Alattar بتاريخ: 24 يوليو 2011 تقديم بلاغ مشاركة بتاريخ: 24 يوليو 2011 السلام عليكم أنا قلت أستغل النت اللي عندي في الشركة بعد ما الاتصالات السعودية فصلت النت عن البيت مؤقتا..و أكتب شوية حاجات من اللي بتدور في دماغي في ظل الأحداث الحالية..حد يقدر يتوقع هتنتهي علي ايه؟...طبعا من رابع المستحيلات تخيل ما يمكن أن يحدث طيب..الناس اللي قايمة علي المجلس العسكري اليومين دول و ليهم مطالب..المطالب دي كلها مشروعة و كلنا نتفق عليها تماما...بس هل بالطريقة دي المجلس العسكري هيرضخ و ينفذلنا اللي احنا عاوزينه؟ الناس دي ما يعرفوش يتفاهموا مع حد..هما للأسف طبيعتهم كده..ما يعرفوش غير حياة الصحراء الخشنة..و تعاملهم بيبقي مع ظباط زيهم أو عساكر..مش زي الشرطة اللي بتتعامل مع المدنيين دائما..عشان كده أنا شايف ان أسلوب الضغط مش هيجيب نتيجة كويسة معاهم..حتي لو استجابوا لبعض الأمور..فمستحيل هيوافقوا علي كل حاجة بالطريقة دي أنا شايف ان الحل..اننا نهدي شوية لحد ما نعمل انتخابات..و بعدين لما ييجي رئيس منتخب ان شاء الله نبقي نعمل فيه اللي احنا عاوزينه..ولو هيعمل ودن من طين وودن من عجين .. الشارع موجود..و ممكن نرجعله تاني ان شاء الله في أي وقت.. لكن احنا بنضغط علي ناس بيقولوا احنا جايين فترة مؤقتة بس و هنمشي..أنا شايف ان ده مش هيجيب نتيجة معاهم..الا زيادة العناد وياريت..مش عشان اتكلمت في موضوع الانتخابات ألاقي حد داخل بيتكلم في موضوع الاستفتاء ولا الاخوان ولا الليبراليين...الموضوع مش كده خالص.. الموضوع كله اني عاوز البلد تستقر عشان نعرف نعمل اللي احنا عاوزينه..مش نقعد نهاجم علي ناس أول مرة يشوفوا مواطنين عاديين و يتعاملوا معاهم بإعتبارهم مسئولين عنهم.. أنا شايف ان الحل في انتخابات سريعة..تخلي الجيش يرجع لمهمته الأساسية..و يبقي معانا ناس مدنيين زينا .. ممكن ساعتها ان شاء الله نتعامل معاهم و نجيب حقنا منهم زي ما احنا عاوزين..لكن اللي احنا فيه ده..ممكن يخلي واحد من المجلس العسكري يرمي كلمة و يقوللك احنا قاعدين شوية لحد ما البلد ينصلح حالها شوية..و الأمور تهدي لأن في ظل التشكيك العام في كل شيء ده ما ينفعش نعمل انتخابات..أو نلاقي تلاكيك من أي حد..و العملية مش ناقصة.. (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) رابط هذا التعليق شارك المزيد من خيارات المشاركة
se_ Elsyed بتاريخ: 24 يوليو 2011 تقديم بلاغ مشاركة بتاريخ: 24 يوليو 2011 الحل مش هايبقى في الإنتخابات البرلمانية بس يا عطار ... لإن دي مقدور عليها وهاتتم بإذن الله على نهاية هذا العام لكن هذا ليس معناه إنتهاء دور المجلس العسكري اللي هايكمل كمان سنة إلى حين عمل دستور جديد والانتهاء من الإنتخابات الرئاسية وشوف أتحدى والكلام موجود ويشهد عليه .. أتحدى إن كان لمجلس الشعب دور أو كلمة على المجلس العسكري لو رصد أي تجاوز كجهة تشريعية ورقابية هذه نقطة النقطة الأخرى ... وليه لأ يا عطار هي المطالب اللي مصر كلها خرجت عشانها والاف إتعرضوا للموت . صعبة للدرجة دي عشان المجلس ينفذها ؟؟؟؟؟؟؟؟؟؟؟؟ يا مؤمن ده أنت تسمع اللوا الرويني بيتكلم بمنتهى التهكم عن موضوع تطهير الجامعات اللي العفن ضارب بجذورة فيها وكل القيادات بدون إستثناء مبارك هو اللي معينهم .. ولسه حتى الان هناك تقارير أمنية بتتكتب عن الناس اللي في الجامعة سواء أعضاء هيئة تدريس أو طلبة .... وغيره وغيره من مظاهر فساد لسه زي ما هي كما قبل الثورة ويمكن أكتر .... في كده في الدنيا يا عطار ؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
