الجيش الخائن بتاع مبارك

[محمد حامد الغنام]

الجيش الخائن بتاع مبارك

خلينا نمشي خطوة خطوة مع من يخونون قيادات المجلس الأعلى للقوات المسلحة ويقولون إن الجيش لم ينحاز للثورة، وأنه هو ومبارك ايد واحدة. نزل الجيش إلى الشارع عند غروب شمس يوم 28 يناير الماضي والمعروف باسم "جمعة الغضب"، وكان نزوله بأوامر من الحاكم العسكري، وهو في هذا التوقيت الرئيس السابق حسني مبارك، من أجل حفظ الأمن بالتعاون مع الشرطة التي تبخرت من الشوارع واستمر اختفاؤها ما يقرب من أسبوع قبل أن تعود على استحياء.

تم فرض حظر التجوال، وطبعا من يعلم طبيعة هذا الحظر يعرف يقينا أن من يمشي في الشارع يعرض نفسه لخطر الموت، ومع ذلك لم يطلق الجيش الرصاص على أي شخص خلال تلك المدة بخلاف البلطجية ومحترفي الإجرام، وترك المتظاهرين في ميدان التحرير بالآلاف رغم حظر التجول.

تنحى مبارك يوم 11 فبراير، هذا التنحي حسمه عاملان لا ثالث لهما، إما أن مبارك فضّل التنحي حفاظا على مصر وشعبها كما قال في خطابه الصوتي منذ شهور، أو أن الجيش، الذي كان يمثل ورقته الأخيرة، أجبره على التنحي، وبالتالي فإن الجيش حسم المواجهة لصالح الثورة وانحاز للشعب، ورفع مصر عاليا فوق الأشخاص، حتى ولو كان هذا الشخص هو قائده الأعلى.

طيب، ممكن نتحرك قليلا خارج الحدود، ونرى ما يحدث في سوريا واليمن وليبيا، معارك وحرب أهلية واضطرابات لا حصر لها، وتدخل عسكري أجنبي، وكل هذا يرجع إلى انقسام الجيش بين الثورة والقائد، كما يحدث في اليمن وليبيا، أو إلى استخدام الجيش في سحق الثورة كما هو الحال في سوريا.

يعني بالبلدي كده، لو انقسم الجيش بين مبارك والثورة، خاصة قوات الحرس الجمهوري التي تتبع الرئيس مباشرة، كان زمان مصر الآن في حمامات دم لا حصر لها، وكانت الثورة راحت في خبر كان.

خرجت مصر من الثورة بأقل قدر من الخسائر مقارنة بعدد سكانها الهائل، وهذا طبعا لم يعجب البعض، لعب هؤلاء بورقة الفتنة الطائفية ولم ينجحوا، ولعبوا بورقة التخويف من الإسلاميين وفشلوا، ولعبوا بورقة المجلس الرئاسي والدستور أولا ولم يجدوا نصيرا، ومنذ اللحظة الأولى وهم يثيرون الشكوك تجاه المجلس العسكري بعد أن نجحت الثورة كما قال أحد الثوار ب"تحييد الشرطة"، وبالتالي فإن الهدف المقبل لهم هو تدمير المؤسسة العسكرية والوقيعة بينها وبين الشعب تحت شعار الشهداء وبطء المحاكمات وعدم تحقيق أهداف الثورة.

يقولون إن المجلس العسكري متباطئ، طيب، تخيلوا مثلا لو المجلس نفذ كل رغبات الثورة جملة واحدة، وهو طبعا أمر غير منطقي، هل كانت الأمور ستهدأ؟؟، طبيعة البشر أنهم إذا حصلوا على كل شيء لا يرضون إلا قليلا، ثم يعودوا إلى التذمر من جديد، وبالتالي تعامل المجلس العسكري مع المطالب ب"القطارة"، لأنه لو فتح الباب على مصراعيه لعجز تماما عن غلقه.

المشكلة الحقيقية أننا جميعا تحولنا إلى قضاة ووكلاء نيابة ورؤساء وقادة جيش وشرطة، الكل يفتي فيما ليس له به علم، عندما صدرت مثلا أحكام ببراءة بعض رموز مبارك في قضية واحدة خرج المنظرون وقالوا إن المحاكمات صورية، والقضاء فاسد، ولم يقولوا للناس إنها قضية واحدة من عشرات القضايا، وعندما صدر الحكم في قضية اللوحات المعدنية بالسجن 10 سنوات لبطرس غالي و5 للعادلي وسنة مع إيقاف التنفيذ لنظيف، قالوا إنه جاء نتيجة ضغط التحرير، "يعني براءة مش عاجب وسجن مش عاجب برده".

المأساة الحقيقية هي أن الكل يحاول أن يغرق الناس في الماضي ويترك المستقبل الذي من المفترض أن الثورة قامت من أجله، يرفعون شعار التطهير والقضاء على الفساد، طيب ممكن ننظر بهدوء إلى من يرفعون شعار التطهير وينادون به، هل هم أطهار أساسا؟، هل خرج أحدهم يقول كم خسرت مصر منذ 25 يناير إلى الآن؟، هل يعلمون أن الخسائر بمئات المليارات بينما يتحدثون عن استرداد أموال منهوبة في الخارج، الرسمي منها هو ما قالت عنه سويسرا إنه يخص النظام السابق وقدرته ب345 مليون فرنك سويسري يعني 2 مليار جنيه؟؟.

أين كان الثوار الأطهار الأبرار من تهديدات غلق قناة السويس وقطع مترو الأنفاق والكباري والعصيان المدني؟؟، أين مرشحو الرئاسة من تلك التهديدات؟، طبعا كله واكل "سد الحنك" خوفا من غضب الثوار، ولا عزاء لمصر، أو أنهم يشجعون هذا السلوك وعلى رأسهم الدكتور البرادعي حامل لواء الدفاع عن حركة 6 إبريل، ومعه حمدين صباحي، بينما عمرو موسى يتحدث على استحياء، وحتى العالم الإسلامي حازم صلاح أبو إسماعيل يصف قادة الجيش بأنهم ذئاب وثعالب، والمفروض أن يكونوا "فراخ وأرانب".

يقينا فإن أعضاء المجلس العسكري ليسوا ملائكة، لهم ما لهم وعليهم ما عليهم، ويمكن أن يخطئوا وعلينا أن نقومهم، النقد ليس حراما، ولكن التخوين وشعارات إسقاط الجيش هي الخيانة بعينها، لأن سقوط المؤسسة العسكرية يعني بمنتهى الصراحة سقوط مصر، لأنه لا توجد مؤسسة قادرة على قيادة سفينة مصر إلى بر الأمان سوى المؤسسة العسكرية، ومن يرى غير ذلك يطرح بديلا، تعرفوا إيه هو البديل، أكيد "اونكل برادعي" وحركة 6 إبريل.

الثورة أمام مفترق طرق، إما أن تبني مستقبلها على المكاسب التي تحققت على الأرض، أو أن تهدم كل ما تحقق بنفسها، لتدخل التاريخ من أسوأ أبوابه.

اقرأ المقال الأصلي علي بوابة الوفد الاليكترونية الجيش الخائن بتاع مبارك

[أبو العز]

كلام رائع ولا غبار عليه بس للأسف لن يعجب البعض

للأسف سوف نستمر فى تلك الحلقة المفرغة لسنوات لاننا شعب مالوش فى الديموقراطية والهدم عندنا اسرع من البناء

وهناك من يستفيد من تدمير مصر تدريجيا والشباب الصغير متحمس ومش فاهم حاجة ولايشعر بما يدور حوله

[se_ Elsyed]

حمد الله عالسلامه يا محمد .. جيت إمتى من روكسي ؟ :P

------

بُص يا محمد .. كله كلام مردود عليه

وفزاعة ولافتات : إنت بتفتح بؤك وتتكلم وتعترض يا كافر يا عدو الله ياللي عاوز توقع الجيش ؟ .. ثكلتك أمك ..

ده شيء عفا عليه الزمن وحيل قديمة من نوعية تعطيل عجلة الإنتاج وسرقة توك توك الأستقرار

طيب، ممكن نتحرك قليلا خارج الحدود، ونرى ما يحدث في سوريا واليمن وليبيا، معارك وحرب أهلية واضطرابات لا حصر لها، وتدخل عسكري أجنبي، وكل هذا يرجع إلى انقسام الجيش بين الثورة والقائد، كما يحدث في اليمن وليبيا، أو إلى استخدام الجيش في سحق الثورة كما هو الحال في سوريا.

ما هو تبرير الظلم بالأستشهاد بظلم أخر هو منتهى الظُلم ...

إنت مش لاقي تاكل إلا طقة واحده في اليوم ؟ يا أخي إحمد ربنا ده غيرك ما بياكلوش بالتلات سنين ....

مش ده اللي بيحصل ؟

والأخ اللي ماسك النافيجتور وبيتحرك خارج الحدود ... لماذا لم يتجه إلى تونس ويقول لنا الجيش عمل إيه ووقف جنب ثورته إزاي من أول ساعة ؟

ولا هو من وأذى ودائماً وأبداً وحتماً لازم نكون مذلولين لأحد ؟

لعب هؤلاء بورقة الفتنة الطائفية ولم ينجحوا، ولعبوا بورقة التخويف من الإسلاميين وفشلوا، ولعبوا بورقة المجلس الرئاسي والدستور أولا ولم يجدوا نصيرا، ومنذ اللحظة الأولى وهم يثيرون الشكوك تجاه المجلس العسكري بعد أن نجحت الثورة كما قال أحد الثوار ب"تحييد الشرطة"

سيبك من كلام المصاطب والطخطخة اللي في الهواء ده ....

مين هما اللي بيعملوا فتنة ... ومين اللي بيخوفونا من الإسلاميين و و و و ؟

لما تلاقي حتى من هم على كراسي الحكم بيتكلموا دائماً بصيغة المبني للمجهول .. يبقى متوقع إيه من الشعب .. إيه هو اللي مطلوب منه اللي يحقق ويكشف الحقائق ؟

ده كلام فارغ ... واللي عنده حاجه ضد حد يطلع ويقول بصراحة : إن فلان وفلان وفلان أو الحركة الفلانية أو الحزب الفلاني هما اللي مسئولين عن كذا وكذا وكذا بالأدلة والبراهين

إنما كل شوية بيانات المجلس العسكري .. وبكاء ونحيب عصام شرف في إن هناك جهات معينة بتعرقلة وإن في مؤامرات داخلية وخارجية ومريخية بتقف ضد الثورة وبتعرقل طريقنا نحو النجاح ...

كلام فارغ وما ياكلش معايا بصراحة لإنه مبرر للفشل

بيفكروني بحسام حسن منذ أن كان لاعباً .. نظرية المؤامرة موجودة وحاضرة والدنيا كلها ضده والشماعات جاهزة في أي وقت يا معلم

لكن هؤلاء ... عُمرهم إعترفوا بفشلهم في إدارة أي أزمة ؟؟؟؟؟؟؟؟؟ أتحدى

أقول لك مثل .. لأ إتنين لأ تلاتة

1- إحتراق كنيسة أطفيح ... مشاجرة بين عائلتين ... وجهل الناس خلاهم بدل ما يحلوا المشكلة .. لأ يروحوا طالعين على الكنيسة يحرقوها ...

وما هو الحل ؟

- اه بس .. لقيتها إحنا لازم ناخد الشيخ محمد حسان وعمرو خالد ويكلموا الناس ويهدوهم ... أيوه بس دي جريمة جنائية ومع سبق الإصرار والترصد وفي فيديوهات وصور للجناة وهما بيحرقوا الكنيسة وبيهدوها وخلوا بالكم اللي تستر على مجرم حرق كنيسة النهاردة .. بكره هايحرق مسجد وبيوت أمنين بكره ؟ ... يا عم الناس بتنسى

2- بعدها بما فيش ... حرق كنيسة أمبابة .. أه بالمناسبة إيه أخبار عادل لبيب صاحب المقهى المسيحي اللي مسك الرشاش وقتل الناس ؟ وإيه أخبار كل من ظهر في صور الفيديو داخل الكنيسة وهو يقوم بحرقها ؟ المسامح كريم بقى والأمر بين يدي القضاء وكدهوت ...

3- ناس غلابة على قد ثقافتهم حسوا إنهم مظلومين في مدينة السلام العشوائية .. فقالوا نتظاهر أمام مبنى الإذاعة والتليفزيون ونصبوا ملايات هناك هما وعائلتهم من كام ؟

شهرين .. 60 يوم يا مؤمن ... وقافلين طريق الكورنيش الحيوي .. وسوري بيعملوا حمام في الشارع والدنيا هناك أخر بهدلة ومات منهم إتنين نزلوا يقضوا حاجتهم في النيل وغرقوا .. والناس عاوزه أربع حيطان فقط تتاويهم وتُستر عورتهم... بغض النظر عن هما على حق ومستحقين دله ولا لأ ....

ولا الهوا .. ولا كأن حد شايف وسامع ولا في محافظ ولا أمن ولا وزراة ولا حاجه .. وخليهم متلقحين ياعم وبكره يزهقوا ويمشوا أو يغرقوا كلهم في النيل ونبقى ارتحنا منهم

ها إيه رأيك في طريقة الإدارة الثورية دي ... حلوه مش كده ؟ ومؤامرات وحركات وجهات أجنبية هي اللي بتيجي تولع الدنيا عندنا .. وإحنا ملائكة طاهرين وأحلى ناس تحقق أهداف الثورة

يا محمد يا حبيبي عُمرك شوفت وزير .. وزير لسه لم يُعلن إسمه يتصلوا به وييجي رئاسة الوزراء والراجل يقرب من الباب يقوموا متصلين به تاني ويقولوا له إرجع إحنا غيرنا رأينا ؟

عُمرك شوفت إستفزاز متعمد للناس وللدنيا كلها وإصرار على إتباع نفس طريقة مبارك الفاشلة في إختيار المسئولين من دائرة محددة ومواصفات محددة وإن لازم يكون الوزير مُن لجنة السياسات وإلا فلا ؟

وبالتالي تعامل المجلس العسكري مع المطالب ب"القطارة"، لأنه لو فتح الباب على مصراعيه لعجز تماما عن غلقه.

كلام فارغ ومنتهى الأستحقار لشعب عظيم

قطارة إيه وحقنة شرجية إيه ؟

إيه الكلام الفارغ ده ... إحنا بنحشت من حد ولا ده حقنا ؟

يا أخي الثورة قامت بأهداف محددة وإن كانت عامة في البداية لكن تفاصيلها أتفق عليها جموع الشعب

محارية الفساد ومحاكمة رموزه

عدالة إجتماعية للناس اللي إتذلت سنوات طويلة لحد ما خرج علينا فسل من افسال مبارك زي وزير التنمية الإدارية ويقول لك : لقد توصلنا بالورقة والقلم وعرفنا إن المصري يُمكن أن يعيش حياة كريمة بمرتب 300 ج في الشهر .. وقد كانت القشة التي قصمت ظهور الأوغاد الظلمة ..

ومع ذلك بعد الثورة تلاقي نفس الكلام بالحرف مازال يتردد .. وإن بالورق والقلم يقول لنا سمير رضوان إن 700 ج حد أدنى للأجور ده مية فُل وتمنتاشر وبوسوا إيدكم شعر ودقن وهاتشبرقوا نفسكم وتحوشوا كمان ..

طب والحد الأقصى ؟ والناس اللي بتاخد ملايين مرتبات شهرية ؟

رؤساء مجالس البنوك - الحكومية - .. والشركات - الحكومية .. اللي مرتبهم الشهري بيعدي مليون جنيه

يقول لك الميزانية لا تسمح باكثر من كده وهانجيب منين نأكلكم ..

يا راجل يا ظالم ده أنت لو خليت مرتب الناس دي 100 الف واللي مش عاجبه يغور ... مش هاتبقى وفرت 900 الف من واحد فقط وتوزعهم على مرتبات المفحوتين الغلابة اللي بياكلوا تراب دول ؟

يا ظالم ياللي كل وزارة فيها عشرات المستشارين اللي ما لهمش لازمه والواحد فيهم بياخد ربع مليون جنية كمستشار غير متفرغ لإن عنده البيزنس بتاعه ...

يا ناس يا هو ده أنا باتكلم عن موظفين بياخدوا مرتبات قليلة أه .. لكن نقول لسه بصحتهم وممكن يشتغل شغلانه وإتنين وإن شالله عنه ما أرتاح ولا روح بيته ...

ما بالك بتيجان رؤوسنا وهم كبار السن اللي على المعاش اللي أفنوا حياتهم عشاننا .. ومع ذلك وشوفت ده بعيني لناس غلابة وعندهم عزة نفس ما حصلتش بالرغم حالة الفقر والمرض اللي هما في ها نتيجة امراض الشيخوخة وبعد أن أفنى عُمره في العمل الحكومي .. بتلاقي معاشه 230 جنيه .. عيش وربي عيالك يا معلم وكُل وأشرب ومتع نفسك الخير كتير

يرضي أنهي كافر ده على وش الأرض ؟؟؟؟؟؟

يعمل نفسه مش سامع أو دبانه دخلت في ودنه ودخلت قناة فالوب وما بقاش فاهم ولا سامع

هانقول واحده واحده ؟

يا سلام ... وهو حد طلب نقلة فجائية ... لكن طالما إتكلمت عن ده كله في الموازنة الجديدة وبتبص للغلابة بالمنظر الحقير ده . ما أتكلمتش ليه في نفس الموازنة عن الحيتان اللي بيبرطعوا في البلد ؟

أقسم بالله لي أصدقاء دكاترة جامعة مرتبهم لا يتعدى 3000 ج بالحبشتكانات بالبدلات بـ بـ بـ ... اول عن أخر يعني ...ويقولوا لي من زمان ومن ايام مبارك إن مرتب العميد لا يقل عن 70 الف جنيه لإن مبارك راضي عنهم ومغرقهم فلوس ...

أنا مش إشتراكي ولا شيوعي وعارف إن الدنيا كده

لكن الدنيا كده لما تسيب الأمور ماشيه بطبيعتها ..فيها الغني وفيها الفقير

لكن لما تتدخل إنت كمسئول وإنت اللي تزيد الناس الفقراء فقراً .. وتزيد محاسبيك غناءً فاحشاً .. ومن فين ؟ من فلوسنا وقوتنا وثروتنا

يبقى لأ لازم نتكلم ونصرخ في وجه الظلم

طيب ممكن ننظر بهدوء إلى من يرفعون شعار التطهير وينادون به، هل هم أطهار أساسا؟،

الكلام ده صادر من ناس ما بتفهمش في البطيخ

إنت بتقارن مين بمين ؟؟؟

يعني أنا سين سين مثلاً .... بأشرب سجاير - أعوذ بالله .. لأ طبعاً ولا بأطيقها لكن ده مثل - ... فلقيت عندي أحمد عز ونظيف وبطرس غالي ورشيد محمد رشيد ورئيس عصابتهم مبارك نهبوا البلد وخلوها على الحديدة حتى الحديدة سرقها عز عشان يعملها اسياخ ويبيعها وما بقتش لاقي عُقب سيجارة ... أجي بقى أقعد مع نفسي وأقول : أيها السين السين المتحذلق .. قبل أن تحاسب غيرك وتقول بأعلى صوتك جاييييييييييييييييييييييي حرام على اللي خلفوكم نهبتوا البلد .. لابد أن تتطهر أولاً وتُقلع عن تدخين السبارس يا رعديد ؟

مش ده المطلوب يا متر غنام - إنت لسه 80 سم على فكرة وما بقتش متر .. خلص جامعة الأول وبعدين نقول لك يا متر ونص كمان -

المشكلة الحقيقية أننا جميعا تحولنا إلى قضاة ووكلاء نيابة ورؤساء وقادة جيش وشرطة، الكل يفتي فيما ليس له به علم،

قول والله ؟

يعني لما كل المتهمين بقتل الثوار في السويس يطلعوا براءة .. وجهات العدالة لم تقدم لنا متهم واحد وبالتالي القضية ستُقيد ضد مجهول أو تُقيد إنتحار بأسفكسيا الضرب بالرصاص .. يبق ده فتي وكلام فيما ليس لنا به علم ؟

وتفتكر لما كل القضايا كانت بتُثار يوم الأربع والخميس قبل المليونية .. يبقى ده شيء قضائي عادي يا محمد ؟

أين مرشحو الرئاسة من تلك التهديدات؟، طبعا كله واكل "سد الحنك" خوفا من غضب الثوار، ولا عزاء لمصر، أو أنهم يشجعون هذا السلوك وعلى رأسهم الدكتور البرادعي حامل لواء الدفاع عن حركة 6 إبريل، ومعه حمدين صباحي، بينما عمرو موسى يتحدث على استحياء، وحتى العالم الإسلامي حازم صلاح أبو إسماعيل يصف قادة الجيش بأنهم ذئاب وثعالب، والمفروض أن يكونوا "فراخ وأرانب".

