جدل في القرن السابع الهجري حول تعليم المرأة الكتابة

[جويرية]

كان فيه جدل في القرن السابع الهجر ي ( تقريبا ) حول

المرأة تتعلم القراية و الكتابة ولا لأ

مش عارفة مين اطراف النقاش و انتهت المناقشة دي علي ايه

ايه رأيكم لو نستكمل هذه المناقشة ؟

اظن ان المؤييدن كانت حجتهم ان السيدة حفصة رضي الله عنهاكانت بتتعلم الكتابة علي يد السيدة الشفاء بنت الحارث

و اظن ان المعارضين كانت حجتهم ان المرأة مش مفروض نديها سلاح زي الكتابة

تم تعديل 28 يوليو 2011 بواسطة جويرية

[Simba]

لا مش مهم طبعا تتعلم القراية ولا الكتابة

احنا نجيب لكل واحدة ايباد 2

او لاب توب ماكنتوش

وهي تبظبط نفسها بنفسها

انتي بتتكلمي بجد يا جوبرية

[احمد رضوان]

طبعا ده بعتمد على تصنيف المخلوق المسمى المرأة هل هو أنسان أو لأ ولو ظهر - وده مش ضروري - إنه إنسان يبقى أكيد حنرجع للقرآن حيث يقول عز وجل " ولقد كرمنا بني آدم وحملناهم في البر والبحر"

مس مهم السؤال ده ... بس ممكن نسأله بطريقة تانيه

هل نعلم المرأة أم لا

هل نعلم المرأه قيادة السيارة أم لا

هل نعلم المرأة العلوم المختلفة ام أم لا

هل نسمح بعمل المرأه أم لا

.

.

.

وقائمة العار طويله في وقت سبقتنا فيه كل البشرية لتحجرنا عند تلك الأفكار

-------

المهم

طبعا أنا لا أوافق على تعليم المرأه الكتابة لأنها كده ممكن تتجرأ وتطلب حاجات تانيه ...

[MZohairy]

كتابة ايه و بتاع ايه بس؟؟؟

اهم حاجه تتعلم الطبيخ

حستفيد ايه انا بذمتك لو بتكتب حلو و بتطبخ وحش؟ :closedeyes:

[مغتربة]

تعليم كتابه للبنات ايه بس يا جويريه ربنا يهديكى

انت كدا هتفتحى عنين البنات على الحاجات العيب دى

بصى انا هقولك على حل حلو قوى

احنا المفروض ان احنا نطالب الدوله انها تصرف لكل مواطن تتولدله بنت عيارين بندقيه علشان يطخها و نخلص من عارها

لكن كتابه و كلام فارغ لا طبعا ميصحش

هو احنا بناتنا بتوع الحاجات قليله الادب دى

[MZohairy]

انا اعرف واحد خلف بنت و علمها من الألف لغاية حرف السين بس

علشان منها تبقى بتفك الخط و محدش يضحك عليها و منها ماتعرفش تكتب و تبقى منحرفه

[بيسان]

مش فاهمة

ممكن حضرتك توضحى شوية تقصدي ايه

ايه المشكلة من ان المراة تتعلم ؟؟

[جويرية]

لا مش مهم طبعا تتعلم القراية ولا الكتابة

احنا نجيب لكل واحدة ايباد 2

او لاب توب ماكنتوش

وهي تبظبط نفسها بنفسها

انتي بتتكلمي بجد يا جوبرية

هوه انا مستغربة ان الناس اللي في القرن السابع الهجري كانوا بيناقشوا الموضوع بجد و بيتكلم فيه طبعا اكبر العلماء ، و طبعا ساعتها كانت الحضارة الاسلامية في عز مجدها يعني مش ناس متخلفين ولا حاجة

انما ايه اللي خلي الموضوع ده دلوقتي موضوع مش مطروح للمناقشة اصلا

و بتوقع طبعا اني ادخل الاقي الموضوع نقل الي باب موضوعات خفيفة او موضوعات لطيفة و ظريفة

حاجة فعلا تثير الدهشة ان المسلمات في زمن ممكن تبقي حاجات مرفوضة في زمن و يمكن نتيجة الاطلاع علي ثقافة الاخر

[عادل أبوزيد]

أعتقد أنى لم أفهم و لم أستوعب المقصود من الموضوع حيث أن التعليم - من منظور إسلامى بديهية تسبق أى نقاش.

ما سبق كان إستهلالا لابد منه

ربما لو تفضلتى حضرتك بعرض أمثلة مما ظننت أو عرفتى منه أن مسألة تعليم البنات الكتابة كان محل نقاش و قبول و إعتراض ربما بذلك نستطيع المشاركة بموضوعية .

و لعلك تعرفين بالتأكيد أن أول آية نزلت فى القرآن هى " إقرأ"

[ابوهنا]

هو يعنى ايه امراه؟

[عبير يونس]

هو يعنى ايه امراه؟

لا دي لا مؤاخذة

كائن انوي كده ملوش لازمة

ما تشغلش بالك حضرتك بالحاجات الهايفة دي

:closedeyes:

[م تيمور المراغي]

مع جوجو

مش حتقدر تغمض عينيك :happy:

طيب نتكلم جد

انتي قلتي :

((اظن ان المؤييدن كانت حجتهم ان السيدة حفصة رضي الله عنهاكانت بتتعلم الكتابة علي يد السيدة الشفاء بنت الحارث

و اظن ان المعارضين كانت حجتهم ان المرأة مش مفروض نديها سلاح زي الكتابة ))

حجة المؤيدين تعلو وتنسخ حجة المعارضين لان لها سند من امهات المؤمنين

ما فيش ابسط من كده

[م تيمور المراغي]

هو يعنى ايه امراه؟

لا دي لا مؤاخذة

كائن انوي كده ملوش لازمة

ما تشغلش بالك حضرتك بالحاجات الهايفة دي

:closedeyes:

هو حضرتك اخت معانا هنا في المحاورات ! :P

[عبير يونس]

هو يعنى ايه امراه؟

لا دي لا مؤاخذة

كائن انوي كده ملوش لازمة

ما تشغلش بالك حضرتك بالحاجات الهايفة دي

:closedeyes:

هو حضرتك اخت معانا هنا في المحاورات ! :P

لا

أخ

هههههههههههه

:P

[جويرية]

انا و الله يا جماعة بؤيد تعليم المرأة الكتابة

ده حتي انا عرضت علي جارة لينا اني اروح اعلمها القراية و الكتابة ، وحتي هيا فاتحة محل يعني متقدرش تجيلي قلتلها انا اجيلك كل يوم بس هيا رفضت

مش عايزة ألح عليها بس حاحاول اقنعها تاني

[جويرية]

الشيخ نعمان الالوسي ألف كتاب او رسالة باسم

الإصابة في منع النساء من الكتابة

الكتاب ده من 100 سنة

ملقتش الكتاب ده

بس اقواله

فمثل النساء والكتب كمثل شرير سفيه، تهدي أليه سيفا أو سكير تعطيه زجاجة خمر، فاللبيب من الرجال من ترك زوجته في حالة من الجهل والعمى، فهو أصلح لهن وأنفع

[م تيمور المراغي]

لا

أخ

هههههههههههه

:P

لا اسم الله :happy:

بس فعلا الاسم رائع ما شاء الله

[م تيمور المراغي]

انا و الله يا جماعة بؤيد تعليم المرأة الكتابة

ده حتي انا عرضت علي جارة لينا اني اروح اعلمها القراية و الكتابة ، وحتي هيا فاتحة محل يعني متقدرش تجيلي قلتلها انا اجيلك كل يوم بس هيا رفضت

مش عايزة ألح عليها بس حاحاول اقنعها تاني

اكيد حتلاقي عندها كتاب الالوسي :)

بس بجد يا جوجو ده تصرف رائع تشكري عليه

بالنسبة لكلام الالوسي اولا هو مين الالوسي ! ثانيا ينسخ كلامه تعلم ام المؤمنين حفصة بنت عمر للقراءة والكتابة ,,

تحيتي ,,

[جويرية]

انا و الله يا جماعة بؤيد تعليم المرأة الكتابة

ده حتي انا عرضت علي جارة لينا اني اروح اعلمها القراية و الكتابة ، وحتي هيا فاتحة محل يعني متقدرش تجيلي قلتلها انا اجيلك كل يوم بس هيا رفضت

مش عايزة ألح عليها بس حاحاول اقنعها تاني

اكيد حتلاقي عندها كتاب الالوسي :)

بس بجد يا جوجو ده تصرف رائع تشكري عليه

بالنسبة لكلام الالوسي اولا هو مين الالوسي ! ثانيا ينسخ كلامه تعلم ام المؤمنين حفصة بنت عمر للقراءة والكتابة ,,

تحيتي ,,

الشيخ نعمان الآلوسي ليس من سواد الناس، فهو من عائلة دينية لا تحتاج إلى تعريف لشهرتها، وكان في زمانه واعظا وداعية وقاضيا ومدرسا، وباحثا، له كتب وتصانيف عديدة في حقول اختصاصه الديني، ومناصرو أفكاره الذين كتبوا عن سيرته يسمونه "سيف الله المسلول على أهل البدع والأهواء، والبلاء المبرم على خالف الشريعة الغراء." (الشيخ نعمان الآلوسي، سلفي عاصر فترة ظهور دعوة محمد بن عبد الوهاب وكان من المنادين لها في العراق، وكان والي بغداد عبد الوهاب باشا قد أمر بنفي الشيخ نعمان ومعه ابن عمه محمود شكري الآلوسي وآخرين إلى الأناضول بتهمة الترويج لفكرة الخروج على السلطان، وتأسيس مذهب يناصب كل الأديان، قبل أن يصفح عنهم، بعد وصولهم إلى الموصل

).

[عبير يونس]

الشيخ نعمان الالوسي ألف كتاب او رسالة باسم

الإصابة في منع النساء من الكتابة

الكتاب ده من 100 سنة

ملقتش الكتاب ده

بس اقواله

فمثل النساء والكتب كمثل شرير سفيه، تهدي أليه سيفا أو سكير تعطيه زجاجة خمر، فاللبيب من الرجال من ترك زوجته في حالة من الجهل والعمى، فهو أصلح لهن وأنفع

الشيخ نعمان الآلوسي ليس من سواد الناس، فهو من عائلة دينية لا تحتاج إلى تعريف لشهرتها، وكان في زمانه واعظا وداعية وقاضيا ومدرسا، وباحثا، له كتب وتصانيف عديدة في حقول اختصاصه الديني، ومناصرو أفكاره الذين كتبوا عن سيرته يسمونه "سيف الله المسلول على أهل البدع والأهواء، والبلاء المبرم على خالف الشريعة الغراء." (الشيخ نعمان الآلوسي، سلفي عاصر فترة ظهور دعوة محمد بن عبد الوهاب وكان من المنادين لها في العراق، وكان والي بغداد عبد الوهاب باشا قد أمر بنفي الشيخ نعمان ومعه ابن عمه محمود شكري الآلوسي وآخرين إلى الأناضول بتهمة الترويج لفكرة الخروج على السلطان، وتأسيس مذهب يناصب كل الأديان، قبل أن يصفح عنهم، بعد وصولهم إلى الموصل).

يااااااااااه

و لما الموضوع كده

حضرتك ليه بقى عايزة تبقي من أهل البدع و الأهواء

لا و مش بس كده

ده انتي كمان بتحرضي واحدة غلبانة و في حالها على المعاصي

اتقي الله يا جويرية

و قومي اقفلي اللاب توب ده فورا

توبي يا بنتي الدنيا منفاتة

:closedeyes:

اوعي تزعلي

أنا أداعبكِ يا جوجو

بس يا بنتي الله لا يسيئك

رسينا على بر

انتي مع مين؟

انت ابن مين فيهم

وائل و الا رشا؟

:blink: