مناظرة بين مبارك والشاذلى !!!

[حشيش]

على غرار المناظرات التليفزيونية التى تتم الأن فى الولايات المتحدة الأمريكية بين بوش وكيرى تخيلت أن الحزب الوطنى ذراً للرماد فى العيون أعلن عن فتح باب الترشيح لمنصب رئيس الجمهورية mfb: ...تقدم الأتى أسمائهم بالترشيح لمنصب الرئيس أمام مبارك فى الإنتخابات التى ستجرى قريباً:

(1) كمال الشاذلى

(2) فتحى سرور

(3) سيد طنطاوى

(4) عمرو موسى

(5) فايدة كامل

تم إستبعاد كلٍ من عمرو موسى (لشعبيته) وسيد طنطاوى (جماعات إسلامية) وفايدة كامل (على جهاز تنفس صناعى) وفتحى سرور (يتولى منصب الرئيس فى حالة وفاته فقط)...لم يتبقى من المرشحين إلا كمال الشاذلى ليقف أمام مبارك فى سلسلة من المناظرات التليفزيونية والتى ستنقلها وسائل الإعلام المحلية والعالمية بالأقمار الصناعية.

المناظرة الأولى

مبارك: أظن يعنى مناخ ديموقراطى مفيش بعد كده... مين كان يصدق إنك تعمل راسك براسى وتقف قدامى ياكيمو...ها... تبتدى إنته ولا أبتدى أنا يا قلة

الشاذلى: سيادة الرئيس...الحقيقة اللى ما ينكرهاش غير إبن الحرام إنك رئيس زى الفل وإحنا ما نستهلاكش.

مبارك: إطلع من دول ياكيمو...شغل القرود ده ما يخيلش على أبو جمال...خش عليا.

الشاذلى: طب وحياة من جمعنا الليلة دى من غير ميعاد أنا بحبك...الفكرة بس إن التغيير مطلوب...يعنى اللى واخد لا مؤاخذة مؤبد مسيره يوم وربنا يفك سجنه...ولا انته مش معايا فى كده؟

مبارك: وانته لو نطيت عالكرسى ناوى تقعد قد إيه؟

الشاذلى: كده تعجبنى...أول حاجة حعملها وادينى بشهِد الناس الحلوة اللى شايفينا دلوقتى إنى مش حجدد أكتر من فترتين.

مبارك: والفترة كام سنة بالصلاة على النبى...سته والا إتناشر؟

الشاذلى: خير الأمور الوسط...نمشيها 8 سنين.

مبارك: وانته بقى داخل بصحتك ولا عندك برنامج...لو عندك برنامج طلعه...قول للناس عليه.

الشاذلى: بالراحة عليا يابويا...الكلام أخد وعطا mfb:

مبارك: إيه البرنامج بتاعك فى السياسة الخارجية؟

الشاذلى: سلام الشجعان...ينفع mfb:

مبارك: ماشى...خش عالأقتصاد

الشاذلى: اللى معرفتش تبيعه إنته فى 23 سنة...حبيعه أنا قبل ما أكسر سنة أولى رياسة...حبيع القطاع العام والهرم وقناة السويس والنايل سات والتليفزيون اللى بيصورك ويصورنى دلوقتى... وإبقى قول عليا مش راجل لو ماعملتش...والناس الحلوة سامعانا وشايفانا وحتعرف إنى قد كلامى.

إنتهى وقت المناظرة الأولى.................يتبع

تم تعديل 3 أكتوبر 2004 بواسطة DARWEEN

[ماجد]

شكلك ياعم حشيش مش هاتجيبها البر

mfb: mfb:

فى البحرين ... فى البرين

و الله لو كنت حتى فى القطبين حايجيبوك ....

يابنى اعقل و اسمع الكلام

mfb:

تم تعديل 3 أكتوبر 2004 بواسطة ماجد

[hamo90]

أخويا حشيش

خاف علي نفسك

أن ماكنشت علي نفسك خاف علي نضالك الاسطوري في سبيل الاستقدام التام mfb:

وعلي فكرة لو جابوك المره دي محدش هينفعك وأظن أنت جربت الاسر وعارف كله باعك ساعتها ( معركة جيش القراقيش الاولي )

وأنا عن نفسي مستحيل مستحيييييييييييييييل

أقف جنبك لو قفشوك ( بيع وش )

حمو

[se_ Elsyed]

معليش هناك نقطتان هامتان لابد من تصحيحهما في المناظرة الأولى :

1- اولاً هو إسمه أبو علاء .... جمال ده إبنه الصغير يا شيشو .

2- القطاع العام إتباع خلاص يا شيشو وما بقاش في قلبي حاجة .. ما أخدتو كل حاجة .

كمل يا حشيش .. ده انت هاتاكل ضرب بعد المناظرة ...

شوفت بيقولك 62 مليون أمريكي شافوا مناظرة بشبوش ولافاش كيري على الهوا ...

يا ترى كام واحد مصري هايعصروا على نفسهم لمونه ويشوفوا المنظرة المقترحة بتاعتك يا حشيش ؟

[mohamed]

والنبى تبقى تتغطى كويس يا حشيش mfb:

[حشيش]

المناظرة الثانية:

مبارك: موضوع إنك تبيع الهرم دى واسعة شوية...علاء حاول مرتين بس معرفش يجيب سعر كويس.

الشاذلى: معلش ياعمنا...إحنا لينا سكك غير سكك الأشبال دول...ربنا يخليهم لك.

مبارك: خش على التعليم.

الشاذلى: تعليم إيه ياباشا...هوه إحنا عندنا تعليم...مصاريف ووجع قلب عالفاضى...يافرحتى بللى إتعلموا...أهم قاعدين على القهاوى زى الهم عالقلب...شوف ياأبو جمال...التعليم حيكون إلزامى لحد ما العيل من دول ياخد الإبتدائية وبعد كده إنساه وانسانى...اللى عايز يعلم إبنه بعد إبتدائى يدفع...ويدفع كتير قوى كمان.

مبارك: ماشى ندخل عالصحة.

الشاذلى: معلش يعنى ولو فيها رزالة ممكن أنا بقى أسئل شوية.

مبارك: وماله ياكيمو...إسئل ياحبيبى.

الشاذلى: ياريس كلنا عارفين إنك إستلمت الكرسى وما كنش حيلتك غير مكافأة نهاية الخدمة من الجيش...يعنى ستين سبعين ألف جنيه...دلوقتى اللهم لا حسد بتلعب إنته والولاد بالأرانب لعب...من أين لك هذا؟؟؟

مبارك: لو حد غيرك سئل السؤال ده كنت جاوبته...بلاش نفرج الناس علينا...إحنا عالهوى...لو مصمم أتكلم...ها... أتكلم؟

الشاذلى: خلاص ياعمنا ربنا يستر على ولايانا...سك عالسؤال ده.

الشاذلى: طب الواد علاء إبنك حيفضل قاطع الميا والكهربا كده عن التجار لحد إمتى؟

مبارك: الشعب معندوش لا وعى سياسى ولا إقتصادى...يعنى لو الفلوس كترت فى إيدين الناس حيعملوا بيها حاجات وحشة...علاء بيعمل خدمة للبلد...الفلوس اللى لمها كلها فتح بيها حساب للشعب فى سويسرا...أول ما يوصلوا سن الرشد حيردلهم الأمانة...ده وعد.

الشاذلى: الناس بتسأل ياعمنا عن وزارة الصحة وإنها وصلت للحضيض فى عهدك...عملت إيه فى 23 سنة فى مشاكل البلهارسيا وإلتهاب الكبد والتخلف العقلى والسرطان والبروستاتا؟

إنتهى وقت المناظرة الثانية..................يتبع

[moody00x]

حشيش أنا حضرت العيش لكن مش لاقى حلاوة عرفة الجامع ..هاجيب أى نوع تانى وخلاص...

sdm: taz::

[زعلان]

مين طفى النور :blink:

[النسر المصري]

انا دقني شجرت ياحج حشيش :huh: ..وبقيت عامل زي هولاكو في الأدغال الهندية... :blink:

بقالي سنتين حاطط ايدي على خدي مستني المناظره التالته ولسه ماتكتبش :huh:

ايه النظام ...هتكتبوها ولا هندفنوها

[hopsan]

انا دقني شجرت ياحج حشيش ..وبقيت عامل زي هولاكو في الأدغال الهندية...

بقالي سنتين حاطط ايدي على خدي مستني المناظره التالته ولسه ماتكتبش

ايه النظام ...هتكتبوها ولا هندفنوها

انت لسه فاكر حشيش ...ماخلاص راح فى الكازوزه ..و زمانه قاعد عالبرش بيخطط لأحفاده

شوفو بفى افيونه و لا بانجويايه يكمل ليكم المناظره التالته

روح احلق دقنك يا نسر و اعقل كده و خليك حلو لياخدوك ارهاب و انت مش ناقص

[القرموطى]

عم حشيش شكلك كده اتلفيت فى صاروخين وشربوك عليه العؤ ومنه العؤ

بس عمتا الله يكرمك بلاش تجيب سيره اى حد من الناس الغلابه دى عندنا شعر ودقن عوزين نربيهم

[عليـ***ـاء]

ياعيني عليك ياعم حشيش

قعدو يقولولك قفل علي الموضوع وبلاش المناظرة التانية انت اللي عاندت

وهو حصل اللي حصل