البلد محتاجه كبير

[se_ Elsyed]

أيوه عارف إننا أسقطنا السلطة الأبوية وفكرة الزعيم الخالد وحكم الفرد الواحد

لكن أنا أتحدث عن فترة إنتقالية مؤقتة ستمتد لاكثر من عام

كنت أتمنى أن يكون هناك شخص كبير وعاقل يسمع له الجميع

وكنت أتمنى أن يستطيع المشير أن يتواصل مع الشعب ويجمع كل اطيافة المختلفة لهدف واحد وهو " مصر "

لكن خيب ظنوني في كل المناسبات حتى اليوم ... خطاب نمطي سأمنا منه من سنة 52 ...

تخيلوا حتى الاخ وزير الداخلية المسئول عن الأمن والامان عارف إن الدنيا مولعه من أمبارح .. وزادت اليوم ومساءً تحديداً ... والباشا الوزير قاعد دلوقت حالاً بياكل جاتوه في أحد الفنادق على النيل إحتفالاً بتأسيس حزب الحرية والعدالة وولا في دماغه

[ابو محمود]

أيوه عارف إننا أسقطنا السلطة الأبوية وفكرة الزعيم الخالد وحكم الفرد الواحد

لكن أنا أتحدث عن فترة إنتقالية مؤقتة ستمتد لاكثر من عام

كنت أتمنى أن يكون هناك شخص كبير وعاقل يسمع له الجميع

وكنت أتمنى أن يستطيع المشير أن يتواصل مع الشعب ويجمع كل اطيافة المختلفة لهدف واحد وهو " مصر "

لكن خيب ظنوني في كل المناسبات حتى اليوم ... خطاب نمطي سأمنا منه من سنة 52 ...

تخيلوا حتى الاخ وزير الداخلية المسئول عن الأمن والامان عارف إن الدنيا مولعه من أمبارح .. وزادت اليوم ومساءً تحديداً ... والباشا الوزير قاعد دلوقت حالاً بياكل جاتوه في أحد الفنادق على النيل إحتفالاً بتأسيس حزب الحرية والعدالة وولا في دماغه

لقد صدمنى موضوعك !

ياألله تخلصنا من الفرعون وتريد لنا فرعون جديد نحن نريد دولة مؤسسات وليس دولة فرد او زعيم كفاية بقى يا استاذ احنا تعبنا

[فريح]

أيوه عارف إننا أسقطنا السلطة الأبوية وفكرة الزعيم الخالد وحكم الفرد الواحد

لكن أنا أتحدث عن فترة إنتقالية مؤقتة ستمتد لاكثر من عام

كنت أتمنى أن يكون هناك شخص كبير وعاقل يسمع له الجميع

وكنت أتمنى أن يستطيع المشير أن يتواصل مع الشعب ويجمع كل اطيافة المختلفة لهدف واحد وهو " مصر "

لكن خيب ظنوني في كل المناسبات حتى اليوم ... خطاب نمطي سأمنا منه من سنة 52 ...

تخيلوا حتى الاخ وزير الداخلية المسئول عن الأمن والامان عارف إن الدنيا مولعه من أمبارح .. وزادت اليوم ومساءً تحديداً ... والباشا الوزير قاعد دلوقت حالاً بياكل جاتوه في أحد الفنادق على النيل إحتفالاً بتأسيس حزب الحرية والعدالة وولا في دماغه

أنا حاسس من كتابات حضرتك فى 48 ساعه الماضية أنك أصبحت متأرجح بين مجموعة أفكار زى معظم المصريين

بعد ما كنت واخد لاين محدد وقفت و بتفكر و بتقول هو فى أية و أحنا رايحين فين

و هكذا كل المصريين تقريباً حتى اللى لهم توجه حزبى أو مسيسين جتلهم المرحلة دى أكثر من مره طوال الستة أشهر الماضية

و هذا طبيعى جداً لأننا فى مرحلة غير مسبوقة و لما نتعرض لها من قبل و أختلط فيها الحابل بالنابل و الصالح بالطالح

النهاردة أناشايف دة محترم بعد كام يوم تشوف فى كلام بيقول أنه غير ذلك شايف أن دة عايز مصلحة البلد بعد كام يوم

ظهر أنه مع مصلحة نفسة أو حزبة و أصبحنا يخون بعضنا البعض لمجرد أختلاف و أحياناً على أتفه الأشياء

