برنامج أجدع ناس ... طاقة أمل ..و جُرعة تفاؤل لكل شاب

[se_ Elsyed]

بصراحة هي دي البرامج المحترمة اللي فيها فايدة لناس كتير

البرنامج ما بقالوش كتير ... وهو من تقديم الفنان اشرف عبد الباقي على قناة المحور يومي الخميس والجُمعة

ولهم موقع على النت وكاتبين نبذة عن فكرة البرنامج

برنامج نجومه من "قلب" الشارع المصرى . هؤلاء الذين قرروا ان يعملوا تحت أى ظروف . رفضوا قعدة القهاوى البلدى فى الاماكن الشعبية . و كافيهات الاماكن الراقية فى انتظار الفرجرفضوا الاستسلام لشعار " البلد حالها واقف بعد الثورة" ... و استبدلوه بشعار الشغل مش عيب .... تواجدوا فى معظم شوارع وحارات مصر ، خلقوا لأنفسهم فرص عمل ولم يخجلوا منها يوما ... فاستحقوا عن جدارة لقب

أول مره أتفرج عليه كان الخميس الماضي وكان مستضيف صاحب مطاعم Cook Door من نضافة وستايل المطعم أنا كنت باحسبة فرنشايز كده زي ماك أو كنتاكي ...

لكن طلع مصري 100 % وطلع حاجه مبهرة بصراحة .. إن مجموعة شباب أخوات يفتتحوا المطعم ده مش من بعيد قوي لكن من سنة 1988 ... ودلوقت في 2011 يبقى عندهم 50 فرع على مستوى مصر ... وعندهم فروع أخرى في سوريا وليبيا وقطر والسعودية كمان بعد شهرين هايفتتحوا أول فروع لهم

ويبقى عندهم الاف الموظفين

والعديد من المصانع اللي بتخدمهم هم فقط ولضمان سهولة التوريد وجودة المنتجات

ويبقى عندهم call center تحس إنك في شركة مايكرسوفت مثلاً من النظام والألية المتبعة في العمل

ويبقى عندهم هدف بتشغيل أكبر عدد من الشباب المصري وبأفتتاح فرع جديد على الأقل كل شهر ( من يناير 2011 وحتى الأن وبالرغم الظروف في مصر أستطاعوا إفتتاح 6 فروع جديدة في محافظات مصر )

وغيرهم من النماذج زي الحج محمد الرفاعي الكبابجي المشهور ... أو حتى محلات عمو حُسني بتاع الشاورما وأستضاف حتى ناس بسيطة عندهم عربية فول لكن مثال ناجح ومحترم لكل واحد مكافح

بجد بجد ... برنامج يُعطيك أمل في بكره .. وبُعطيك أمل في البداية ... بس إنت ابدأ وما تخافش ... وكفاية بقى مقولة إن فاتك الميري إتمرغ في ترابه

موقع البرنامج

أجدع ناس

الحلقة الأولى مع عملاق المطاعم " مؤمن "

الحلقة الأولى

الحلقة الثانية

الرباط الخاص بي

[طارق مصرى]

حاجة كويسة جدا حكاية cook door دا انا كنت مفكرة توكيل زى غيرة و قصة مطاعم مؤمن , الحقيقة برنامج فكرة جميلة جدا بس يعيبها أسلوب مقدم البرنامج أشرف عبد الباقى و تعبيرات و جهه اللى يحسسك أنك بتتفرج على برنامج فكاهى , خسارة الحلو ما يكملش.

[se_ Elsyed]

حاجة كويسة جدا حكاية cook door دا انا كنت مفكرة توكيل زى غيرة و قصة مطاعم مؤمن , الحقيقة برنامج فكرة جميلة جدا بس يعيبها أسلوب مقدم البرنامج أشرف عبد الباقى و تعبيرات و جهه اللى يحسسك أنك بتتفرج على برنامج فكاهى , خسارة الحلو ما يكملش.

بالعكس يا طارق ....

مش بدل ما يكون اسلوبة جاف ويخلي الواحد يزهق

عامة دي وجهات نظر بالتأكيد

[se_ Elsyed]

ساعات بأسأل نفسي .. هو ليه في ناس كتيررررررررررررررررررررررررررر ما بتحبش مصر .. ده يمكن ما بتحبش نفسها حتى .. وعلى هذا الأساس بتفعل كل ما يضر هذه البلد ؟

يعني ....

بلد بتعاني من نسبة بطالة عالية جداً ويكلموك عن برامج عبيطة للقاء على البطالة و و و ...

في حين إن هناك الاف الأفكار البسيطة ممكن تساعد في ده

ومن هذا

فكرة بسيطة يمكن فكرت فيها قبل البرنامج ده ... ليه الشباب دول ما نضعش لهم خطة وبرنامج محدد بتيسيرات كبيرة للسماح لهم بعمل عربيات صغيرة ظريفة للمأكولات زي اللي بنشوفها في بلاد كثيرة .. لتقديم وجبات سريعة وبشكل نظيف ومضمون ويكونوا كلهم تحت الرقابة الصحية والبيئية لجهات محترمة تُسهل ولا تُعرقل .. ونحدد لهم أماكن محددة عشان ما تكونش العملية إرتجالية

منها إني شغلت الاف من الشباب دول وقضيت على مشكلة البطالة والبلطجة والفراغ و و و و

ومنها إني دخلت دخل محترم لميزانية الدولة ..

ومنها إن الحاجات دي بتعمل منظر حضاري في الأماكن اللي موجودة فيها

------------

من حوالي شهر في برنامج بكرة أحلى .. الدكتور عمرو خالد أستضاف شاب سكندري صغير بقى له فترة كبيرة عامل دراسة لإستيعاب أكثر من 6 مليون بائع متجول على مستوى مصر .... والدراسة تتلخص في تحديد أماكن محددة لهم وعمل تأمين صحي ونظام معاشات و و و و .. عشان تأمين مستقبلهم بدل ما هما شغالين بصحتهم ولو تعب في يوم ما بيلاقيش قرش يصرف منه

وطبعاً لف به على السادة المسئولين لما حفي ... وصباح الخير .. وإبقى قابلني لو حد عبره

-----------

نيجي لمصيبة التكاتك ...

مصيبة فعلاً وبقى عندنا حاجه كده أشبة بالتكاثر التلقائي وملايين التكاتك في مصر تلعب وتمرح وتلهو بيننا .. وبجد بيحلوا مشكلة ..

لكن لا تقولي ترخيص ولا تفليس ولا تهجيص

ولا رقابة ولا كنترول ...

وخلي اللي يشتغل يتشغل

طب ما ترخصها وتحدد لها مسارات وشوف الملايين اللي هاتدخل في ميزانية الدولة . ويبقى الناس دي تحت عنيه ويبقى عندي حل محترم لمشكلة المرور برضوا

---------

يعني أضع معايير رقابية ميسرة لمثل هذه المهن ...

واللي يخالف أقطع رقبته

مش لا نخلي الناس تشتغل ولا نساعدهم ولا نرحمهم حتى

[pink rose]

فكرة بسيطة يمكن فكرت فيها قبل البرنامج ده ... ليه الشباب دول ما نضعش لهم خطة وبرنامج محدد بتيسيرات كبيرة للسماح لهم بعمل عربيات صغيرة ظريفة للمأكولات زي اللي بنشوفها في بلاد كثيرة .. لتقديم وجبات سريعة وبشكل نظيف ومضمون ويكونوا كلهم تحت الرقابة الصحية والبيئية لجهات محترمة تُسهل ولا تُعرقل .. ونحدد لهم أماكن محددة عشان ما تكونش العملية إرتجالية

قطعوا علينا بقى

يعني لما حضرتك تسيح على الفكرة اللي عاوزة اعملها و تتكلم عنها هنا في المنتدى

مش دا يبقى تقطيع

ههههههههههه

انا فكرت في هاذوها الفكرة

بس مش وجبات سريعة لا حاجه كده زي ما تقول باتسيري متنقل

المشكلة اني مش في مصر و باحاول اقنع اختي و اصحابها انهم يعملوها

ان شاء الله لو اقنعتهم هانزل هنا توبيك مخصوص عن المشروع و صور له

ادعولي انهم يقتنعواااااااا

[se_ Elsyed]

فكرة بسيطة يمكن فكرت فيها قبل البرنامج ده ... ليه الشباب دول ما نضعش لهم خطة وبرنامج محدد بتيسيرات كبيرة للسماح لهم بعمل عربيات صغيرة ظريفة للمأكولات زي اللي بنشوفها في بلاد كثيرة .. لتقديم وجبات سريعة وبشكل نظيف ومضمون ويكونوا كلهم تحت الرقابة الصحية والبيئية لجهات محترمة تُسهل ولا تُعرقل .. ونحدد لهم أماكن محددة عشان ما تكونش العملية إرتجالية

قطعوا علينا بقى

يعني لما حضرتك تسيح على الفكرة اللي عاوزة اعملها و تتكلم عنها هنا في المنتدى

مش دا يبقى تقطيع

ههههههههههه

انا فكرت في هاذوها الفكرة

بس مش وجبات سريعة لا حاجه كده زي ما تقول باتسيري متنقل

المشكلة اني مش في مصر و باحاول اقنع اختي و اصحابها انهم يعملوها

ان شاء الله لو اقنعتهم هانزل هنا توبيك مخصوص عن المشروع و صور له

ادعولي انهم يقتنعواااااااا

ربنا ما يجعلنا من قطاعين الأرزاق - أنا هاجي افرش جنبك بعربية الفول بتاعتي .. بس مش هاتكون خشب أو ببجرها حمار .. لأ هاتبقى عربية شيك زي التوك توك كده بس كبيرة شويه .. وأهو اللي ياكل فول من عندي . ييجي يحلي من عندك بالباتون ساليه .. إسمه إيه بالتاع ده ؟ ( يا خوفي الناس ما تعرفش ولا تفهم كلمة بيتسيري وتعملي يا ريم زي جميل راتب لما عمل مشروع نجرسكو في الحارة بتاعتهم في مسلسل ونيس ) ..

المشكلة مش في الأفكار يا ريم ... ما هي الأفكار موجودة للصبح ... ولا في التنفيذ ولا في التمويل ..

لكن في العقول اللي بتكعبل أي حد يحاول يقف على رجلة وتحسي إنها متربصة ولابده في الدرا عشان تطخ كل من تسول له نفسه بالإبداع

وتلاقي 100 قرد طلع لك ..

بلدية

صحة ...

شرطة

إشغال طريق

بلطجية

إتاوات

إلخ إلخ إلخ

فبالوضع اللي موجود ده العراقيل تخلي الكتكوت يشيب ...

إذن الشعب يريد تسهيل الإجراءات ...

وبلاش يا عم تساعدني ... لكن سيبني أشتغل وأشوف حالي في بيئة ومناخ صحي .. وفي طار أنت تحدده .. لكن يكون إطار بيبني مش بيهد ...