محاكمة حبيب العادلي

[م تيمور المراغي]

عاجبني مصور التلفزيون المصري

وقف فوق البنش وبيصور الكل من فوق

جدع يا بني ,,

[se_ Elsyed]

يعني قصدك دخل بعد رفع الجلسة ؟

[Folana]

اه والله...

وأنا بأكتب المداخلة اللى فاتت بارفع عينى كده على شاشة التلفاز ..قوم جت فى عين العدلى ..أنت اتخضيت صراحة..

وكانوا بينقلوا النطق بالحكم من القاضى بذات نفسه...حتتعاد أكيد تانى

[Folana]

اهى بتتعاد تانى

[se_ Elsyed]

إتفرجوا على الفضائية المصرية حالاً من اللنك ده

http://www.egytv.net/watchnow.aspx

[se_ Elsyed]

يا ما أنت كريم يارب

شوفته وشفت العصابة ...

[الغريب]

http://www.youtube.com/watch?v=kg2anC8anFE&feature=player_embedded

[pink rose]

شكلكوا بقى وحش اوي على فكرة :closedeyes:

اهو الراجل في القفص اهو

و اصلا من اول امبارح باين و هما قايلين ان القضية هاتتأجل عشان هايضموا مبارك ليها

مش عارفة ما بقاش عندكم صبر ليه

[م تيمور المراغي]

سلم لي على حياد التلفزيون الحكومي

اول ما احد المتواجدين بدا ينتقد تواطؤ المجلس العسكري المذيع تجاهله فورا ونقل على واحد تاني !

[م تيمور المراغي]

[الغريب]

http://www.youtube.com/watch?v=oh5tfEalvr4&feature=player_embedded#at=28

[الغريب]

برق |مصر| صحفي من داخل محاكمة العادلي : تم إلقاء زجاجات وأحذية والبصق على المتهمين داخل القفص بعد انتهاء الجلسة ووالد أحد الشهداء ألقى ملابس ابنه التي عليها دماؤه على القفص في وجه حبيب العادلي صارخا : شوفوا دم اولادنا اللي قتلتوهم بالرصاص

[pink rose]

سلم لي على حياد التلفزيون الحكومي

اول ما احد المتواجدين بدا ينتقد تواطؤ المجلس العسكري المذيع تجاهله فورا ونقل على واحد تاني !

لو سمحت يا باشمهندس

ما تكتبش كلمة تواطئ المجلس العسكري الا لما يكون دليل بالمستندات على الكلمة دي

حضرتك بترفض اتهام 6 ابريل باي اتهام بدون دليل على حد كلامك و بالتالي انا كمان باطالب حضرتك بنفس الشئ

اظن كده عدل

تم تعديل 25 يوليو 2011 بواسطة pink rose

[الغريب]

ألله أكبر

سبحان الله العظيم

سبحان المعز المذل

تشعر بآية من آيات الله

[pink rose]

http://www.youtube.com/watch?v=oh5tfEalvr4&feature=player_embedded#at=28

سبحان المعز المذل

و الله العظيم عيني دمعت

ربنا بيورينا آيات و الله

سبحانك يا ربي

استغفرك و اتوب اليك

[pink rose]

ألله أكبر

سبحان الله العظيم

سبحان المعز المذل

تشعر بآية من آيات الله

بصرة

و الله كتبت الكلام قبل ما اشوف مداخلة حضرتك

[Howayda Ismail]

الظاهر ياجماعة المجرم حبيب العادلى صحته جاية على السجن

كل المحامين اجمعوا انه فى خطأ متعمد لتأجيل القضية وضمها وهى قضية قديمة لقضية حديثة

وكان المفروض العكس وده دليل ان النوايا مش طيبة

له حق يتخن ويربرب ويقعد ويحط فى بطنه بطيخة صيفى

منتهى الاستفزاز وحرق الدم

مش كفاية ان الاهالى رشقت سيارات نقل المتهمين بالحجارة دلوقت

المفروض كانوا ولعوا فيها وخلصنا من حرق الدم ويبقى ده عدل ربنا

حسبنا الله ونعمة الوكيل ينتقم منهم اشد انتقام لايطولوا حياة ولاموت

آخر شهيدات الثورة بالإسكندرية.. هدى تلحق بشقيقها شهيد "جمعة الغضب"

تشيع الإسكندرية اليوم عقب صلاة الظهر جنازة الشهيدة هدى صابر البالغة من العمر 17عاما والتي لقت وجه ربها مساء أمس بعد معاناة دامت حوالي ستة أشهر حيث أصيبت بطلق ناري استقر في عنقها أمام مسجد القائد إبراهيم.

وقد جرى اتهام ضابط الشرطة مصطفى الدامي بالمسئولية عن قتلها.

وستشيع الجنازة من أمام مسجد القائد إبراهيم بمحطة الرمل عقب صلاة الظهر.

كانت هدى تتلقى علاجا بمستشفى الميري-الجامعي لكن الأسرة كانت تشكو من إهمال متعمد في علاجها وتدهور مستمر في حالتها.

كانت هدى، آخر شهيدات الثورة بالإسكندرية، قد فقدت شقيقها إبراهيم صابر أيضا يوم 28 يناير الماضي المعروف بـ"جمعة الغضب" والذي استشهد برصاصة في رأسه ومات في الحال.

[se_ Elsyed]

شكلكوا بقى وحش اوي على فكرة :closedeyes:

اهو الراجل في القفص اهو

و اصلا من اول امبارح باين و هما قايلين ان القضية هاتتأجل عشان هايضموا مبارك ليها

مش عارفة ما بقاش عندكم صبر ليه

إحنا بنتكلم من غلبنا يا ريم

أنا بأستمع الأن إلى رجال قانون بيقولوا إن اللي حصل ده خطأ قانوني وتواطء وتباطؤ

لإن اللي لازم ينضم هو القضايا الجديدة مش القديمة

يعني إزاي نضم قضية قديمة اللي هي قتل المتظاهرين المتهم فيها العادلي .. مع القضية الجديدة بتاعت مبارك ؟

فهمتيني

يعني قضية مبارك بتاعت 3 أغسطس الي عارفيها من زمان هي اللي كانت لازم تنضم للقضايا الموجودة بالفعل ...

وكان لازم القاضي الذي تحوم حوله الشبهات زي عادل عبد السلام جمعه يتنحى مباشرة ..

لإن كده إحنا داخلين في دوامة لا نهائية من التأجيلات ... وإن 3 أغسطس لقريب وهاتشوفي

[التونسى]

ياريت بقى الناس المتحفزه تهدا شويه .. العادلى اهو فى القفص .. وعلى الهوا .. خايف حد يقول انه مش العادلى... وانه واحد تانى لابس ماسك ههههههههههههههههههه

[pink rose]

هاحاول اسأل عصام سلطان في الكلام دا

بس بجد يخرب بيت كده

ايه دا

هو احنا ليه مش سايبينا نفرح كده

يعني انت عمرك اصلا كنت تتخيل انك تشوف المنظر دا

حبيب العادلي في السجن

يقوموا فورا يغمونا و يدخلونا في متاحة قضية جديدة في قديمة

يا اخي اللي يغمهم زي ما بيغمونا