فيديو : ادلة تورط امن الدولة في الوقيعة بين الجيش والشعب !

[م تيمور المراغي]

http://www.youtube.com/watch?v=0aQRMqTjOYQ

[م تيمور المراغي]

اللي اتعود طول عمره على الظلم و التسلط والجبروت

لايمكن ابدا حيرضى ان يصبح خادما للشعب لا سيدا عليه ,,

نون

ونون

ونون !

[ابو محمود]

يا أرش باشا انا قولت الكلام دة ايام اتهامكم للسلفيين بأحراق الكنيسة بس انت كنت بتهاجم فقط الاسلاميين خد دى

لى مصادر موثوقة بتقولك اية بقى .. قام بعض افراد ومنتسبى أمن الدولة بتربية ذقونهم ولبس الجلباب القصير تشبهآ بالسلفيين ويعملون على تنسيق فيما بينهم لأشعال نزعات وشجارات بين الثوار ومما لاشك فية يمكن الرجوع الى فديوهات حرق الكنائس وستعرف من التصوير ان هناك من كان يقف ومعة الكاميرا وغير عابيء بمن يموت او يصاب يعنى محضرين العفريت كويس كى يتم اتهام شريحة من الشعب ليقوم بعدها التناحر ياريت نكون اتعلمنا بمعنى معرفش النار الا بعد ما أتلسع منها ههههههههههههههههههههههههههههه صباحك كلة ثقة يا أرش

[م تيمور المراغي]

استاذ محمود انسى شخصي المتواضع

وياريت ترسل لي مصادرك ا لموثقة عشان شغالين عليها

طبعا ترفقها هنا عشان يكون لدينا ملف كامل يدين اسوأ جهاز امني عرفته مصر في تاريخها

اكون شاكر لو اعطيتني المستندات والملفات دي

[ابو محمود]

استاذ محمود انسى شخصي المتواضع

وياريت ترسل لي مصادرك ا لموثقة عشان شغالين عليها

طبعا ترفقها هنا عشان يكون لدينا ملف كامل يدين اسوأ جهاز امني عرفته مصر في تاريخها

اكون شاكر لو اعطيتني المستندات والملفات دي

عزيزى ارش انا علمنى خواجة ... عايز تدفع كام يا بنى كلة بالحساب هههههههههههههههههههههههههههههه

[se_ Elsyed]

مما لا شك فيه إن ده بيحصل وهايحصل

أقسم بالله شوفت ده بعيني بعد 8 يوليو في التحرير .. كان تقرياً يا 10 أو 11 يوليو ..

كنت في الإعتصام هناك المغرب كده ... وكان جمال زهران بيُلقي كلمة وسط المتظاهرين .. وفجأة جاء شاب ملتحي ويرتدي قميص وبنطلون من الخلف مندفعاً ... وظل يبكي بهستيريا ويصرخ وسط الناس " يسقط المشير .. يسقط المشير " وكلنا نظرنا له بأشمئزاز وفي ناس فضلت تهدي فيه لإنه كانب يتظاهر بالبكاء الشديد زي ما يكون أبوه مات ...

الشيء الأخر ...

بعضنا قرأ قصة القبض على عمرو غربية الناشط في 6 إبريل بمنطقة العباسية في الأحداث الأخيرة وهو قدم بلاغ دلوقت في النيابة في اللي قبضوا عليه ...

اللي قبض عليه بقى له 3 أيام نجم من نجوم الفضائيات وده هايوقعه في شر أعماله إن شاء الله

أنا ما أعرفش مين عمرو غربية أساساً ولا عُمري شوفته .. لكن عندي عقل بيفكر ...

الأخ اللي إسمه حسن اللي قبض عليه وطلع على بعض الفضائيات يُهدد إنه سيحرق أي حد يقرب من العباسية و و و و و و و

حكى القصة . بيقول إيه بقى " أخرها بالأمس في برنامج أخر كلام مع يُسري فوده "

- أنا شوفت الأخ ده بينط من فوق السور - مش عارف سور إيه - ومعاه 3 أشخاص ... وكان عمال بيرمي قنابل ومولوتوف على أهل العباسية ... وكان في سيارات منتظراهم عند كلية طب عين شمس بتمدهم بالمولوتوف والقنابل ..

فيُسري فوده سأله : إنت كنت بتعمل إيه في العباسية ؟

قال : أنا من اللجان الشعبية في العباسية ..

كل كلامه في بدايات القصة والأيام الماضية كان بيحلف ويؤكد إنه من العباسية . لكن لما الشرطة شافت بطاقته إتضح إنه

من عين شمس .. هههههههه واعترف أمس ليُسري فوده وقال أنا فعلاً من عين شمس لكن بأروح أساعد بتوع العباسية في اللجان الشعبية .. ومش هاسمح حد يمس الجيش ... أو يمس رمز مصر اللي هو حُسني مبارك .. لأني قعدت سنين في الحرس الجمهوري أدافع عن رمز مصر وهو حُسني مبارك .. ومش معقول بعد السنين دي أكون كنت بأدافع عن حرامي ( قشطه خالص )

- ما كانش لوحده .. لكن كان معاه واحد تاني معاه كلبشات وضعها في إيد عمرو غربية .. برضوا أدعى إنه من اللجان الشعبية في العباسية . وفي الأخر طلع إنه من المطرية ( هي الكلبشات بقت تتباع عادي في السوبر ماركت كده ؟ ) ...

- الاخ حسن طلع المطوه وساب الدنيا كلها في المظاهرة ومسك عمرو غربية وهدده بالمطوه .. والأخ التاني وضع الكلبشات في إيده ... برضوا قال إنه شخص مدني عادي وإنه من اللجان الشعبية في العباسية ... وعملوا هيجان وسط ميدان العباسية وقالوا قبضنا على الجاسوس .. قبضنا على الجاسوس ...

- ولما في زميل وزميلة لعمرو غربية تعاطفوا معه وشافوا المنظر صمموا إنهم يروحوا معاه .. وكان في سيارة في إنتظار حسن والواد التاني أخدوا فيها عمرو ... والولا التاني قال له ما تجيب الإتنين التانيين دول .. قال له لأ إحنا معانا الزغلول الكبير ..

وراحوا سلموه للشرطة العسكرية بكوبري القبة ... خلف القصر الجمهوري .. ولما قال لهم أنا قبضت على جاسوس قالوا له سلمه للمخابرات .. فراح به مبنى المخابرات وإكتشفوا إن الواد حسن والواد التاني عُبط .. المخابرات سلمته لقسم الوايلي اللي أطلق صراحه ... وأختفى حسن والولا التاني .. وبقى متفرغ للفضائيات فقط ... وعمرو غربية حسب كلامه قدم بلاغ فيه لإنه عرف كل بياناته وشخصيتة .

---------

عايز أقول إن ده ممكن يحصل وأنا خايف جداً إن ناس بدقون تندس وسط السلفيين والجماعات الإسلامية يوم الجُمعة وتستفز معتصمي التحرير وتحدف عليهم طوب أو أو أو ...

أو العكس .. ناس تندس وسط المعتصمين وتتحرش بالإسلاميين ...

عشئان تولعها وتوقعهم في بعض ..

ربنا يكفينا شر الفتنة .. وشر شياطين الإنس