القوات المسلحة تهاجم 6 ابريل في بيان رسمي

[ابراهيم عبد العزيز]

انا أرفض اتهام أى قوى مصرية معارضة بأنها تتأمر دون تقديم الدليل الدامغ على ذلك

لان ذلك يفتح الباب لنفس نهج النظام القديم فى القاء تهمة المؤامرة والدساسة على أى حركة تعارض المجلس العسكري

ومندهش من بعض الأخوة الذين هللوا وفرحوا بهذا الاتهام لحركة 6 ابريل !!

وكان المفترض ان يرفضوا توجيه هذا الاتهام لأى معارضة مصرية حتى ولو كانوا مخالفين فى الرأى لها

لأنه اذا تقبل الناس هذا الاتهام لحركة 6 ابريل فسيأتي الوقت الذى سيتم فيه اتهام اى حركة معارضة أخرى انها متامرة ومدسوسة

وسياتي الدور لكل حركات المعارضة فى مصر تباعا وسيقول الجميع وقتها اكلت يوم اكل الثورة الأبيض

نتقبل تهمة المؤامرة والدساسة ضد أى حركة معارضة فى حالة واحدة فقط

وهى تقديم الدليل للشعب المصري

اما التهمة دون دليل فهو نفس نهج النظام السابق وهو بمثابة الردة للثورة المصرية

تم تعديل 23 يوليو 2011 بواسطة ابراهيم عبد العزيز

[م تيمور المراغي]

http://www.youtube.com/watch?v=tQJ9DXb1RE8

[ViralMind]

بعد تفكير عميك..

انا مع البيان بتاع المجلس.. موضوعا وليس شكلا.. يعنى مكانش يعورهم فى الوش قوى كده.

النهاردة كنت فى ميدان التحرير..

بصراحة تهريج جامد قوى ان الميدان يتقفل علشان الف ولا الفين واحد.. نصهم بياعين و صيع.

الاشكال اللى واقفة نفسها منظرها ميريحش.. يعنى فيه منهم عواطلية كتير جايين يتسلوا... ده انطباعى الشخصى يعنى و ممكن يكون صح او غلط.

بالنسبة لتعليق للفاضل architect بإن شباب 6 ابريل 60 الف شاب..

هو حضرتك عايز 60 الف واحد يحكموا اكتر من 80 مليون و يفرضوا رأيهم بالعافية؟ 60 الف مش رقم يعنى..

صحيح 6 ابريل عملت حراك جامد بعد الثورة.. بس فيه حاجة مش مظبوطة.. مقدرش اقول انها حاجة ترقى لمؤامرة.. مش عارف ايه تحديدا يعنى..

[pink rose]

نصهم بياعين و صيع.

الاشكال اللى واقفة نفسها منظرها ميريحش.. يعنى فيه منهم عواطلية كتير جايين يتسلوا...

الكلام دا بالظبط جوزي لسا قايلهولي امبارح

كان في الميدان من يومين و دا كان انطباعه عن اللي هناك

و قالي قامت هوجة كبيرة عاوزين يطردوا البياعين و طبعا البياعين رفضوا

بيقولي كل مجموعة قاعدة مع بعض في موال تاني غير الباقي

و شكلهم لا ليهم شغلة و لا مشغلة و قاعدين في الشارع يتسلوا

[عادل أبو عمر]

حتة ان الليبراليين ما بدأتش بالهجوم..معلش..أنا مش شايف كده خالص..بص يا عمنا..من أول ما الثورة بدأت و حتي موضوع الاستفتاء..الناس كلها كانت ايد واحدة..و حتي يوم الاستفتاء كله كان بيقول نعم و لا إيد واحدة..بالرغم ان كان فيه حالات حشد لأصوات معينة من الطرفين..لكن برضه كلنا قلنا..أيا كانت النتيجة كلنا ان شاء الله هنرضي بيها و المهم هو العرس الديموقراطي اللي حصل يومها..

والفيديو بتاع حازم شومان

اللي بيقول ان يعني ايه ليبرالي يعني امه تمشي عريانه في الشارع

مش عاوزين نقلب في الماضي لكن اللي بدأ الهجوم فعلا هما السلفيين احنا كنا بنقول مهما كانت النتيجه فنحن واحد وهما بيدوروا على صور البرادعي وبناته عشان يشوهوها !

واننا عاوزين نلغي المادة التانيه والاستفتاء اصلا مافيهوش المادةا لتانيه

عموما ده مش وقته بس كنت اتمنى تكون محايد لكن شكلك دخلت في نص الفيلم

آسف يا تيمور

بس الكلام اللي بالأحمر ده مش صحيح في رأيي

الهجوم بدأ بعد الاستفتاء مباشرة من الليبراليين باشعال حرب الفيديوهات

و كلمة احنا و هما .. يا ما قلنا نخرجها من القاموس لكن إنت مصمم تستخدمها و تصنف الناس بنفس المبدأ .... من ليس معي فهو ضدي

و ذكرت لك بالأمس أن إشكالية الوثيقة فوق الدستورية هي من الأساس تخطيط ليبرالي و لا أشك في أنها هي سبب المواجهة المؤسفة حاليا بين المجلس و جميع القوى الوطنية بلا استثناء و ليس 6 إبريل وحدها

كان الأصلح للجميع اتحاد القوى الوطنية بما فيها 6 إبريل خلف إرادة الشعب اللي قال كلمته بمنتهى الرقي و الفهم و النضج السياسي ..

لكن لما جت نتيجة الاستفتاء على غير هوا الليبراليين للأسف صرنا نشكك في نضج الشعب و عدم فهمه لأولويات السياسة ..

وصارت 6 إبريل هي الوصي الشرعي على الشعب للأسف بقرار منها

وأصبحت تتبنى قرارات في غاية الخطورة في محاولة للانقلاب على نتيجة الاستفتاء حتى لو أدى الأمر لاشاعة الفوضى و فتح ملفات سياسية خارجية مثل حرق السفارة الإسرائيلية و المسيرة إلى غزة .. و أكيد إعلان يوم 27 مايو رسالته كانت واضحة ( الدستور أولا ) ثم الاعتصامات أمام مجمع التحرير و قطع الطرق و ممارسة بلطجة سياسية على المجلس و على الوزارة بالتهديد بتصعيد الأمور بدون التشاور مع باقي القوى الوطنية و الاجتماع على كلمة واحدة .

الدليل على ما أقوله من أن تفكير الليبراليين هو اللي وصل الأمور لهذا الوضع المعقد في كلام الأستاذ عصام سلطان ...

على ما أظن عصام سلطان لا يحسب على أي تيار بل بالعكس الرجل وسطي و له احترامه وشخصيته بين جميع التيارات

فإذا كنت لسة مش فاضي فارجو اللي عنده وقت يشوفه و نتعرف على ما يتم التخطيط له خارج التحرير

في رأيي اتهام عصان سلطان أكبر من اتهام المجلس العسكري

لأن عصام سلطان بيقدم دليل مؤامرة للانقلاب على قرار الشعب مع سبق الإرصادو الترصد

http://www.youtube.com/watch?v=Mr0lqacq9Y0&feature=player_embedded

[الغريب]

لا معلش خليك بروفيشنال

فيه فرق اني اقف اقول تييييت اهل المجلس العسكري

وفرق ان ظابط مخابرات اسرائيلي يتفق مع تيمور انه يطلع ويقول كذا و كذا

لو المجلس المحترم قال ان 6 ابريل تحرض على الوقيعه والفتنه ومفاسد وعظيمة والمفردات اياها دي وقطم كنا قلنا معلش لكن

لما يقول ان 6 ابريل تنفذ اجندات اجنبيه مشبوهه هنا بقى يتربط من لسانه لانهم مش عيال صغيرين او ده

معاك حق وأي إدعاء من المجلس على حركة 6 إبريل بمثل هذا لابد أن يكون معه قرائن وإلا فالإعتذار رسميا عنها

بس هم قالوا فين الكلام ده !!؟؟

زي ماقلت قبل كده انهم مبتدأين سياسه

دول ما ينفعوش

مانتا بتقول كثيير الجملة دي

والواحد مبقاش عارف مين اللي بدء سياسة جديد

[م تيمور المراغي]

لا معلش خليك بروفيشنال

فيه فرق اني اقف اقول تييييت اهل المجلس العسكري

وفرق ان ظابط مخابرات اسرائيلي يتفق مع تيمور انه يطلع ويقول كذا و كذا

لو المجلس المحترم قال ان 6 ابريل تحرض على الوقيعه والفتنه ومفاسد وعظيمة والمفردات اياها دي وقطم كنا قلنا معلش لكن

