفتاء اصلا مافيهوش المادةا لتانيه

عموما ده مش وقته بس كنت اتمنى تكون محايد لكن شكلك دخلت في نص الفيلم

لأ يا تيمور..أنا ما دخلتش في نص الفيلم ولا حاجة...وقلت ان فيه ناس من الطرفين كانوا بيبالغوا شوية..ولو عاوزني برضه أجيبلك كلام من الناحية التانية ممكن..بس أنا برضه ما بحبش الدنيا تولع أكتر من كده

وبعدين الاستفتاء ما كانش له علاقة بالمادة التانية..ماشي أنا معاك...ايه اللي يخلي قس في كنيسة يدعوا الناس انها تقول لأ..؟..يا تيمور أنا عارف ان كان فيه مبالغات من الطرفين..لكن أنا بتكلم عن ما بعد الاستفتاء..مين اللي ما كانش عاجبه النتيجة؟.. وكان بيرمي نصف الشعب بالجهل و الأمية؟

أنا بس كنت بوضح نقطة معينة من وجهة نظري..و عموما برضه مش وقته..و خلينا في اللي حاصل البلد دلوقتي...

[الغريب]

أما الآن فبيانات المجلس العسكري تأتي كردود أفعال إستجابة لما يحدث في الشارع وليس هو من يبدأ، ومن يخوف الناس ويخبرهم أن أمنهم مهدد بالأخطار

الكلام ده ممكن يكون مقبول لو كان كلام مرسل

يعني انا لو قلت مثلا ان المحاورات فيها مغرضين قد يكون كلامي مقبول نوعا

لكن لما اجي اقول ان الغريب مدسوس ع المحاورات لاشعال الفتنه هنا يبقى الكلام بحساب

البينه على من ادعى زي ما بيقولوا واحنا منتظرين من المجلس المحترم زي ما قال س وتحت ايديه كل اجهزة الدولة الرقابيه

منتظرين مستندات ( تثبت ) تورط شباب 6 ابريل في التآمر على مصر والوقيعه بين الشعب والجيش

ولما يقف بكل ثقه ويقول اجندات خارجيه مشبوهه

طيب

اجنبيه مع اي دولة ؟

وماهو المحتوى ؟

تحيتي ,,

لأ الكلام مقبول لأنه فعلا كان فيه جدال حول هذه النقطة ، وقد أثير بالفعل من قبل هنا في المحاورات وآخر مادار حوله مشاركة مني قبل يومين لو تذكرها

ولكني أتفق معك أن المجلس ملزم بتوفير أدلة على أن "6 إبريل تسعى للوقيعة بين الشعب والجيش" على حد تصريح البيان

وإن كنت شخصيا شاهد على هذا التحريض أنا وغيري الكثير هنا

[م تيمور المراغي]

وإن كنت شخصيا شاهد على هذا التحريض أنا وغيري الكثير هنا

لا معلش خليك بروفيشنال

فيه فرق اني اقف اقول تييييت اهل المجلس العسكري

وفرق ان ظابط مخابرات اسرائيلي يتفق مع تيمور انه يطلع ويقول كذا و كذا

لو المجلس المحترم قال ان 6 ابريل تحرض على الوقيعه والفتنه ومفاسد وعظيمة والمفردات اياها دي وقطم كنا قلنا معلش لكن

لما يقول ان 6 ابريل تنفذ اجندات اجنبيه مشبوهه هنا بقى يتربط من لسانه لانهم مش عيال صغيرين او ده المفترض فيهم

تاني حقول

- ازاي مجلس عسكري محترم في العالم يعرف ان فيه جواسيس ويسيبهم بدون اعتقال !

- كان ساكت ليه طول الفترة دي ولما طالبنا بالتظاهر امامه افتكر فجأه اننا عملاء وخونه

- ايه هي الدول الاجنبيه المشبوهه اللي بتخابر معاها ! وايه هيا نقاط التحرك التي كلفتنا تلك الدولة او الدول بتنفيذها

- ليه الباشا سكتم بكتم لحد دلوقتي ما فيش اي اجراء رسمي اتخذ !

سبحان الله

يمكرون ويمكر الله

زي ماقلت قبل كده انهم مبتدأين سياسه

دول ما ينفعوش

[م تيمور المراغي]

الاهرام \\ 25 حزبا وحركة يرفضون تخوين "6 أبريل" وينظمون مسيرة لوزارة الدفاع اليوم \\ اضغط هنا !

[م تيمور المراغي]

اضحك مع الرويني والمجلس الجمبري :happy:

اللواء الرويني يتهم مروجو الشائعات بالوقيعة بين الجيش والشعب ويؤكد: أطلقت شائعات القبض على عز والعادلي وقت الثورة

[م تيمور المراغي]

http://www.youtube.com/watch?v=g8nIwoBi1b0