لجوء سياسي جماعي لتركيا

[pink rose]

بعد تدهور حال البلاد وتحكم المجلس العسكرى فى البلاد وفى الثورة فقد طفح بنا الكيل نحن الشباب المصرى..إما تحقيق مطالبنا أو اللجوء السياسى الجماعى لتركيا وبهذه الطريقة نترك البلاد للمجلس العسكرى يلعب بها كيفما يشاء لإنه لا يوجد أمل بعد الآن بوجود هذا المجلس الديكتاتورى..

مطالبنا هى تحقيق مطالب الثورة التى طال انتظارنا لتحقيقها..لن نترك انفسنا لعبه بين أيادى المجلس العسكرى بعد الان..

يا جماعة الايفينت ده وسيلة ضغط على المجلس السمكرى لأنه لحد دلوقتى لسه منفذش مطالبنا مطالب الثورة أيديكوا معايا ننجح الايفينت ده ويكون وسيلة ضغط جديدة واكيد يعنى احنا مش هنعمل لجوء سياسى ونسيب البلد ولكن ده ممكن يحصل لو فعلا فقدنا ثورتنا وبلدنا>>>واحنا مش عايزين نوصل للمرحلة دى

على فكره لو 1000واحد راحو عند اي سفاره وقالو الكلام ده وعملو لفتات والاعلام صور هتبقى ضربه قويه جدا للمجلس السمكرى وهتحشد ناس كتير وهتخليهم فى موقف ضعيف...

وصلتني الانفايت اللطيفة اوي اوي دي على الفيس

حبيت احطها عشان نشوف جزء من اللي بيحصل

و جزء من تفكير بعض شباب الثورة

غطيني و صوتي ياما

[Simba]

يا ريمو يا اختاه ما تزعليش نفسك كده

ده واحد صحي من النوم قام يدهول شوية علي الفيس بوك قبل ما يغسل وشه

ومش معقول اي حد هيهبل شوية

هنقول ادي الثورة وادي الثوار

[dongol]

طيب يا ريت يعملوها و يهجوا علي تركيا

يبقي ارتحنا من القرف و يبقي في امل ان الاستقرار يرجع لمصر تاني

[pink rose]

و جزء من تفكير بعض شباب الثورة

شوفت يا simba

انا قولت ايه

بعض شباب الثورة

و لا قولت ادي الثورة و لا آدي الثوار

ببساطة لاني كنت و لحد الان من مساندي الثورة

لكن باشوف تفكير بعض الشباب

و لعلمك في 40 واحد لحد دلوقتي موافق على التخريف دا

في صورة بادور عليها اول ما الاقيها هاحطها على طول

[pink rose]

طيب يا ريت يعملوها و يهجوا علي تركيا

يبقي ارتحنا من القرف و يبقي في امل ان الاستقرار يرجع لمصر تاني

لا يا استاذ دونجل الكلام دا مش صحيح انهم هايقدموا على هجرة

كل الحكاية انهم بيعملوا كده او عاوزين ينشروا الانفايت دا

على اعتباره وسيلة ضغط على المجلس العسكري

عاوزين يحشدوا ( الكلمة دي بقت تجيب ارتيكاريا) ناس تروح قدام اي سفارة و الاعلام يصور

و يضخم و يهلل

و انقذوا شباب مصر من الهجرة الجماعية

و حضرتك عارف الاعلام ما بيتوصاش

و سلمى الصاوي مش بعيد علينا

[عماد حمدي]

دول شباب تافهه ، و مراهقين ولا يعرفوا ياعني إية ثورة ولا ياعني إية إحترام ..

دول عالم كانوا قاعدين ليل و نهار ع القهاوي من غير شغلة و لا مشغلة و بياخدوا ع دماغهم ..

ومكانش حد فيهم يقدر يفتح بؤة بكلمة و احدة ..

لما حصلت الثورة قالك نهيص بقا في الهيصة و هي أي حاجة نشغل بيها و قت فراغنا و خلاص .. و بالمرة نتشهر

الشباب ( إلا من رحم ربي ) بقا بيتفنن دلوقتي و يطلع افكار محصلتش قبل كدة و تكون شاذه علشان يلفت الأنظار إلية و يبقي بطل ( الناس تتعاطف معاه و تؤيدة ) و ناس تانية نتقدة

و بكدة خلق المسرح و جاب الممثلين و رتب الأدوار و شغل وقت فراغة

بجد حاجة مستفزة جداً ، بقا إحنا اللي كنا مستحملين ذل و قرف و إهانه لمدة 30 سنة مش قادر أستحمل سنة واحدة بس البلد تاخد نفسها ..

ياعني أنا لو مكان المجلس العسكري أو راجل مسئول عن البلد و بيني وبين نفسي حطيت خطه معينة هبدأ أمشي عليها ، يقوم كل جمعة الاقي مظاهرات وو جع قلب ودا يضغط عليا ودا واجع دماغي ليل و نهار ، بذمتكم أجيب تركيز منين علشان أشتغل ولا أفكر في مصلحة البلد ..

كل جمعة كل جمعة نلاقي مظاهرات و كل يوم واحد تافه أمه و أبوه بيصرفه عليه و قاعد فاضي يطلع لنا بحكاية شكل ..

حاجة تقرف و تجيب الضغط ..

[لماضة مصرية جدا]

السلام عليكم و رحمة الله و بركاته

افترضتم ان اللي عمل الايفنت دوت "بعض شباب الثورة"

و افترضتم انهم "شباب"

و افترضتم انهم من ميدان التحرير

و ابتديتوا تحكموا عليهم

و علي افكارهم و بالمرة علي الليبرالية

مع ان اول الخيط كان قياس خاطيء اصلا

طب ما تيجو نفترض حاجة تانية...اشمعني انتو

اللي عمل الايفنت دوت...."مش بعض شباب الثورة"

اللي عمل الايفنت دوت مش "شاب اصلا"

اللي عمل الايفنت دوت..."مش في ميدان التحرير"

اللي عمل الايفنت دوت...مش ليبرالي سموه بقي علماني و لا اخواني و لا و لا و لا

يا تري حكمكم هيكون ايه

ببساطة لما يكون فيه حملة تشويه....واضحة وضوح العين

مش لازم نمشي وراها

و مش لازم نفترض فيها اصلا انها صحيحة

لكل شيء

وجهان

للعملة وجهان

قليل من القراءة

قليل من الافتراض في الاتجاه الاخر

قليل من عدم اصدار الاحكام

هتفرق كتير

حتي لو الفكرة اللوذعية دي موجودة هل خلاص بقينا مغيبين نمشي كده زي القطيع يمنيني ما اللي ماسك عصاية يهشنا

يعني خلاص مش راح نشغل عقلنا

و دي وجهة نظري

تحياتي...و اسفي...(اسفي موجه لبعض شباب الثورة اللي بيتعرضوا كل يوم لحملة تشويه مش من الغريب بالعكس من القريب اوي)

شكرا

تم تعديل 26 يوليو 2011 بواسطة لماضة مصرية جدا

[abaomar]

السلام عليكم و رحمة الله و بركاته

افترضتم ان اللي عمل الايفنت دوت "بعض شباب الثورة"

و افترضتم انهم "شباب"

و افترضتم انهم من ميدان التحرير

و ابتديتوا تحكموا عليهم

و علي افكارهم و بالمرة علي الليبرالية

مع ان اول الخيط كان قياس خاطيء اصلا

طب ما تيجو نفترض حاجة تانية...اشمعني انتو

اللي عمل الايفنت دوت...."مش بعض شباب الثورة"

اللي عمل الايفنت دوت مش "شاب اصلا"

اللي عمل الايفنت دوت..."مش في ميدان التحرير"

اللي عمل الايفنت دوت...مش ليبرالي سموه بقي علماني و لا اخواني و لا و لا و لا

يا تري حكمكم هيكون ايه

ببساطة لما يكون فيه حملة تشويه....واضحة وضوح العين

مش لازم نمشي وراها

و مش لازم نفترض فيها اصلا انها صحيحة

لكل شيء

وجهان

للعملة وجهان

قليل من القراءة

قليل من الافتراض في الاتجاه الاخر

قليل من عدم اصدار الاحكام

هتفرق كتير

حتي لو الفكرة اللوذعية دي موجودة هل خلاص بقينا مغيبين نمشي كده زي القطيع يمنيني ما اللي ماسك عصاية يهشنا

يعني خلاص مش راح نشغل عقلنا

و دي وجهة نظري

تحياتي...و اسفي...(اسفي موجه لبعض شباب الثورة اللي بيتعرضوا كل يوم لحملة تشويه مش من الغريب بالعكس من القريب اوي)

شكرا

السلام عليكم

اختى الفاضله

و اسفى معك ايضا للشرفاءمن شباب الثوره و غيرهم

و لكن لماذا كلما وجه النقد لمخطئ ما نجمعهم كلهم فى سله واحده

بل و ما المانع من نقد من اخطأ و لو كان من الثوار ..هل رفع عنهم القلم ؟؟!!! .

محمد عادل المتحدث باسم 6 ابريل اول امس قال انه يتم الكشف يوميا عن تلات او اربع حالات داخله التحرير و معها حشيش

هذا ما يتم كشفه فما بالك بما يدخل و الكثيرون اكدوا ان هناك ما هو اسواء من تعاطى الحشيش يحدث

هل نضع هؤلاء فى سله واحده مع الشرفاء ..كلا و الف كلا

و ايضا لن نتغاضى عن الاشرار بدعوى الخوف من الاساءه للشرفاء و هذا ما يحدث

الكلام و التحذير من المخربين ..فقط

اما الثوار الشرفاء ففى العيون و فوق الرؤوس

تم تعديل 26 يوليو 2011 بواسطة abaomar

[MohamedAli]

محمد عادل اول امس قال انه يتم الكشف يوميا عن تلات او اربع حالات داخله التحرير و معها حشيش

هذا ما يتم كشفه فما بالك بما يدخل و الكثيرون اكدوا ان هناك ما هو اسواء من تعاطى الحشيش يحدث

هل نضع هؤلاء فى سله واحده مع الشرفاء ..كلا و الف كلا

والله يابو عمر انني ذهبت لاستكشاف الميدان يوم السبت وبقيت فيه ساعات طويلة وتكلمت مع الكثيرين فما كان اي حوار يحدث الا تجدني في وسطه حتى الم بشكل كامل بالاراء التي هناك

ولم اشأ ان اكتب هنا حفاظاً على شكل الثورة

لكن باختصار البلطجية هم من يتحكمون في الميدان ومن يتكلم ومن يسكت لدرجة ان احدهم تكلم مع BBC بكلام جيد عن المجلس العسكري

فما كان من البلطجية المأجورين الا وقام احدهم بسحب كابل المايك ليوقف الحوار ... مسخره

من يدير هؤلاء البلطجية شخص يطيل شعر ويلبس حلق في احدى اذنه على طريقة الشواذ في اوروبا

وهذا هو الحال هناك وكلمه بلطجي لا اطلقها على كل الموجودين جزافاً

لكن على الاشخاص ذو الوجه الغريبة والمليئة بالجروح والغرز وهم من يتحكمون في الميدان بشكل كامل ولا اعرف من يدفع لهم

هذا غير مناظر الفتيات السرسجية كما يقولون عليهم الذين يرفعون لافتات اسقاط المجلس

وعندما يناقشهم الناس تجدهم هربوا لأن طريقة كلامهم لاتوحي بانهم حتى معهم شهادة الابتدائية

هذه شهادة امام الله واحاسب عليها

تم تعديل 26 يوليو 2011 بواسطة MohamedAli

[pink rose]

فتحت الموضوع عشان نشوف تفكير جزء من الشباب و ما يتم تداوله على الفيس بوك

لا الغرض منه اتهام الثورة و لا الثوار زي ما وضحت للفاضل سيمبا

و لا هو اتباع طريق تشويه صورة الثوار

يا جماعة زي ما مش عاوزين الناس على قولتكم تأله و تقدس المجلس العسكري ارجوكم انتوا كمان بلاش تألهوا الثورة و الثوار

على رأي صبحي بلاش نطبل للثورة و الثوار عشان كل شئ في الكويس و الوحش

لكل حاجه ف الدنيا مميزات و عيوب

لكل ثورات الدنيا حاجات صح و حاجات غلط

ما في ملايكة في الدنيا

الموضوع و ما فيه اني وصلتني الانفايت دي

و بعض الشباب بيتصرفوا بهبل بجد

يعني هما بتفكيرهم انهم لو راح 1000 واحد طالبوا باللجوء السياسي الجماعي و الاعلام صور دا يبقى كده بيضغطوا على المجلس العسكري لتنفيذ المطالب

دا كلام ناس عاقلة؟؟؟؟؟؟؟؟؟؟؟

هارجع لكلام ريهام اللي بتقول اننا مشينا ورا التخوين و الانتقادات

و ممكن دول ما يكونوش من الثوار اصلا

تمام يا ريهام معاكي

بس مش الوار قفلوا مجمع التحرير؟؟؟

مش الثوار قطعوا طري العين السخنة؟؟؟

مش الثوار هددوا باغلاق قناة السويس؟؟؟

مش الثوار هددوا باغلاق المترو؟؟؟

و ما حدش يقولي لا دول مش الثوار لان كل شئ مسجل هنا كمان

و التهديدات دي كان بدعوى الضغط على المجلس العسكري لتنفيذ المطالب

انا هنا بانتقد تفكيرهم

مش عارفة هما تفكيرهم طفولي للدرجة دي؟؟

طب لو افترضنا حسن النية و انهم بدافع حب مصر بيفكروا كده و مش عارفين يعملوا حاجه فعلا للمجلس العسكري اللي بيقولوا عليه متواطئ

هل احنا كا مصريين المفروض ندافع و ننساق ورا ناس دا تفكيرهم

هو دا الغرض من التوبيك

[ابراهيم عبد العزيز]

السلام عليكم أخي أبو عمر

محمد عادل المتحدث باسم 6 ابريل اول امس قال انه يتم الكشف يوميا عن تلات او اربع حالات داخله التحرير و معها حشيش

حتى ولو فرضنا ان هناك العشرات ممن يتعاطون الحشيش في ميدان التحرير , وهل ظاهرة تعاطي الحشيش غير موجودة فى اى مكان اخر فى مصر ؟؟

يعني أقصد اذا دخلت مناطق عشوائية ( غير ميدان التحرير ) واخذت عينات من شبابها فهل لن تجد العينات موجبة لثلاثة او أربع حالات كما تقول فى ميدان التحرير ؟؟؟

أما هذه الجملة يا سيد أبو عمر :

هذا ما يتم كشفه فما بالك بما يدخل و الكثيرون اكدوا ان هناك ما هو اسواء من تعاطى الحشيش يحدث

فهى مدهشة بالفعل , وتذكرني ( وسامحني ) بما كان يقوله بعض الفنانين امثال طلعت ذكريا عن الثوار فى التحرير فى اول ايام الثورة

[ابراهيم عبد العزيز]

من يدير هؤلاء البلطجية شخص يطيل شعر ويلبس حلق في احدى اذنه على طريقة الشواذ في اوروبا

وهذا هو الحال هناك وكلمه بلطجي لا اطلقها على كل الموجودين جزافاً

لكن على الاشخاص ذو الوجه الغريبة والمليئة بالجروح والغرز وهم من يتحكمون في الميدان بشكل كامل ولا اعرف من يدفع لهم

هل تنكر يا سيد محمد علي ان هؤلاء هم جزء من المجتمع المصري شئنا ام أبينا ؟

فعندما تدخل اى منطقة فى مصر ( ولنقل أرقي المناطق مثل المهندسين أو الزمالك ) فستجد اشخاص وجوهم مخربشة وفيها غرز ( وحفر كمان ) فهل معنى هذا أنهم ماجورين ؟

تم تعديل 26 يوليو 2011 بواسطة ابراهيم عبد العزيز

[م تيمور المراغي]

محمد عادل اول امس قال انه يتم الكشف يوميا عن تلات او اربع حالات داخله التحرير و معها حشيش

هذا ما يتم كشفه فما بالك بما يدخل و الكثيرون اكدوا ان هناك ما هو اسواء من تعاطى الحشيش يحدث

هل نضع هؤلاء فى سله واحده مع الشرفاء ..كلا و الف كلا

والله يابو عمر انني ذهبت لاستكشاف الميدان يوم السبت وبقيت فيه ساعات طويلة وتكلمت مع الكثيرين فما كان اي حوار يحدث الا تجدني في وسطه حتى الم بشكل كامل بالاراء التي هناك

ولم اشأ ان اكتب هنا حفاظاً على شكل الثورة

لكن باختصار البلطجية هم من يتحكمون في الميدان ومن يتكلم ومن يسكت لدرجة ان احدهم تكلم مع BBC بكلام جيد عن المجلس العسكري

فما كان من البلطجية المأجورين الا وقام احدهم بسحب كابل المايك ليوقف الحوار ... مسخره

من يدير هؤلاء البلطجية شخص يطيل شعر ويلبس حلق في احدى اذنه على طريقة الشواذ في اوروبا

وهذا هو الحال هناك وكلمه بلطجي لا اطلقها على كل الموجودين جزافاً

لكن على الاشخاص ذو الوجه الغريبة والمليئة بالجروح والغرز وهم من يتحكمون في الميدان بشكل كامل ولا اعرف من يدفع لهم

هذا غير مناظر الفتيات السرسجية كما يقولون عليهم الذين يرفعون لافتات اسقاط المجلس

وعندما يناقشهم الناس تجدهم هربوا لأن طريقة كلامهم لاتوحي بانهم حتى معهم شهادة الابتدائية

هذه شهادة امام الله واحاسب عليها

وهو اللي يروح التحرير يستكشف يناقش السرسجيه والبلطجيه ولا يروح لخيمة 6 ابريل ويتكلم مع الرجاله هناك !

ما دامت شهادة امام الله كان الاصول تروح مباشرة لاصحاب الدعوة للاعتصام تناقشهم في افكارهم مش تنقل الرتوش وتترك الجوهر

تحيتي ,,

[MohamedAli]

وهو اللي يروح التحرير يستكشف يناقش السرسجيه والبلطجيه ولا يروح لخيمة 6 ابريل ويتكلم مع الرجاله هناك !

ما دامت شهادة امام الله كان الاصول تروح مباشرة لاصحاب الدعوة للاعتصام تناقشهم في افكارهم مش تنقل الرتوش وتترك الجوهر

تحيتي ,,

اولاً انا لم اتكلم مع البلطجية ولاناقشتهم انا نقلت مارأيته منهم فقط

ثانياً انا اعرف اراء 6 ابريل عن طريق الاشتراك في صفحتهم على الـ facebook انا كنت اريد معرفة اراء المواطنين العاديين وبحمد الله وجدهم يتحلون بالحكمة فالبنت التي رفعت شعار اسقاط المجلس احيطت بكثير من الناس الذين ناقشاوها وردوا عليهم فهربت وهي تصيح (كل احد يقول اللي هو عايزة ، مالكمش دعوى بيا!)

حتى موقفهم من السلفيين كان انهم مرحبين بهم وانهم لامشكله في نزولهم التحرير

والميدان كان فيه ايضاً ازهريين معتصمين يطالبون باستقلال الازهر وكان احد العلمانيين حاول التحرش بهم لكن كان ارعن فجعلوه مضحكة للحاضرين وانتهى الموقف بانسحاب الرجل وضحك الجميع ثم بداوا في توزيع الماء لأن الجو كان حار جداً

وكان هناك ايضاً صوفيين (اشراف) يطالبون باسقاط على جمعه وشنودة (الرموز الدينية)

وكان هناك ايضاً مسيحيين معتصمين في خيمه تسمى الشهيد (مينا) ولااذكر باقي اسمه استفزتهم خيمة الاشراف

وكان هناك فتاة بميكروفون تجمع الناس تحت اسم (حقوق اسر الشهداء من ضباط الشرطة) وكان يتصدى لها بعض المعتصمين كلما جمعت بعض الناس حولها

يعني اطياف كثيرة كانت موجودة ومطالبهم متعدده جداً وليس كما يصور الاعلام ان لهم مطالب محدده وكثيراً ماتحدث مشاحنات وخناقات

والجو ليس جو الثورة اطلاقاً

[م تيمور المراغي]

6 ابريل تركز على المطالب التي يتفق عليها اغلب الشعب المصري

كان لازم مادمت هناك ترصد موقفهم ميدانيا مش تعتمد فقط على الموقع الرسمي لان اغلب الكوادر والقادة في الميدان

تحيتي ,,

وفين الصور ما ترفعها !

[MohamedAli]

6 ابريل تركز على المطالب التي يتفق عليها اغلب الشعب المصري

كان لازم مادمت هناك ترصد موقفهم ميدانيا مش تعتمد فقط على الموقع الرسمي لان اغلب الكوادر والقادة في الميدان

تحيتي ,,

وفين الصور ما ترفعها !

بلاش الكلام الكبير بتاع رصد ميداني

انا فقط كنت باستكشف الاراء لنفسي يعني افهم الناس عايزه ايه والبلد رايحة فين ومش بطولة التظاهر الان البطولة كانت يوم جمعة الغضب وماتلاها حتى سقوط مبارك الان لايكلفك الامر شئ سوى احتمال الشمس وممكن كمان تروح بالليل

بالنسبة للصور لم اصور لأنه لايوجد شئ يستحق التصوير اصلاً

مستنين صورك وانت في التحرير فانت ثورجي مهم وبالتأكيد يشهد التحرير على بطولاتك التى تستحق ان نراها !

[ابو محمود]

صدقونى انا ندمت لانى اخذت اولادى وروحت التحرير لانهم أرادو منى ان اريهم الميدان وما أن شاهدت من بالميدان من الأشكال اقل ما يقال عنهم سوابق وروحت طاير طاير بالعربية لانى خوفت على ولادى ليس منهم ولكن لانى قولت لهم ان الثوار هم اشرف من فى مصر ولا زلت اقولها وخوفى على الصورة التى بذهنهم تشوهة فضلت ان اطير بالعربية فى حالة هستيرية لدرجة انهم استغربو فعلتى لانى هاديء فى القيادة

[abaomar]

السلام عليكم

الاخوه الكرام جزاكم الله خيرا

اخويا و حبيبى س س اللى عنده عقده المحشى

طبعا دخلتك الاولانيه و حشر اسم الانبا شنوده فى الكلام مش مستغربه منك بالنسبه لى و اهو تعمل منظر برضه .

تعلم او لا تعلم او تغمض عينيك فالحقيقه ثابته و مؤكده ان التيار الليبرالى هو الذى يقود المعركه الان

و هو فى الرمق الاخير و المسأله ايام و يعودوا الى صالوناتهم الوثيره لينظروا داخل الجدران

بعد فشل مشروعهم الذى لم يوجد الا قسرا و بدعم النظام السابق .

يا ابو عمر يا حقانى لا تقرأ الا ما تراه عيناك فقط و تطنش ما تريد الم تقرأ هذا

من الخطوره بمكان ترك تلك المساخر و التحذير منها بحجه تأثير ذلك على الثوره

الثوره اكبر بكثير من ميدان التحريرو لو حدث يوما ما و تم الغاء الميدان ..هل سنلغى الثوره

طبعا لا فى نفس الوقت رمزيه الميدان معتبره و هذا ما يجب الحفاظ عليه بالتنبيه مما يحدث

داخله و يشير اليه الكثير و لا يجب ..اكرر.. لا يجب الخلط عند الكلام عن التجاوزات بين

الثوار الشرفاء و المأجورين المجرمين المندسين بينهم ....واضح ..؟؟

الغريب انك تكتب بعد ما تتريق على كلامى هذا الكلام

على فكره ده بيحصل من زمان من عيال معفنه لا تعرف معنى الوطنية .. وكانوا بيروحوا للسفارات الغربية ويقولوا : إحنا شواذ جنسياً والدولة ما بتسيبناش ناخد راحتنا ونقف على النواصي وعاوزين نهاجر عندكم عشان نبقى مرحرين ..

يبقى ده نقول عليه بني أدم أصلاً ؟

طيب هؤلاء موجودون و محل ازدراء و يسيئون للثوره و الثوار الشرفاء و للميدان فلماذا الاعتراض

ام هو عمل منظر و السلام و اى رد على كلام ابوعمر اللى عامل لنا فيها سلفى

الموضوعيه رجاء يا احمد

اما مداخلتى الاولى الساخره و التى لست معتادا على هذا الاسلوب و تناولت فيها نمط تم طرحه لشاب او شابه

غير مسئوله وافقها فيه البعض الاخر كما تفضلت الاخت ناقله الايفنت كما تفضلت

فاكرر ..لعلها تصل هذه المره ..ليست مقصودا بها الشرفااااااااااااااااااااااااء

و انما للمخربين المفسدين فى كل الحركات و الاتجاهات من اول العلمانيه الى الليبراليه

و مش هاقول البابا شنوده بالعند فيك :P يا س س

بالمناسبه لو امكن فارجو منك يا س س حذف تلك المداخله .