جمال مبارك ماله ؟

[ناصر الملك و الملكية]

بسم الله الرحمن الرحيم

جمال مبارك ولي عهد مصر ماله ؟ توريث الحكم ماله ؟

لماذا نرفض الملكية أو الإمبراطوري’ أو غيره من توريث للحكم ؟

أسألة كثيرة محتاجة إجابة

[sha3ooor]

يا مولانا الملك الشرعى أحمد فؤاد مو جود فى باريس و هو أولى بصراحة من عائلة كفر مصيلحة اللى كابسة على أنفاسنا منذ ربع ربع قرن .......................و يجعله عامر

[ناصر الملك و الملكية]

يا مولانا الملك الشرعى أحمد فؤاد مو جود فى باريس و هو أولى بصراحة من عائلة كفر مصيلحة اللى كابسة على أنفاسنا منذ ربع ربع قرن .......................و يجعله عامر

ياريت تخليك بعيد عن حبيبي الملك أحمد فؤاد الثاني ملك مصر و السودان

أحسن زمان أيام الدكتاتور ناصر واحد زيك قال أن فاروق هو الحاكم الشرعي للبلاد قام عبد الناصر قال " هما هيوجعولي دماغي بالحاكم الشرعي ؟ طيب أن هخلص منه "

و فعلاً رجل المخابرات بقيادة صلاح نصرقامو بدس السم له و هو بيتغدي في إيطاليا

المهم ....

ماله توريث الحكم ؟ أفضل عهد عرفته مصر هو توريث الحكم

[yasovinas]

مالوش وايه المشكله

في احد حلقات برنامج حمدي قنديل في دبي الفضائية وكان مستضيف فهمي هويدي واحد رجال الحزب الواطي الديموفاضي المهم سال نفس السؤال فصاحبنا الحزباوي قال ان جيمي راجل مؤهل جدا ودارس وشايل هموم الشعب ومتفتح وهكذا

فعمنا فهمي هويدي رد عليه بكل بساطه وقال اولا الاعتراض مش على جيمي كشخص الاعتراض على المبدأ ان ابن الريس يبقى ريس وابن الشحات يبقى شحات (ده اولا)

اما ثانيا وهو المهم فهو ان مصر فيها ما لايقل عن مليون شاب فيه هذه المزايا وقد يكون اكثر فلماذا يا هذا ؟؟؟؟؟

بس خلاص

[se_ Elsyed]

بصراحة أهو الموضوع ده من المواضيع اللي الواحد ممكن يقول فيها " لا تعليق " وتصبحوا على خير .

[فــيــروز]

لماذا نرفض الملكية أو الإمبراطوري’ أو غيره من توريث للحكم ؟

لأنه لا يمنحنا فرصة اختيار الافضل :angry:

يعنى لو طلع ابن الرئيس متخلف عقليا مثلا !! نبقى احنا مجبرين على تحمله لمجرد ان الله اراد ان يولد ويكون وضعه ابن الرئيس !! mf(

[ناصر الملك و الملكية]

لماذا نرفض الملكية أو الإمبراطوري’ أو غيره من توريث للحكم ؟

لأنه لا يمنحنا فرصة اختيار الافضل :rolleyes:

يعنى لو طلع ابن الرئيس متخلف عقليا مثلا !! نبقى احنا مجبرين على تحمله لمجرد ان الله اراد ان يولد ويكون وضعه ابن الرئيس !! :angry:

ده تفسير منطقي .......

طيب أفرضي أخترنا واحد و بعد ما جلس علي العرش.... أقصد كرسي الرئاسة طلع مريض نفسي و نكتشف الحقيقة ديه بعد ما يكون فات الأوان

يبقي لما يتفرض علينا إنسان مجنون أحسن منختار بنفسنا إنسان مريض نفسياً

[فــيــروز]

يبقي لما يتفرض علينا إنسان مجنون أحسن منختار بنفسنا إنسان مريض نفسياً

لأ طبعا :o

هذه النظريه تذكرنى بطريقة "يا ترى حكم الامريكان للعراق احسن ولا نرجع لهم صدام .. هاااا .. مش امريكا احسن" :angry: !! وهى طريقه خطا من البدايه لانها لا تفترض سوى حلين .. اما صدام و اما امريكا وهذا بالطبع غير صحيح !! و البدايات الخاطئه تؤدى لنهايات خاطئه .. :rolleyes:

وبالمثل .. نحن لسنا مجبرين على اختيار انسان مريض من الاساس .. سواء كان ابن الرئيس او ابن الشعب "كما سمته احدى الجرائد الحكوميه" !! وبفرض اننا اخترنا شخص و ثبت انه لا يصلح لاى سبب من الاسباب يفترض ان يكون هناك آليات لعزله من منصبه و تولية من يصلح

تم تعديل 4 أكتوبر 2004 بواسطة فــيــروز

[على ويكا]

جمال مبارك ولي عهد مصر ماله ؟ توريث الحكم ماله ؟

اااااااااااااااااااااااااااااااااااااه قول كده

[free_egypt]

يا جماعة الخير إنتم مش واخدين بالكم إن الرئيس الأب قال أنه مافيش نية لتوريث الحكم للرئيس الإبن :D

يعني هو مش عايز يورث الحكم لحبة عينه جمال علشان دي أصعب مهمة ممكن الواحد يشوفها في حياته و طبعا هو مش عايز إبنه اللي هو حته من قلبه يتعب زي ما هو تعب و ما ينمش الليل علشان هايكون سهران على راحة الـ 70 مليون بني أدم اللي ما لهومش لازمة أصلاً لكن الراجل ياعيني بيراعي ربنا على رأي المثل بيعمل الخير و يرميه البحر حتى في الناس اللي ماتستاهليش اللي هما المصريين اصلهم شعب زي القطط تاكل و تنكر ...

لكن اللي هايحصل ياعيني إن بعد مبارك ما يسافر في رحلته الابدية هايبص رجال الحزب الوطني اللي هم مستولين على مجلس الشعب يدورو على حد ينفع يقوم بالمهمة التقيلة اللي هي حكم هذا الشعب اللي متنيل على عينه ما بيفمش سياسة و لا يحزنون ... و كافي خيره شره ...

المهم إنهم لن يجدوا أحد يصلح لذلك الأمر فمش هايكون قدمهم غير الريس جمال حبيب الملايين يجروا عليه و يقولو له إحنا أجمعنا على ترشيح لرئاسة الدولة mf(

فيرد عليهم و يقول لهم لكن بابا الله يرحمه قال مافيش توريث يعني ما ينفعش أحكم بداله لنزم تشوفوا حد غيري ...

فيرد عمو كمال الشاذلي توريث إيه ... هو المرحوم ساب وراه حاجة علشان تورثها دي البلد واقعة :o

و غرقانة في الديون :angry:

و ياسيدي إنت خايف من إيه إحنا ناس ما تعرفش تخالف الدستور و اللا القانون و الدستور بيشترط في الشخص المرشح لرئيس الجمهورية إنه يكون من أبوين و جدين مصريين و ده موجود و الحمد لله ... و يكون تم اربيعين سنة يوم الترشيح و ده متوفر فيك و الحمد لله يعني مش هانحتاج نعدل الدستور و لا حاجة زي بتوع سوريا إحنا ماشيين دستوري و كله تمام و مافيش حد هايعترض على حاجة بتوع المعارضة في جبنا و مافيش حد فيهم حاطط عينة على الكرسي و بتوع الأغلبية كل واحد فيهم راضي باللى تحت إيده و على ما الناس تكون فاقت و خدت بالها يكون عدت سنتين ثلاته ساعته اللي يفتح بقة نحطو في السجن علشان إنت لازم تعمل حركة جدعتى زي ابوك و السادات أول اسبوع و بعد حلف اليمين مباشرة تفرج عن كل السجناء السياسيين و شوية مجرمين بالمرة ده مش رحمة بيهم و لا حاجة و لا علشان غنت ناوي تفتح صفحة جديدة لا سمح الله ده لسببين الأول أن الناس دي خلاص مخها إتلحس و مبقاش فيها رجا يعني مافيش منهم لا فايدة و لا ضرر و السبب التاني إتك لازم تخلي السجون كلها فاضية علشان اللي ها يعرضوك ها يكونوا عشر اضعاف اللي عارضو أبوك فلازم يكون في مكان في السجن مستني اي حد يفتح بقه إيه رايك مش توافق و تخلصنا علشان كل واحد فينا يطمن على مصالحه ... :rolleyes:

[yasovinas]

فري ايجيبت

كلامك كبير قوي ومخك عالي

انت يا استاذ تنقع تشتغل سياسة ويا رئيس وزارة او رئيس تجرير او رئيس عصابه (سامحني)