هل انت سعيد

[مغتربة]

سؤال فى نص سطر

هل انت سعيد ؟

طيب اوصفلنا اعراض السعاده الى انت حاسس بيها ايه؟

[عبير يونس]

السعادة حالة نحن نصنعها لأنفسنا

و نعيش فيها

و نصدقها

فتصبح يقينا لنا

و على قدر قوة الحالة التي نعيشها

على قدر ما نحتفظ بها طويلا

ضد المؤثرات الخارجية

و الناس الذين قد لا يروقهم أنك سعيد

ربما لاعتقادهم بأن السعادة وهم أنت وحدك تعيشه

و ربما حقد لأنك سعيد و هم لا يعرفون طعم السعادة

و ربما جهل بضرورة وجود السعادة في حياتنا

السعادة تعني الحياة

و غيابها يعني الموت

لابد أن نتمسك بها مهما حدث

استمتع بقصيدة

بغنوة

بوردة

بصورة جميلة أو منظر طبيعي

بموسيقى حالمة

اهتم بمظهرك و أناقتك

دلل جسدك بالعطورو الاستحمام بالماء

افتح النافذة واستنشق الهواء العليل

غيّر مناظر إن كان بوسعك

اقتنص السعادة

و لا تنتظر أن يهديها لك أي شخص

امنحها أنت لمن حولك

ففي ذلك نماؤها و بركتها

ببساطة

عش سعيدا من داخلك

و بإرادتك

و بقرارك

أسعد الله قلوبكم جميعا

[لماضة مصرية جدا]

السلام عليكم و رحمةالله و بركاته

اممممم

السؤال دوت المفروض نقول يا ايوة يا لا؟؟؟

بس انا اصلا قعدت باصة لكلمة "سعيد"

و من غير تزويق كلام

و هكتب كده اللي يجي في نفسي

لوقت طويل جدا انا كنت بقول لنفسي

انا هبقي "مبسوطة" لما اسافر

أنا هبقي مبسوطة لما "احب"

انا هبقي مبسوطة لما اشتري لبس جديد او شوز جديد

انا هبقي مبسوطة لما احل المشكلة اللي مش مخلياني انام زي البني ادمين من شهر ابريل

اها هبقي مبسوطة لما انزل مصر

انا هبقي مبسوطة لما اقابل اصحابي

اانا هبقي مبسوطة لما اجيب حاجة تموت من الضحك لاخواتي

و عمالة الليستة تزيد و تزيد و تزيد

و طول الوقت حسيت اني كل ما احقق حاجة من الليستة....مباخدشي بالي اوي هو انا مبسوطة و لا لا

و مباخدشي بالي اوي هي مشاعري ايه وقتها لاني ببقي حاساها في وقتها و خلاص

و بعد شوية ارجع اعمل ليستة تاني

و حسيت اني عمالة اجري من ليستة لليستة

من بند لبند

و علي راي ماما سلوي

رغبات مؤجلة للسعادة

هتصدقيني يا مغتربة بقي عندي قناعة بتزيد كل يوم

ان مافيش حاجة اسمها سعادة

متزعليش مني

مش عارفة مين اللي اخترع الكلمة دي

و اختارلها الحروف دي يعني

و متفتكريش اني مبحطة و لا انا داخلة علي دور اكتئاب

لا بس بحب اسميها حالة رضا

السعادة الحقيقية هتبقي في الجنة

يعني مافيش حزن

مافيش مرض

مافيش وجع

مافيش خوف

مافيش فراق

حتي الموت نفسه

الجنة هتبقي موت الموت....(من كتاب بحبه اوي محمد الصوياني الجنة كما أتمني)

كل سعادة فاكرينها سعادة علي الارض لازم تجيلك مش كاملة

لازم فيها حتة كده يا تنغص علي الواحد يا تيجي بعد ما اصلا كان ناسيها

يمكن علشان طول الوقت نفتكر ان السعادة هناك في الجنة

لو هتكلميني عن الرضا

هقولك

مش هقدر اجاوبك انا راضية و لا لا

انا بحاول

و بعافر

اني اكون راضية

تربية ايمانية بحاول اربي نفسي عليها

اني ارضي لما اتوجع علشان ابقي عارفة ان بعد منه فرج

اني ارضي بدعوة ماما لاني هحس انها الدنيا و ما فيها

اني ارضي ان اسمع صوت حد واحشني اوي في نفس الوقت اللي كنت بفكر فيه او فيها اوي

اني ارضي ان الناس ممكن تكون بتشكر فيا من ورا ضهري....او حتي بتغتابني بس سبحان الله برضه بطريقة بعرف