لما يقول ان 6 ابريل تنفذ اجندات اجنبيه مشبوهه هنا بقى يتربط من لسانه لانهم مش عيال صغيرين او ده

معاك حق وأي إدعاء من المجلس على حركة 6 إبريل بمثل هذا لابد أن يكون معه قرائن وإلا فالإعتذار رسميا عنها

بس هم قالوا فين الكلام ده !!؟؟

زي ماقلت قبل كده انهم مبتدأين سياسه

دول ما ينفعوش

مانتا بتقول كثيير الجملة دي

والواحد مبقاش عارف مين اللي بدء سياسة جديد

انت بتسالني يا غريب قالوا فين ان 6 ابريل تحمل اجندات اجنبيه مشبوهه !!!!!

طيب انا بفتري عليهم

اما موضوع مين اللي بدأ سياسة الاول

معروف ان قادة القوات المسلحة قبل ثورة يناير غير مسموح لهم بممارسة اي نشاط حزبي او سياسي

بينما 6 ابريل من 2008 وهم من اكبر القوى المحركة والفاعله على الساحه

اما لو تقصد العبد لله

فالكل عارف اني دخلت بقوة يوم 16 يناير 2011

والمجلس دخل يوم 19 مارس بعد الاعلان الدستوري

وحتى لو حتقول دخل بعد التنحي حيبقى 11 فبراير

يعني حتى في دي برضوا مبتدأين

وغير كل ده

شوف التخبط في القرارات على اعتبار عدم التواطؤ

وشوف انهم ما بيتحركوش الا بلوي الدراع

تحيتي بس

شوية حياد ,,

[se_ Elsyed]

أعتقد إن أعضاء المجلس العسكري لازم يمسكوا نفسهم شويه ويبطلوا كلام عمال على بطال أو يخلوا في متحدث إعلامي هو اللي يتحدث للإعلام

فقط

في وقت الغداء اليوم وتحديداُ الساعة الثانية ظهراً بتوقيت القاهرة أستمعت إلى اللواء الرويني على قناة دريم 2 في برنامج صباح دريم ...

وقال كلام غريب ومغالط للحقيقة خليتني أشُك في نفسي

ومن ضمن ما قاله :

- الجيش كان هو السبب الرئيسي في نجاح الثورة ... هاعديها .. ماشي يا عم

- من يوم 25 إلى يوم 2 فبراير عدد اللي كانوا في التحرير كان يُتعد بسهولة !!!!!!!!!!! ... ها كمل

ويوم 3 فبراير اللي هي موقعة الجمل نحن من تصدينا للبلطجية والجيش هو اللي حمى المعتصمين لدرجة إننا قبضنا على 9 أحصنة !!!!!!!!!!!!!!!!!!!!!!! يا نهار مش فايت يا جدعان

ولما الناس إطمئنت إن الجيش معاها إبتدت تنزل ميدان التحرير

وأكد على إن مافيش مدني واحد إتحاكم أمام محكمة عسكرية غير 4 تقريباً ... منهم وائل أبو الليل اللي قالوا إنه سكرتير إبراهيم كامل ... ولما إبراهيم كامل طلع براءة من تهمة التحريض على قتل المتظاهرين .. وائل أبو الليل ظل محبوساً وإتحكم عليه بخمس سنين سجن !!!!!!!!!! وطبعاً غير المجرمين والبلطجية اللي بيحملوا سلاح ناري أو بيتحرشوا بأنثى أو بيعتدوا على ممتلكات عامة ...

أنا هاتجنن والله العظيم من الكلام ده

[tarek hassan]

الرويني فتح النار على 6 إبريل والحقائق هتعلن وكل شيء مرصود من زمان من 2009 م والشقة الفاخرة في نص البلد والتحريض بقول إيه حد يجيب نث الحديث أو تلخيصه

[م تيمور المراغي]

بث مباشر للمسيره من التحرير للعباسية

http://bambuser.com/channel/Malek/broadcast/1840854

[عادل أبو عمر]

الهجوم بدأ بعد الاستفتاء مباشرة من الليبراليين باشعال حرب الفيديوهات

كلام حازم شومان كان قبل الاستفتاء

ودي شهادة منك اننا هاجمنا بعد الاستفتاء مش قبله

عرفت مين اللي بدأ الاول

فكك من الموضوع ده مشغول بالمسيرة

نكمل بعدين

هو كل ما ننزنق نقول فكك

حازم شومان شخص بينتقد فكر ليبرالي ... إنت كمان انتقد شخصه و تفكيره

لكن هجوم (الفكر) الليبرالي على (الفكر) السلفي كان منظما بعد الاستفتاء

لتالت مرة بقولك رد على كلام عصام سلطان

ليه مش عايز ترد مع إنك ماتبطلش رد على أي تعليق إنت عاوز ترد عليه

هل هو فعلا كشف نوايا الليبراليين خارج الميدان

و بعدين هي المسيرة 6 إبريل بس و لا إيه

المفروض إنكوا تقووا موقفكم بوجود تيارات مختلفة معاكم

وجودكم بمفردكم هيأكد كلام المجلس

لكن وجود تيارات اخرى حتى لو مش متفقين معاهم هيكون مفيد للكل

و لحين بدء الإجراءات القضائية

لأن موضوع التصريحات التلفزيونية أو الاعلامية من 6 إبريل مش كفاية و لا يرد الاتهام

[se_ Elsyed]

الرويني فتح النار على 6 إبريل والحقائق هتعلن وكل شيء مرصود من زمان من 2009 م والشقة الفاخرة في نص البلد والتحريض بقول إيه حد يجيب نث الحديث أو تلخيصه

غلط يا طارق ومالكش دعوة بالموضوع ده عشان ما يتاخدش عليك كلام

ولما هما راصدينهم ومسجلين لهم شرايط فاضحه كمان من سنة 2009 .. كانوا فين ده كله ؟

وبعدين في جهات قضائية هي اللي تتولى التحقيق وتُعلن الحقائق بالأدلة والبراهين ...

إفتكر الكلام ده كويس يا طارف ...

النهاردة بيقولوا شقق فاخرة في نص البلد لـ 6 إبريل .. وسكتنا وصدقنا

بكره وأبصم بالعشرة هايقولوا فلل وشاليهات في مارينا كان السلفيين بيجتمعوا فيها هما والأخوان من سنة 1919 .. وكله متسجل وعاوز نذيع قول ذيع

الكلام ده عيب جداً ... ويبقى كده ما فرقناش عن نظام مبارك وشرايط الكنرتول بتاعت صفوت الشريف ...

الامور التي تمس الأمن القومي المصري لا يجب أن يتم تناولها هكذا ..

ولما يكونوا 6 إبريل أو حتى 15 مايو وإنت داخل على حلوان من الأوتوستراد .. فيجب أن يتم تناول الموضوع بشكل قانوني محترم .. مش لا مؤخذه تلقيح كلام إعلامي وفرش ملايات زي اللي بيحصل .. ومن مين ؟ من ناس عسكريين معروف عنهم الدقة والإنضباط ..

[tarek hassan]

غلط يا طارق ومالكش دعوة بالموضوع ده عشان ما يتاخدش عليك كلام

ولما هما راصدينهم ومسجلين لهم شرايط فاضحه كمان من سنة 2009 .. كانوا فين ده كله ؟

وبعدين في جهات قضائية هي اللي تتولى التحقيق وتُعلن الحقائق بالأدلة والبراهين ...

إفتكر الكلام ده كويس يا طارف ...

النهاردة بيقولوا شقق فاخرة في نص البلد لـ 6 إبريل .. وسكتنا وصدقنا

بكره وأبصم بالعشرة هايقولوا فلل وشاليهات في مارينا كان السلفيين بيجتمعوا فيها هما والأخوان من سنة 1919 .. وكله متسجل وعاوز نذيع قول ذيع

الكلام ده عيب جداً ... ويبقى كده ما فرقناش عن نظام مبارك وشرايط الكنرتول بتاعت صفوت الشريف ...

الامور التي تمس الأمن القومي المصري لا يجب أن يتم تناولها هكذا ..

ولما يكونوا 6 إبريل أو حتى 15 مايو وإنت داخل على حلوان من الأوتوستراد .. فيجب أن يتم تناول الموضوع بشكل قانوني محترم .. مش لا مؤخذه تلقيح كلام إعلامي وفرش ملايات زي اللي بيحصل .. ومن مين ؟ من ناس عسكريين معروف عنهم الدقة والإنضباط ..