الغريب بتاريخ: 24 يوليو 2011 تقديم بلاغ مشاركة بتاريخ: 24 يوليو 2011 يعني يبقى أيه الحل ؟ 1- نضغط على مجلس مشكوك فيه ولا يرضى أحد آداءه ، والله أعلم بنتيجة وآثار الضغط. 2- نرضى بالمجلس بشكل مؤقت على عيوبه ومميزاته ، وندفع نحو إجراءات تحول السلطة إلى المدنيين (الإنتخابات بكافة أشكالها). 3- نرضى بالمجلس مع الضغط عليه بشكل إيجابي مثل عمل مليونيات وإعتصامات ذات أهداف محددة لا يمكن تأخير إنجازها شريطة عدم التأثير بالسلب على وضع البلد. 4- نسقط المجلس العسكري دون تجهيز بديل يحمل توافق شعبي موثق ومضمون التجانس الداخلي. رابط هذا التعليق شارك المزيد من خيارات المشاركة
eslam elmasre بتاريخ: 24 يوليو 2011 تقديم بلاغ مشاركة بتاريخ: 24 يوليو 2011 كتب الغريب 3- نرضى بالمجلس مع الضغط عليه بشكل إيجابي مثل عمل مليونيات وإعتصامات ذات أهداف محددة لا يمكن تأخير إنجازها شريطة عدم التأثير بالسلب على وضع البلد. انا اخترت الحل ده وهذا افضل الحلول من وجهة نظري (.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 ) رابط هذا التعليق شارك المزيد من خيارات المشاركة
لماضة مصرية جدا بتاريخ: 24 يوليو 2011 تقديم بلاغ مشاركة بتاريخ: 24 يوليو 2011 السلام عليكم و رحمة الله و بركاته اممممم يعني اتصالات قطعوا الهويس عن النت قصدي النت عن البيت امممممم و انت قاعد تفكر امممممم طب هاتوووووووووووه...(وش اي امين شرطة بيلقي القبض علي استاذنا العطار) مش عارفة ليه و انا بقرا مداخلة حضرتك النهاردة افتكرت استاذي امبارح حكالي قصة ظريفة دا ايام ما كان في الجيش العراقي...(هو اصلا عراقي بس واخد جنسية تانية) المهم بيقولي ايه بقي انه كان في الكتيبة بتاعته و بعدي نجالهم يوم اجازة بس لان المعسكر بتاعهم كان بعيد فمكنشي ينفع انهم ينزلوا فالحل اهم يقضوا الاجازة في المعسكر تومام المهم اول ما شقشقت الشمس....اكو...(دي باللغة العراقية....يعني قووووووووووم ايه) قالهم احنا هنحفر خندق النهاردة طبعا استاذي كان عسكور صغير و الجيش بيقولك ايه بيقولك نفذ و بعيدن ناقش طبعا قعدوا يحفروا النفق لغاية المغرب اكووووووو...(قوم ايه برضه) خلاص مبقاش فيهم حيل خالص و يوم الاحازة اتفور لقوا "الآمر"...هو بيسموا الاعلي رتبة كده قالهم لا انا اكتشفت ان احداثيات النفق مش مظبوطة احنا هنردم الخندق و طبعا استاذي قام منفذ تومام اكووووووو....(عرفتها بقي مش هكرر نفسي تاني) سالوه هو احنا اصلا حفرنا الخندق ليه قالهم ده يوم اجازة و لو ارتحتوا هتفوقوا عليا و يمكن تعملوا مشاكل يبقي كده انتوا حصلكم "انهاك" و في نفس الوقت....دربتكم علي "الطاعة" طب نلم الليلة دي في بوقين اللي هما ايه: 1- الناس لازم تفهم ان كل اللي بيحصل ده "أنهاك" و زي ما بلال فضل قالها من زمان قوي...."اجهاد" علشان يحصل للثورة "اجهاض" و الناس تبقي استوت خاااااالص و تقبل بقي اللي هترسي عليه علشان مبقاش فيها حيل تناهد و تعتصم و تقاوح و تخش في جدل و ده يكفر في ده و ده يخون ده 2- تفتيت......علشان بدل ما انا قاعد لا شغلة و لا مشغلة و ممكن بقي افوق علي ال"آمر" بتاعي لا انا اخليه دايما مشغول...."عمال يحفر "خندق" علشان ميعرفشي هو ايه اللي بيحصل و ميفوقشي عليا 3- سياسية الجيش بتاعت نفذ و بعدين ناقش.......مافيشها جدال في الجيش وواحد متربي علي كده اديلة عشرين سنة ضوئية عمال ينفذ و احتمال يناقش دلوقتي انت جاي ياعيل يا ماسوني تقوله انت غلط و مش هحفر الخندق غير لما افهم.....ياخي....اكوووووو....اكووووو....اكووووو(دي ليها بقي معني تاني غير المعني اللي قولته فوق) 4- ناس كتير ابتدت تقع في السكة انا في الاول كنا ايد واحدة في الميدان...دلوقتي بقي فيه بياعين و عواطلية و بلطجية و 6 ابريل و 7 سبتمبر....مكنشي فيه حد بيتكلم هو منين....لكن دلوقتي شوية شوية عمالين نتجزأ الحل بقي من وجهة نظري انا متفائلة جدا علشان الناس اللي بتقع في السكة و بتنكشف ده كويس الدهب بيظهر بعد صهر طويل...بعد ما بيخلص من كل الشوائب اللي فيه بس برضه كلنا بشوائبنا بحديدنا بسيخنا بدهبنا....كلنا كده في مركب واحد يبقي لازم نرجع نتلم تاني علي هدف واحد الهدف المرة دي ان الي قاعد في شرم الشيخ يتفضل يتقندل يجي القاهرة و يتعامل كانه في محاكمة و دي هتبقي اول حركة تخلي الناس تهدي و متقمشي زيادة عن المجلس السمكري...قصدي العسكري بستغرب من الناس اللي عمالة تقول الحل في الانتخابات و الانتخابات هي الحل مع كل احترامي ليهم هي الثورة قامت علشان احنا مكناش عارفين ننزل يعني نصوت في الانتخابات هو الريس اللي هيجي هيجي مثلا من الفضاء و لا هيبقي فرز المرحلة "الانتقالية " ديت اللي عاملة زي الولادة المتعسرة انا شايفة ان المرحلة الانتقالية علي الرغم من انها "انتقالية" لكن مهمة في ارساء مباديء معينة علشان اللي يجي بعد كده يشيل الليلة صح بعدين من وجهة نظري الضغط هيستمر علي المجلس العسكري لغاية ما يحقق مطالب اكتر و هو هيحقق مطالب اكتر لانه ابتدي يغلط و طالما غلط......يبقي يتحاسب...مبنعملشي فراعين جديدة و هنفضل كده.....يعني شد و جذب و جدل لغاية ما تتحقق مطلب محاكمة مبارك او اخراجه من شرم الشيخ الانتخابات هتتاجل و اطمح اني اوصل لمرحلة اني احس انها كانت ثورة بجد...مش شاي بلبن....(الاقتباس من العنبي) طولت علي حضرتك بس انت قولت انك في الشغل و كدهوت...فحبيت اعرض عليك الامر تحليلي تفصيلي....و دي برضه وجهة نظري يمكن اطلع غلط رابط هذا التعليق شارك المزيد من خيارات المشاركة
عادل أبو عمر بتاريخ: 24 يوليو 2011 تقديم بلاغ مشاركة بتاريخ: 24 يوليو 2011 السلام عليكم و رحمة الله و بركاته بستغرب من الناس اللي عمالة تقول الحل في الانتخابات و الانتخابات هي الحل مع كل احترامي ليهم هي الثورة قامت علشان احنا مكناش عارفين ننزل يعني نصوت في الانتخابات و عليكم السلام و رحمة الله و بركاته حضرتك عندك شك في الكلام اللي بالأزرق ده عندك شك إن جبروت الحزب الوطني في تزوير الانتخابات الأخيرة كانت سبب رئيسي لتوحيد كافة التيارات ضد النظام فلما خرجوا في الميدان كانوا مع الشعب على قلب رجل واحد ضد النظام اللي زور إرادة الشعب طول السنين دي و منع ( صوتهم ) لغاية ما الفساد غرق البلد حضرتك شوفتي العيد بتاع يوم الاستفتاء