و كثرة الميادين و كثرة السناريوهات

و استطيع أن أقولها بصراحة و مش من النهاردة لأ من فترة ليس بالقليلة أن من يظن أنه يحتكر الحقيقة

و يعلم الدنيا رايحه فين فهو فى وهم كبير

[se_ Elsyed]

بالراحة شوية يا جماعة وأعيدوا قراءة كلامي

ومن ضد فكرة دولة المؤسسات ؟

طب دولة مؤسسات إيه اللي بتبقى في فترة إنتقالية تمتد لعام كامل وما فيهاش أهم مؤسسة وهي المؤسسة التشريعية والرقابية اللي هي مجلسي الشعب والشورى ... وما فيهاش مؤسسة رئاسية أصلاً لإننا بنجهز لتلك المرحلة ..

يبقى هانضحك على نفسنا ونقول لأ في الفترة ي إحنا عاوزين ومصممين على دولة مؤسسات ؟

[tarek hassan]

لكن أنا أتحدث عن فترة إنتقالية مؤقتة ستمتد لاكثر من عام

فترة انتقالية لمدة عام إزاي

يعني بلاها انتخابات

وكمان بلاها رأي الشعب

أنت فكرتني باللي عايزين يأجلوا رمضان علشان مفيش حد مستعد ليه غير الإخوان والسلفيين

تم تعديل 24 يوليو 2011 بواسطة tarek hassan

[se_ Elsyed]

فترة انتقالية لمدة عام إزاي

يعني بلاها انتخابات

وكمان بلاها رأي الشعب

أنت فكرتني باللي عايزين يأجلوا رمضان علشان مفيش حد مستعد ليه غير الإخوان والسلفيين

مش بأقول لك الردود جاهزة يا طارق من غير معرفة الموضوع بيتكلم عن إيه

مين اللي عاوز يأجل رمضان ؟ أنا ؟

يا عزيزي إحنا بالفعل في فترة إنتقالية ستمتد لعامين كاملين ... إحسب كده من 12 فبراير بداية حكم المجلس العسكري . حتى أخر أخر ديسمبر عندما تنتهي إنتخابات مجلس الشعب ... معايا يا طارق بالورقة والقلم ؟

أضف عليهم 90 يوم يعني 3 شهور للفصل في أي طعون على صحة عضوية أي عضو نجح في الإنتخابات .... دخلنا كده في مارس ... تمام ياخويا ؟( وش توفيق الدقن في فيلم الفتوة وهو بيفهم الفتوة فريد شوقي )

ضيف عليهم معلقة صغيرة من سكر البودرة .. يعني إعداد الدستور اللي مقرر له 6 شهور ... يبقى كده دخلنا في سبتمبر 2012 ..

وبعدها لا يقل عن 3 او 4 شهور إنتخابات رئاسة

يبقى بالتمام والكمال عندنا سنتين من حكم العسكر وبلد من غير رئيس ولا حكومة مستقرة ...

شوفت بقى الحسبة بسيطة إزاي ؟

[الغريب]

أنا شايف أنها نعمة أن ملناش قائد

لأننا عندنا عاطفة غالبة لا يمكن إنكارها

فيه ناس وقعت في غرام أحمد شفيق من تصريحين

وفيه ناس وقعت في غرام عمر سليمان من حدة خطاباته

نعمة من ربنا إن المجلس العسكري ليس به أي فرد لديه كاريزما مثل الظباط الأحرار 1952 ، وإلا كنا لقينا الشعب بيقول هو ده ولا حدش غيره

الأغلبية متعطشة للإستقرار ، حتى لو كان على حساب أشياء أخرى مثل الكرامة وحرية الإختيار

لازم تخاف من الأغلبية دي وتعملها حساب لأنها هتنهش أي حد هييجي على إستقرارها

[tarek hassan]

فترة انتقالية لمدة عام إزاي

يعني بلاها انتخابات

وكمان بلاها رأي الشعب

أنت فكرتني باللي عايزين يأجلوا رمضان علشان مفيش حد مستعد ليه غير الإخوان والسلفيين

مش بأقول لك الردود جاهزة يا طارق من غير معرفة الموضوع بيتكلم عن إيه

مين اللي عاوز يأجل رمضان ؟ أنا ؟

يا عزيزي إحنا بالفعل في فترة إنتقالية ستمتد لعامين كاملين ... إحسب كده من 12 فبراير بداية حكم المجلس العسكري . حتى أخر أخر ديسمبر عندما تنتهي إنتخابات مجلس الشعب ... معايا يا طارق بالورقة والقلم ؟

أضف عليهم 90 يوم يعني 3 شهور للفصل في أي طعون على صحة عضوية أي عضو نجح في الإنتخابات .... دخلنا كده في مارس ... تمام ياخويا ؟( وش توفيق الدقن في فيلم الفتوة وهو بيفهم الفتوة فريد شوقي )

ضيف عليهم معلقة صغيرة من سكر البودرة .. يعني إعداد الدستور اللي مقرر له 6 شهور ... يبقى كده دخلنا في سبتمبر 2012 ..

وبعدها لا يقل عن 3 او 4 شهور إنتخابات رئاسة

يبقى بالتمام والكمال عندنا سنتين من حكم العسكر وبلد من غير رئيس ولا حكومة مستقرة ...

شوفت بقى الحسبة بسيطة إزاي ؟

على فكرة مع إني معجب جدا بالراي اللي بيقول مجلس رئاسي من المرشحين للرئاسة يساعد المجلس العسكري ويشترك معاه في القرار قد يكون البرادعي البسطويس حمدين وحازم ووالأشعل وبلال .......... بس الكلام نظري وعمليا صعب الاتفاق على أي شيء الوقتي في ظل حالة التربص بكل كلمة وكل حرف وكل حركة وكل قرار سواء للمجلس العسكري أو لحكومة شرف

أنا شايف إن الشعب كله مشارك في القرار بما في ذلك التحرير والعباسية وروكسي ومصطفى محمود والأربعين وغيرهم

بس أي آلية ممكن تجيب المجلس الرئاسي ( المرحلة الانتقالية ) ده واللي هيكون مطعون قانونا على أي قرار هياخده لأن هناك استفتاء متفق عليه

خلينا عمليين

مجلس الشعب هييجي يخفف شوية وهيملك القرار

المطلوب إننا نفكر في الإسراع فيما هو مستحق وليس البحث عن أشياء جديد خلافية يقبلها البعض ويرفضها الآخرون

خلينا نمشي في الاتجاه الصحيح بدل من شيء يعده البعض انقلابا ويثير مخاوفهم ويحقق مقولة إن ما يحدث الآن الغرض منه خطف السلطة

تحياتي

[se_ Elsyed]

يعني هو مكتوب علنا ما يبقاش عندنا حل وسط يا غريب

يعني ما فيش حد في المجلس العسكري يبقى عنده كارزما وكلمتة مسموعة

ولا كمان عصام شرف بيصد ولا يرد

يعني نقعد نتخبط كده ونحس إننا بنحشت مطالبنا منهم ولم يتم تنفيذ أي شيء خلال الستة أسهر الماضية إلا بضغوط ومليونيات وتهديدات وحتى الان لا توجد بوادر أفعال إيجابية يسبقونا فيها بخطوة من جانب المجلس أو الحكومة ؟

على العموم ربمضان قرب وكل سنة وإنتو طيبين .. وما فيش قدامنا غير إننا ننتظر الجزء التاني من مسلسل " الكبير أوي "

[ozoozo]

لا اجد وصف لما يحدث الان افضل من التويته دي

مصر عيانة واحنا بنديلها لبوس ثوري و هي قاعدة بتصرخ و تفلفص مش عايزة يا كفار ,,, برضه هتاخديه يعني هتاخديه يا مصر

[الغريب]

لا اجد وصف لما يحدث الان افضل من التويته دي

مصر عيانة واحنا بنديلها لبوس ثوري و هي قاعدة بتصرخ و تفلفص مش عايزة يا كفار ,,, برضه هتاخديه يعني هتاخديه يا مصر

يا خوفي لا تموت في إيديهم يا أخي

[ابراهيم عبد العزيز]

نعم مصر الان تحتاج بشدة (( للكبير ))

ولا يعني هذا عودة الدكتاتور أو الحكم الفردي ولكن نريد القائد الذي يحظى باحترام وثقة جميع ابناء الوطن وبالتالي يطمئنون جميعا لوجوده ويكونون على ثقة أنه سينتقل بمصر بعدالة وحيادية الى الديموقراطية مما يؤدي الى استقرار الأوضاع

يا جماعة الخير : هل العائلة التى يوجد لها أب يدير امورها ويمسك دفة الامور مثل العائلة التي لا عائل لها ؟؟

نشعر ان مصر الان بلا رأس , وتحتاج لقائد او زعيم يجمع شتات ابناء الوطن تحت كلمة سواء

الامة فى لحظات الضعف والشتات يمكننا ان نشبهها بأصفار , وهذه الأصفار مهما كان عددها ولنفترض انها ستة أصفار بجانب بعضها ستكون بلا قيمة بالطبع

هذا الرقم الصفري اذا وضعنا بجانبه الرقم ( 1 ) ستتحول القيمة من الحالة الصفرية الى الرقم مليون

الرقم (1) هو القائد أو الزعيم وهذه الأصفار هى نحن الان

أين الرقم (1) فى مصر الان ؟؟

تم تعديل 24 يوليو 2011 بواسطة ابراهيم عبد العزيز

[لماضة مصرية جدا]

السلام عليكمو رحمة الله و بركاته

طب و هو يعني اصلا كلمة "كبير"

عندنا في الصعيد "الكبير" يعني الاكثر مالا و نفوذا و سليل اقوي عيلة صاحبة الطين الاكثر و بالتالي هيكون ذو تأثير اكبر

أنا رايي الشخصي

اذا احنا كنا في حالة ثورة

طب مش جزء منها ان احنا نتخلي عن مفهوم "الكبير" اللي احنا عارفينه ده...لانه ببساطة بيخلينا نشوف شخص واحد هو محور دولة بحالها ليها تاريخ و ليها

ليه ميكونشي الكبير...مصر

ليه ميكونشي الكبير.."قانون" يطبق ع الكبير و علي الصغير

ليه ميكونشي الكبير هدف واحد كلنا نبص عليه و نشن عليه

ليه ميكونشي الكبير "رؤية " واضحة نقدر نوحد فيها كل توجهاتنا و انتماءاتنا و قناعتنا الشخصية

مش صعبة و الله

احنا في حالة ثورة

والثورة انك تفكر بره الصندوق

و الا لو وقفتعلي حافته و لا جواه

يبقي برضه شوية شوية راح ترجع تاني جوه الصندوق

بس المرة دي باختيارك

و برضه دي وجهة نظر

[لماضة مصرية جدا]

نعم مصر الان تحتاج بشدة (( للكبير ))

ولا يعني هذا عودة الدكتاتور أو الحكم الفردي ولكن نريد القائد الذي يحظى باحترام وثقة جميع ابناء الوطن وبالتالي يطمئنون جميعا لوجوده ويكونون على ثقة أنه سينتقل بمصر بعدالة وحيادية الى الديموقراطية مما يؤدي الى استقرار الأوضاع

يا جماعة الخير : هل العائلة التى يوجد لها أب يدير امورها ويمسك دفة الامور مثل العائلة التي لا عائل لها ؟؟

نشعر ان مصر الان بلا رأس , وتحتاج لقائد او زعيم يجمع شتات ابناء الوطن تحت كلمة سواء

الامة فى لحظات الضعف والشتات يمكننا ان نشبهها بأصفار , وهذه الأصفار مهما كان عددها ولنفترض انها ستة أصفار بجانب بعضها ستكون بلا قيمة بالطبع

السلام عليكم و رحمة الله و بركاته

علشان لحظة الضعف و الشتات دي استاذي

هيكون الاحتياج اكبر لفكرة "الكبير" بس مش في صورة قائد

لان تاريخنا مليان بناس وصلنا بيهم لدرجة "التأليه"

ده جزء من طبيعتنا الفرعونية

احنا بنصنع "فراعين"

طب ليه منوجهشي حالة الضعف و الاحتياج دي....لحالة بناء "هرم" بدل ما نبني فرعون

ليه مبننيش قانون ينفع لاي قائد يجي...بدل ما نلمع في شخص واحد و نتعامل معاه انه رب "العيلة"

فهمت تشبيه حضرتك بس القياس مش متفقة معاه

لان "رب العيلة" اوقات كتير بياخد قرارات تضيع العيلة من غير ما يقصد و من غير ما يتعمد

لكن اذا جت الفرصة ان "رب العيلة" يبقي في كتفه كل العيلة...و كلنا نفكر و ننتحمل نتيجة افكارنا وقرارتنا و خصوصا في حالة التخبط دي

مش محتاجين اكتر من صوت هاديء يفتح طاقة نور لكنه ميستفردشي بالقرار لوحده

و دي وجهة نظر

[hOuSsAm]

اخشى ما اخشاه

ان يتم بعد انتخاب مجلس الشعب نلاقيهم فى اول اجتماع يتراشقون بالاحذية لاختلافهم فى الراى

ان ارى مجلس رئاسى يفضحون بعض فى وسائل الاعلام

ان ارى بعد اكتمال مؤسسات الدولة قيام ثورة جديدة لاسقاطهم جميعا والسبب انهم مش عاجبينهم

ان تستمر مهنة ثورجى فى بطاقات بعض المواطنين - ويظلون يعملون بها حتى الموت او النصر (مش عارف نصر على ايه)

ان تقوم ثورة الجياع والتى اوشك ان اسمع صياحها من المستقرين ماديا فما بالك بالغير مدخرين والذين يعتمدون فى معيشتهم على راتبهم اليومى

اخشى خروج قتلة الشهداء من السجون لعدم كفاية الادلة ويتقبله الشعب بصدر رحب (لانه زهق وعايز يستقر)

اخشى انه سعيا للاستقرار يختار الشعب فرعونا جديدا لكى يعبدوه

---------------

اللهم احفظ مصرنا يارب العالمين

[رضوي]

مصر محتاجة تغيير

مصر محتاجة حاجات كتير اوي اوي اوي اوي

كنت من المتفائلين بما يحدث .......... ولا زلت في حقيقة الأمر ......... ولكن

الثورة لم تنجح بنسبة 100% ببساطة شديدة لأن الثورة قضت علي رموز الفساد ( الكبار اوي يعني ) ولسة بقي الفاسدين المتوسطين والصغيرين

يعني لما أعرف ان معظم رجال القضاء الله أكبر عليهم من الفاسدين .......... وياريت اي فساد ........ لا دة فساد زي ايام الافلام الابيض والاسود .......... والناس اللي بتبيع اراضيها غصب عنها ..... ويمكن كمان تبيعها من غير ماتعرف .......... واللي يتكلم مصيره بقي ايييييييييييييييييييه (اكيد كلنا عارفين )

لما أعرف ان فيه بلطجية مسكوا شخص ما وحالوا يهربوا بيه لمكان نائي علشان يضربوه او يموتوه ( هو وحظه بقي ) ولما الناس تلحقه وتمسك البلطجية دول ويضربوهم لحد لما يعترفوا علي اللي مأجرهم ويطلع سيادة القاضي الفلاني ولا المستشار العلاني ............... ومأجرهم يخطفوا الراجل دة علشان بس نطق وطلع مستندات ............ يبقي احنا قضينا علي الكبار بس وسايبين الباقي يلعب لسة

لما اعرف ان رجال الشرطة المعروف عنهم والمثبت ضدهم الرشاوي والفساد وتسهيل الاتجار في المخدرات وتسهيل بيع الآثار ............. اترقوا في الحركة الأخيرة او اتنقلوا لمكان تاني وماكانوش من ضمن اللي اترفدوا ؟؟؟؟؟؟؟ تبقي كارثة !!!!!!!!!!!

لما اعرف ان المعروف عنهم النزاهة والمصداقية والشرف يبقوا مجرد مستشارين مركونين ع الرف مقابل الناس التانية الفاسدة يمسكوا مناصب مهمة .......... يبقي لسة محتاجين تطهير

لما يكون عندي اجراء بخلصه في اي مصلحة حكومية ومتعطلة من غير سبب ....... وافهم في الاخر ان سبب العطلة اني ماشغلتش دماغي ودفعت رشوة في درج السيد الموظف المحترم .......... ولما الاقني انا لوحدي اللي بزعق في المصلحة واقول مش هدفع رشوة واعلي صوتي والناس ساكتة وبتدفع من سكات علشان تخلص ......... ولما بقي اعمل مشكلة جامدة الناس تبدأ تتكلم وتفتكر انهم غلط اصلا م البداية يدفعوا رشوة وان الموظف دة لازم يتشال ؟؟؟؟

يبقي لسة جوانا سلوكيات كتير اوي لازم نغيرها

بس كل دة ماينفعش دلوقتي

اصل انا ماقدرش احاكم كل الناس دي في وقت واحد .......... واصلا مين اللي هيحاكم .......... وهيحاكم مين ؟؟؟؟

اذا كانت النزاهة اصبحت حكر علي ناس معينة وبس والباقي علي الأقل بتدور حواليه الشكوك

ادامي حلين

يانفور البلد كلها من اولها لأخرها ونجيب بقي ناس جديدة نضيفة ماكانتش موجودة اصلا قبل الثورة ولا تعرف يعني ايه فساد ......... اربيهم علي الطهر والعفة ومكارم الاخلاق

( ودة الحل الخيالي )

يااما يكون فيه حد مسئول عن البلد دي .......... يكون عندي حد اقدر اسأله .......... ليه فولان الفولاني المعروف الفساد بيشغل منصب ما لحد دلوقتي ؟؟؟

يبقي عندي مؤسسات في البلد دي ........ ومسئولين عن المؤسسات دي اقدر احاسبهم وأسألهم

الثورة نجحت في الاطاحة برموز الفساد .......... لسة دور مابعد الثورة في التطهير والابادة الشاملة لكل من سولت له نفسه في يوم من الايام

محتاجين عمل جاد ......... وصمت

[مهندس طه عطيتو]

دا أمر متوقع ف بلد فيها ثورة المهم هو التوجه بسرعة الى تسليم السلطه من العسكر الى سلطة منتخبة أيا كان التيار اللي حيكم مصر ف الفترة المقبلة ..وبلاش اعجاب كل ذي رأي برأيه اخوانا اللي ف التحرير هم اللي بيطالبو بتأجيل الانتخابات وف نفس الوقت مش عاجبهم المجلس العسكري ..يعني ايه المطلوب مجلس رئاسي مين اللي حيكون فية البرادعي ولا عمرو موسى ولا الاسلاميين ..مش حنتفق الا بخيار ديموقراطي

[se_ Elsyed]

عارفين إحنا محتاجين كبير ليه ؟

لأني إتصدمت من الخبر الهزلي العبثي اللي قرأته دلوقت عن

مخيمات السلام ينشئون دورة مياه أمام ماسبيرو

الأحد، 24 يوليو 2011 - 14:53

كتب إيمان على وعز النوبى ومحمود عبد الغنى -تصوير عمرو دياب

أقام معصتمو مخيمات السلام بماسبيرو، دورة مياه أمام بوابة رقم 15 الخاصة بالعاملين بماسبيرو، بعد تجاهل المسئولين لمشكلاتهم وافتراشهم شارع كورنيش النيل لأكثر من 50 يوما فى اعتصامهم الذى يعد الأطول بعد ثورة 25 يناير والتى قامت من أجل أمثالهم.

ولجاء المعتصمون لذلك بعد أن تم غلق دورات المياه المحيطة بماسبيرو، بالإضافة إلى تحصيل جنيه على كل فرد عند دخوله دورات المياه، وهو الأمر الذى سيزيد من أعباء المعتصمين حيث إن أغلبهم عمال يومية.

وقال محمد محمود "أحد المعتصمين" إنهم قاموا بجمع جنيه من كل معتصم لإنشاء دورة المياه، موضحا أن معظمهم سيضطر لجلب بعض الأثاث الخاص بهم من الشقق التى تم طردهم منها وذلك استعدادا لشهر رمضان.

وكأن ما عندناش حد محترم موجود يسمع ناس غلابة زي دول حتى لو ما كانوش على حق

وكأن أعضاء المجلس العسكري وأعضاء الحكومة اللي ليل نهار بيروحوا مبنى التليفزيون ما شاوفش منظر العار اللي هناك

[ابو محمود]

أنا شايف أنها نعمة أن ملناش قائد

لأننا عندنا عاطفة غالبة لا يمكن إنكارها

فيه ناس وقعت في غرام أحمد شفيق من تصريحين

وفيه ناس وقعت في غرام عمر سليمان من حدة خطاباته

نعمة من ربنا إن المجلس العسكري ليس به أي فرد لديه كاريزما مثل الظباط الأحرار 1952 ، وإلا كنا لقينا الشعب بيقول هو ده ولا حدش غيره

الأغلبية متعطشة للإستقرار ، حتى لو كان على حساب أشياء أخرى مثل الكرامة وحرية الإختيار

لازم تخاف من الأغلبية دي وتعملها حساب لأنها هتنهش أي حد هييجي على إستقرارها

تحياتى سيدى ... نحن نمتلك مجلس عسكرى محترم لم ينساق وراء شهوة الحكم ويحاول ان يلملم الشمل

وسنعرف هذة النعمة حين تنتهى هوجة الاختيار والبحث عن مكان من النخب الغير مسؤلة

[se_ Elsyed]

طب عشان خاطر ربنا ...

ينفع المجلس العسكري يضم مجموعة من المدنيين المحترمين وهم كُثر امثال الدكتور محمد غنيم والدكتور محمد أبو الغار والدكتور فاروق الباز والدكتور أحمد زويل والشيخ محمد حسان وأي رجال دين مسيحي مقبولين لدى المسيحيين وأي شباب ثوري متزن مقبول للجميع ومندوب عن العمال وليكن الرجل المحترم كمال أبو عيطه اللي كنت بأشوفه في كل مناسبة تخص العمال ومشاكلهم ... ده على سبيل المثال لا الحصر

ويكونوا كمجلس حكماء مهمته يبقى حلقة وصل بين الناس وبين المجلس العسكري ويتعاملوا مع الجميع بعيداً عن الرسميات ولغات الاوامر وينقلوا وجهة نظر كل طرف للأخر ويقترحوا هم حلول إسترشادية لمشاكلنا في الفترة الإنتقالية دي ... وكمان يهدوا الدنيا في الأيام المفترجة حيث أيام تُعد على الاصابع ويدخل شهر رمضان ...

ونهدا كلنا شويه عشان الأيام المفترجة دي ... ونسيب الحكومة تشتغل والمجلس العسكري يشتغل .. بس في الطريق الصحيح لأني خايف من حركة تغييرات المحافظين القادمة تيجي محبطة زي حركة التغيير الوزاري ... وينقلوا للحكومة أيضاً هموم الناس البسطاء واللي هايبقى أهمها حالة انفلات الأسعار اللي بدأت بالفعل عشان رمضان طبعاً لإن في تجار ما بتخافش ربنا وبيبقى كل همها مص دم الناس .. وأهو البداية لما كيلو السكر يوصل 6 ج .. والأرز 5 واللحمة من 55- 70 ج ... يبقى يرضي ربنا ده ؟ ويبقى الموضوع محتاج وقفة من الوزارات المعنية ومن الحكومة وياريت نصرب بيد من حديد على إيد أي تاجر جشع يستغل الناس ويطحنهم

بالمناسبة .... الجيش هايوزع 2 مليون شنطة رمضان على مستوى الجمهورية على الفقراء

وأوكلوا جمعية مصر الخير لتوزيع 77 الف طن لحوم على الفقراء في جميع انحاء مصر ...

ولو إن طريقة توزيع شنط رمضان مش عجباني لإن بيحصل فيها تدافع وجشع من غير المحتاجين ... وفي المحافظات بيختاروا أي إستاد رياضي كبير وبيوزعوا فيه الأشياء دي وبتبقى بهدله في الحر والشمس وناس بتروح فيها تحت الرجلين .. فياريت فعلاً كانوا وزوعوها على جمعية رسالة ومصر اخير والأورمان وتلك الجمعيات الخيرية الي عندها قوائم كثيرة بالمحتاجين ..

ما علينا

المهم نهدا كلنا ونثق ولو من ورا قلبنا في الحكومة اللي اعلن فيها نائب رئيس الوزراء الدكتور علي السلمي إن حكومة عصام شرف محتاجه 100 يوم أخرى بالتمام والكمال لكي تظهر هناك نتائج لعملهم ..

أتمنى ذلك ...

واتمنى من الشباب الثائر كمان إن يستحمل ويصبر شويه ... ( وكلنا نتعاون و نجيب حبل .. بس متين وطويل ونكتف به تيمور وما نفكهوش إلا يوم العيد الصبح عشان ييجي يصلي العيد معانا وبعدين نفكر هانطلق سراحه ولا نسيبه مربوط

وأتمنى من المجلس العكسري إنه يقعد يقول لنفسه " دي ثورة .. ثورة ثورة ثورة "