نحاكم مين ؟؟؟

[حشيش]

حلمت اللهم اجعله خير أن الشعب المصرى على غير المتوقع ثار ضد الظلم والفساد والرشوة والواسطة واحتكار الحكم والجهود المضنية لتوريثه وخرج إلى الشوارع فى مظاهرات حاشدة لم تفلح فى إحتوائها وإخمادها محاولات الأمن المركزى والحرس الجمهورى ومباحث أمن الدولة (فى الحلم يعنى)...واستطاع الشعب الكسلان الغلبان لأول مرة فى تاريخه أن يقول لالالالالالالالالالالا... ليزول حكم فرض نفسه على الشعب طيلة ربع قرن من الزمان...وفى ظاهرة تعتبر الأولى فى تاريخ مصر يتنافس عدة مرشحين من المخلصين من أبناء الوطن على منصب رئيس الجمهورية...وينتخب المصريين رئيساً لهم من المدنيين ليتفرغ العسكر لمهمتهم الأساسية ألا وهى الحفاظ على سلامة الوطن وليس نهب ثرواته كما حدث منذ قيام ثورة يوليو 52...وبعد ذلك (كل ده فى الحلم) تم تشكيل محاكم مدنية دستورية نزيهة لمحاكمة كل من أفسد الحياة السياسية فى مصر طوال ربع قرن من الزمان ... بمن سنبدأ بعد مبارك ؟؟؟...

[Ahmed Mohsen]

لا أحد ..... clwn:

"ارحموا عزيز قوم ذل" ....

"العفو عند المقدرة" ..... bk:

وبعدين يعني أي حد تاني كان بينفذ أوامر ... يعني كان مجرد تابع fsh::

عقلي الباطن بيقول cr((: :"رأيي ده مش هيعجب حد .... وبصراحة يعني بصراحة ... مش عاجبني أنا كمان"

[حشيش]

يابو حميد...الرحمة لا تجوز على من أذلوا الشعب وأمرضوه وحرموه من أبسط حقوقه التى شرعها الله له. يقول الله تعالى:

(ولقد كرمنا بنى أدم )...ولكنهم أهانوا بنى أدم ومسخوا شخصية بنى أدم وأركعوا بنى أدم !!!

تم تعديل 2 أكتوبر 2004 بواسطة حشيش

[masr_watany]

تعيش و تحلم يا سيدي clwn:

[أسد]

نحاكم كل من تولى منصب وزير أو رئيس وزراء ... وكل من إنتخب عضواً لمجلس الشعب ..

وكل محافظ تولى منصبه في عهد حسني مبارك ..

البداية تكون بصفوت الشريف .. ثم كمال الشاذلي ...

وفي النهاية ...

أنصحك ياحشيش .. أن تفعل كما أفعل أنا ...

إتغطى كويس وإنت نايم ..

قوم كمل نومك .. قوم ..

تصبح على خير ..

[mohamed]

دى اخرة اللى ينام من غير اما يشرب اللبن ويسيب الشباك مفتوح وهو نايم والغطا يقع من عليه

[kfaya]

شيشو ...... لحين اتمام عملية الأستقدام ........ و حرصا على حياتك من الموت الزؤام .....

خليك فى حالك ...... دمس فول مدشوش ...... خد هدومك فومين ..... مارس

جميع الأنشطة المنزلية بهمة ونشاط عشان تنام كويس و ما تحلمش ....

[ناصر الملك و الملكية]

فكرتوني بجمال سالم الي كان عايز يحاكم الملك.... و يعدمه !!!!! بس الله يرحمه محمد

نجيب رفض .... رجع جمال يصرخ " نيستو الفساد , نسيتو الديكتاتورية "

بس بردو نجيب رفض

[حشيش]

لو كان الأمر بيدى لطالبت بتقديم هؤلاء للمحاكمة حسب هذا الترتيب:

1- يوسف والى

2- صفوت الشريف

3- فاروق حسنى

4- كمال الشاذلى

5- سمير رجب

6- إبراهيم سعدة

[سقراط المصري]

إتغطى كويس وإنت نايم ياحشيش ، وخصوصا رأسك ورجليك ومابينهما mfb:

اولا: انا بقي كنت جبت كل الوزراء اللي تم تعينهم في الحكم من اول بدايه الحكم حتى قيام الثوره الجديده ، وبعدين احاسبهم على كل ما يخطر على بالك ، على الا تزيد مده امحاكمه عن شهر ، وتذاع جلسه الحكم النهائي في التليفزيون.

ثانيا: جميع رؤساء المحليات والمحافظين يتم معهم نفس الاجراء السابق.

بإختصار : شوف يا حشيش 1% من الشعب هيحاكم ، وهي النسبه المتحكمه في بقية 99%. وهتكون مجزره فعلاً.

طبعاً 1% نسبه كبيره لانها تشمل المنتفعين من وراء اي مسئول فاسد. والمحاكمات علنيه. وكله بالقانون .

سقراط

تم تعديل 3 أكتوبر 2004 بواسطة سقراط المصري

[yasovinas]

على فكرة اعظم الاحداث تبدا بحلم او بفكرة

"قولوا يارب"

المفروض اننا نحاكم انفسنا الاول قبل ما نحاكم حسونة واتباعه

قالوا لفرعون مين فرعنك قال ما فيش حد وقف في وجهي

[yasovinas]

فكرتوني بجمال سالم الي كان عايز يحاكم الملك....  و يعدمه !!!!! بس الله يرحمه محمد 

نجيب رفض .... رجع جمال يصرخ " نيستو الفساد , نسيتو الديكتاتورية "

بس بردو نجيب رفض

انا بس عايز اعرف ايه حكاية محمد نجيب معاك والله على حسب ما قرانا وما سمعنا من الاعداء قبل الاصدقاء للثورة ان محمد نجيب عليه رحمة الله لم يكن له اي دور يذكر