شوفتي الناس كانت فرحانة إزاي و هي واقفة في الطابور ساعاااااااااااااااااااااات طويلة بس عشان ( تصوت ) معقول كل الفرحة دي يتم تجاهلها و كانها لم تحدث ... ( فرحة ) دي كلمة يشترك فيها الجميع بلا شك .. لكن لما يتم الاختلاف عليها يبقى اسمها ( حق ) (حق ) لكل الناس دي اللي خرجت ووقفت و قالت كلمتها ... مين من حقه يقول دول ما بيفهموش أو إنهم سذج و فيه ناس ضحكوا عليهم .. الاستغراب ده من حق الناس اللي بعد طول ستين سنة أخيرا عرفت ( تصوت ) ساعاااااات في طوابير .. بس فرحانين.. وبعدين ... شكرا .. صوتك بقى مجرد وجهة نظر .. من حق الناس دي إنها تستغرب لما تلاقي (فرحتها ) بتضيع و ( حقها ) بقى وجهة نظر ... و هناك من يعايرها بأنه يرى أفضل منها و سينفذ ما يراه مش مشكلة الناس قالت إيه المشكلة في طريقة معاملة رأي ناس ... حضرتك ممكن تشوفي الفيديو ده و تشوفي إن فيه ناس برده عايزة ( تصوت ) داخل القاعات ... http://www.youtube.com/watch?v=h3Bzv3r5T9Y وفي النهاية كلها وجهات نظر رابط هذا التعليق شارك المزيد من خيارات المشاركة
ابو محمود بتاريخ: 24 يوليو 2011 تقديم بلاغ مشاركة بتاريخ: 24 يوليو 2011 السلام عليكم و رحمة الله و بركاته بستغرب من الناس اللي عمالة تقول الحل في الانتخابات و الانتخابات هي الحل مع كل احترامي ليهم هي الثورة قامت علشان احنا مكناش عارفين ننزل يعني نصوت في الانتخابات و عليكم السلام و رحمة الله و بركاته حضرتك عندك شك في الكلام اللي بالأزرق ده عندك شك إن جبروت الحزب الوطني في تزوير الانتخابات الأخيرة كانت سبب رئيسي لتوحيد كافة التيارات ضد النظام فلما خرجوا في الميدان كانوا مع الشعب على قلب رجل واحد ضد النظام اللي زور إرادة الشعب طول السنين دي و منع ( صوتهم ) لغاية ما الفساد غرق البلد حضرتك شوفتي العيد بتاع يوم الاستفتاء شوفتي الناس كانت فرحانة إزاي و هي واقفة في الطابور ساعاااااااااااااااااااااات طويلة بس عشان ( تصوت ) معقول كل الفرحة دي يتم تجاهلها و كانها لم تحدث ... ( فرحة ) دي كلمة يشترك فيها الجميع بلا شك .. لكن لما يتم الاختلاف عليها يبقى اسمها ( حق ) (حق ) لكل الناس دي اللي خرجت ووقفت و قالت كلمتها ... مين من حقه يقول دول ما بيفهموش أو إنهم سذج و فيه ناس ضحكوا عليهم .. الاستغراب ده من حق الناس اللي بعد طول ستين سنة أخيرا عرفت ( تصوت ) ساعاااااات في طوابير .. بس فرحانين.. وبعدين ... شكرا .. صوتك بقى مجرد وجهة نظر .. من حق الناس دي إنها تستغرب لما تلاقي (فرحتها ) بتضيع و ( حقها ) بقى وجهة نظر ... و هناك من يعايرها بأنه يرى أفضل منها و سينفذ ما يراه مش مشكلة الناس قالت إيه المشكلة في طريقة معاملة رأي ناس ... حضرتك ممكن تشوفي الفيديو ده و تشوفي إن فيه ناس برده عايزة ( تصوت ) داخل القاعات ... http://www.youtube.com/watch?v=h3Bzv3r5T9Y وفي النهاية كلها وجهات نظر ودي مشكلة يجب التعامل معها بحرص ويجب ان ننتبة هناك حالة انفصام بين اليبراليين ومعهم العلمانيين وبين الشعب المصرى وهناك حالة اصابتهم مرضية وهى استعداء الاخر المخالف معهم بالرأي واقصاءة لا تقلق من تدابير البشر، فأقصى ما يستطيعون فعله معك هو تنفيذ إرادة الله . رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان