وداعا رفيقة الدرب

[مروان]

سرنا سويا

اجتزنا الصعاب والمطبات

تحملنا الحر الرهيب والبرد القارص

نهارا اترك صامتة حزينة لاعود ليلا لاجدك باسمة مضيئة تتلونين بالانوار والموسيقى العذبة

تحملتيني وهمومي واغراضي واوراقي واسراري

تحملتي ضغطي عليك وعصبيتي

اطعتيني دوما ولم تتذمري او تتأففي

مسرعة اذا اردت انا ومبطئة اذا امرتك

وواقفة صامتة اذا اشرت عليك

دثرتيني من البرد الفظيع

وانقذتيني من جهنم الرياض بروحك وهوائك المنعش

وداعا يا حبي

وداعا يا رفيقتي وصديقتي

وداعا يا احلى واجمل ما ما رات عيني

وداعا يا كامري

وان شاء الله ربنا يقدرني واشتري واحدة تانية تكون زيك

[mustafagamiel]

ههههههههههههههه

ياراجل حرام عليك

خلتني اعيش اللحظة

فداك ياريس

[مصطفى يونس]

لا بس جامده

تخلينا نعيش اللحظه وفى الاخر

تطلع الكامرى

تم تعديل 28 يوليو 2011 بواسطة مصطفى يونس

[se_ Elsyed]

نهارا اترك صامتة حزينة لاعود ليلا لاجدك باسمة مضيئة تتلونين بالانوار والموسيقى العذبة

طب وهو في سواق محترف يسيب انوار العربية مولعه والكاسيت شغال ؟

طب ما الأفعال دي لازم تجيب اجل العربية !!

-------

طب عاوزين نحضر العزا .. هايكون في حراج بن جاسم برضوا ولا عند عبد اللطيف جميل ؟

وبالنسبة للحاجات اللي مش تويوتا .. عادي تحضر ولا " لا عزاء للامريكاني " ؟

بس عجباني قوي حالة الوفاء النادر دي ... عامةً طلعة رجب قربت .. وممكن تطلع التشليح ومعاك طقم كتاوت أو زيت سوبر شل تفرقهم على روح المرحومة

طب هي ما سابتيش عيال صغيرة .. أيكو .. تيرسل أي حاجه تفكرنا بيها وتخلينا نقول اللي خلف ما متش ؟

[م تيمور المراغي]

حد يقوم الواد اللي في صورة استشهاد بقاله شهرين بيعمل بي بي

الواد حيجيلوا بواسير كده حرام عليكوا !

[باهى الطائر الحزين]

انضحك عليا

بس هو يعنى انا اجدع من مين

اجدع منى وشرب

ياله كله بينضحك عليه

يامين يعيش وياخد غيرها

ههههههه

آله هو الواد ماله يابشمهندس ؟!

[م تيمور المراغي]

سرحان في الجرنان وناسي المسائل !

[مروان]

ولا تزعل يا هندسة

اديني غيرت الصورة

بس كان نفسي تعلق ع الموضوع

وتقول ايه رايك

جمعتك خير ولم شمل

[عبير يونس]

هههههههههه

انا ما انضحكش عليا

من اول سطر يا فندم كنت عارفة اللي فيها

مطبات برضه ؟؟؟!!!

كشفت نفسك من أول سطر

ههههههههههه

عموما لا فرق يا أستاذ استشهاد

فأغلب الرجال ينظرون للمرأة نفس النظرة

لا فرق بينها و بين الدابة التي تحملهم

و لا تطيع و تتحرك إلا بالركل و الرفس و الضغط بكل قوة على المكابح

بس حلوة الفكرة

تبدو كابتسامة في الظاهر

و في طياتها مرارة كبرى

لغتك ثرية يا أستاذ استشهاد

ليتك تطوعها لصياغات أدبية

دوس بنزين ...

[مروان]

ليه التشاؤم ده يا مغتربة

بالعكس نظرة الرجال للمرأة نظرة تانية

وكل من يحب زوجته ويقدرها يدرك ذلك

واشكرك لمرورك اولا ولاطرائك ثانيا

انا كاتب الموضوع ده من ورا رفيقة الدرب الحقيقية

والا هتبقى ليلة

[عبير يونس]

ليه التشاؤم ده يا مغتربة

بالعكس نظرة الرجال للمرأة نظرة تانية

وكل من يحب زوجته ويقدرها يدرك ذلك

واشكرك لمرورك اولا ولاطرائك ثانيا

انا كاتب الموضوع ده من ورا رفيقة الدرب الحقيقية

والا هتبقى ليلة

قلت أغلب الرجال يافندم

لا شيء مطلق

و التعميم دائما ما يكون قاصرا

و ليه كاتب الموضوع من وراها

هو عيب تحب سيارتك؟؟؟!!!

و الا حضرتك خايف لتغير منها

هههههههههه

بالعكس أنصحك تكتب

و تخليها تقرأ ما كتبته

و اجعلها تعتقد انه كُتب لها

وحدها

حتى و إن لم يكن كذلك

قلوب النساء كالقوارير

هشة و سريعة الانكسار

و لكن كبرياء الرجل

يمنعه من محاولة تجبيرها

بل أنه يُجهز على ما تبقى منها

و خصوصا الرجل المصري

عايز قلب من حديد للتعامل معه

ههههههه

تيلفون المدام بس

و انا اضبط لك كل المسائل معاها

احنا بس جايين نهدي النفوس

:closedeyes:

[مروان]

اشكرك مرة اخرى لمرورك الكريم

وعشمي برده حتى لو اديتك الرقم مش هتقولي للقارورة بتاعتي على المقال

عاوز اديك زهرة بس مش لاقي الايقونات

عموما الف الف شكر

ودمتم بخير

[مروان]

شكرا استاز عادل ابو زيد

على التقييم الموجب

شرفني مرورك الكريم

[مهندس ابو يوسف]

سرنا سويا

اجتزنا الصعاب والمطبات

تحملنا الحر الرهيب والبرد القارص

نهارا اترك صامتة حزينة لاعود ليلا لاجدك باسمة مضيئة تتلونين بالانوار والموسيقى العذبة

تحملتيني وهمومي واغراضي واوراقي واسراري

تحملتي ضغطي عليك وعصبيتي

اطعتيني دوما ولم تتذمري او تتأففي

مسرعة اذا اردت انا ومبطئة اذا امرتك

وواقفة صامتة اذا اشرت عليك

دثرتيني من البرد الفظيع

وانقذتيني من جهنم الرياض بروحك وهوائك المنعش

وداعا يا حبي

وداعا يا رفيقتي وصديقتي

وداعا يا احلى واجمل ما ما رات عيني

وداعا يا كامري

وان شاء الله ربنا يقدرني واشتري واحدة تانية تكون زيك

حلوه جدا

[مروان]

اشكرك

[مروان]

الحمد لله جبنا الكامري الجديدة

هي 2011 بس حلوة

وبردة مطيعة زي سابقتها

بس فيها عيب مش عارف هل هو خطير ام لا

بتحدف يسار ع الخفيف لما افك ايدي عن المقود

عموما سيارة الواحد العرجة تغنى عن سؤال الليموزين

[Om Zayd]

ربنا يرزقكم خيرها و يبعد عنكم شرها

بالنسبة للعيب.. بإذن الله حد بيفهم في السيارات يفيدك

[عصام أبوالفتح]

ههههههههههههه

حلوة جدا ... ماعدا تتلونين بالأضواء والموسيقى .. مش راكبة خالص .. قعدت أقول الله يرحمها هى صالة ديسكو

مبروك العربية الجديدة ويرزقك خيرها ويكفيك شرها واعملها ترصيص وضبط زوايا وقبل كده اكشف على جلد المقصات.

بس ازاى قعدت 6 شهور عشان تغير ... كان كفاية قوى لحد الاربعين والحزن فى القلب ياراجل :happy: