أي كلام

[Tafshan]

اخذت اجازه 3 ايام

jmb-) jmb-) jmb-)

و دي اول اجازه اخذها من 3 سينين !!!!

[c'est la vie]

كانت أختى الصغيره تشاهد الفلسطنيين والاسرائيلين وتعرف الحكايه سألتنى وكأنها محلل سياسي

: مش ممكن إسرائيل تيجى تضربنا ؟

: لأ ياحبيبتى

اختى : ليه ..؟

: علشان احنا عملنا معاهم اتفاق انهم مايضروبناش والا احنا نضربهم , بعد ماكسبناهم في حرب أكتوبر

اختى : طيب ماهما بيضربوا فلسطين أهم ..يعنى مسمعوش الاتفاق..

: قلت لها ...بقولك عملوا الاتفاق مع مصر مش مع فلسطين

قالت لى : ماهى فلسطين هيّا مصر ...هما مش مسلمين وبيعبدوا ربنا زينا ..ومصريين ( لو كانت تعرف كت تقول عرب) زيّنا ؟؟....مفروض حسنى مبارك والمصريين يروح يدافعو عنهم..

قلت لها : ماهما ليهم رئيسهم بيدافع عنهم وشعبهم بيدافع عن نفسه ..

قالت : وليه , ...........

لكن اضطررت لإنهاء الحوار, لست علي استعدا للدخول في دوامه من الافكار حول حقيقة الهويه ..

وليبقي كل شيء كما هو ....

[بنت شعنونة]

مش عارفا اكتب ايه

لكن لآني حاسا انه اي كلام قلت اكتبه هنا والسلام

كل ما ادخل المحاورات من كام يوم كدا احس اني داخلة مكان غريب؟

مش لاقية الناس الليي انا عارفاها؟

عندي كلام كتيييييييير ومواضيع اكتر ها اموت اكتبها

مجرد اني ادخل احس اني تايهه؟

اكني مفروض ادخل مكان ودخلت مكان تاني غلط؟

يمكن حظي السعيد او الغير سعيد مش عارفا.. اني كنت بعيدة وقت الأحداث الأخيرة فعشان كدا انا برة اللعبة كلها

انما بطريقة او باخرى حاسا ان رجلي اتسحبت في اللعبة مش انا بس وكل الأعضاء

توتر عالي تحس بيه بمجرد دخول المنتدى

اسماء غير الأسماء

ناس غير الناس!

دا فيه ناس كتبت 98 مداخلة وانا ما اعرفهمششششششششش اصلا ولا شفت لهم مواضيع لسا!!!!!!!! :angry:

مش عارفا

هل هوا احساس جوايا وخلاص

والا حاجا بجد!

والا انا اللي غلط والا ايه النظام مش عارفا...!!

انا ها اكون في القاهرة يوم 31 فقط

ما تعملوا اجتماع واشوفكم يومها <_<

اهو بالمرة افش غليييييييييييي في حددددددددددد <_<

[محمد شلبى]

معاكى حق يا شانا

اول ما دخلت المحاورات هنا تعلقت بناس كتير قوى,رايت فيهم اهلى ,رايت فيهم ابى وامى واخوتى واصدقائى,تعلقت كثيرا جدا بالمكان واحببت الجميع وفجاة انهار كل شئ ,الآن احس بانى فى مكان غريب,احس انى حزين ومحبط

نفسى الكل يرجع

نفسى اشوف اسامى حشيش ومحبط ود \ رجب وفيروز ولايت هاوس وشرقية وكفاية وشانا ومدام سلوى وغيرهم كتير

حتى المكان اللى راحوه انا مش باحب اروح هناك

عارفين ليه؟

عشان انا زى ما قالت شانا حبيت شكل الصفحة دى حبيت الخط ده حبيت البيت ده وما اقدرش اسيبه واروح بيت تانى حتى لو كان زيه فى كل حاجة.

نفسى البيت يتملى تانى باهله واصحابه

[بنت شعنونة]

تعرف يا محمد

افتكرت وانت بتتكلم

كلمة قالها احمد زكي في مسرحية "العيال كبرت" لما كان بيكلم والده عشان ما يسافرش ويتجوز واحدا تانية وقاله

" هانــــــــــشــــــــــحـــــــــــــتــــــــك؟؟؟!!"

بجد بجد الكلمة دي انا حاسا بيها اوي

وبما اني مش بعرف الف ولا ادور

وبما انك استفزتني

لما قلت حشيش

ف انا بصراحا عااااااااااااتبة عليه جدا جدا وماكنتش اتوقع منه دا

ممكن يتحذف كلامي

مش ها ازعل

بس لازم اقوله <_<

[بنت شعنونة]

انما اللي انا مصدومة منهم بجد بجد جداااااااا بقى

هما استاذ شرقية ربنا يرده سالم

سقراط

د.رجب وغيرهم من اللي انا عارفا انهم اعترضوا كتييييييير على حاجات هنا انما عمرهم ما انقطعوا كدا؟

يبقى اشمعنى المرادي؟

ايه السبب

وايه الفرق عن المرات اللي فاتت؟

[Scorpion]

لما قلت حشيش

ف انا بصراحا عااااااااااااتبة عليه جدا جدا وماكنتش اتوقع منه دا

في ديه انا كمان عاتب عليه جدآ يا شانا... بس بعد ما قرأت له انتاجه الأخير فهمت هو دور علي حتة تانية ليه... و ده حقه...علي صفحات المحاورات ما كانش حيلاقي المساحة دي... و الا ورق الكلينيكس و التواليت كان حيبقي في كل ركن.... :lol:

[se_ Elsyed]

إحنا الشعب المصري عاطفيين جداً وبصراحة تُحركنا الأهواء والعاطفة الشخصية في كثير من أمورنا ...

وده يمكن اللي خلانا ننسى إن عالم النت بالذات هو عالم الحريه والإنطلاق ...

يعني ده مش إتفاق او بيزنس بيكون فيه الواحد مرتبط بعقد مع الآخرين وفيه شرط جزائي وإنه لو أخل بشرط من شروط الإتفاق يقوم يتعاقب ..

آه يمكن حد يقول طب والعشرة والعيش والمداخلات دول مالهمش حق ؟

لأ لهم طبعاً ... بس برضوا ما أقدرش أجبر حد على ضرورة الوجود في المكان أو المشاركة بعدد معين من المواضيع والآراء أو تولي مسئولية معينة ...

حتى لو تلاحظوا وأكيد كثير مننا لف وشاف منتديات ومواقع كثيرة ... فهاتلاقي مسئولية الإشراف أو الإدارة أو أياً كان إسمها مش هاتفرق .. هاتلاقيه تطوعية إختيارية ... وبرضوا ما فيهاش إجبار .. يعني أي واحد من المشرفين ممكن يقول في أي لحظه سلام عليكم ويمشي ويروح مكان تاني هو حاسس إنه هايرتاح فيه ..

معنى كلامي اللي عايز أقوله بالمختصر المفيد وكما قال الشاعر فؤاد حداد " الرجل تدب مطرح ما تحب "

او كما قال الشاعر الإنجليزي " جون ستيوارت " صاحب فيولينكنج

ya 3azyzy take it easy

( إنت متأكد إن جون هو اللي قال كده مش احمد عدويه ؟ )

[بنت شعنونة]

مازالت صدماتي تتوالى

ولولا ان جهازي عطلان وماليش نفس اصلحه كنت كتبت كلام كتير بجد

على فكرة يا سي السيد

انا مش مع مقولة الرجل تدب مطرح ما تحب

اوقات تدب لآسباب اخرى

تعرف كلمة "ان فاتك الميري اتمرغ في ترابه؟؟"

حد فاهم حاجا!! rs:

[Scorpion]

آه انا فهمت يا شانا... حشيش غير اسمه و سمي نفسه نوسة اللي هي بالأنجليزي "Mary"....