اني ارضي ان ليا مساحات خاصة في الحياة امارس فيها طقوس جنوني بلا توقف

اني ارضي اني لسه بعرف احب و احس بغيري

اني ارضي ان حواسي كلها سليمة و معافاة

اني ارضي ان جسمي مع الوهن بس لسه قادر يكمل

اني ارضي ان الغربة بكل قسوتها برضه اهون من ناس تانية كتير

حالة رضا

بدور عليها

و بسعي ليها

و بتديني شعور ب"السعادة" في الدنيا

شعور مؤقت و لذيذ

لغاية ما نوصل للجنة

صباحك.........مش بس سعادة.....رضا و عيون تشوف الكون غير

[أبو يمنى]

سؤال فى نص سطر

هل انت سعيد ؟

لا ، أنا تامر !

[بيسان]

السعادة هى تحقيق الامل

والامل ما زلت انتظره

اذن انا فى مرحلة انتظار

فلم اعتبر ذاتى سعيدة ولا حزينة

[عبير يونس]

السعادة هى تحقيق الامل

والامل ما زلت انتظره

اذن انا فى مرحلة انتظار

فلم اعتبر ذاتى سعيدة ولا حزينة

غاليتي بيسان

اسمحيلي اختلف معكِ

السعادة هي العيش على الأمل

و ليس تحقيقه

فقط أتفق معكِ

إذا كان لديكِ سلسلة من الآمال المتراصة فوق بعضها

ما إن تحقق واحدا

بدأت في العيش في الأمل الذي يليه

تلك هي لذة الحياة

الانتظار على أمل

[مغتربة]

السعادة حالة نحن نصنعها لأنفسنا

و نعيش فيها

و نصدقها

فتصبح يقينا لنا

و على قدر قوة الحالة التي نعيشها

على قدر ما نحتفظ بها طويلا

ضد المؤثرات الخارجية

و الناس الذين قد لا يروقهم أنك سعيد

ربما لاعتقادهم بأن السعادة وهم أنت وحدك تعيشه

و ربما حقد لأنك سعيد و هم لا يعرفون طعم السعادة

و ربما جهل بضرورة وجود السعادة في حياتنا

السعادة تعني الحياة

و غيابها يعني الموت

لابد أن نتمسك بها مهما حدث

استمتع بقصيدة

بغنوة

بوردة

بصورة جميلة أو منظر طبيعي

بموسيقى حالمة

اهتم بمظهرك و أناقتك

دلل جسدك بالعطورو الاستحمام بالماء

افتح النافذة واستنشق الهواء العليل

غيّر مناظر إن كان بوسعك

اقتنص السعادة

و لا تنتظر أن يهديها لك أي شخص

امنحها أنت لمن حولك

ففي ذلك نماؤها و بركتها

ببساطة

عش سعيدا من داخلك

و بإرادتك

و بقرارك

أسعد الله قلوبكم جميعا

كلام جميل

لكن انا اتحدث عن المرحله التاليه لذلك

انا اتسائل

هل انت سعيد

سواء انت صنعت تلك السعاده لذاتك

او منحتها بنفحه ربانيه

و ما هو الشعور او العلامات الى وجدها لديك فترجمتها على ان هذا معناه اننى سعيد او احس بالسعاده

تحياتى

[مغتربة]

السلام عليكم و رحمةالله و بركاته

اممممم

السؤال دوت المفروض نقول يا ايوة يا لا؟؟؟

بس انا اصلا قعدت باصة لكلمة "سعيد"

و من غير تزويق كلام

و هكتب كده اللي يجي في نفسي

لوقت طويل جدا انا كنت بقول لنفسي

انا هبقي "مبسوطة" لما اسافر

أنا هبقي مبسوطة لما "احب"

انا هبقي مبسوطة لما اشتري لبس جديد او شوز جديد

انا هبقي مبسوطة لما احل المشكلة اللي مش مخلياني انام زي البني ادمين من شهر ابريل

اها هبقي مبسوطة لما انزل مصر

انا هبقي مبسوطة لما اقابل اصحابي

اانا هبقي مبسوطة لما اجيب حاجة تموت من الضحك لاخواتي

و عمالة الليستة تزيد و تزيد و تزيد

و طول الوقت حسيت اني كل ما احقق حاجة من الليستة....مباخدشي بالي اوي هو انا مبسوطة و لا لا

و مباخدشي بالي اوي هي مشاعري ايه وقتها لاني ببقي حاساها في وقتها و خلاص

و بعد شوية ارجع اعمل ليستة تاني

و حسيت اني عمالة اجري من ليستة لليستة

من بند لبند

و علي راي ماما سلوي

رغبات مؤجلة للسعادة

هتصدقيني يا مغتربة بقي عندي قناعة بتزيد كل يوم

ان مافيش حاجة اسمها سعادة

متزعليش مني

مش عارفة مين اللي اخترع الكلمة دي

و اختارلها الحروف دي يعني

و متفتكريش اني مبحطة و لا انا داخلة علي دور اكتئاب

لا بس بحب اسميها حالة رضا

السعادة الحقيقية هتبقي في الجنة

يعني مافيش حزن

مافيش مرض

مافيش وجع

مافيش خوف

مافيش فراق

حتي الموت نفسه

الجنة هتبقي موت الموت....(من كتاب بحبه اوي محمد الصوياني الجنة كما أتمني)

كل سعادة فاكرينها سعادة علي الارض لازم تجيلك مش كاملة

لازم فيها حتة كده يا تنغص علي الواحد يا تيجي بعد ما اصلا كان ناسيها

يمكن علشان طول الوقت نفتكر ان السعادة هناك في الجنة

لو هتكلميني عن الرضا

هقولك

مش هقدر اجاوبك انا راضية و لا لا

انا بحاول

و بعافر

اني اكون راضية

تربية ايمانية بحاول اربي نفسي عليها

اني ارضي لما اتوجع علشان ابقي عارفة ان بعد منه فرج

اني ارضي بدعوة ماما لاني هحس انها الدنيا و ما فيها

اني ارضي ان اسمع صوت حد واحشني اوي في نفس الوقت اللي كنت بفكر فيه او فيها اوي

اني ارضي ان الناس ممكن تكون بتشكر فيا من ورا ضهري....او حتي بتغتابني بس سبحان الله برضه بطريقة بعرف

اني ارضي ان ليا مساحات خاصة في الحياة امارس فيها طقوس جنوني بلا توقف

اني ارضي اني لسه بعرف احب و احس بغيري

اني ارضي ان حواسي كلها سليمة و معافاة

اني ارضي ان جسمي مع الوهن بس لسه قادر يكمل

اني ارضي ان الغربة بكل قسوتها برضه اهون من ناس تانية كتير

حالة رضا

بدور عليها

و بسعي ليها

و بتديني شعور ب"السعادة" في الدنيا

شعور مؤقت و لذيذ

لغاية ما نوصل للجنة

صباحك.........مش بس سعادة.....رضا و عيون تشوف الكون غير

يا بنتى ازعل منك ايه

انت اساسا اخدتى لسانى و اتكلمتى بيه

كل كلامك دا هو نفسه الى خلانى افتح التوبيك دا

اصل انا كتير بسمع من الناس كلمه انا سعيد

و انا كتير برضه بقولها

لكن لما بركز معاها

بلاقى ان محدش عارفلها توصيف دقيق قادر يوصفها بيه

يعنى انا فاتحه التوبيك علشان اسال بجد

ايه هو ملمس السعاده

من غير كلام فلسفى

لان لو فتحنا بابه مش هنخلص الكلام

لكن انا حبيت اسمع التجربه الواقعيه

انا عايزه اعرف توصيفها من كل واحد بذاته

احساسه هو

بيحس السعاده ازاى

اول لما بيقول انا سعيد بيكون ايه بالظبط الى حاسس بيه ولامسه جوه نفسه

[مغتربة]

سؤال فى نص سطر

هل انت سعيد ؟

لا ، أنا تامر !

تشرفنا استاذ تامر

و عاشت الاسامى

ان شاء الله تكون تامر اسما و سعيد صفتا

و لا تعارض ان شاء الله

[مغتربة]

السعادة هى تحقيق الامل

والامل ما زلت انتظره

اذن انا فى مرحلة انتظار

فلم اعتبر ذاتى سعيدة ولا حزينة

اهلا بيسان

حضرتك تحدثتى عن نقطه مهمه

و هى ان السعاده لديك معلقه على شرط

و هو تحقيق الامل

جميل

و لكن هل عندما تحقق لك امل قبل ذلك هل شعرت بالسعاده

و هل اذا ظل الامل بعيدا او لاقدر الله لم يتحقق هل ستظلى فى المنطقه الرماديه

و هل اساسا السعاده معلقه على امل واحد ام على عده امور

بمعنى انها قابله للتجزا ام انها قطعه واحده اما تاتى معا او لا تتواجد

اسالك لاتفهم وجهه نظرك اكثر

ليس اعتراضا او اتفاقا

فهذا الموضوع ليعبر كل شخص عن نفسه باريحيه

[عبير يونس]

غاليتي مغتربة

ندور في فلكي المتعة والألم

وهما مرتبطان جدا

فوق ما نتصور

ولا يمكن الحصول على أحدهما دون الآخر

هم " باكيج" كده على بعضهم

و مفيش نقاوة

هههههههههههههه

من عجائب صنعة الخالق عز وجل

أننا لا نشعر بشيء مالم نجرّب ضده

و ندرك نقيضه

و في رحلتنا لتعريف الأشياء من حولنا

لا ندرك الإحساس إلا بخبرتنا بنقيضه

فنور النهارأدركناه لأن هناك ظلام الليل

و المتعة ندركها عندما نعرف الألم

و الحب ندركه عندما نعرف الكراهية

و السعادة ندركها عندما نعرف التعاسة

سألتيني عن المرحلة التالية

ليس هناك مراحل

السعادة لا نهائية

و متاحة للجميع بغير حساب

وهي في الأصل منحة ربانية

و نفحة إلهية

هي معطيات من الخالق

قليل منا من يمكنه أن يستغلها

و يصنع منها المخرجات التي تناسبه و ترضيه

و أقل القليل

من يحافظ عليها و لا يُفرّط فيها بعد أن عرفها

[عبير يونس]

السعادة حالة نحن نصنعها لأنفسنا

و نعيش فيها

و نصدقها

فتصبح يقينا لنا

و على قدر قوة الحالة التي نعيشها

على قدر ما نحتفظ بها طويلا

ضد المؤثرات الخارجية

و الناس الذين قد لا يروقهم أنك سعيد

ربما لاعتقادهم بأن السعادة وهم أنت وحدك تعيشه

و ربما حقد لأنك سعيد و هم لا يعرفون طعم السعادة

و ربما جهل بضرورة وجود السعادة في حياتنا

السعادة تعني الحياة

و غيابها يعني الموت

لابد أن نتمسك بها مهما حدث

استمتع بقصيدة

بغنوة

بوردة

بصورة جميلة أو منظر طبيعي

بموسيقى حالمة

اهتم بمظهرك و أناقتك

دلل جسدك بالعطورو الاستحمام بالماء

افتح النافذة واستنشق الهواء العليل

غيّر مناظر إن كان بوسعك

اقتنص السعادة

و لا تنتظر أن يهديها لك أي شخص

امنحها أنت لمن حولك

ففي ذلك نماؤها و بركتها

ببساطة

عش سعيدا من داخلك

و بإرادتك

و بقرارك

أسعد الله قلوبكم جميعا

كلام جميل

لكن انا اتحدث عن المرحله التاليه لذلك

انا اتسائل

هل انت سعيد

سواء انت صنعت تلك السعاده لذاتك

او منحتها بنفحه ربانيه

و ما هو الشعور او العلامات الى وجدها لديك فترجمتها على ان هذا معناه اننى سعيد او احس بالسعاده

تحياتى

العلامات

هي برضه أحاسيس

بالرضا

بخقان القلب

بالاحساس بالتلذذ و التمتع حتى بفكرة أو ذكرى

القدرة على التحديق في صورتك في المرآة و الابتسام لها

و الأخيرة أهم علامة للسعادة

لو أدركتها فأنتِ سعيدة

[التونسى]

مقدرش اقول على نفسى سعيد .. لكن ممكن أكون إنسان راضى جدا ..وقانع بما قسمته لى الأقدار .. مع طموح قاتل .. ينتظر الفرصة المناسبه .. للإنطلاق نحو النجاح والارتقاء

لايمنعنى هذا من التصريح والاعتراف والقول .. أن هناك أوقات فى حياتى .. كنت أحلق فيها ..كطائر غض الاجنحه.. فى سموات وملكوت السعاده .. منتشيا .. وفى قمة الفرح والسرور ..

هى أوقات من السعادة .. بالعمر كله فعلا .. ساعات لما بقعد أتذكرها .. بدخل فى مود جارف من الحنين .. والاقى نفسى بعيش فيها .. وبستحضرها تانى فى خيالى

[رضوي]

سؤال في منتهى الذكاء

يخليك تقعد تفكر وتفكر في حياتك كلها ........... تمسك دفاتر حياتك ....... تقلب صفحاتها ......... تقرا سطورها

علشان تقدر تجاوب ...... مش علي السؤال

علي نفسك

اللي بتتشعلق بالسؤال وتبصلك بصة مليانة استفهامات

ويجي السؤال

واجابتي علي نفسي كانت

الحمد لله ........... سعيدة جداً ......... مش علشان حققت كل احلامي ولا علشان راضية بكل حياتي ولا علشان عندي كل اللي بتمناه ولا علشان اتصالحت مع نفسي وبقينا فاهمين بعض اوي وبنعزف سمفونية احياه الجميلة ......... ولا حتى علشان ماعنديش مشاكل ......... لأ انا مش كل دة

بس انا سعيدة علشان أنا أفضل حالاً

في كل الأوقات ......... أنا افضل حالاً

- عندي حياتي المقتنعة بيها

- عندي طموحاتي واهدافي اللي هحققها كلها بإذن الله

- عندي عائلتي الجميلة جداً ....... ناس بيحبوني اوي وبحبهم اوي وبفتخر بيهم اوي

- عندي اصدقائي اللي بثق فيهم وبحبهم وبيحبوني

- عندي اللي يقنعني من الحياه

- عندي الايمان والصبر ........... وبالنسبة للصبر فربنا رزقني بسعة صدر وقوة احتمال بحسد نفسي عليها

- سعيدة اوي لأني كل يوم قبل النوم مابكونش ظالمة حد وقاعد يدعي عليا ( حتى ولو كنت انا مظلومة مش مهم ربنا موجود )

- سعيدة حتى وقت حزني والمي ........ لأني عارفة ان مع العسر يسرا ......... وعارفة ان لسة الاحلي ماجاش

- سعيدة لأني عايشة لهدف ....... بسعى وراه ....... وهحققه

- سعيدة لأني بقدر ارسم ابتسامة علي وجوه اللي حوالية ......... بقدر اخفف عنهم الامهم

- سعيدة لأني مش عايشة لنفسي وعلشان نفسي وبس

- سعيدة لأني عارفة ان بابا وماما راضيين عني وبيدعولي في صلاتهم

- سعيدة لأن ربنا رزقني من كل حاجة في الدنيا .......... رزقني بالاهل اللي بيراعوني وبيحبوني ......... رزقني بالصداقة ......... رزقني بالقناعة ....... رزقني بالطموح ....... رزقني بالصحة ........ رزقني بالمال .......... رزقني بالعقل والعلم

- سعيدة لأني عندي المشاكل اللي بسعى لحلها ....... ملح وفلفل الحياه

- سعيدة لأني بعرف اتذوق كل المشاعر ......... حب ...... الم ...... صدق ......... جرح ...... خيانة ........ صداقة ......رحمة ( بجرب وبحس يعني ايه الم يعني ايه فرح يعني ايه جرح ويعني ايه مرح يعني ايه صعوبة احساس الخيانة وازاي غالية اوي الامانة )

طيب ناقصني ايه علشان ابقي سعيدة ؟؟؟؟؟؟؟؟

حتى في اصعب اوقاتي .......... حتى في وقت جرحي في وقت ضعفي ....... في وقت المي ....... حتى لما بتظلم ............ برده سعيدة

علشان انا عايزة ابقي سعيدة

لو اي حد مش حاسس بالسعادة ............. يعد نعم ربنا عليه هيلاقيها كتير اوي ............. ينام وهو مريح ضميره ومافيش حد بيدعي عليه ......... يسمع دعوة امه وابوه ليه .............. يجرب يرسم ضحكة صافية علي وجوه اللي حواليه

هي دي اسرار السعادة

لو لسة مش سعيد ............ يبقى العيب جواك فيك ........... دور عليه وغيره

السعادة ليست منحة ولا هبة من احد ..... ولا حد له دور فيها .... السعادة اختيار البشر ....... وفلسفة يعني ايه ابقي سعيدة في كل وقت وبكل احساس حتى الحزن فيه سعادة

فلسفتي في الحياه ..... ممكن ماتكونش صح ...... بس انا بحسبها كدة وبحب اعيشها كدة

[ViralMind]

حاسس ان ردى هيبقى مصدم حبتين.. بس الدنيا دى مفيهاش سعادة :closedeyes:

احاسيسنا متغيرة.. و كل شىء فى الدنيا دى متغير..

لو انا عندى بيت جميل و عربية جميلة.. هتمتع و هبقى سعيد بالحاجة دى فقط وقت استعمالى ليها لكن و انا منهمك فى مشاغل الحياة التانية.. هنسى خالص الحاجات الجميلة اللى عندى.. و اللى بتخلينى سعيد.

يعنى بالظبط.. زى ما الواحد يروح شغله الصبح.. و بعدين تحصل حاجة تضايقه فى الشغل هيبقى متضايق.. و بعدين يكلم حبيبته فيبقى مبسوط.. و بعدين يعرف خبر مش ولا بد.. فينسى كل حاجة و يتابع اللى بيحصل.. و هكذا.. ده توضيح بسيط لما اقصده بأن احاسيسنا متغيرة.. و بالتالى الاحساس بالسعادة غير دائم و لكنه شىء وقتى.

فيه كلمة كنا بنسمعها زمان من اسماعيل يس فى الافلام.. القناعة كنز لا يفنى.. خد يا عم الكنز و خليهولك :lol:

فعلا الكلمة دى بجد حقيقية.. القناعة.. و الرضا.. هى دى السعادة الحقيقية.

السعادة ايضا فى ان تلجأ لله وحده.. فى العبادة يعنى..

انا سعيد بالرضا.. و ليس بما املكه.

الموضوع كبير بصراحة و عايز له مجلدات

تم تعديل 28 يوليو 2011 بواسطة ViralMind

[التونسى]

حاسس ان ردى هيبقى مصدم حبتين.. بس الدنيا دى مفيهاش سعادة :closedeyes:

احاسيسنا متغيرة.. و كل شىء فى الدنيا دى متغير..

لو انا عندى بيت جميل و عربية جميلة.. هتمتع و هبقى سعيد بالحاجة دى فقط وقت استعمالى ليها لكن و انا منهمك فى مشاغل الحياة التانية.. هنسى خالص الحاجات الجميلة اللى عندى.. و اللى بتخلينى سعيد.

يعنى بالظبط.. زى ما الواحد يروح شغله الصبح.. و بعدين تحصل حاجة تضايقه فى الشغل هيبقى متضايق.. و بعدين يكلم حبيبته فيبقى مبسوط.. و بعدين يعرف خبر مش ولا بد.. فينسى كل حاجة و يتابع اللى بيحصل.. و هكذا.. ده توضيح بسيط لما اقصده بأن احاسيسنا متغيرة.. و بالتالى الاحساس بالسعادة غير دائم و لكنه شىء وقتى.

فيه كلمة كنا بنسمعها زمان من اسماعيل يس فى الافلام.. القناعة كنز لا يفنى.. خد يا عم الكنز و خليهولك :lol:

فعلا الكلمة دى بجد حقيقية.. القناعة.. و الرضا.. هى دى السعادة الحقيقية.

السعادة ايضا فى ان تلجأ لله وحده.. فى العبادة يعنى..

انا سعيد بالرضا.. و ليس بما املكه.

الموضوع كبير بصراحة و عايز له مجلدات

يعنى بالمختصر المفيد نقدر نقول ان السعاده نسبيه .. وليست مطلقه .. زى كل شئ فى حياتنا .. لكن منقدرش ننفى وجود السعاده بشكل مطلق برده .. محدش سعيد على طول وعلى تعيس على طول

واهو من دا ودا .. حياتنا كده .. ناس ماليها الرضا .. وناس متنكده .. ومش عايزه كلام .. حياتنا كده .. مع الاعتذار لسومه

تم تعديل 28 يوليو 2011 بواسطة محمود البصيلى

[Om Zayd]

السلام عليكم و رحمة الله و بركاته

مبدئيا .. أقدر أقول اني واخدة قرار أستمتع بكل لحظة قدر المستطاع

اني مسمحش لحد ينكد عليا

أن أجد الجمال و الخير فيما حولي-دون أن أخدع نفسي

أن أمر المؤمن كله له خير

قد يكون الرضى حالة مستمرة أما السعادة فهي لحظات

قد تكون بسبب ضحكة ابني .. او إنجاز ما .. او حتى في الملاهي و اللعب

لحظات ... نتوحد فيها مع استمتاعنا و ننسى المنغصات الكثيييييييرة التي تعج بها حياتنا

كيف أحسها.. حسب السبب .. المهم انني انسى بالفعل لحظتها النصب و التعب و أندمج في الاستمتاع بها

[Salwa]

ايه يامغتربة ؟؟

موضوع تانى عايزانا نفضفض فيه ؟؟؟

ملكيش حل يعنى ؟؟

سؤالك....هل انت سعيد؟؟

وبدلا من ان نبدأ بالايجاب أو الرفض ..او حتى بتعريف السعادة حسب مفهومنا..

نقول ...

ايوة ياستى ....مقتنعة انى سعيدة ف حياتى ...ولن اقول ...أظن انى سعيدة..

واما بنعمة ربك فحدث..

الحمدلله رب العالمين ...انا سعيدة وارى انى استحق فعلا هذه السعادة ..ساعدت يوما بيوم وعودت نفسى ان اكون سعيدة ...كنت يوميا كمن ينقى الروح من أى شوائب...فتصبح صافية ..

عمل مضن وشاق ....لكنه اثمر فى النهاية نبع صاف من الحنان والرضا والسعادة الشاملة .

طبعااا انا سعيدة ...ومش عايزة اى شئ زيادة عن اللى انا فيه ..

الحمدلله..

كدة رضا...

كدة من غير لف ولا دوران ...

شوفى يامغتربة .

كل انسان بيحس بالسعادة بطريقة معينة ومش شرط كلنا نحس بنفس الاحاسيس وقت ما يحصل لنا شئ معين...فاهمانى ؟؟؟

يعنى فيه ناس تفرح بقدوم العيد وتهلل وتنزل تتفسح وكدة يعنى وتبقى سعيدة..

وناس تانية تفرح اكتر لو فيه ناس ف بيتها وعزمتهم وفضلوا يحكوا ويضحكوا ...

وناس تالتة تقرر تعمل نفس الحاجات اللى متعودة تعملها من صغرها ...وتبقى سعيدة..

وناس ؟؟ بتعتبر العيد مناسبة خاصة وتفضل لوحدها ...!!!

اذن...

الاحاسيس حاتختلف ...رغم ان المناسبة واحدة..

مسألة الرضا...

طبعاااااا......الرضا بيكون نوع من الاحساس بالسعادة او بمعنى آخر السعادة تظهر نتيجة الاحساس بالرضا..

الرضا بيحللى ايامنا ويخللى لها لون تانى ومعنى تانى ...

يعنى ايه اكون سعيدة ؟؟؟؟

يعنى ادندن؟؟؟ يعنى اضحك؟؟ يعنى دقات قلبى تتسارع؟؟؟ يعنى اعطى بلا مقابل ؟؟؟يعنى اجرى واشترى لى حاجات جديدة واحس انى عايشة وحياتى بتتجدد كل يوم؟؟؟

يعنى ايه؟؟

يعنى ببساطة....نعيش ببساطة..بمنتهى البساطة..

.على وجوهنا دايما...ابتسامة كلها فرحة.

عيوننا بتضحك..

قلوبنا دايما مليانة بحلاوة الايمان ..

عندنا استعداد دايمانستقبل يومنا بكل التفاؤل.

ايه هى السعادة؟؟؟

هى ضحكة طفل وزقزقة عصفور ووردة شايفينها بتتفتح ومطر نازل يغسل قلوب تراكمت عليها هموم ملهاش لازمة ..

السعادة الخالصة او الاحساس بالرضا التام ..او الراحة النفسية العميقة ...دى هبة الهية فعلا...

دى هدية من رب العالمين ...ومش أى حد ممكن يحصل على هدية زى دى ..

السعادة لا دخل لها بالمال اطلاقا....

الفرحة بشئ مادى ...فرحة مؤقتة فعلا كما قال أحد الأفاضل..

كلامكم كلكم جميل .

لكنى ازيد عليه فقط هذه النقطة ..لدى انا على الأقل.....ان الاحساس بالسعادة الحقيقية لايرتبط بماديات...

ايوة يامغتربة ...أنا سعيدة ..

سعيدة بولادى واحفادى وزوجى وبيتى ودنيتى وأهلى وعقلى وقلبى وكل حواسى ....سعيدة بكل مفردات حياتى الصغيرة ...وبشوف دايما الحاجات الحلوة ف اى انسان ..

شعورى بالسعادة والرضا ربما كان شعور دائم لأنى لااتحمل الاحساس بالحزن...

الحزن يدمرنى ..(( اشعر انه حتى يغير تركيبة الدماء التى تجرى فى شرايينى ))...هذه حقيقة ولا يد لى فيها .

ان حزنت...حزنا شديدا....أمرض فعلا ...

وافيق..وأعود لطبيعتى ..

ضحكة حلوة ...أغنية جميلة ....موسيقى رائعة ...

وامشى ..امشى كتيررر ...شوفى الناس والدنيا والشجر ....لابد تحسى ان الحياة حلوة ..

ولابد كل يوم قبل ما تنامى تقولى لنفسك ..

الحمدلله...

يارب ديمها نعمة واحفظها من الزوال ..

(( بس اوعى تضحكى وتقولى ...الزوال المغناطيسى ؟؟ ))...

مساء الرضا والقناعة والفرحة... :clappingrose:

[ابراهيم عبد العزيز]

السعادة مسألة نسبية وليس لها قاعدة نقيس عليها

ففى دنيانا نرى أحيانا شخص يملك الكثير سواء من المال أو الاولاد أو الجاه ولكن نجد الحزن بادي فى عينيه

ونرى شخص أخر لا يملك إلا حد الكفاف ولكن ترى السعادة تحفه من كل جانب وبمجرد أن تدخل بيته تشعر بالسعاة فى كل ركن فيه

ولذلك أعتقد أن السعادة هي شىء رباني يهبه الله لمن يشاء وذلك بصرف النظر عن وضعه المالي أو الاجتماعي أو العائلي

وهناك العديد من الصفات والتي إن وجدت فى أى انسان تجعله أقرب لنيل هذه الهبة من الله , ومن هذه الصفات :

• القناعة والرضا بالمقسوم
  
• والتوكل على الله : وكلما كان الانسان صادق فى توكله على الله فإنه باذن الله لا يحزن أبدا مهما كان وضعه , لأنه يشعر دائما أنه فى معية الله وعنده يقين أن الله سبحانه وتعالى لن يضيعه فيطمئن قلبه .
  

بالنسبة لي : أنا أتفق فى الرد مع بعض الاخوة هنا.

فأنا لا أستطيع أن أقول أنني سعيد( هكذا بشكل مطلق ) لان السعادة تأتي وتذهب ولكن أستطيع أن أقول أنني راضي

تم تعديل 28 يوليو 2011 بواسطة ابراهيم عبد العزيز

[رضوي]

اجمل حاجة

اننا اتفقنا ............ اتفقنا علي حاجة واحدة بس

ان كل واحد له وجهه نظره في السعادة ........... وهي دي فلسفته في الحياه

وكل وجهه نظر صحيحة

أنا صح وانتي صح وكلنا صح .......... بس كل وجهه نظر ماتنفعش غير صاحبها وبس .......... هو اللي فصلها علي مقاسه ......... علي ظروفه

ايه هو الشعور بالسعادة ؟؟

ماانا قلت قبل كدة .......... ممكن اكون في لحظة حزن والم ......... ممكن اكون بتوجع .............. بس سعيدة

قبل كدة اختصرنا كلمة السعادة في الرضا ............ بس ماقولناش اي رضا

مش رضايا انا لوحدي ......... ممكن واحد يكون عاصي ومذنب وراضي ........ بس عمره مايكون سعيد ابداً

مطلوب رضا من نوع تاني

شعور بالرضا ........... من الخالق

يعني انام وانا حاسة ان ربنا راضي عني

طيب فيه اكتر من كدة سعادة ؟؟؟؟؟؟؟؟

في أقوى لحظات الالم والتعاسة ............ احياناً النوم بيخاصمني ........ من الوجع ........ والعلاج الوحيد ....... ركعتين في جوف الليل اقول فيهم كل اللي انا عايزاه ........ اطلب منه كل اللي انا عايزاه ......... وفيهم كل الشفا

طيب مين فينا بينام وهو مطمن علي نفسه وعلي بيته ؟؟؟ لايشغل باله هم الديّن ؟؟؟ مافيش حد مظلوم بسببه وبيدعي عليه ؟؟؟؟ مافيش الم بدني او مرض - عافاكم الله - بيمنعه من النوم ؟؟؟

اللي بينام وعنده كل دة ....... ناقصه ايه علشان يبقي سعيد ؟؟؟؟؟

( من نام آمناً في سربه معافاً في بدنه عند قوت يومه فقد ملك الدنيا بحذافيرها )

السعادة في كل وقت وفي كل مكان لازم نحسها ....... ماينفعش ابداً نأجلها ........ لو أجلناها عمرنا ماهنحس بيها

علشان ماحدش عنده هدف واحد او حلم واحد بس يحققه ........ فول حققت حلمي اللي كنت مأجلة سعادتي علشانه مش هحس بالسعادة ,,,,, بالعكس هدور علي الحلم اللي بعده واقول لما احققه هحس بالسعادة

جربوا تحسوا بيها في كل لحظة ...... لما تصحى من النوم وتصلي ابتسم لأنك صليت وسعيد بدة ....... لما تشوف الشمس ابتسم علشان شوفت مخلوق ربنا سخره ليك ....... لما تحس بنسمة صيف افرح لأنها انعشتك ...... لما تعدي الشارع ابتسم لأنك عديت الطريق ....... حتى لما تشرب كوباية مية ........ حس بيها وانك قادر تشربها بالطريقة اللي انت بتحبها ........ حاجات كتير اوي بتعدي علينا علي انها عادية ........ لكنها في الواقع عمرها ماكانت عادية ابداً ........ مابنحسش بيها الا لما تضيع مننا

كانت فيه حكمة بتقول

حزنت لما رأيتني امشي حافي القدمين ............. ولكن تغير شعوري عندما رأيت رجلا مبتور الارجل !!!!!!!!

افرح