يا أستاذ : أحمد أنا كنت بسمع الراجل على الجزيرة مصر والشفافية الوقتي مطلوبة وعلى المجلس العسكري أن يعلن الحقيقة كاملة وموثقة لأننا سمعنا كتير وتألمنا مما يقال من فترة وهناك أشياء كثيرة لم يكن لها تفسير

أتمنى أن يكون كل مواطن مصري شريف لا يشوبه شيء أتمنى للجميع أن يكون وطنيا بريئا ولا نريد لهم أن يكونوا خونة عملاء يتآمرون على مصلحة البلاد

ولكن في النهاية لو كانوا مدانين لابد وأن يعلم الشعب حقيقتهم ويحذر مما يخططون له إن كان فيه الشر للوطن

سننتظر ولا نجزم برأي وأنا معهم إن كانوا أبرياء وأتمنى ذلك وإن لم يكونوا أبرياء فيجب علينا جميعا ألا ندافع عنهم مش نكون معاهم على الحق والباطل

واللي أنا متأكد منه أنهم ليسوا على شاكلة واحدة

تحياتي

[tarek hassan]

واللي أنا متأكد منه أنهم ليسوا على شاكلة واحدة

تحياتي

ده المخرج اللي ناوي تحطه لما ينزل كلام المجلس على مافيش

ايوه 6 ابريل ابرياء بس فيهم ناس وتنزل تجريح براحتك

طور يا طارق

جود

يا باشا اقرأ كلامي كله مش سطر واحد

أنا أقصد أو معلوم لدي أن من تلقى دعما أو تدريبا هم أفراد فقط وكل واحد بنيته واحد بتدرب علشان يخرب وواحد بيتدرب علشان يزيل نظام فاسد ممكن كل شيء

تم تعديل 23 يوليو 2011 بواسطة tarek hassan

[م تيمور المراغي]

واللي أنا متأكد منه أنهم ليسوا على شاكلة واحدة

تحياتي

ده المخرج اللي ناوي تحطه لما ينزل كلام المجلس على مافيش

ايوه 6 ابريل ابرياء بس فيهم ناس وتنزل تجريح براحتك

طور يا طارق

جود

يا باشا اقرأ كلامي كله مش سطر واحد

أنا أقصد أو معلوم لدي أن من تلقى دعما أو تدريبا هم أفراد فقط وكل واحد بنيته واحد بتدرب علشان يخرب وعلشان بيتدرب علشان يزيل نظام فاسد ممكن كل شيء

بنفس المنطق اعتقل اي انسان عنده سكاكين في بيته بدعوى ان كل واحد ونيته

ماهو ممكن يستخدم السكاكين دي في قتل الناس !

نظريه والله

[doctor ayman]

مع اني ارفض طريق واسلوب 6 ابريل لكنني لا اخوونهم

ومع انني كنت دائما ادعو لدعم المجلس العسكري والصبر عليه

لكنه خانه التوفيق هذه المره

الطرفين علي خطأ لكن 6 ابريل هي المستفيد الاكبر

فسوف تحصل علي دعم وشعبيه لم تكن تحلم بها

الا اذا

الا اذا

اظهر المجلس ادله دامغه او حتي غير دامغه

علي صدق اتهامه

تم تعديل 23 يوليو 2011 بواسطة doctor ayman

[الغريب]

انت بتسالني يا غريب قالوا فين ان 6 ابريل تحمل اجندات اجنبيه مشبوهه !!!!!

طيب انا بفتري عليهم

اما موضوع مين اللي بدأ سياسة الاول

معروف ان قادة القوات المسلحة قبل ثورة يناير غير مسموح لهم بممارسة اي نشاط حزبي او سياسي

بينما 6 ابريل من 2008 وهم من اكبر القوى المحركة والفاعله على الساحه

اما لو تقصد العبد لله

فالكل عارف اني دخلت بقوة يوم 16 يناير 2011

والمجلس دخل يوم 19 مارس بعد الاعلان الدستوري

وحتى لو حتقول دخل بعد التنحي حيبقى 11 فبراير

يعني حتى في دي برضوا مبتدأين

وغير كل ده

شوف التخبط في القرارات على اعتبار عدم التواطؤ

وشوف انهم ما بيتحركوش الا بلوي الدراع

تحيتي بس

شوية حياد ,,

أنا قولت من ثلاث مشاركات أنهم ليسوا الأفضل ولكنهم حل مقبول لحين اجراء انتخابات تمرر الحكم للشعب

ولابد أن نتجاوز عن بعض أخطائهم ما داموا ليسوا خبراء سياسة ، أللهم إلا خطأ واحد هو التحرش بترتيبات نقل السلطة إلى الشعب

وللأسف هناك من دفعهم لمثل هذا التحرش الآن بغباء سياسي أو بتغليب مصلحة شخصية على الصالح العام

هقول ايه .. منهم لله

[Folana]

السلام عليكم ورحمة الله..

ياباشمهندس تيمور..الله يرضى عليك ياشيخ.

إحنا كلنا مخنوقين..وفى حالة نفسية سيئة مما يجرى فى بلدنا..وحضرتك قاعد فى السعودية قدام شاشة الكمبيوتر ميت فل وأربعتاشر..لا فيه بلطجى جرى ورا عربيتك ولاخايف على ولادك ولا خايف على أكل عيشك...أه شايل هم البلد زينا ما اختلفناش..ولا انت شايل هم الحركة بس؟؟...

ياريت يعنى لو مش حيخنقك ويضايقك ..بلاش الاسلوب الاستفزازى اللى بتتكلم به ده..يا اما تناقش بأسلوب يجبر الاخر على متابعة ماتكتبه..يا إما تاخد نفسك شوية كده لحد ماتهدى..أما الاسلوب اللى بتتكلم به ده مش مقبول وبيزيد حنقنا على كل حاجة تخص الحركة ..وبيفقدنا تعاطفنا مع كل اللى بتقوله..حتى لو تتحدث صدقا

يعنى معلش احنا مش واقفين على الناصية..علشان يبقى كلامك بالمنظر ده كله تلقيح كلام..وادلعدى المجلس الجمبرى...ولو دكر من ضهر دكر..وشوبش وكده يعنى...وهىء هىء ومىء مىء...

أسلوب منفر الحقيقة......يعنى ياريت تهدى شوية وتبقى تاخد نفس عميق قبل ماتشرع فى الكتابة..لاننا كده داخلين على مخالفة قواعد ..قد تكون الاخيرة ومش حتعرف تخالف القواعد بعد كده..

ألا قد بلغت اللهم فأشهد

[عادل أبو عمر]

تم إلغاء المداخلة بمعرفتي

لقيت إنه من الأفضل ترك مساحة لقراءة المداخلة أعلاها لأهميتها في الحوار الحالي

تم تعديل 23 يوليو 2011 بواسطة عادل أبو عمر

[م تيمور المراغي]

السلام عليكم ورحمة الله..

ياباشمهندس تيمور..الله يرضى عليك ياشيخ.

إحنا كلنا مخنوقين..وفى حالة نفسية سيئة مما يجرى فى بلدنا..وحضرتك قاعد فى السعودية قدام شاشة الكمبيوتر ميت فل وأربعتاشر..لا فيه بلطجى جرى ورا عربيتك ولاخايف على ولادك ولا خايف على أكل عيشك...أه شايل هم البلد زينا ما اختلفناش..ولا انت شايل هم الحركة بس؟؟...

ياريت يعنى لو مش حيخنقك ويضايقك ..بلاش الاسلوب الاستفزازى اللى بتتكلم به ده..يا اما تناقش بأسلوب يجبر الاخر على متابعة ماتكتبه..يا إما تاخد نفسك شوية كده لحد ماتهدى..أما الاسلوب اللى بتتكلم به ده مش مقبول وبيزيد حنقنا على كل حاجة تخص الحركة ..وبيفقدنا تعاطفنا مع كل اللى بتقوله..حتى لو تتحدث صدقا

يعنى معلش احنا مش واقفين على الناصية..علشان يبقى كلامك بالمنظر ده كله تلقيح كلام..وادلعدى المجلس الجمبرى...ولو دكر من ضهر دكر..وشوبش وكده يعنى...وهىء هىء ومىء مىء...

أسلوب منفر الحقيقة......يعنى ياريت تهدى شوية وتبقى تاخد نفس عميق قبل ماتشرع فى الكتابة..لاننا كده داخلين على مخالفة قواعد ..قد تكون الاخيرة ومش حتعرف تخالف القواعد بعد كده..

ألا قد بلغت اللهم فأشهد

الرد بيكون على قدر الكلام

ومحترمين مع المحترم اكتر مما تتخيلوا وعارفين مين المحترم ومين اللي مش محترم

كنت اتمنى تناقشيني في المضمون واعرف رايك ايه في اتهامنا من المجلس باننا اصحاب اجندات اجنبيه بدل كل اللي اتقال ده

منتظر رأيك