اول يوم رمضان

[pink rose]

كل عام وانت الى الله أقرب يا بينك وكل الناس اللى بعزهم

ربنا يبلغنا رمضان ويجعلنا فيه من المقبولين

و انتي طيبة يا اركان

بصي بقى انتي كده خالفتي قواعد التوبيك خالص

يعني الكلام من نوعية ما قل و دل دا مرفوض

عاوزين نرغي

يالا فضفضي كده و قولي بتعملي ايه من ساعة الرؤية لحد فطار اول يوم

رمضان كريم

و مساكي رغي و لوك لوك على رأي لماضة

[pink rose]

و الله كويس إني حضرتك فتحتي التوبيك ده لسببين

الأول إني أقول كل سنة و إنتوا طيبين و ربنا يبلغنا رمضان و يوفقنا فيه لحس الصيام و القيام و أن يبلغنا ليلة القدر

والثاني إني كنت مستني أي حد يفتح الموضوع ده عشان تكون آخر مشاركة لي و تبقى حسن الختام .

كل عام و أنتم بخير

وأستودعكم الله

تحياتي و احترامي للجميع

وأسألكم الدعاء

اولا كل سنة و حضرتك طيب يا استاذ عادل

ثانيا ايه بقى حكاية اخر مداخلة دي؟؟؟؟؟؟؟؟؟؟

منتظرة توضيح من حضرتك

[م تيمور المراغي]

ينفع اشارك معاكم !

طبعا يا باشمهندس ينفع

التوبيك مفتوح لكل اعضاء محاورات المصريين

اللي بيقولوا الفاظ و اللي ما بيقولوش

هههههههههههههههههههههههههه

كل سنة و حضرتك طيب

رمضان كريم

الله اكرم وانتم والاسره الكريمة وكل اخوتي هنا والمسلمين بصحة وسعادة وسلام

انا عاوز الاول بمناسبة حلول الشهر الفضيل

اعتذر لاي اخ او اخت يعني قولنا شويتين فزعل او زعلت مني

و للاسف هما كتير اوي

لكن برجوهم والله وعزمت عليهم في السؤال انهم مايخدوش على خاطرهم مني

انا نفسي اقول اسماء بس خايف انسى حد فيزعل مني اكتر :happy:

والله ولا ازكي نفسي العبد الله من اطيب خلق الله واشدهم حبا لمصر وللمصريين ولكل البشر والمخلوقات والجمادات كمان :egyflag:

بس هي الحماسة دي الله يهديها ويجعلها في الحق والخير

يا اخي انت رغاي اوي !!!

خنيق وانت بتتخانق وخنيق كمان وانت بتعتذر !!

طيب

اروح افضي شحنات الغضب

وارجع لكم انضم ليكم بحكاياتي وباسلوبي انا الخاص المتميز الساحر المتفرد والانيق والجذاب و الــ .... :P

يلا ياض غور من هنا !

[Damo]

كنتي خطفتي رجلك لحد الرياض و انا مستعدة اتبناكي و اكسب فيكي ثواب

و اهو يبقى ربنا رزقنا باخت لمريم

فكري و ردي عليا

و هاروقك صدقيني

كل سنة و انتي طيبة يا قمر

رمضان كريم

طب وانا وانا ؟؟؟ ينفع اخطف رجلي لحد الرياض بردو ؟؟؟

بتشعبط أهو يا لماضة

[بركة]

كل سنة والجميع بخير

ربنا يجعله شهر كريم على الجميع

بلاش صور الاكل الله يكرمكو عشان انا مش طابخه النهاردة ومقضينها جبنة وطماطم ...... :protest:

[pink rose]

طب وانا وانا ؟؟؟ ينفع اخطف رجلي لحد الرياض بردو ؟؟؟

شوفي يا بنتي يا دامو

دايما اقول ربنا كرمه كبير

يعني الحمدلله كده بقى عندي 3 بنات

اجوزهم و ادخل بيهم الجنة

اتشعبطي يا حبيبتي في اول طيارة من كندا و تعالي فورا

كل سنة و انتي طيبة يا قمرة

رمضان كريم

[pink rose]

كل سنة والجميع بخير

ربنا يجعله شهر كريم على الجميع

بلاش صور الاكل الله يكرمكو عشان انا مش طابخه النهاردة ومقضينها جبنة وطماطم ...... :protest:

و انتي طيبة يا بركة

ايه يا جماعة مالكم كدا

دا احنا اكتر ناس بترغي في الدنيا

فين التفاصيل يا مودام

:protest: انا اللي احتج بجد بقى

[بركة]

التفاصيل ايه دا انا لسه واكله الشندوتش على رأي بنتي الصغيرة وحمده ربنا

تقومي فاتحه نفسنا على رمضان والعزومات ومصر واللمه

روحي الله يعمر بيتكو

وحشتيني يا حماتي والله ربنا يديها الصحة مافيش احلى من اللمة معاها على السفرة والطقوس الرسمية

شوربة وخشاف مش شخاف بتاع فيلم عسل اسود

دا العيال ياعيني رمضان هنا عندهم مالوش طعم

واللا الزيارات بعد الفطار والناس الجميلة اللي تقولك نصلي التراويح سوا

وللا صلاة العيد .......الله عليها مع الاهل واهم حاجة : انك بعد الصلاة تلاقي حد تلف عليه عشان تعيد ..مش نروح غلابة كده :egyflag:

[لماضة مصرية جدا]

كنتي خطفتي رجلك لحد الرياض و انا مستعدة اتبناكي و اكسب فيكي ثواب

و اهو يبقى ربنا رزقنا باخت لمريم

فكري و ردي عليا

و هاروقك صدقيني

كل سنة و انتي طيبة يا قمر

رمضان كريم

طب وانا وانا ؟؟؟ ينفع اخطف رجلي لحد الرياض بردو ؟؟؟

بتشعبط أهو يا لماضة

صلاة النبي احسن.....(عليه افضل الصلاة و السلام)

ايه الحلاوة دي

ايه الطعامة دي

احمر و ع السكين.....(وش اي بياع بطيخ علي عربية كارو)

طبعا اعترض

و اعترض طبعا

يعني يوم ما نتجمع نروح الرياض...(طبعا مع احترامي للرياض و اللي حواليها و اللي منها و اللي فيها و اللي فوقيها و انا و انت و رقصنا يا جدع)

بس احنا ننوي كده و النية لله

نتجمع في مكة

و بعدين علي دبي :closedeyes:

او نحط الرحال بقي في ماليزيا البلد دي بحبها اوي

يعني عايزة اروح اعيش هناك و آكل صراصير و بتاع :P

انا بس حبيت اقولكم انا مقدرشي اخش السعودية

لموا السفرة و شدوا الرحال علي حتة تانية

هذا و بالله التوفيق

انتهي البيان

مارشات عسكرية

تشششششششششششششششششششششش

[لماضة مصرية جدا]

ينفع اشارك معاكم !

طبعا يا باشمهندس ينفع

التوبيك مفتوح لكل اعضاء محاورات المصريين

اللي بيقولوا الفاظ و اللي ما بيقولوش

هههههههههههههههههههههههههه

كل سنة و حضرتك طيب

رمضان كريم

الله اكرم وانتم والاسره الكريمة وكل اخوتي هنا والمسلمين بصحة وسعادة وسلام

انا عاوز الاول بمناسبة حلول الشهر الفضيل

اعتذر لاي اخ او اخت يعني قولنا شويتين فزعل او زعلت مني

و للاسف هما كتير اوي

لكن برجوهم والله وعزمت عليهم في السؤال انهم مايخدوش على خاطرهم مني

انا نفسي اقول اسماء بس خايف انسى حد فيزعل مني اكتر :happy:

والله ولا ازكي نفسي العبد الله من اطيب خلق الله واشدهم حبا لمصر وللمصريين ولكل البشر والمخلوقات والجمادات كمان :egyflag:

بس هي الحماسة دي الله يهديها ويجعلها في الحق والخير

يا اخي انت رغاي اوي !!!

خنيق وانت بتتخانق وخنيق كمان وانت بتعتذر !!

طيب

اروح افضي شحنات الغضب

وارجع لكم انضم ليكم بحكاياتي وباسلوبي انا الخاص المتميز الساحر المتفرد والانيق والجذاب و الــ .... :P

يلا ياض غور من هنا !

السلام عليكم و رحمة الله و بركاته

و حضرتك طيب يا باشمهندس

و بمناسبة الايام الكريمة ديت

انا بقول لحضرتك انا آسفة علشان كنت مرة دخلت في حضرتك شمال اوي....في يوم من ذوات الاربع يعني

طبعا اسلوبي وقتها كان عنيف علشان كنت بمر بظروف بس كان المفروض اني مدوسشي جامد يعني بس اعمل ايه في الروح الشريرة اللي سكناني ديت مش عارفة اوديها فين....(وش توفيق الدقن)

كل سنة و حضرتك طيب

عفا الله عما سلف

و لو هتعمل عمرة

الله يكرمك

و يسعدك بحبايبك

امانة عليك...

انا شهدت الخلايق اهوت

متقولشي نفديكم....احسن بحس اني هتنقط

و كمان تدعيلي اوي اوي من قلبك اوي يعني في الحرم

و كل سنة و حضرتك طيب

سؤال علي هامش الفانوس

هو حضرتك حاطط علم مصر في المداخلة فوق ليه....مش كولنا مصرين و وطنين و شوية حاجات فوق بعضيها و لا ايه :P

صباح حضرتك ايقونة فيها عيل شايل طبق و فيه مهلبية قمر الدين

[لماضة مصرية جدا]

مرحبا بطلعة الوليد الوسيم

بشير الخير العميم، شهر رمضان ، وتنزيل أنوار القرآن، وشذا نفحات الجنان، وواحة الاسترواح في صحراء العام، وراحة الأرواح بالصلاة والصيام والقيام.

السلام عليكم و رحمة الله و بركاته

حضرتك تعرف منين ان وليد وسيم :blink:؟؟؟

هو يشبه فضل شاكر بس علي اصغر....(ده اخويا علي فكرة)

طيب كل سنة و حضرتك طيب و بالنسبة لموضوع الامارات

حضرتك ممكن تخش علي جروب علي الفيس بوك اسمه "الجالية المصرية بالامارات"

و هناك هتلاق تنويه عن الانشطة اللي بيعملوها و ممكن تشترك معاهم عادي جدا

يعني جمد قلبك كده و نط علي اي تجمع هما بيعملوه

انا مبنضمش لتجمعاتهم بحس انها بتناسب الشباب اكتر

و ربنا يكرمك و يهون غربتك

صباحك.....لمة بس المهم تكون في طاعة

[عبير يونس]

ريمو حبيبتي

وحشتيني اوي اوي

رمضان كريم يا قمر

و كل سنة وانتي و مريومة وابو مريومة طيبين يارب

ربنا يعود عليكم الأيام بكل الخير

آمين

بانتهز الفرصة وأهني كل أعضاء المحاورات

كل سنة وحضراتكم طيبين جميعا

و بعودة الأيام

[pink rose]

عبير حبيبتي

كل سنة و انتي طيبة

و الله يا بنتي كنت هاكلمك و انا في مكة بس للاسف خلصنا العمرة 1 بالليل فاتكسفت اتكلم بقى

و الله كنت عاوزة اشوفك بس تتعوض ان شاء الله

في رمضان ان ربنا اكرمني هاعمل عمرة تانية و نحاول نتقابل

سيبك بقى من التهنئة دي للتوبيك بتاع اهو جه يا ولاد

هناك نتلقى التهاني و التباريكات

هنا توبيك رغي و بتاع و كلام نعناع عن اول يوم من اول الرؤية لحد فطار اول يوم

يالا يا مودام اقري و اعترفي بتعملي ايه بالتفصيل

تم تعديل 25 يوليو 2011 بواسطة pink rose

[التونسى]

بقالى 8 سنين مقضتش رمضان فى مصر الا مره واحده عام 2006 .. والسنه دى حقضيه فى انجلترا .. احتمال رمضان يبدأ عندنا يوم الاثنين الجاى .. الصوم حيبدا فى اول يوم من 3:25 صباحا وحتى 8:50 مساءا .. يعنى تقريبا فترة الصيام حتكون 17 ساعه ونصف .. فترة طويله طبعا نسبة لفترة الصيام فى مصر .. لكن بصراحه الجو هنا معتدل جدا حتى فى الصيف .. ويساعد على الصوم بلا عناء او تعب ملحوظ .. عكس الناس فى مصر .. ربنا يكون فى عونهم فى تحمل مشقة الصيام فى ظل الحر الشديد

شخصيا ولانى بشتغل وردية ليل .. فيكون فطارى وسحورى اثناء العمل لانى ببدأ العمل فى الخامسه مساء .. وبخلص الشيفت بتاعى مابين الثالثه والخامسه صباحا !!!

