أي كلام

[Tafshan]

في وقت من الاوقات صدقت انه بأمكانى ان اغير اي شئ

[ATHENA]

ليه الناس الجميلة هي اللي تتحمل أخطاء شياطين الإنس و تدفع تمنها...شياطين لا مكان لهم غير مزبلة الإنسانية و لسه وسطنا بيستمتعوا بالدنيا...

حسبي الله و نعم الوكيل

[وليد صفوت]

زعلان جداً على ضياع مكان عزيز عليا شخصياً و لا ادرى لماذا فقدته فجأة و لا ادرى ماذا افعل لإسترداده و الأهم ........ ماذا افعل لإسترداد كل من كان فيه :sad:

[Tafshan]

قدر الله و ما شاء فعل ..

المكان مش مهم ...

المهم اللى عملوا المكان ... و لاذلنا موجودين و عايشين ... و الاهم هو اننا نفضل موجودين

[Hammer]

لا تجبر الانسان و لا تخـــــــــيره

يكفيه ما فيه من عقل بيحيــــــره

اللي النهارده بيطلبه و يشتهــــيه

هو اللي بكره ح يشتهي يغيـــــره

[Tafshan]

عايز اروح :closedeyes:

[عصام]

إحساس غريب جدا من التضارب ..

عندما تشعر بمنتهى السعادة لعودة الأخ الغائب ..

وفى الوقت ذاته حزنك الشديد بسبب الظروف التى دفعته للعودة ..

فعلا إحساس جديد ما جربتوش قبل كدا .. لكنه سخبف جدا ومربك

(التشبيه لأحمد محمود .. لكنه كان التشبيه الأقرب بشكل أثر فيا فعلا)

أخوانى العائدين .. أحبكم كثيرا بلا استثناء وأقدركم كثيرا بلا مجاملة

[Hammer]

أنا دايماً أسأل ... إزاي الشعوب تتوحد في صفات معينة مشتركة ؟!!

إزاي ثقافة محددة تقدر تتحكم في بعض تصرفات لملايين من البشر ؟؟

عندي إحساس إن إحنا في مصر , أترت فينا ثقافة طابور الجمعية :P

ثقافة طابور الجمعيه لها عناصر , تتكون من :-

1- الأحتياج .

2- المنافسة في هذا الإحتياج .

3- قلة المعروض و صعوبته .

4- عدم وجود system , أو عدالة في التوزيع أو في الطابور نفسه.

فنتج عن ذلك إختراع الإسلوب الفهلوي , في تخطي الدور بنطاعه فريدة من نوعها و تظريف المسئول في الجمعية .... و من يوميها ..

بقي عندنا ثقافة طابور الجمعية

[se_ Elsyed]

لماذا تموت الاحلام ؟

سؤال سهل

لإن دي سُنة الحياة ...

وفي الحلظة التي يموت فيها حلم .. يولد حلمٌ أخر ... وهكذا

دوخيني يا لمونه

[haivi]

لأن البقاء لله والأحلام من عدم كالإنسان وككل شيء.ويبقى وجه ربك ذو الجلالِ والإكرام .

وفي الحلظة التي يموت فيها حلم : جميله قوي الحلظه دي يا سي السيد , واقعيه جداً

تم تعديل 30 مارس 2006 بواسطة haivi

[Tafshan]

طول عمري فاشل في الشطارنج ...

كنت غاوي اعمل خطط و اركز على الخطط بدون النظر الى تحركات الخصم ,,, و النهاية المحتومه : كش مات

[Blue_mind]

في برنامج البيت بيتك:

تحدث المذيع عن مشروع مقدم لمجلس الشعب الهدف منه مضاعفة قيمة التعويضات التي تصرف لضحايا الحوادث .....لتصبح 300 الف بدلا من 150 الف وذكر المذيع انه في حالة موافقة مجلس الشعب سيسرى هذا القانون باثر رجعي بداية من

1/1/2006 اي انه سيشمل ضحايا العبارة السلام...

ثم انتقلت الكاميرا الي المذيعة لتتوجه الينا بالحديث ووجهها ينضح اسي وجدية

وتقول: الشعب المصري 74 مليون اريد ان اوجه نداء لل74 مليون

((انا بصراحة قلبي وقف وقلت خير هتناشدنا بايه ؟؟

بتحديد ولا تنظيم النسل...؟؟

.بعد شوية قلت لنفسي عيب يا واد يا بلو

اكيد الست هانم هاتناشدنا بحاجة اكبر من كده

اكيد هتقول اتبرع ولو بجنيه لضحايا العبارة او اي شىء اخر

....ايوه يا جدعان جديتها وسياق الحديث يوحي بكده صدقوني ما تجننتش))

...المهم ما طولش عليكو بعد هذه المقدمة الفخمة (بكسر الفاء وفتح الميم) صمتت الست المذيعة هنيهة ((الدمعة كانت هتفر من عيني وقلبي كان هينفطر على الحدث الجلل الي الست المذيعة تناشد فيه 74 مليون وتستعطفهم))

اكملت مناشدتها لا فض فوها لتقول :

هاني المصري يواجه منافسة شديدة و محتاج لمساعدتكم في

.

.

.

.

.

.

ستار اكاديمي

:P

بس خلاص

تم تعديل 3 أبريل 2006 بواسطة Blue_mind

[Tafshan]

يا بلو الرد عليك في مداخلتك دى فيها طرد ... مع انه لفظ اسكندرانى عادى جداً <_<

[haivi]

يا طفشان يا خويا اللي بتقول عليه ده مش كلمه إسكندراني !!

ده تأثير صوتي إسكندراني (alexandrian sound) <_<

[ATHENA]

As a new door opens we close the ones behind

تم تعديل 4 أبريل 2006 بواسطة ATHENA

[Blue_mind]

يا بلو الرد عليك في مداخلتك دى فيها طرد ... مع انه لفظ اسكندرانى عادى جداً :wub:

يا طفشان يا خويا اللي بتقول عليه ده مش كلمه إسكندراني !!

ده تأثير صوتي إسكندراني (alexandrian sound) :sad:

لا اعتقد ان رد فعلي اقل منكم :wub: ....ولكني قررت ان اترك للقارىء حرية اختيار رد فعله <_<

المشكلة فعلا ان المذيع تامر بسيوني -انا كنت بحب الواد ده- التقط الخيط واخد يلقح كلام ما معناه ان فيه جيم مش نضيف مقصود به عدم إنجاح هاني في ستار اكاديمي وانهم مضطهدينه هناك وما معناه ان هناك اتجاه للتلاعب في عملية التصويت...وكلام حول الغيرة من تفوق المصريين-بلا خيبة - خصوصا ان من فاز في السابق هو مصري ايضا .....وكلام كتيرمجمله يدور حول نظرية المؤامرة ...

والهدف واضح اللعب على مشاعر الناس وتسخينهم حتى تنهال المكالمات على برنامج ستار اكاديمي ويحقق عائد مادي اكبر .....اه......74 مليون...الموضوع مش هزار ياجماعة ده ابن بار من ابناء مصر يتعرض لمؤامرة

برنامج البيت بيتك مش انتاج التلفزيون المصري !!!حد فاكر مين هي القناة اللي بتصرف عليه و هل ليها علاقة بالقناة اللي بتنتج ستار اكاديمي؟

بالمناسبة كل ما رايته من هذا الستار اكاديمي عبارة عن 5 دقائق بالصدفة وانا قاعد على القهوة وماستحملتش اكتر من كده ....

ايه يا جماعة اللي هم بيدخلوه بيوتنا ده لأ لأ لأ...

تصرفات البنات مع الشباب... لبس البنات...حتى الشباب نفسهم طريقة كلامهم واسلوب مشيتهم وحركاتهم ياي ياي ياي..

وكله كوم والشباب اللي شعرهم سايح نايح..... كل شوية الشاب من دول- يا نضري- يدخل صوابعه ما بين شعره عشان يرفع القصة بدل ما تطرف عينه.......مجهود بدني فظيع

بس خلاص

اللهم لاتحسبنا بما فعل السفهاء منا

تم تعديل 4 أبريل 2006 بواسطة Blue_mind

[فــيــروز]

الحمد لله رب العالمين

اكتشفت مؤخّرا طريقه ناجعه للتغلب على حالات التقلّب المزاجى التى أمر بها "على اعتبار انّى من برج السرطان ومش عارفه اعزّل"

بالرغم من أن قراءة القرآن تريح النفس و تغسلها من همومها الحقيقه افضّل فى هذه الحاله الاستماع الى "محمد جبريل" او "مشارى راشد" .. مؤكّد أصواتهم فى القراءه أروع من صوتى !! خاصة مع تغيّر نبرات صوت محمد جبريل مع معانى الآيات التى تقرأها و التى تجبرك على التركيز غصب عنّك !! بيجيبوا نتيجه رائعه لدرجة انّى بقيت اجرّب الموضوع على سبيل التحدّى .. و الحمد لله لا تخيب الطريقه أبدا .. و يمكن كذلك اللجوء الى كتاب قديم به حكايات و مواقف تمنح بعض الأمل فى الإنسان و إنسانيته التى قد يعلوها الصدأ من وقت لآخر .. و الحمد لله رب العالمين

تم تعديل 4 أبريل 2006 بواسطة فــيــروز

[مصرية الهوى]

بلو ..

تبقوا رجالة بصحيح لو عملتوها وقدرتوا تجيبوها مرة تانية :lol: ..

بس هاني دمه تقيل وشايف نفسه :blush:

[Tafshan]

بلو ..

تبقوا رجالة بصحيح لو عملتوها وقدرتوا تجيبوها مرة تانية :lol: ..

بس هاني دمه تقيل وشايف نفسه :blush:

هى دى بقت المرجله ده الوقت ..

مش قلت لكم الماتش متباع ... محدش صدقنى

[eastsoul]

الحمد لله رب العالمين

اكتشفت مؤخّرا طريقه ناجعه للتغلب على حالات التقلّب المزاجى التى أمر بها "على اعتبار انّى من برج السرطان ومش عارفه اعزّل"

بالرغم من أن قراءة القرآن تريح النفس و تغسلها من همومها الحقيقه افضّل فى هذه الحاله الاستماع الى "محمد جبريل" او "مشارى راشد" .. مؤكّد أصواتهم فى القراءه أروع من صوتى !! خاصة مع تغيّر نبرات صوت محمد جبريل مع معانى الآيات التى تقرأها و التى تجبرك على التركيز غصب عنّك !! بيجيبوا نتيجه رائعه لدرجة انّى بقيت اجرّب الموضوع على سبيل التحدّى .. و الحمد لله لا تخيب الطريقه أبدا .. و يمكن كذلك اللجوء الى كتاب قديم به حكايات و مواقف تمنح بعض الأمل فى الإنسان و إنسانيته التى قد يعلوها الصدأ من وقت لآخر .. و الحمد لله رب العالمين

فيروز ازيك ...... على فكرة انا كمان من برج السرطان :lol:

انا بحس اكتر مشكلة عندي الحساسية الزيادة :blush:

فعلا الحل اللي طرحتي بيجيب نتيجه, مفيش أحلى من سماع القرآن ...