يعني الدنيا كلها خونه وباعوا البلد والثورة .. أومال مين اللي حلو وشريف وطاهر وهايفضل طول عُمره طاهر ... مبارك ؟

[م تيمور المراغي]

يا س وفر تعبك

قمر تلا ولو جبت له مبارك نفسه يقول له يبني انا حرامي

حيقول له يا ريس بلاش تيجي على نفسك كده عشان تريح الناس ده انت طيب اوي اوي اوي

[Salwa]

الجيش الخائن بتاع مبارك

[/siz

اقرأ المقال الأصلي علي بوابة الوفد الاليكترونية الجيش الخائن بتاع مبارك

ياجماعة ....صباح الخير.

محمد الغنام نقل المقال فقط..

بلاش تحاسبوه على انه قائله.. :give_rose:

[se_ Elsyed]

الجيش الخائن بتاع مبارك

[/siz

اقرأ المقال الأصلي علي بوابة الوفد الاليكترونية الجيش الخائن بتاع مبارك

ياجماعة ....صباح الخير.

محمد الغنام نقل المقال فقط..

بلاش تحاسبوه على انه قائله.. :give_rose:

ما أنا عارف يا مدام سلوى عشان كده باوضح له الأمور وبأفهمه وباحاول أقول له إن " الجريمة لا تُفيد .. وروكسي مش هاتنفعك "

[doctor ayman]

ياسيدي انه المولد

مولد ثوار التحرير

مجموعه من الشباب احست ان الثوره خلصت بسرعه ولم يحققوا اي شهره

فقالوا نعمل ثوره تانيه علي المجلس العسكري

والدليل انهم يبحثون عن الشهره انك تجد عشرتلاف ائتلاف وعشرميت حزب تحت التأسيس

والله الواحد بيضحك لما تقرا في الجرنال يؤلك 75 حزب وائتلاف تؤيد كذا

و85 حزب وائتلاف تشارك في جمعه كذا وبعدين تلاقي كل الموجودين لا يتعدوا 5الاف شخص

ونصهم من الباعه الجائلين حتي قيل ان بعض المعتصمين تحول الي معتصم وبائع يعني اتنين في واحد

لكن اهم من في المولد هم المنشدين اللي بيعملوا حس وصوت للمولد ومن غيرهم المولد ينفض

وهؤلاء هم مقدموا برامج التوك شو والصحفيين لان القنوات الفضائيه الان قائمه علي هذه الاحداث

واذا انتهت الاعتصامات والمظاهرات فسوف تخسر هذه القنوات والصحف وتعود الاعلانات الي المسلسلات والافلام

المشكله ان كل هذه التيارات اللي كنت اتمني ان تعمل لكسب ثقه الناس في الشارع تمهيدا للانتخابات البرلمانيه القادمه

وهذا ما يفعله الخوان فيتركونهم للاعتصامات والمظاهرات بينما هم يقيمون المؤتمرات الانتخابيه ويعدون الكوادر من الان

كنت اتمني الا ينفرد التيار الاسلامي والسلفي باغلبيه المقاعد في المجلس

لكن مع الاسف هؤلاء الشباب يفعلون العكس وكل يوم يكرههم الناس اكثر ووقت الانخابات لن ينتخبهم احد

ولن يكون لهم اي تأثير في صنع المستقبل وهذا مالم اكن اتمناه

لكن تعمل ايه المخ النضيف نضيف

[pink rose]

ما أنا عارف يا مدام سلوى عشان كده باوضح له الأمور وبأفهمه وباحاول أقول له إن " الجريمة لا تُفيد .. وروكسي مش هاتنفعك

"

طب انا مقتنعة باللي مكتوب في المقال دا يا س س

مش شرط اللي مقتنع بعدم خيانة الجيش و المجلس العسكري يبقى بتاع روكسي و لا مصطفى محمود

يالهوي طب انا ما اعرفش بيروحولهم منين الميادين دي اصلا هابقى بتأيدي للمقال منهم

طب انا عمري ما قولت انا اسفة يا ريس و لا اسفة يا مجلس يا عسكري

بس دا ما يمنعش اني ضد التشكيك في المجلس و الجيش

و بالله عليك ما تقوليش الجيش حاجه و المجلس العسكري حاجه تانية

انا عندي من اهلي ناس في القوات المسلحة و بيأكدوا انهم حاجه واحدة و ما حدش يقدر يفصل بينهم

[ابراهيم عبد العزيز]

الرد لكاتب المقالة وليس للأخ محمد الغنام

كاتب المقالة يقول :

المأساة الحقيقية هي أن الكل يحاول أن يغرق الناس في الماضي ويترك المستقبل الذي من المفترض أن الثورة قامت من أجله، يرفعون شعار التطهير والقضاء على الفساد، طيب ممكن ننظر بهدوء إلى من يرفعون شعار التطهير وينادون به، هل هم أطهار أساسا؟،

وهى كلمة حق يراد بها باطل

وأصبح كثير من المثبطين يرددوها فى كل مناسبة على وسائل الاعلام

ولكي نريحهم ( ونجيب من الأخر ) نقول :

يا سيدي الفاضل سنفترض أن كل الثوار فاسدين عن بكرة أبيهم

وسنفترض ان دولة من الدول شعبها كله فاسد باستثناء شخصا واحد

هذا الشخص الواحد يا أخي يجب ان يكون هو حاكمها

ولو شعب هذه الدولة كله فاسد , فحاكمها غير مسموح له ابدا ان يكون فاسدا

لان الحاكم هو المنوط به محاسبة وتقويم الفاسدين

فلو كان هو ايضا فاسدا فمن سيصحح الاوضاع ؟

فهمت يا أخي ؟؟

[م تيمور المراغي]

وهذا ما يفعله الخوان فيتركونهم للاعتصامات والمظاهرات بينما هم يقيمون المؤتمرات الانتخابيه ويعدون الكوادر من الان

كنت اتمني الا ينفرد التيار الاسلامي والسلفي باغلبيه المقاعد في المجلس

لكن مع الاسف هؤلاء الشباب يفعلون العكس وكل يوم يكرههم الناس اكثر ووقت الانخابات لن ينتخبهم احد

ولن يكون لهم اي تأثير في صنع المستقبل وهذا مالم اكن اتمناه

لكن تعمل ايه المخ النضيف نضيف

الثورة عند التيار الاسلامي يعني تربيطات وانتخابات وكراسي مشغولين بيها هيا وبس 24 ساعه

لكن الثورة عند الشباب الحر هي مبادئ و مطالب وطنيه لم تتحقق حتى الان اللهم الا علنية المحاكمات وعلى استحياء

فيه فرق بين اصحاب المصالح الشخصية

واصحاب المصالح الوطنية

لكن تقول ايه بقى

المخ النضيف نضيف

[لماضة مصرية جدا]

السلام عليكم و رحمة الله و بركاته

مش عارفة ليه كل ما الاقي التهمة الجاهزة بتاعت "التخوين" اقول في سري من غير ما اقرا الخبر يبقي اكيد ده الفتنة الجديدة...(اديلنا قيمة شهر كدهوت معملناش فتنة صحيح)

تعليقي

1- هو يعني ايه الجيش بتاع مبارك....هو مش كان و دلوقتي و لا زال الجيش بتاع مصر هتقولولي ايوة اصل ولاءه للقائد الاعلي....بس الي اعرفه زي ما قولنا برضه في الشرطة مينفعشي نحط البيض كله في لسة واحدة

مينفعشي اقول الجيش كله خاين....مع انها تهمة عنيفة جدا لان الجيش ده بالذات مش المفروض نشكك فيه...نشكك في مجلس عسكري اه و نص و تلت اربع....لكن جيش لا.....

2- ايه الهدف من ان احنا نخلق الحالة دي....هل علشان نتجمع مرة تانية علي هدف واحد...طب هو احنا مينفعشي نتجمع كدهوت من غي ما نعمل فتنة و "نخون" حد

3- المجلس العسكري محتاج و بشدة يصحح مساره لان كل تاخير او بتاطؤ او تعامل "مش محترف" مع الوضع الحالي بيزود الفرقة و بيدي ارض خصبة اوي ان الديدان تطلع من جحورها

سؤالي

هو ينفع نتعامل ان الجيش و المجلس العسكري كيانين منفصلين و لا واقعيا هما كيان واحد

يعني احنا مش عاجبنا اداء المجلس العسكري و اعتقد كل القوي علي الساحة باختلاف رؤاها متفقة في الجزئية دي

هل ده مبرر ان يتم تفسيره انه انتقاد للجيش في حد ذاته؟؟؟

مش عارفة

[se_ Elsyed]

ما أنا عارف يا مدام سلوى عشان كده باوضح له الأمور وبأفهمه وباحاول أقول له إن " الجريمة لا تُفيد .. وروكسي مش هاتنفعك

"

طب انا مقتنعة باللي مكتوب في المقال دا يا س س

من حقك طبعاً ولكي كل الإحترام

الموضوع مش معركة بها فائز أو خاسر .. لكنه إختلاف في وجهات النظر ولا يُفسد للود قضية ...

[محمد حامد الغنام]

بسم الله الرحمن الرحيم

هذا مقال للأحد الصحفيين فى جريدة الوفد نقلتة الى المحاورات لكى استمع الى جميع الأراء الواردة حول هذا المقال

وان كنت انا شخصيا اتفق مع كاتب المقال فى اشياء واختلف معة فى بعض الأشياء

_______________

تعليقى على الأستاذ الفاضل (( سى السيد ))

- أتفق معك أستاذى الفاضل سى السيد فى كثير مما ذكرتة فى مشاركتك الأخيرة .

- وان كنت أشعر فى كلامك بانك غير راضى وغير متقبل لحكومة شرف وانا معك فى ذلك ايضا اضم صوتى لصوتك وأتسائل ماهى الأنجازات او ماهو مدى شعور المواطن بالتغير الذى حدث ؟؟؟

بالتأكيد لا يشعر اى مواطن باى تغير حدث فلقد مرة اكثر من 6 أشهر ولم يشعر المواطن بالتغير المطلوب ايجادة .

- واما بخصوص حديثك عن الأعتداءات التى حدثت على فى امبابة فعلا زى ماحضرتك قولت ان اى مشكلة حصلت فى موضوع الكنائس يجى شيخ الأزهر ويزور المنطقة ويهدى الناس , ويجى بعد احد الوزراء او احد الممثلين عن قداسة البابا شنودة او يجى الشيخ محمد حسان او عمرو خالد ويعملوا للناس تخدير بالكلام لكن دة كلة ملهوشى معنى لان المشكلة لم تتم حلها من البداية . فالأفضل هو حل المشكلة وليس تخدير الناس بالكلام , لان التخدير مفعولة سوف يزول وترجع المشكلة اكبر من الأول .

وكذلك انا لاحظت لما شوفت فيديو للأهالى امبابة وهما بيتحدثوا عما حدث وهما بيقولوا على الأحداث بيقولوا ان اسلحة الجيش والشرطة كانت موجه ليهم لكن لم يعتدوا عليهم لكنهم لاحظوا وجود ضرب نار بقناصة ببنادق ليزر زى ماكان حصل فى التحرير يوم 28 يناير قبل كدة من وراهم واسف عن عدد من القتلى ودة تفسيرة اية .

- وأضم صوتى لصوتك حينما تحدثت على أهالى (( مدينة السلام العشوائية )) والى حتى هذا لم يجدوا مسكن لهم وأتسائل الى متى سوف يظل الصمت الحكومى على هذا ولم استمع للحكومة ورائيها فى هذة المشكلة وأتفق معك فى كثير ماذكرتة .

- وحيث عندما ذكر كاتب المقالة

وقال (((المشكلة الحقيقية أننا جميعا تحولنا إلى قضاة ووكلاء نيابة ورؤساء وقادة جيش وشرطة، الكل يفتي فيما ليس له به علم، ))))

وعلقت علية وقلت

((قول والله ؟

يعني لما كل المتهمين بقتل الثوار في السويس يطلعوا براءة .. وجهات العدالة لم تقدم لنا متهم واحد وبالتالي القضية ستُقيد ضد مجهول أو تُقيد إنتحار بأسفكسيا الضرب بالرصاص .. يبق ده فتي وكلام فيما ليس لنا به علم ؟

وتفتكر لما كل القضايا كانت بتُثار يوم الأربع والخميس قبل المليونية .. يبقى ده شيء قضائي عادي يا محمد ؟)))

- وانا اختلف معك تماما فيما انته ذكرتة فى تعليقك على هذة الجزئية واعذرك ايضا حيث انك لست خريج من كلية الحقوق واذا كان احد خريج كلية الحقوق وقال تعليقك هذا لن يغفر له هذا الخطأ .

- حيث ذكرت وقلت ان الظباط المتهمين بقتل الثوار اخذوا برائة وهذا غير صحيح جملة وتفصيلا فهم اخذوا اخلاء سبيل واخلاء السبيل لا يعنى البرائة والحبس الأحتياطى ايضا لا يعنى ان الشخص متهم واننى كمتابع لكل جميع هذة القضايا بعناية شديد فقد قال القاضى ان دم الشهداء لن يضيع هدرا واريد ايضا استاذى الفاضل (( سى السيد )) ان انبهك الى شئ مهم جدا جدا وهو ((( أن القضاء لا يشكر ولا يزم ))) وخذ هذة القاعدة موضع الجد دائما لان القضاء لا يعبأ براى الشارع ولا حتى بما يقال فى الأعلام فالقاضى يحكم بما يملية علية ضميرة امام الله وماهو موجود امامة من ادلة ووقائق والقاضى يلتزم الحياد واذا فقد هذا المبدأ نزل من على المنصة ((( لانه لا يجوز للخصم ان يكون حكما ))) .

- لكن اكثر الناس فعلا زى مقال الكاتب ان الناس افتكرت نفسها وكلاء نيابة وقضاه وهذا ماذكرة الرسول (( صلى الله علية وسلم فى احد احاديثة الشريفة حينما قال ان من علامات الساعه ان يتحدث الرويبضة فى امور العامة قال الصحابة وما الرويبضة قال صلى الله علية وسلم الرجل التافة )) هذا ماقالة الرسول صلى الله علية وسلم وفعلا استاذى الفاضل سئ السيد هؤلاء الرويبضة الأن كثيرون فى الأعلام والشوارع ويهرفون بما لا يعرفون .

- استاذى الفاضل سى السيد اشعر وكما الأحداث التى تمر بها مصر وخصوصا فى عمليات قتل المتظاهرين اشعر بانه تدبير من الخارج وتم تنفيذها فى الداخل بطريقة بها الكثير من التعجب فكيف لمظاهرة مكونة من عددة الاف والشرطة تقف امامهم وتجد فى وسط المتظاهرين تم قتل احدهم بالقناصة بطلقة فى الصدر او الراس نعم هناك الكثير من الأسئلة المطروحة امامنا وان كنت اتذكر ماقالة اللواء / عمر سليمان حينما قال فى حوار صحفى معه قال اننا كنا فى مؤامرة كبيرة وهى الأن فى موضوع تحقيق .

- وحينما ذكرت استاذى الفاضل سى السيد فى مشاركتك

وقلت (((واحد وبالتالي القضية ستُقيد ضد مجهول أو تُقيد إنتحار بأسفكسيا الضرب بالرصاص .. ))

- انت تتحدث عن قضية الشاب الذى قيل عنه وسمعنا عنه انه مات فى الأسكندرية بعد اعتداء ظباط الشرطة علية هذا ماسمعناه كلنا .

- - أن موضوع قضية هذا الشاب الذى يدعى (( بخالد سعيد )) التى قوبلت بترحيب كبير فى الأعلام ...... وسرى هذا الخبر مسرى النار بالهشيم، دون ان يكلف احد من هؤلاء الأعلاميين بأيضاح الصورة كاملة أمام الراى العام حتى لا يصل الى المجتمع وجهة نظرة واحدة موجه من قبل الأعلام المأجور ...

- فانا شخصيا .... لا أستقى معلومات فى قضية هذا الشاب بما يقولة الراى العام فالراى العام يقول كما يحلوا له وكيفما شاء ....

- فاول ماركزت علية فى محاولتى البحث عن قضية هذا الشاب فى المحكمة فلم اجد أمامى غير محامى المتهمين ... وما ذكروة المحاميين فى مرافعتهم امام المحكمة .....فالمتهمين نفوا تماما انهم اعتدوا علية وهو ما أكدة التقرير الطبيب الشرعى .... فلقد سئمت من السماع الى وجهة نظر واحدة الهت الناس فى موضوع لا ندرى حتى الأن هل هو صحيح ام غير صحيح .... هل بالفعل اعتدوا علية ام لم يعتدوا .... وهل ما قيل فى الراى العام طول الفترة الماضية هل هو صحيح ام غير صحيح ؟؟؟؟

- بحث على الشبكة العنكبوتية فى مواقع اليوتيوب على هذا الشاب فوجدت الفيدوهات كثير جداا حول هذا الشاب ...... وهذة بعض الفيدوهات التى حاولت الأستماع لها لكى تصلى لى الصورة كاملة ..... بدل ماكنت اسمع دائما وجهة نظر واحدة .... لم اسمع الرد عليها فيما سبق .......

- وهذة بعض الفيديوهات اريد ان تلقى نظرة عليها حتى نكون نحن قد وضعنا امام اعيننا كل وجهات النظر وليس وجهة نظر واحدة .

-

- فيا سادة قضية خالد سعيد معروض على القضاء وسوف يفصل القضاء والمحكمة فى قضية خالد سعيد يوم 27 من الشهر الجارى على حسب المعاد الذى حددتة المحكمة ...... فانا ارى انه ليس من المستساغ اننا نقفذ على قرار المحكمة ونتائج التحقيقات وندعى ونقول بان هذا الشخص الذى يدعى بخالد سعيد قد قتل ..... وفى كلا الحالتين انا لا اريد ان اتدخل كثير فى قضية مطروحة امام المحكمة ..... لاننا جميعا لا نعلم الحقيقة أين مكانها .... هل هذا الشخص قتل ام لم يقتل .... فسؤالى هنا ......

الى متى سوف نظل لقمة سائغه للأفواة هؤلاء الرويبضة الذين يخروجون دائما فى الأعلام ويخدعونا بكلامهم الفارغ الذى لا اساء له من الصحة ؟؟؟؟؟

- فأختم كلامى فى موضوع قضية خالد سعيد بأن القضية مطروحة أمام القضاء والقضاء هو الذى يقول كلمتة الفيصل فية لكن لا يجوز لنا جميعا اننا نستبق قرار المحكمة وحكمها وندعى ونقول بأن هذا الشخص قتل على يد شرطة ..... ونوهم الراى العام بهذا الكلام .... فنحن لاندرى حتى الأن هل الشرطة قتلتة ام لم تقتلة

- وهذا جزء مما حدث فى الجلسة قبل الأخيرة فى محاكمة المتهمين بقتل هذا الشاب وهذة هيا الكواليس ...

كواليس المحكمة فى قضية خالد سعيد

- واما بخصوص قضية مبارك يؤسفنى استاذى الفاضل ((( سى السيد حينما يعتقد الناس ان موضوع محاكمة مبارك قد جاءت من التحرير وهذا الكلام غير صحيح جملة وتفصيلا وانا لا اهرف بما لا اعرف )))

واكررها مرة اخر اننى لا اهرف بما لا اعرف هيا كل القضية ترجع الى شهر فبراير الماضى وقدم عدد من الناس بلاغات فى مبارك وعلى هذه البلاغات تقوم النيابة العامة بالتحرى عليها وبعدها تقوم باستجواب المتهم وبعدها ان رأت النيابة انها تقوم باجراء التدابير الأحترازية فيمكن لها انها تحبس المتهم الى ان تنتهى التحقيقات فى ذلك الشأن وبعدها ان رات النيابة ان القضية تحال الى المحكمة فسوف تقوم بعمل قرار احالة وبعدها تنظر المحكمة فى القضية وتنظر مافى الأوراق الى ان يتضح كل شئ وتحكم المحكمة اما بالبرائة او الأدانة .

- لكن اردت ان اوضح مما سبق ان القضاء يحكم بما يملية علية ضميرة امام الله وماتقولة الأوراق التى امامة فاتذكر ماقاله القاضى فى قضية عز حينما قال لعز (( انا لا بخاف من التحرير ولا بتوع التحرير لانى هقابل رب كريم )))

- وحينما تحدث وقلت ان القضايا تثار يوم الخميس والجمعة وهذا جاء حظا مع المتظاهرون فى ذلك الوقت فانا اراك تتحدث عن قضية موقعه الجمل فقضية موقعه الجمل كان يتم التحقيق فيها منذ فترة وحينما انتهت القضية من التحقيق قرر قاضى التحقيق احالتها للمحاكمة لتنظر امام القضاء ويقولة حكمة فيها اما بالبرائة او الأدانة .. وليس كما يظن الناس ان القاضى يسير كما يقول له الغوغاء .... فالقضاء لا يشكر ولا يزم ...

____________________________________________

((architect وتعليقى على استاذى الفاضل ((

حيث ذكر وقال

يا س وفر تعبك

قمر تلا ولو جبت له مبارك نفسه يقول له يبني انا حرامي

حيقول له يا ريس بلاش تيجي على نفسك كده عشان تريح الناس ده انت طيب اوي اوي اوي

- ياسيدى الفاضل الأمر ليس حب او كرة بقدر ماهو الوصول الى الحقيقة وليس كما يقولة الناس وبخصوص كلامك الرئيس السابق نفى كل التهم الموجة الية ومنتظرين يوم 3/8 فى المحاكمة لنسمع الرد من المحامى ومنة على هذة التهم الموجهة الية ...

[ابو محمود]

وهذا ما يفعله الخوان فيتركونهم للاعتصامات والمظاهرات بينما هم يقيمون المؤتمرات الانتخابيه ويعدون الكوادر من الان

كنت اتمني الا ينفرد التيار الاسلامي والسلفي باغلبيه المقاعد في المجلس

لكن مع الاسف هؤلاء الشباب يفعلون العكس وكل يوم يكرههم الناس اكثر ووقت الانخابات لن ينتخبهم احد

ولن يكون لهم اي تأثير في صنع المستقبل وهذا مالم اكن اتمناه

لكن تعمل ايه المخ النضيف نضيف

الثورة عند التيار الاسلامي يعني تربيطات وانتخابات وكراسي مشغولين بيها هيا وبس 24 ساعه

لكن الثورة عند الشباب الحر هي مبادئ و مطالب وطنيه لم تتحقق حتى الان اللهم الا علنية المحاكمات وعلى استحياء

فيه فرق بين اصحاب المصالح الشخصية

واصحاب المصالح الوطنية

لكن تقول ايه بقى

المخ النضيف نضيف

يا عم ارش انت كدة هنجت خلاص الله يكون فى العون دة اللي انت شايفة ثورة تعنى تربيطات وانتخابات ههههههههههههههههههههههههههههههههههه دة كمان ممكن يكون فشل دة اسمة شغل وعمل ثورة يعنى يا باشا يد تبنى ويد تطالب بالمذيد من الاصلاح لاهى محتاجة اعتصامات او هجوم على مبانى ملك للشعب ولا وزارة الدفاع ملك طنطاوى مشكلتنا ان الثوار بعضهم تاة فى السكة وبيخبطو على باب خطأ ربنا يسترها على الجميع

[ابو محمود]

اذا كنا نريد من حكومة شرف بتاعة تصريف الاعمال انجازات سريعة تداوى جراح وفساد 30 سنة اذآ نحن عاطفيين وخياليين جدآ واذا طلبنا من المجلس العسكرى تظبيط البلد والقبض على الحرامية كلهم من لة يد ومن ليس لة مثبوت تلوثها يبقى بنحلم حلم كوميدى

المطالب دى نطلبها من حكومة منتخبة اختارناها كلنا ومسؤليتها انها تنجز لنا وتبنى مصر وفى نفس الوقت تهدم وتقضى على بقايا النظام الفاسد ودة الطريق الصحيح للعقلاء اما ان نصر على اتهام المجلس والحكومة بالتقاعص فهذا مضحك ثورتنا لن يأتى أكلها الا بعد دورة كاملة لحكومة منتخبة وعندها سنجد نتائج وممكن نحاسب ونفتح دفاتر يارب نكون بنفكر كدة كلنا

[se_ Elsyed]

اذا كنا نريد من حكومة شرف بتاعة تصريف الاعمال انجازات سريعة تداوى جراح وفساد 30 سنة اذآ نحن عاطفيين وخياليين جدآ واذا طلبنا من المجلس العسكرى تظبيط البلد والقبض على الحرامية كلهم من لة يد ومن ليس لة مثبوت تلوثها يبقى بنحلم حلم كوميدى

المطالب دى نطلبها من حكومة منتخبة اختارناها كلنا ومسؤليتها انها تنجز لنا وتبنى مصر وفى نفس الوقت تهدم وتقضى على بقايا النظام الفاسد ودة الطريق الصحيح للعقلاء اما ان نصر على اتهام المجلس والحكومة بالتقاعص فهذا مضحك ثورتنا لن يأتى أكلها الا بعد دورة كاملة لحكومة منتخبة وعندها سنجد نتائج وممكن نحاسب ونفتح دفاتر يارب نكون بنفكر كدة كلنا

حكومة منتخبة .. حكومة منتخبة !!!

ويا ترى بأنهي نظام ؟

بنظام الغرف المغلقة ؟

يعني كام عضو مجلس عسكري يقفلوا على نفسهم الأوضه وبعدي يومين يخرجوا علينا بنظام إنتخابي ماحدش فاهمه ؟

حلو قوي ...

فاضل حوالي 3 شهور أو أقل على إنتخابات البرلمان ... ده لو حسبنا فترة الدعاية والتقدم للترشح هاتبقى أيام ...

حد يقدر يفهمني إيه هو النظام الإنتخابي وإيه هي الدواير وإيه أليات الترشح ؟ ... أتحدى

طب حد عارف هانبقى نظام رئاسي ولا برلماني ولا بابورجوازي ؟ ... أتحدى

[فريح]

وهذا ما يفعله الخوان فيتركونهم للاعتصامات والمظاهرات بينما هم يقيمون المؤتمرات الانتخابيه ويعدون الكوادر من الان

كنت اتمني الا ينفرد التيار الاسلامي والسلفي باغلبيه المقاعد في المجلس

لكن مع الاسف هؤلاء الشباب يفعلون العكس وكل يوم يكرههم الناس اكثر ووقت الانخابات لن ينتخبهم احد

ولن يكون لهم اي تأثير في صنع المستقبل وهذا مالم اكن اتمناه

لكن تعمل ايه المخ النضيف نضيف

الثورة عند التيار الاسلامي يعني تربيطات وانتخابات وكراسي مشغولين بيها هيا وبس 24 ساعه

لكن الثورة عند الشباب الحر هي مبادئ و مطالب وطنيه لم تتحقق حتى الان اللهم الا علنية المحاكمات وعلى استحياء

فيه فرق بين اصحاب المصالح الشخصية

واصحاب المصالح الوطنية

لكن تقول ايه بقى

المخ النضيف نضيف

أنا متفق مع دكتور أيمن خصوصاً فى أخر سطر و هو المخ النضيف نضيف و طبعاً انا عارف أن

النقطة دى ستزعج الأخ اركتكت و لازم حيرد عليها أو حيستنكرهافأنا أختلف مع الأخ أركتكت

فى مداخلتة أولاً على حكر الوطنية على شباب الثورة و ثانياً على أعتبار أن عدم تركيز

الشباب على عمل أرضية لهم و الأستعداد للأنتخابات بسبب وطنيتهم

و أقولة لأ مينفعش على نفس وزن الحديث الشريف اللى بيقول " المؤمن القوى خير عند الله من المؤمن

الضعيف "

أقول من أجل الشعب و من أجل الأرتقاء ببلدنا فالوطنى القوى و المشارك فى تكوين الدولة المصرية

الجديدة خير من الوطنى اللى حيسيب غيرة يكون البلد زى ما هو عايز زى ما أضطرنا أن

اللى بيحكمنا دلوقتى مش من أصحاب الفكر الثائر

يعنى أية

مش صح أن الشباب اللى كان شرارة الثورة و وقودها يستمر فى دور المعارض فى الفترة اللى حتتكون

فيها البلد من مجالس نيابية و هو المكان الطبيعى لمراقبة الحكومة و الأعتراض عليها

و طلب أسقاطها إذا أخطأت فى اى دولة ديمقراطية حقيقية مش حيكون ساعتها الشارع .

بصراحة شديدة أود أن شباب الثورة يستفيد من دفعة نجاح الثورة فى عمل قاعدة جماهيرية بقوة دفع

الثورة الهائلة و لا يترك معركة الأنتخابات للأخوان

و من جهه أخرى لية بقة أنا بقول فى أول المداخلة أن الأخ أركتكت مش حيعجبة كلمة المخ النضيف

نضيف لأن أكثر شيئ ألاحظها فيمن يتحدث عن الشباب هى الغرور الشديد و الأحساس بأنهم هم أكثر ناس

تفهم و غيرهم أقل فهماً و دة منطق فى حد ذاتة خطأ كبير و فى مقولة مشهورة عن هذا الأمر مش

حابب أقولها علشان محدش يفهمنى غلط

فى النهاية أود أن أقول أن من كان سبباً رئيسياً من أسباب الثورة لابد له أن يسعى بشرف ليكون

مشارك بقوة فى صنع توجه هذا البلد و خصوصاً فى الفترة القريبة القادمه طبعاً بدون

أن يكون الوصول للمناصب العليا هى الغاية و ليست الوسيلة لأصلاح الوطن ( و هذه هى الوطنية

الحقيقية من وجهت نظرى ) و أن على الشباب الثائر أن يكون أكثر نضجاً و أن يحترم و يستوعب أفكار

المعارضين له لصالح الوطن

تم تعديل 26 يوليو 2011 بواسطة فريح

[ابو محمود]

اذا كنا نريد من حكومة شرف بتاعة تصريف الاعمال انجازات سريعة تداوى جراح وفساد 30 سنة اذآ نحن عاطفيين وخياليين جدآ واذا طلبنا من المجلس العسكرى تظبيط البلد والقبض على الحرامية كلهم من لة يد ومن ليس لة مثبوت تلوثها يبقى بنحلم حلم كوميدى

المطالب دى نطلبها من حكومة منتخبة اختارناها كلنا ومسؤليتها انها تنجز لنا وتبنى مصر وفى نفس الوقت تهدم وتقضى على بقايا النظام الفاسد ودة الطريق الصحيح للعقلاء اما ان نصر على اتهام المجلس والحكومة بالتقاعص فهذا مضحك ثورتنا لن يأتى أكلها الا بعد دورة كاملة لحكومة منتخبة وعندها سنجد نتائج وممكن نحاسب ونفتح دفاتر يارب نكون بنفكر كدة كلنا

حكومة منتخبة .. حكومة منتخبة !!!

ويا ترى بأنهي نظام ؟

بنظام الغرف المغلقة ؟

يعني كام عضو مجلس عسكري يقفلوا على نفسهم الأوضه وبعدي يومين يخرجوا علينا بنظام إنتخابي ماحدش فاهمه ؟

حلو قوي ...

فاضل حوالي 3 شهور أو أقل على إنتخابات البرلمان ... ده لو حسبنا فترة الدعاية والتقدم للترشح هاتبقى أيام ...

حد يقدر يفهمني إيه هو النظام الإنتخابي وإيه هي الدواير وإيه أليات الترشح ؟ ... أتحدى

طب حد عارف هانبقى نظام رئاسي ولا برلماني ولا بابورجوازي ؟ ... أتحدى

خلاص يابو عبد الرحمن .. نتخانق ونترك الساحة لمن هو عاقل غيرنا يمرح فيها ويكلها كلها او الجيش يرجع فى كلامة ويضيق علينا حتة الارض ويسبلنا كام شباك وبلكونة كدة من الديمقراطية علشان نتنفس ونعيش زى عم مبارك المخلوع ما عمل ياراجل وحياة عبد الرحمن تقول الحق الخناق والشتيمة بيحلو مشاكل او الصوت العالى بيجيب حق ياريت نبنى بيد مؤسسات الدولة وباليد التانية نلوح بيها بمطالبنا ونكون عمليين فى طلباتنا من ناس ممكن تطمع فى التورتة كولها زي ماما امريكا ماهي عايزا شوفت صورة للواءفى المجلس العسكرى وهو عنان بيشرب فى كاس مع قائد الجيش الامريكى فما ادرانا ان بالكأس سفن أب او مشروب روحى طب ممكن تقولى احسن انا حاسس ان الصورة بريحة والغريب انها فى مصر