الكبير كبير ... مسيرة لأهالي العباسية إلى التحرير للإعتذار للثوار

[se_ Elsyed]

يارب يكون خبر صحيح .. ويارب يُسلط عليه الضوء اليوم من الأعلام أكثر لكي تكون نقطة بيضاء في تاريخ الثورة وتكون صفحة جديدة .. وننبذ كلنا الخلافات ونتوحد جميعاً تحت هدف واحد وهو " مصر "

ارسل7/25/2011 3:21:00 PM

كتب يوسف جمال:

نظم أكثر من 3 ألاف مواطنا من أهالى منطقة العباسية مسيرة توجهت إلي ميدان التحرير لتقديم الاعتذار للمعتصمين بالميدان على الاعتداءات التي تعرضوا لها مساء السبت الماضي علي أيدي مجموعة من البلطجية وذلك في مبادرة ايجابية واستهدفت المسيرة التأكيد على أن أهالي العباسية ليسوا بلطجية بل هم جزء من نسيج هولاء الشباب ومن نسيج الثورة

.

الرباط الخاص بي

على فكرة هناك جوانب مضيئة أخرى يتغافل عنها الأعلام وبتمر كده مرور الكرام والمفروض نسلط عليها الضوء عشان ندي الناس أمل ..

على سبيل المثال ... هل تعلموا إن مجموعة من شباب المسيحيين الثوار هما اللي نظموا إحتفالية ليلة النصف من شعبان في قلب ميدان التحرير .. وكانوا بيرتبوا لها من حوالي شهرين وكانت إحتفالية محترمة دعوا فيها مشايخ ووعاظ وكانت لفتة جميلة منهم ؟

لكن للأسف إحنا بنموت في المصايب .. ولو كان خبر وحش كان زمان الشكاكين إتسنت والكاميرات طلعت وهاتك يا تصوير ويا تسخين

[se_ Elsyed]

والله الخير لسه جوانا

وأنا عارف إن كلنا عاوزين مصلحة مصر كلٌ بطريقته

يا مُسهل

شباب الثورة يلتقون ''حلمي'' ويدعون لـ''جمعة الثقة'' بين الشعب والجيش

ارسل7/25/2011 1:49:00 PM

القاهرة - (أ ش أ):

التقى الدكتور عمرو حلمي وزير الصحة والسكان الاثنين بعض شباب ثورة 25 يناير، وتحدث خلال اللقاء شباب الثورة وفي طليعتهم قيادات من حركة 6 أبريل، حيث قدموا شهادات عن أحداث ''العباسية''، مؤكدين على شرعية مطالبهم، وسلمية حركتهم واعتصامهم.

وأسفر اللقاء عن مجموعة من المطالب ومنها : ضرورة تشكيل المجلس القومي لحقوق الإنسان لجنة تقصي حقائق حول أحداث يومي الجمعة والسبت الماضيين" أحداث العباسية"، ونشرها بمنتهى الشفافية في وسائل الإعلام المختلفة، والتأكيد على نقاء وطهارة وأهداف وأشخاص حركات شباب الثورة، وكذلك تأمين وزارة الصحة لمسيرات التظاهر السلمي في التحرير، وفي أي ميادين وشوارع مصر بسيارات الإسعاف المجهزة والعيادات المتنقلة.

وأكد شباب الثورة خلال اللقاء على شرعية كافة أشكال الاحتجاج السلمي، من الاعتصام والتظاهر من أجل تحقيق أهداف ثورة يناير، مع السعي الدائم لوحدة فصائل الثورة ، بالإضافة الى التأكيد على دورية هذا الاجتماع الأسبوعي وتكريسه كآلية حوار مباشر بين شباب الثورة والحكومة.

وشهد اللقاء حواراً بين مختلف الفصائل والقوى الوطنية حول الجمعة القادمة التي اقترح لها اسم "جمعة الثقة"، مع إعادة الاعتبار لشعار "الشعب والجيش إيد واحدة" وحق أهالي الشهداء فورا في التعويضات والتكريم، وحق المصابين في العلاج والرعاية على نفقة الدولة، ومطالبة الإعلام الخاص والحكومي بالتزام الموضوعية والمهنية وعدم تقسيم صفوف الثورة.