و سلامة جهازك من العطل يا أختشيييييي.. هو انتي لسه اتهنيتي بيه.. ده انا فاكر يوم ما زفوكي و جهازك كان معروض علي عشر عربيات كارو و نص نقل من اول الحلل الألمونيا لحد الغسالة الفولتماتيك و بنات المنتدي عمالين يزغرطووووا و يطبلووووا... و هما لابسين هدوم العيد اشي شيفون برتقاني علي صوف العسكري ازرق سماوي.. ياه كانت حاجة آآآآخر جمال...

شانا... هزار علي جنب

كله حيتصلح انشاءالله.. الوقت بيغير كل حاجة.. و اللي كنا بشوفه زمان صعب و غلط في حقنا ..مع الوقت بيتضائل جدآ جدآ... اهم حاجة ما تخدناش الكرامةالي الأبد... و بالذات و احنا المفروض ناس "مسكفة"... يعني نسبة استخدامنا للمخيخ الأوسط لازم تزيد بشوية عن نسبة التفكير بالبطين الأيمن...

اسمعي كلام اخوكي.. rs: صلحي جهازك و ارجعي اكتبي تاني... اكتبي عن أسكندرية.. اكتبي عن الغيلان اللي بتحاصرنا... اكتبي زي ما بتكتبي دايمآ من غير رتوش ... مافيش اكتر من دلوقتي لازم نكتب كلنا و ما نقعدش نبص علي بعض..مستنيين حاجة تنزل من السما...

وحشتيني بجد....

[omtmam]

شانا مش متعودة منك على الياس ده ياما مشاكل بتعدى على الواحد ولازم نرمى ورا ظهرنا و نعيش والمركب تمشي اضحكى يا شانا حتلاقى كل حاجة حواليكى بتضحك انسى يا صديقتى ( لو سمحتيلى اعتبرك صديقتى ) و عيشى و انسى كل المشاكل الدنيا مش مستهلة

يالا بقى

تعالى

rs:

وحشتينىىىىى جدا

[سقراط المصري]

دكتوره شانا دي ورده المحاورات

كلمتين نفاق لانها شكلها كده هتضربني بالكرسي في نافوخي وهتخلي صباعي مدوحس

شانا لما بتغيب بحس ان المنتدي بيعيد نفسه ، نفس المواضيع ولكن بمسميات جديده او بتوزيع جديد

شانا وحشيش وفيروز ولايتهاوس كانوا عاملين للمحاورات حس وطعم

شانا من الناس متدفقة الافكار الجديده ، ولماحه ، بتلاحظ الامور اللي بنشوفها كل يوم بطريقه عاديه ، بتشوفها هي بطريقه مختلفه . وكمان بتحب تغير للافضل.

وحشيش الله يمسيه بالخير بالفعل اديب موهوب ، خياله خصب ومتجدد .

فيروز من الناس المحترمه ، اللي بتحترم كلمتها وهي بتكتبها، وبتمتاز بانها محاورتيه حاصله على جائزه الايزو (الجوده) ، ولها قفشات ظريفه وفي الجون.

لايتهاوس كانت ممتعه في كتابتها.

وغيرهم كتيييييييير اختفوا لاسباب حياتيه ودوامه الحياه او لاسباب شخصيه.

مش عارف ليه لما بدخل المحاورات بكون نفسي اقرأ لحد فيهم.

سقراط

[بنت شعنونة]

الله؟؟

طب ما انتوا عايشين اهو؟؟

هوا لازم يعني اشد في شعري يعني ويقولوا البت اتجننت عشان تكتبوا من تانيييييييييييييي!!!!!!!!

مدام ابو تمام

والله انتي وحشتيني اكتررررررر

انا مش كئيبة ولا حاجا

انما مجرد محتارة من تقلبات الأوضاع!!

سكككككوب

حمدالله ع السلالالالامة

حساااااااااااااااااابك معايااااااا عسيييييييييير

يعني اكتبلك في الموضوعات ولا معبرني

ابعتلك رسايل ومطنشة!!!!! اوكي اوكي اووووووووووككككككككككييييييييي

انها القطيييييييييييييييييعه يا سعااااااااااااااد : prt:

سقراط

ايوا ها اعضك فعلا

عارف ليه

لآنك قلم قوي جدا

واسمحلي بقى ابقى فضحيه وانا عارفا انك مش ها تزعل مني

مييييييييييين قال محدش بيقرا حروفك؟؟

انا بقراها

وغيري كتيييييييير جدا

قلمك مثقف واقعي منطقي عاقل راشد

يعني من الأخر لقطة

لما انت تبطل تكتب مين يكتب؟

انا!؟؟!؟!؟

لسا الكلام كتييييييييييير

ولو سيبتوني ها امسككم نفر نفر اعضكم

خلوني سااااااااااااااكتة

[Scorpion]

ابعتلك رسايل ومطنشة!!!!! اوكي اوكي اووووووووووككككككككككييييييييي

بعتي لمين يا شانا... اللهي اعدم حماتي ما وصللي حاجة... و بعدين هو انا استجرؤ اطنشك انتي... ده انتي بتقفلي مستشفيات...

و كمان العملية فيها قطيعة.... يا خبر مش فايت...

قطيعة تقطع الزعل و سنينه....

اما من جهة

اكتبلك في الموضوعات ولا معبرني

فدي عندك حق فيها .. و للأسف ده عيب فيا و بحاول اتعالج منه... يعني لما بيبقي التعقيب موافق عليه ما بفتحش بقي .. و كتير ناس بتفتكرني بطنشها.. بس ده حكم السن ...و 42 سنة مش اي كلام...

و انا حلاحق ما ردش علي مين و لا مين ..

مراتي... و ده ما بردش غصب عن عيني...

جونيور .. و عمال يقرالي في مواد الدستور .. و حيالله من فترة لفترة بعرف ارد عليه

... حماتي ... اللهي .. ( و الا بلاش )...

في الشغل .. لو رن التليفون ما بردش...

لما بيضربولي كلاكسات علشان ماشي علي سرعة 30 في الهاي ويي.. ما بردش...

شفتي بقي ما بردش علي كام واحد...

و الله يخرب بيت اللي يزعلك يا معلمة .. قصدي يا دكتورة ...

أخبار اسكنجرية ايه ؟؟؟؟؟؟؟؟؟؟

مييييييييييين قال محدش بيقرا حروفك؟؟

انا بقراها

و انا كمان يا سقراط بقراها ... يعني لما بشوف اسمك بدخل و عينيا مغمضة.. علشان متأكد اني حلاقي كلام مظبوط...

و ارجعوا بقي كلكم احسن تعضكم...... prt:

تم تعديل 5 فبراير 2005 بواسطة Scorpion

[سقراط المصري]

سكوب كتب:

و انا كمان يا سقراط بقراها ... يعني لما بشوف اسمك بدخل و عينيا مغمضة.. علشان متأكد اني حلاقي كلام مظبوط...

الله يخليك يا سكوب

عقلي الباطن بيقولي سكوب كتب الكلمتين دول عشان انتخابات المحاورات

على فكره يا سكوب ، اسمك كان في كشف المرشحين اللي انا بعته لهشام عبد الوهاب- الله يمسيه بالخير- فمتقلقش ان شاء الله هتنجح وتدخل يا طب يا صيدله prt:

تحياتي

سقراط

[c'est la vie]

فدي عندك حق فيها .. و للأسف ده عيب فيا و بحاول اتعالج منه... يعني لما بيبقي التعقيب موافق عليه ما بفتحش بقي .. و كتير ناس بتفتكرني بطنشها..

أولا طبعاً أبارك بعودة الأخت شعنونه ( يابنتى دي شتيمه .. غيري إسمك :D ) وانا خايفه أشارك في الدعوة لعودة الأعضاء الغائبين .. لكن يكفي أن أذكر أنى أقرأ في الموضوعات القديمه .. وأتعجب .. لماذا لا يبقي أى شيء علي حاله ؟ ..لكن هناك باقه حاليه من أجمل مايكون لكن مازال هناك إحساس بالغربه أتمنى أن ينتهى prt:

ثانياً بخصوص الرد علي الموضوعات بتبقي مشكله فعلاً .. وليست بحكم السن فحسب ولكن كثيراً مالاأعرف هل أرد وكثيراً ما أعتبر أن مداخلتى أو رسالتى لن تقدم أو تؤخر .. فهل أذكر هذا ؟ وإذا كان مثلاً مداخله موجه لى وردى لن يكون له معنى ولكن برضه اشعر انه عيب ان اترك من يحدثنى في انتظار ردى ... مشكله فعلاً ys):

____

من جِملة الــ أى كلام ...

إكتشفت حاجه صعبه جداً في موضوع الإنتخابات .. إن لابد من وجود من سيخرج أو لن يتم ترشيحه .. رغم أنه قد يكون أفضل من آخرين مثلاً أو حتى بذل جهد أكبر .. لابد وان يعترف انه مهما كان فلابد ان يكون متأثر نفسياً جداً .. ألا توجد بدائل أخرى للإختيار ؟؟ ..

مجرد خواطر إنتخابيه

[c'est la vie]

لية الطلبه بيعملوا مظاهرات في الجامعه؟

قرأت مقاله بعنوان " تغيير الثقافه أم ثقافة التغيير " ..

ماذا نحتاجه .. تغيير الثقافه .. أم ثقافة التغيير أولا ً ؟

نضحى بالحرية .. عشان الشعب يعيش ؟ :angry:

والا نضحى بالشعب ..عشان الحريه تعيش ..؟ :blink:

~~~~~~

زمان كان كلهم .... سي ..

سي السيد وسي عمر وسي احمد ..... and so on .. :)

( سي ) دى.. كلمة والا نص كلمه ؟ هل لها علاقة بحرف ال c ..

أوممكن see أو ال sea ...

أو هي سيد من غير الدال ؟

rs: :)

[G.G]

الحادث قديم ,,منذ فترة ,,ربما أشهر ,,

لا أذكر,,

"اكتشاف جثة لرجل عجوز في كشك بجوار سور مستشفى ..."(لا أذكر الأسم)..

و بالتحقيق,,اكتشف أن هذا العجوز,,حاول مرارا و تكرارا الدخول للمستشفى للعلاج المجاني بسبب مرض ما صدري..

و في كل مرة كان يرفض دخوله ,لأنه ليس لديه أي أوراق شخصية لتدوين بياناته في ورق المستشفى,,كما يفتقد وجود أي ضامن معه,,

و لما أعياه المرض و انتهت حيله واحدة تلو الأخرى ,,

أتخذ من كشك خشبي متهالك بجوار المستشفى مكان للمبيت..

حتى إذا ما اشتدت عليه الأزمة ,على الأقل ,يجد الإسعاف السريع من المستشفى المجاور..

و في يوم الحادث ,,اشتد عليه الأزمة,,حتى فاضت روحه إلى بارئها دون أن ينتبه إليه أحد و دونما الإسعاف الذي كان يتمناه..

و بعد أيام اكتشفت جثته..

تذكرت هذا الحادث لما رأيت أغنية جديدة أداء ماجد المصرى مهداه لأحمد زكي..شافاه الله..تحثه على المقاومة..

و أتذكره دوما (هذا الحادث)..كلما طالعت عيني خبر عن تطورات حالته أو خبر عن استقدام فريق طبي للعلاج..

أدعو له بالشفاء و الرحمة ..

و أدعو لنا بنعمة العدل ..

و الرحمة أيضا..

[Tafshan]

لماذا تموت الاحلام ؟

[ATHENA]

نفسي أطمن على ناس كتير :angry2: