محاكمة حبيب العادلي

[Howayda Ismail]

سلم لي على حياد التلفزيون الحكومي

اول ما احد المتواجدين بدا ينتقد تواطؤ المجلس العسكري المذيع تجاهله فورا ونقل على واحد تاني !

لو سمحت يا باشمهندس

ما تكتبش كلمة تواطئ المجلس العسكري الا لما يكون دليل بالمستندات على الكلمة دي

حضرتك بترفض اتهام 6 ابريل باي اتهام بدون دليل على حد كلامك و بالتالي انا كمان باطالب حضرتك بنفس الشئ

اظن كده عدل

فى دليل اكبر من اللى بيحصل ده ياريمو

بقى شبان زى الفل تتمسك عشوائى وتتحاكم عسكريا على جنح مدنية لمجرد معارضته للمجلس

والمجرمين اللى خربوا البلد وقتلوا الناس يعرضوا على محاكم مدنية وتأجيل ورا تأجيل

لحد الناس ماتزهق وتنسى والمواضيع تنام وبعد كده تلاقيهم برة البلد زى رشيد والحرامى بطرس غالى

لو شفتى حرقة الناس بعد جلسة النهاردة كنتى طالبتى انت كمان شنقهم من غير محاكمة

الناس دى مطمنة اوى اوى وشكلها كده دى محاكمات دى سورية لتهداة الراى العام مش اكتر

[الغريب]

يا جماعة بالله عليكم من غير مانقول (ياريت الناس اللي ...)

رجاء للجميع :

لا نحقر منجزات الثورة التي تمت حتى الآن وكأن شئ لم يكن

نعم أحنا طمعانين في المزيد وهذا حقنا

ولكن دون تحقير وتقليل من شأن ما تحقق إلى الآن

يكفي أن كلاب النظام البائد كلهم مرميين في السجون

يكفي أننا بنتشرط على الوزراء

نعم نحن نريد المزيد ولكن بحكمة

لو أحتقرنا أحنا منجزات الثورة يبقى كتر خير الناس لما تقول ثورة فاشلة

بالله عليكم النهاردة سعادة شوية بهذه المناظر المبهجة والتي أتت كنتاج لثورتنا جميعا .. ممكن

تم تعديل 25 يوليو 2011 بواسطة الغريب

[Folana]

السلام عليكم ورحمة الله...

مش تحفز والله ياجماعة ولا قلة صبر...ولكن نقل لوقائع تحدث على الهواء..

المذيع قال أن مافيش كاميرات دخلت المحكمة

ثم أعلن بأنهم سمحوا لكاميرات التليفزيون المصرى بالدخول لقاعة المحكمة

ثم نقلوا هيصة وزومبوليطة وواحد واخد الشاشة بالعرض بيتكلم فى التليفون

ثم أذاع المراسل حكم المحكمة برد القاضى وتأجيل القضية

وبس خلاص...

احنا كتبنا اللى حصل

بعدها أذاعوا المحاكمة بالفعل ورأينا المتهمين رؤى العين...وذكرنا هذا فى وقته..

فين التحفز هنا؟؟؟

ولو انى اتفق مع اخى الفاضل التونسى فى ما ذهب اليه من توقع ردود أفعال بأن يكون ده دوبلير للعدلى ..:):P

يحيا العِدِل ..:)

[مصطفى يونس]

يحيا العدل

سبحان المعز المذل

[pink rose]

معلش يا مدام هند

الدليل لازم يكون بمستندات

مش كلام مرسل

العدل يقول كده

و لا هو حلال اتهام المجلس حرام اتهام 6 ابريل

اللي عاوز يتهم يقدم دليل

[Howayda Ismail]

معلش يا مدام هند

الدليل لازم يكون بمستندات

مش كلام مرسل

العدل يقول كده

و لا هو حلال اتهام المجلس حرام اتهام 6 ابريل

اللي عاوز يتهم يقدم دليل

والله ياريمو الواحد بقى تايه ماهو عارف حاجة

تسمعى منهم حاجة وتشوفى غيرها حاجات

بس على الاقل مصير البلد مش فى ايد 6 ابريل ولا غيرها

لكن رقابينا كلها تحت ايد المجلس العسكرى وهو ده اللى مطلوب منه الوضوح والشفافية مع الشعب

ياخوفى اخرتها يطلعوا الجناة براءة والشعب هو الجانى ونتسجن من تانى جوا نفسنا وجوة بلدنا

تعرفى عمرى ماخطر ببالى ان اخرج برة البلد لكن قرفت من اللى بيحصل ونفسى اسيبها دلوقت قبل بكرة

اكتر حاجة تخنقك الظلم والمواربة اللى حاصلة دلوقت ودم الناس اللى راح هدر

[مروان]

موجود يا جماعة بالقفص

ورايته على قناة النيل

وسمعت القاضي ينادي عليه ويامره بالتقدم ليظهر امام الناس والكاميرا

سبحان المعز المذل

http://www.youtube.com/watch?v=cEU5reVVJxA

http://www.youtube.com/watch?v=oh5tfEalvr4

معرفتش ارفع الفيديو

جبت الرابط يارب يشتغل

تم تعديل 25 يوليو 2011 بواسطة estishhad

[مغتربة]

كان موجود فعلا بس للاسف مش عارفه اجيب صور واضحه

دى اوضح صور لغايه دلوقتى