قبل ما اهاجر كان اول يوم اساسى لازم افطر عند اختى الكبيره اللى هى ساكنه فى نفس الشارع .. والفطار طبعا بيكون الطبق الرئيسى فيه بط متوصى عليه ((بط عموله)) وبيكون محشى ((مورته)) بصل يعنى .. الى جانب الرقاق اللى باللحم المفروم .. وغيره من الاصناف التى تسيل لها اللعاب

ربنا يبلغنا رمضان ويجعله باب للرحمة والغفران والعتق من النار

[عماد حمدي]

بقالى 8 سنين مقضتش رمضان فى مصر الا مره واحده عام 2006 .. والسنه دى حقضيه فى انجلترا .. احتمال رمضان يبدأ عندنا يوم الاثنين الجاى .. الصوم حيبدا فى اول يوم من 3:25 صباحا وحتى 8:50 مساءا .. يعنى تقريبا فترة الصيام حتكون 17 ساعه ونصف .. فترة طويله طبعا نسبة لفترة الصيام فى مصر .. لكن بصراحه الجو هنا معتدل جدا حتى فى الصيف .. ويساعد على الصوم بلا عناء او تعب ملحوظ .. عكس الناس فى مصر .. ربنا يكون فى عونهم فى تحمل مشقة الصيام فى ظل الحر الشديد

شخصيا ولانى بشتغل وردية ليل .. فيكون فطارى وسحورى اثناء العمل لانى ببدأ العمل فى الخامسه مساء .. وبخلص الشيفت بتاعى مابين الثالثه والخامسه صباحا !!!

قبل ما اهاجر كان اول يوم اساسى لازم افطر عند اختى الكبيره اللى هى ساكنه فى نفس الشارع .. والفطار طبعا بيكون الطبق الرئيسى فيه بط متوصى عليه ((بط عموله)) وبيكون محشى ((مورته)) بصل يعنى .. الى جانب الرقاق اللى باللحم المفروم .. وغيره من الاصناف التى تسيل لها اللعاب

ربنا يبلغنا رمضان ويجعله باب للرحمة والغفران والعتق من النار

8 سنين !!!!

كان الله في عونك والله العظيم .. و ربنا يجمعك بأهلك ع خير إن شاء الله ..

و كل عام و حضرتك بألف صحة و سلامة ..

[التونسى]

بقالى 8 سنين مقضتش رمضان فى مصر الا مره واحده عام 2006 .. والسنه دى حقضيه فى انجلترا .. احتمال رمضان يبدأ عندنا يوم الاثنين الجاى .. الصوم حيبدا فى اول يوم من 3:25 صباحا وحتى 8:50 مساءا .. يعنى تقريبا فترة الصيام حتكون 17 ساعه ونصف .. فترة طويله طبعا نسبة لفترة الصيام فى مصر .. لكن بصراحه الجو هنا معتدل جدا حتى فى الصيف .. ويساعد على الصوم بلا عناء او تعب ملحوظ .. عكس الناس فى مصر .. ربنا يكون فى عونهم فى تحمل مشقة الصيام فى ظل الحر الشديد

شخصيا ولانى بشتغل وردية ليل .. فيكون فطارى وسحورى اثناء العمل لانى ببدأ العمل فى الخامسه مساء .. وبخلص الشيفت بتاعى مابين الثالثه والخامسه صباحا !!!

قبل ما اهاجر كان اول يوم اساسى لازم افطر عند اختى الكبيره اللى هى ساكنه فى نفس الشارع .. والفطار طبعا بيكون الطبق الرئيسى فيه بط متوصى عليه ((بط عموله)) وبيكون محشى ((مورته)) بصل يعنى .. الى جانب الرقاق اللى باللحم المفروم .. وغيره من الاصناف التى تسيل لها اللعاب

ربنا يبلغنا رمضان ويجعله باب للرحمة والغفران والعتق من النار

8 سنين !!!!

كان الله في عونك والله العظيم .. و ربنا يجمعك بأهلك ع خير إن شاء الله ..

و كل عام و حضرتك بألف صحة و سلامة ..

وحضرتك بألف خير وصحه وسلامه اخى الفاضل عماد .. ربنا يبلغنا رمضان جميعا ويجعله شهر الهدايه والصلاح وبداية للاستقرار بمصرنا الغاليه.. رمضان بيمثل فعلا اجمل الذكريات فى حياتنا كمصريين .. ان شاء الله يكون فيه عمر وارجع اقضيه فى مصر تانى انا واى مغترب اتحرم من تقضيته بمصر

[عبير يونس]

عبير حبيبتي

كل سنة و انتي طيبة

و الله يا بنتي كنت هاكلمك و انا في مكة بس للاسف خلصنا العمرة 1 بالليل فاتكسفت اتكلم بقى

و الله كنت عاوزة اشوفك بس تتعوض ان شاء الله

في رمضان ان ربنا اكرمني هاعمل عمرة تانية و نحاول نتقابل

سيبك بقى من التهنئة دي للتوبيك بتاع اهو جه يا ولاد

هناك نتلقى التهاني و التباريكات

هنا توبيك رغي و بتاع و كلام نعناع عن اول يوم من اول الرؤية لحد فطار اول يوم

يالا يا مودام اقري و اعترفي بتعملي ايه بالتفصيل

بتهرجي طبعا

تبقي في مكة و مشوفكيش ؟!!

عموم مبروك ع العمرة ياست الكل ربنا يتقبل

نظامي في رمضان شغل لحد قبل العصر

حاجي انام طبعا شوية و أقوم قبل المغرب بنص ساعة اجهز الفطار اللي باحضره من بالليل

و بعد التراويح الشغل تاني

و ارجع اطبخ لتاني يوم

و هكذا دواليك

يتخلل ذلك شوية محاورات على شوية تي في

[se_ Elsyed]

كل سنة وإنتم طيبين ...

بأحبكم كلكم زي ولادي ( وش واحد واقف ومعاه شوال فوانيس وبيوزع على كل عضو في المحاوات فانوس - بخمسة وتلاتين جنيه وتخفيض حخاص لحاملي الإنذارات )

أنا رمضان السنة دي بإذن الله ناوي أستغله في المذاكرة أحسن شكلي بقى زبالة وأنا ما فتحتش كتاب .. ومر 3 شهور من السميستر وما أعرفش إيه اللي عندنا أساساً ...

وغالباً المذاكرة هاتبقى بعد صلاة التراويح ...

ولو إني باعمل زي العيال الصغيرة وبأحط الريموت جوه الكتاب وكل شويه افتح التليفزيون وألف على القنوات من غير ما أتفرج على حاجه معينة ..

عايز أرتاح شويه وأقيد شيطان السياسة اللي راكب الواحد ده ....

ومحسوبكم نويم قديم .. يعني بأخلص شغل على الساعة 3 وأصلي العصر وارجع البيت جري عشان أنام ...

وفي رمضان بيبقى شُغلتي على المدفع بوروروم .. يعني أنا المسئول الأول والأخير عن السلطة الخضرا والعصائر وخصوصاً العرقسوس ..

مش عارف ما بأحبش أتعزم في رمضان كتير ... لأني بأضطر أكل كتير - دناوه او طفاسه - وفي اليوم ده بيبقى حالتي ما يعلم بها الا ربنا ... وببيشيلوني يودوني الجامع وبأبقى واقف مدروخ في التراويح من التُخمة .

السحور بيبقى عندي قبل ما أنام .. وبأصحى على الفجر أشرب وأصلي وأنام ..

[Alattar]

كل عام و أنت جميعا الي الله أقرب..

أنا مشكلتي اني كل الرمضانات اللي فاتت كنت بقضيها عزابي..الا رمضان اللي فات بس نزلت مصر و قضيته مع المودام..السنة دي أول رمضان يعدي عليا و المودام معايا هنا في السعودية .. عشان كده مش قادر أتخيل ملامحه هتبقي عاملة ازاي..

ولو ان هنا في الرياض كله زي بعضه..يعني مفيش فرق بين رمضان و شعبان..كله محصل بعضه..

ان شاء الله بعد أول يوم هبقي آجي أقول علي اللي حصل..وربنا يستر

مش عارف ما بأحبش أتعزم في رمضان كتير ... لأني بأضطر أكل كتير - دناوه او طفاسه - وفي اليوم ده بيبقى حالتي ما يعلم بها الا ربنا ... وببيشيلوني يودوني الجامع وبأبقى واقف مدروخ في التراويح من التُخمة

ما بتحبش تتعزم..لكن أكيد بتحب تعزم...صح؟؟؟...عموما رقم تليفوني موجود في الكونترول..ولو حسيت في أي وقت انك محتاج صديق تفطر معاه ينسيك همومك و دوشة العيال...لا تتردد

تم تعديل 25 يوليو 2011 بواسطة Alattar

[رضوي]

السلام عليكم ورحمة الله وبركاته

ايه المواضيع الجامدة دي ياريمو

رمضان جانا وفرحنابه اهلا رمضان

رمضان بالنسبالي يعني روحانيات

يومي بيبقي مختلف .......... وكل يوم يختلف عن اللي قبله

يمكن انا بحب الصوم والحمد لله بصوم في السنة كلها مش رمضان بس .......... واكثر الصوم طبعاً بيبقي في رجب وشعبان ....... يعني ببقي متعودة ع الصيام ........ بس في رمضان غييييييييييييييييير خاااااااااااااالص

يومي بيدأ بعد الفجر ...... الصلاه وطبعاً القرآن الكريم

وبعد كدة بريح شوية وانزل علي شغلي ........ ارجع بقي من الشغل خلصااااااااانة ........ او بستهبل يعني علشان مااقفش في المطبخ ........ اصلي العصر وادخل انام ساعة ......... واقوم بقي اقف في المطبخ شوية ........ يعني بقي سلطة اقلي حاجة ناقصة اعمل عصاير ( استهبال استهبال يعني ) بعدها بقي نستنى المدفع ...... ونصلي وبعدها نفطر

غالباً م المغرب للعشاء بقف في المطبخ استهبال برده ( اقف ارغي مع اي حد بيشطب المطبخ ) ......... وبعدين هوباااا نلاقي العشا .......... واصلي التراويح بصليها غالبا في البيت ( الا لو يوم او يومين اصلي في الجامع )

كل سنة اول يوم دة بيبقي يوم اللمة والعيلة كلها متجمعة .......... فين بقي مش مهم ......... المهم اللمة نفسها ....... وكل مرة نتجمع في مكان ...... مرة نفطر برة كلنا ........ مرة نسافر البلد كلنا ...... او في اي بيت ...

السنة دي ان شاء الله مختلفة شويتين ........ ربنا يسهل لسة مش عارفة البروجرام اوي

بعد التراويح ...... بنبقضيها بقى عصاير ادام التليفزيون ........ او لو كنا بقي في مكان فيه مفتوح بنقعد مع بعض في الهواء ........ او ممكن نخرج مع بعض نتفسح

المهم ان رمضان له مذاق مختلف تماما في اي مكان في مصر ......... يعني طعمه في البلد مختلف تماما عن القاهرة ........ وطعمة بيختلف من مكان للتاني في القاهرة

يعني بحب اقضيها واتذوق طعمه في كل مكان ......... في المعادي يختلف عن العبور يختلف عن التجمع يختلف عن الهرم يختلف عن السيدة ........... وكل مكان وله سحره الخاص وله المسحراتي بتاعه الخاص برده

المهم بقي اننا بنستمتع برمضان في اي مكان

ولو لوحدي برده ........ بستمتع بيه بطريقتي الخاصة ........... معرفش مااستمتعش بالشهر الكريم دة

المهم اني اختم القرآن الكريم اكتر من مرة في الشهر دة ........... واسمع ماما وبابا وهما بيدعولي وقت الفطار وبعد الفجر

دي عندي بقي بالدنيا كلها

النهاردة جاتلي الامساكيات بتاعت رمضان ...... ياااااااااااه احساس غير خالص ........ فرحت بيها اوي

كل سنة وانتوا طيبين ورمضان كريم