وكان هذا اللقاء بين وزير الصحة وبعض شباب الثورة قد تم بتكليف من رئيس الوزراء الدكتور عصام شرف ؛ بهدف تهدئة الامور بعد احداث العباسية خلال الايام الماضية ، وكذلك تصاعد نبرات الهجوم بين المجلس العسكري وبعض الحركات السياسية.

المصدر :

الرباط الخاص بي

[Alshiekh]

خبر مسيرة من أهالي العباسية للاعتذار لثوار ميدان التحرير ليؤكد للجميع ماتوقعناه من ان من قام بمهاجمة الثوار ليسوا إلا بلطجية ومش مهم من أي حي ولكنهم بلطجية ،

في حلقة الامس لمنى الشاذلي تم اذاعة فيديو ارسله المجلس العسكري للبرنامج وطبعا المتحدثون فيه توعدوا بكسر اي مسيرة تمر من العباسية ، واحد ( أهالي العباسية ) قال انه بيحب المجلس العسكري وان الشعب صوت بنسبة 70% " للمجلس العسكري "

شوفتوا خيبة أكثر من كده ، الاستفتاء كان على " حب وعشق المجلس العسكري " !!!!!

مسيرة من أهالي العباسية للاعتذار لثوار ميدان التحرير

في مبادرة ايجابية، نظم نحو خمسة الأف من أهالي منطقة العباسية في وقت مبكر من صباح اليوم الاثنين مسيرة توجهت إلي ميدان التحرير، وذلك لتقديم الاعتذار للثوار بالتحرير علي الاعتداءات التي تعرضوا لها مساء يوم السبت الماضي علي أيدي مجموعة من البلطجية.

واستهدفت المسيرة التأكيد على أن أهالي العباسية ليسوا بلطجية بل هم جزء من نسيج هولاء الشباب، ومن نسيج الثورة .

وقال مشاركون في المسيرة إنهم ساهموا في ثورة 25 يناير كباقي فئات الشعب المصري الذي خرج لينادي بالتغير ، والحرية، والعدالة الاجتماعية.

وكان معتصمو ميدان الأربعين بوسط السويس نقلوا اعتصامهم الي ميدان التحرير صباح أمس الاحد وانضموا إلى معتصمي ميدان التحرير، كماإنضم أيضا إليهم معتصموا محافظة الفيوم.

[Alattar]

إعادة الاعتبار لشعار "الشعب والجيش إيد واحدة" وحق أهالي الشهداء فورا في التعويضات والتكريم، وحق المصابين في العلاج والرعاية على نفقة الدولة، ومطالبة الإعلام الخاص والحكومي بالتزام الموضوعية والمهنية وعدم تقسيم صفوف الثورة

ده غاية المراد..مع وقف حملات التخوين و التشويه المنتشرة الآن بشكل كبير..وان شاء الله ساعتها نقدر نقول الثورة بإذن الله نجحت

علي جنب بقي..انت تعرف الملهي الليلي اللي في الموضوع التاني ده منين يا ريس؟..أتاريك كل ما تنزل مصر ترجع دماغك عالية علي الآخر..و أقوللك أوصلك بالعربية بتاعتشي المطار ما ترضاش..طب آجي أخدك..برضه ما ترضاش..

[التونسى]

انا كنت داخل وفاكر العكس .. يعنى مسيرة من المعتصمين بالتحرير ..تتوجه للعباسيه ل.. لاعتذار لسكانها على ترويعهم .. فى اثناء اتجاههم لمقر المجلس العسكرى

هو مفروض مين يعتذر لمين .. بتسائل بجد .. لان اغلبية وسائل الاعلام ادانت معتصمى التحرير بتوع المسيره الفاشله

[لماضة مصرية جدا]

السلام عليكم و رحمة الله و بركاته

مش عارفة ليه مش عاجبني اللي حاصل

و بيفكرني لما كانت تقوم اي فتنة في مصر بين المسلمين و الميسحين قوم ايه الناس تطلع شايلة المصحف و ناس تبقي شايلة الصليب

هو احنا متغيرناش ليه

انا لا عايزة مسيرات و لا طبطبة

انا عايزة اعرف امتي هنخلص من كابوس اكبر حزب في مصر و اللي هو بيحكمها فعليا...."حزب البلطجية"

الناس اللي انضربت و تم التعدي عليهم حقهم مش هيرجعلهم بمسيرة و طبطبة...مع كل احترامي انها بادرة خير و كل حاجة

بس السؤال

مين اصلا اللي عمل كده؟؟؟

و ده رد الحق الطبيعي و المفروض يحصل

و الله اعلم

[tarek hassan]

طيب طالما الناس فيها خير وبتوع العباسية رايحين يعتذرورا للثـــــــــــــــــــــــــــــــــــــــــــوار الأحرار المعتصمين في التحرير

طيب ما تاخدوا بعضكم يا بتوع التحرير وتعاودوا الكرة وتروحوا تاني العباسية الناس هناك هتلاقوهم مستقبلينكم ...........................بالورود

وربنا يجعلها أخر علقة

تم تعديل 25 يوليو 2011 بواسطة tarek hassan

[Ahmed Anwer]

يا جماعة مش مصدقين ليه إن اللي ضرب المتظاهرين أهالي العباسية و الوايلي ؟؟

إذا كان النشطاء نفسهم بيقولوا كده ؟؟

(( غالبا النشطاء بيشوفوا أي حاجة مؤامرة فلما جزء منهم يقول إنهم فعلا أهالي يبقوا أهالي ))

الموضوع منطقي جدا ، ناس خدت فكرة إنهم جايين يتظاهروا و يعتصموا في منطقتهم و يوقفوا حالهم و يهددوا بيوتهم و محلاتهم

و لو علي حكاية إن شكلهم بلطجية

كلنا أيام اللجان الشعبية كان شكلنا بلطجية

كنا واقفين بشوم و عصيان و سكاكين و سيوف و ما تيسر من السلاح

[se_ Elsyed]

هذا طبعاً لا يعفي من أخطاء من العقاب ... ونفسنا خلال 6 شهور ومن خلال عشرات من لجان تقصي الحقائق .. نفسنا نعرف حقيقة واحده عن أي حادث حصل ...

لكن انا بأتكلم بشكل عام عن تصفية النفوس

انا كنت داخل وفاكر العكس .. يعنى مسيرة من المعتصمين بالتحرير ..تتوجه للعباسيه ل.. لاعتذار لسكانها على ترويعهم .. فى اثناء اتجاههم لمقر المجلس العسكرى

هو مفروض مين يعتذر لمين .. بتسائل بجد .. لان اغلبية وسائل الاعلام ادانت معتصمى التحرير بتوع المسيره الفاشله

مش وسائل الإعلام هي اللي لازم تُدين يا محمود ... لكن جهات تحقيق العدالة

وعلى عكس كلامك ... أنا سمعت كلام أمبارح في كذا برنامج من وسائل الإعلام .. أقسم بالله يشيب الكتكوت

على لسان أهالي العباسية :

1- في عربيات دخلت العباسية تحت مُسمى " مستشفيات متنقلة لحماية المعتصمين " وكانت ملفوفه بعلم مصر .. لكن كانت مليانه اسلحة من جوه ( طبعاً بالمنظر ده كان لازم يكون عندنا الاف الضحايا والقتلى .. وطبعاً لازم يكونوا من أهل العباسية .. لإن المعتصمين هما اللي جايبين الأسلحة ... لكن اللي حصل إن تقريباً كل المصابين كانوا من المسيرة .. تيجي إزاي ؟ .. وتفتكر عربيات داخله في قلب الاف البشر .. تتحرك بسهولة وتقدر تراوغ وتهرب وتدوب وسط الزحام ؟ )

2- كان في كمية أجانب كثير مع المعتمصين - وعلى لسان واحد منهم متعلم سمعته وشوفته - ... ولأني بأعرف إنجليزي قربت من واحد منهم طلع أمريكاني وقال إنه بيشتغل صحفي ... وطلبت اشوف جواز سفره ما لقتش مهنته في الباسبور صحفي وكانت حاجه تانية خالص .... ( ههههههههههه هامووت من الضوحك ... من المعروف إن بزابورتات الأوروبيين والأمريكان ما بيتكتبش فيها لا ديانة ولا مهنة .... ولا يمكن الراجل الأمريكاني ده راح السعودية وعمل تغيير مهنة ؟ )

3- مسكنا ناس كتيرة جداً كان معاها أجهزة ومن غير تفاصسل كتيرة كانت حاجات غريبة وسلمناهم للشرطة العسكرية ...( قشطة ... زي وائل غُنيم .. الجلاكسي تاب بقى أحدث أجهزة الكشف بالأوشاعة ومن وسائل التجسس الحديثة .. وخالتي بتسلم عليك )

إذن عشان نقضي على اللغط ده كله ... خلي جهات التحقيق تباشر عملها .. بس سايق عليهم النبي يقولوا لنا النتيجة قبل العيد الكبير

وفي نفس الوقت نصفي النفوس لإن كلنا مصريين وما فيش بيننا هوتو ولا توتسي ( شوفت نقطة واحده فرقت أهي بين تونس وتوتسي وربنا ستر )

[لماضة مصرية جدا]

يا جماعة مش مصدقين ليه إن اللي ضرب المتظاهرين أهالي العباسية و الوايلي ؟؟

إذا كان النشطاء نفسهم بيقولوا كده ؟؟

(( غالبا النشطاء بيشوفوا أي حاجة مؤامرة فلما جزء منهم يقول إنهم فعلا أهالي يبقوا أهالي ))

الموضوع منطقي جدا ، ناس خدت فكرة إنهم جايين يتظاهروا و يعتصموا في منطقتهم و يوقفوا حالهم و يهددوا بيوتهم و محلاتهم

و لو علي حكاية إن شكلهم بلطجية

كلنا أيام اللجان الشعبية كان شكلنا بلطجية

كنا واقفين بشوم و عصيان و سكاكين و سيوف و ما تيسر من السلاح

كلام حضرتك يحترم جدا

بس برضه جزء من المنطقية

ناس تتظاهر

و ناس تتصدي

مافيش حاجة ناقصة في المعادلة دي طيب؟؟؟؟

اخبار الشرطة في خدمة الشعب ايه؟؟؟؟

[tarek hassan]

يا جماعة مش مصدقين ليه إن اللي ضرب المتظاهرين أهالي العباسية و الوايلي ؟؟

إذا كان النشطاء نفسهم بيقولوا كده ؟؟

(( غالبا النشطاء بيشوفوا أي حاجة مؤامرة فلما جزء منهم يقول إنهم فعلا أهالي يبقوا أهالي ))

الموضوع منطقي جدا ، ناس خدت فكرة إنهم جايين يتظاهروا و يعتصموا في منطقتهم و يوقفوا حالهم و يهددوا بيوتهم و محلاتهم

و لو علي حكاية إن شكلهم بلطجية

كلنا أيام اللجان الشعبية كان شكلنا بلطجية

كنا واقفين بشوم و عصيان و سكاكين و سيوف و ما تيسر من السلاح

كلام حضرتك يحترم جدا

بس برضه جزء من المنطقية

ناس تتظاهر

و ناس تتصدي

مافيش حاجة ناقصة في المعادلة دي طيب؟؟؟؟

اخبار الشرطة في خدمة الشعب ايه؟؟؟؟

ما هما استنجدوا بالجيش اللي رايحيين يهتفوا ضده ( هنفكه هنفكه ) وهو اللي فكهم ووفر لهم ممر آمن ورجعوا بخفي حنين من غير ما يفكوه هو كمان

[se_ Elsyed]

مافيش حاجة ناقصة في المعادلة دي طيب؟؟؟؟

اخبار الشرطة في خدمة الشعب ايه؟؟؟؟

مش بأقول لك يا لماضة إنك طيبة

ثوار العباسية كانوا واقفين بأسلحتهم في أحضان الشرطة والجيش والصور أظهرت ذلك

زي بالظبط يوم موقعة الجمل لما الجمال والخيول والحمير كانت مدرعات الحرس الجمهوري بتوسع لهم عشان يدخلوا الميدان ... وزي ما قعدوا أكتر من 12 ساعة يدبوا في الشباب .. والجيش واقف يتفرج .. وزي ما الميدان كان شبه مقفول إلا من ناحية ماسبيرو .. ومع ذلك تسلل ناس بزجاجات المولوتوف .. والأخطر بأسلحة قناصة يعني البندقية الواحده طول كددددددده .. من غير ما حدش يشوفهم ( كده وكده يعني )

عشان ده كله .. وتأكيداً لكلامك .. نريد تحقيقات عادلة وعاجلة والدنيا كلها تعرف مين السبب في كل مشكلة .. عشان ما يبقاش على رأي أخوانا في الخليج " مجرد حب على الخشوم " يعني مش نقوم نبوس راس بعض وكده تبقى خلصت الحدوتة ... لأ المخطأ لازم ياخد جزاته ويبقى عبرة ..

[Ahmed Anwer]

معلهشي يا جماعة اللي حضر فاعليات الثورة

هيعرف إن مفيش حاجة بتبقي مفهومة في الحشود

و لا عارفين مين اللي بيحركهم

هوب نبقي واقفين يالا نروح ماسبيرو

يالا نروح مجلس الوزراء

خناقة عشان نخش مثلا 3 متر أقرب لمجلس الشعب

فنظرية المؤامرة مالهاش محل من الإعراب في حركة الحشود

سواء متظاهرين أو أهالي

[Ahmed Anwer]

دي شهادة ناشط و منشورة علي صفحة 6 أبريل كمان ،،

__________________________________________________________________

مباشر 6 ابريل | مشاركات القراء

#m6april #egypt #tahrir #8jul #abbasiya #massira

أحمد عصام : شاهد عيان و تحليل شخصى لاحداث اليوم

....المسيرة خرجت من التحرير على الساعة 5 مساء

و احمد بكار ابتدى من هناك و اتفقنا نتقابل فى غمرة و لما وصلت المسيرة قابت انيس وحازم السيسى

و على ما وصلنا عند الكاتدرائية قبل مسجد النور بـ 500 متر كان العدد كبير ...وانا و انيس كنا بنحلل موقف الجيش عند المسحد حيكون اية

انبس توقع ان المسيرة تعدى لآن العدد كبير والجيش مش ناقص حيكبر دماغة

اما انا كنت شايف ان العدد كبير صحيح بس هو صعب انة يسيب حد يلوى ذراعة ...مش بالسهولة دى

....المهم لما وصلت قابلت محمود عبد اللطيف قالى

انت عارف انا سمعت ان فى بلطجية مستنينا و معاهم اسلحة وكاوتشش جاهزبن . االتريب فيييينننننننننننن بعد الرغى دة كلة

ان العدد كان قليل وبقى كل واحد فينا يقول : فين الناس دة كان فية امم ....... اذن هنا الخازوق المغرى

البلطجية او الفلول كان ماشى معانا فى المظاهرات و بعدين دخلو الشوارع الجانيبية .... اللى عرف يطلع بيت طلع .... و اللى معرفش راح يهيج الناس ....طب ليه الناس سهل انها تحفز فى المنطقة دى بالذات ؟

1 - ان الناس اتخضت امبارح فعلا و منامتش بالليل وفعلا خايفين الدنيا تتهد عليهم و بالتالى هما خايفين من الصبح ... خايفين من شيء و متحفزين ليه من قبل ما يعرفوا عايزين اية

.....خصوصا بعد تخوين المجلس العسكرى 6 ابريل

2 - الحتة دى من ناحية شارع العباسية مقفولة اساسا و الناس و المحلات مفشوخين بقالهم سنة عشان المترو اللى بيتعمل و بالتالى هما مش ناقصين الحتة دى كمان تتقفل منى المظاهرات او من اعتصامات

.... يعنى يكفى واحد يدخل على ناس قاعدين على القهوة و يقولهم :

مش كفاية المترو اللى مش حيخلص فى الايام السودة دى و قافل الدنيا ...

كمان حتتفقل علينا من الثورة و طبعا شتيمة حلوة عن الثورة تخلى كلة يجرى يضرب الناس اللى مكدراهم

3 - اكبر سوق خضار ماسكة المنطقة دى بالذات ماسك العباسية كلها ...كفاية ان واحد مبتوصلش بضاعتة ومش عارف يشتغل عشان الشوارع مقفولة السوق دة شغال 24 ساعة و فى اسواق الخضار البضاعة تبدا تتجهزو تتراص من بالليل طب فبن البضاعة ؟ مفيش بضاعة!

....يعنى مش حنشتغل (خالى بالك انا كلامى على سوق بحالة)

اية اللى تتوقعة غير انة يجرى يضرب فى الناس

... مهما كان الناس دى بتعمل اية او عشان مين

4 -الشيخ في مسجد النور خلاص صلاة المغرب و قعد يدعى و يقول يارب اقضى على الفتنة بين المصريين طبعا لم امام المسجد بقول فتنة و اهل المنطقة يسمعوه حيعملو اية ؟؟؟؟

اخيرا بقة ..........العيب مش على المجلس العسكرى او البلطجية اة اهالى المنطقة ....................العيب على كل ناشط سياسى منزلش النهاردة.....لان كلنا كنا عارفين ان فى مسيرة بكرة و مهمة وكمان كنا عايزين نعمل اى حاجة غير اننا نفضل قاعدين فى التحرير ...كلامى دة للعموم مش لحد معين لكل واحد عندة وعى سياسى و عارفة قيمة مسيرة النهاردة

__________________________________________________

تم تعديل 25 يوليو 2011 بواسطة Ahmed Anwer

[ابراهيم عبد العزيز]

أعتقد ان حادثة العباسية لم تكن بالصدفة أو شىء عفوي

فلما حدث الاعتداء فى العباسية بالتحديد ؟ مع ان المسيرة لكي تنتقل من التحرير وتصل للعباسية مرت على اكثر من منطقة منها غمرة على سبيل المثال , فلما يحدث هذا فى العباسية بالذات دون باقي المناطق ؟؟؟

طيب ولو قلنا ان من يبرر حادثة العباسية بان اهالي العباسية البسطاء خافوا من ( وقف الحال ) بسبب المظاهرات , طيب اهالى باقى المناطق التي مرت عليها المسيرة أين هم من هذا الخوف من ( وقف الحال ) ؟؟

والأعجب أن حادثة العباسية ( الحماسية ووليدة اللحظة كما يقول بعض الناس ) وجدنا الذين هاجموا المسيرة مدججين باسلحة متنوعة, وحتى من كانوا يهاجمون من شرفات المنازل كانوا يملكون كميات ضخمة من الحجارة لكي يرموا بها اعضاء المسيرة من شرفة منازلهم , فهل شىء طبيعي وجود كميات من الحجارة فى منازلنا كمصرين ؟؟؟

بالتاكيد انه تم تجهيزها وجمعها قبل وصول المسيرة

لذلك ومما سبق انا واثق ان ما حدث كان مدبرا له ولم تكن حادثة عفوية ابدا

اما من المحرض لها ومن دبر لها فالله اعلم بذلك .

تم تعديل 25 يوليو 2011 بواسطة ابراهيم عبد العزيز

[ابوهنا]

ايه ياعم شغل الافلام ده

ثلاثة الاف من العباسيه رايحين يعتذروا لمعتصمى التحرير

طيب وهنعرف منين انهم اهل العباسيه

يعنى ملامحهم بتقول انهم اهل العباسيه

ليه ما يكونشى بلطجية التحرير هما اللى ركبوا الدائرى وهيرجعوا من العباسيه

انا عن نفسى لو جاء اى احد امام بيتى من مايسمى الثوار وهيعملوا اى حاجه وهاقدر عليهم والله هاحرقهم