البلد محتاجه كبير

[Ahmed Anwer]

مش عايزين كبير

عايزين رئيس و برلمان

أعتبروهم فترة إنتقالية

لو أحسنوا ننتخبهم تاني

لو فشلوا ماننتخبهمشي

لو فسدوا نحاسبهم

[se_ Elsyed]

مش عايزين كبير

عايزين رئيس و برلمان

أعتبروهم فترة إنتقالية

لو أحسنوا ننتخبهم تاني

لو فشلوا ماننتخبهمشي

لو فسدوا نحاسبهم

رئيس وبرلمان Ready made يعني يا أحمد ؟

إحنا هانكذب على نفسنا

إحنا في فترة إنتقالية يا حبيبي غصب عننا ... ولسه بدري على البرلمان والرئيس ... يبقى نفضل بقى في الغلب ده ليل نهار ؟

وما ينفعش برلمان مؤقت ورئيس ظهورات ... الحاجات دي مافيهاش هزار .. واساساً ما فيش دستور يحكم ده كله

[Ahmed Anwer]

تخيل إن المعجزة حصلت و اتفقنا علي ( ص )

قائد للمرحلة الإنتقالية

طلع ( ص ) ده مش كويس

بلاش طلع كويس بس مش بالحد اللي إحنا عايزينه

أيه الموقف ؟

هنغيره ؟؟

و نفضل في الدوامة ، ساعتها هننقلب علي الثورة و نتشعبط في اي ديكتاتور

ينقذ البلد (( المرحلة اللي حضرتك وصلتلها بدري قوي ))

مش بقول الإنتخابات هتجيب ملائكة

بس الديمقراطية بتديك آليات محاسبة و آليات تغيير و آليات رقابة

المعركة لسه طويلة

معركة نزاهة الإنتخابات أولا

و بعدين معركة الديمقراطية الحقيقية ثانيا ،، مش ديمقراطية الديكور

و دي المعارك الحقيقية ، اللي هنخوضها هنخوضها

و تأجيلها ليس فيه أي مكسب لأي حد

أي ثورة و أي شعب ليه طاقة ( مش عيب فقط في الشعب المصري )

فلازم نحقق الحياة الديمقراطية قبل نفاذ هذه الطاقة

[Ahmed Anwer]

فكرة الكبير و المخلص و الزعيم

فكرة تعتمد علي الصدفة التاريخية فقط

أنتا و حظك يعني

بالإضافة إنها في كل الأحوال فاشلة عشان الحكم الفردي

لا أحد يشكك مثلا في وطنية جمال عبد الناصر

لكنه فشل بسبب الحكم الفردي ، الوطنية وحدها لا تكفي