أي كلام

[ATHENA]

]شفت من شوية مسلسل ER

اللي بيدور حواليين الحياة و اللي بيحصل في اودة الايمرجنسي ( الطوارئ ) ، طبعا الملسلسل ده بالنسبة ليا فائتده تعليمية بحكم دراستي و إستفادتي من المعلومات اللي بتيجي فيه و اللي بتكون تحت إشراف فريق طبي متخصص...غير كده بتحسسني و تعيشني الجو أوي ...

ما علينا

كانت الحلقة عن رجل غاضب أطلق النار على دار رعاية للأطفال لأن السلطات أخدت منه إبنه بسبب سوء معاملته ليه..أصيب بنوبة غضب شديدة و أطلق النار على مسؤولي الدار ..و على أشخاص في الطريق..و راح بيت مسؤولة في الدار و اطلق النار عليها..و أصاب شرطي..يعني من الآخر عمل مذبحة و كان مستمر يها..و كونه جه المستشفى قبل كده توقع بعض الأطباء إنه يروح بيتهم يكمل انتقامه فعمل لهم حاله رعب ..

كانت حصيلة المذبحة شلل للمدرسة و موت مسؤولة و طفلة و أعتقد شخص تاني مع إصابات الأشخاص الباقيين...

بعد فترة جابوا الجاني المستشفى و كان مصاب فتولى أحد الأطباء عملية إسعافه و كان الطبيب ده من الأشخاص المهددين هو و أسرته..المهم كان بينقل الشخص ده على مكان تاني فركب الأسانسير معاه و كانوا لوحدهم لأن الأسانسير قفل قبل ما يلحق حد يركب..

الشخص الجاني كان في حالة حرجة و حصلت له مشكله و قلبه بدأ يتوقف و الاجهزة المتصلة بجسمه بدأت تدي إنذار...

للوهله الاولى قام الطبيب بإمساك جهاز الصدمات الكهربية لإنقاذه و وضع الجل على جسم الجاني .. لكن في ثواني راجع موقفه و أمسك الجهاز و أفرغ الصدمات في الهوا .... مع نظره مباشرة في عين الجاني...

المجرم أعد يبصله بخوف و حالته عماله تتدهور و تخطيط القلب بدأ يدي إن نبضات قلبه بدأت تضعف جدا...

الحلقة خلصت على كده...

بس ده خلاني أفكر كتير إن كان الواحد في الموقف ده و كان قدامه شخص سفاح و محتاج مساعده في مجال هو مسؤول فيه زي الطبيب أو الممرضه هل من حقه إنه يصدر حكم على أمر واضح جدا و يتصر ف بالشكل ده على إعتبار إنه بيحمي المجتمع و على إعتبار ان الشخص الي قدامه ده قاتل من دقايق كام شخص كان بيساعده بنفسه و شاف مآسيهم بنفسه..و لا المفروض يلغي حكمه و قلبه و يتصرف بنبل و يعمل واجبه لآخر لحظة...

بصراحه أنا مع إنه واجب عليه ممارسة واجبه لحد آخر لحظة و لو كان بينقذ مجرم..بس برضه صعب جدا كإنسان تجرد نفسك من مشاعر الكره لقاتل وسفاح و تساعده على إستمرار حياته و إنت عارف و متوقع الشرور اللي هيستمر فيها

مش عارفه :)

[yasovinas]

إثارة قضية احمد الفيشاوي وهند الحناوي في كل برامج الحوار على كل الفضائيات ضاعف من استفزاز الناس لان هناك خيطاً رفيعاً بين الصراحه والوقاحه

ومحاولة قطع هذا الخيط هو بالقطع فعل فاضح في التليفزيون العام

المرأة

كائن يعشق مبدأ التغيير !!!!!!!!! تغيير الثياب ةالأثاث والديكور

حتى في علاقتها مع زوجها تحرص دائما ملء حياته بالمشاحنات حرصا منها على ؛؛؛؛؛؛؛؛؛؛؛؛؛؛؛؛تغيير دمه

الحب

صداقه شبت فيها النار ؛؛؛؛؛؛؛؛؛؛؛؛وشابت منها رؤوس الصغار :D

الزواج

قفص تدخله مغرما :D وتسكنه مرغما :)

[SANAA]

مفيش حاجه في الدنيا مضمونه

الصحه مش مضمونه

المال مش مضمون

العمل مش مضمون

الصداقه مش مضمونه

الصدق مشكوك فيه

الثقه مش مضمونه

القلوب متقلبه لاحب دايم ولا كره دايم

[yasovinas]

كلما رايت الحسناء هيفاء وهبي على الشاشه الضغيرة تذكرت ابيات اديبنا الشاعر العملاق العقاد

يا ليت لي الف قلب ؛؛؛ تغنيكي عن كل قلب

وياليت لي الف عين ؛؛؛ تراكِ من كل صوب

[ATHENA]

أروح مصر السنة دي و لا مرحش؟

أروح و لا مرحش؟

أروح و لا مرحش؟

المشكلة إني مبقتش واخدة عليها و السنة و نص اللي شفتها فيها كانت زي تجربة غريبة في حياتي...دلوقتي حاسة إني لازم أحسم التشتت اللي أنا فيه ناحيتها و أحدد موقفي منها...يعني بحبها و عاملة فيها مصرية و أنا معرفش عنها حاجه و لا رحتها غير مرتين في حياتي..و أنا في الحقيقة حتى مش أعرف أتعامل مع المصريين و بلاقي نفسيتهم و طبعهم غير طبعي....و رغم كده عماله أناقر و عاملة أم العريف المصرية ;)

دلوقتي الاجازة قربت بعد تلت تشهر و أسرتي في مصر بيخططوا معايا انزل السنة دي مصر..الأول كنت عاملة إن الظروف مش سامحة و إني نفسي انزل..

دلوقتي لما بيت قدام الامر الواقع عماله أحاول أخترع حجة جوه نفسي عشان أأجل الموضوع ده كمان حبة..خصوصا مع اللي بسمعه عن اللي بيحصل دلوقتي التدهور و الحالة الإقتصادية و إن أخلاق المصريين مبقتش زي الأول و إنهم بقوا ماديين و كلام كتير من المصريين نفسهم للأسف...

بحبها آه ، بس مش عارفة ليه المرة دي حاساها غريبة و بعيدة جدا و متخصنيش.....

[مصرية الهوى]

كلما رايت الحسناء هيفاء وهبي على الشاشه الضغيرة تذكرت ابيات اديبنا الشاعر العملاق العقاد

يا ليت لي الف قلب ؛؛؛ تغنيكي عن كل قلب

وياليت لي الف عين ؛؛؛ تراكِ من كل صوب

الحسناء :blink:

وللناس فيما يعشقون مذاهب ;)

[yasovinas]

الحسناء

وللناس فيما يعشقون مذاهب

يا جيجي مش حكاية عشق احنا بنتكلم على اللي بنشوفه في التليفزيون مش الحقيقة هموما انا شخصيا شفتها 3 مرات المرة الاولى قلت مين دي

التانيه قالوا لي دي هيفاء

التالته قلت البوقين دول ومن ساعتها طنطك ام عمر منعت عليه الفضائيات العربيه كلها ;)

[مصرية الهوى]

هههههههههههههههههه

أحسن تستاهل .. لازم التليفزيون يبقى بعيد عن متناول ايدي الاطفال :P

انا مش قصدي عشق يعني تحبها .. قصدي انها تعجبك ..

اصل البنت دي بصراحة مبطقهاش ..

بكرهها لله في الله ..على لبسها واخلاقها وحركاتها السخيفة ..

فعشان كده مش شايفه فيها اي حاجه حلوة ..

;)

طيب عشان فتحنا السيرة .. خلونا نتكلم عن الجمال ..

الجمال في كل مكان .. وكل انسان فيه حاجه حلوة ..

والجمال نسبي .. بني ادم تشوفه ملك جمال .. غيرك يشوفه عادي ..

بس من وجهة نظري .. الجمال الرباني الحقيقي الباهر ..

بصراحة بشوفه في العرق الفارسي ...

وخصوصا الايرانيين

دول عليهم جمال آسر مش طبيعي ..

:wub:

ينفع اتجوز ايراني .. حتى لو كان شيعي :blink:

[عصفور طاير]

[quote nam='مصرية الهوى' date='Apr 7 2006, 08:39 PM' post='204850'

ينفع اتجوز ايراني .. حتى لو كان شيعي

ينفع يا جيجي.. بس ساعتها هاتبقي إيرانية الهوى.. أما حكاية الشيعي دي تجوز.. بس لو قطعوا حتة من ودنك.. كانوا بيقولولنا كده واحنا صغيرين.

.

.

.

.

.

.

.

.

.

.

على فكرة يا جيجي.. مبروك على النيو لوك الجديد.. بس مش كل يوم تيجي لنا بوش جديد.. عشان إنتي لسه مغيرة قريب، مش سيرة هيه.

تم تعديل 7 أبريل 2006 بواسطة عصفور طاير

[yasovinas]

شوفي يا جيجي انا هقول لك على حاجه؛؛؛ زمان وانا صغير كنت في اعداديه اظن ؛؛ كان عندنا في شارعنا بنت وكانت وحشه قوي حتى تركيبة جسمها غريبه وكانت بتعمل حاجات غريبة لاثبات انها بنت حتى اننا كنا مسمينها منى قطن ;)

ما علينا

البنت دي في يوم لاقينا الشارع متزين من اوله لاخره بالانوار واتعملت 3 سجاجيد ورد في الشارع واتنصبت ليله وفرقتين زفه اسكندراني ودمياطي ايه يا اخونا قالوا منى قطن بتتجوز

المهم واقف يومها مع الوالد الله يرحمه في البلكونه بنتفرج على - زفة قطر الندى - فبقول له الجدع دا اعمى اتجوزها على ايه ؟؟؟

فرد والدي الله يرحمه " كل انسان فيه حاجه حلوة مش شرط الجمال يكون جمال الشكل ولكن ممكن يكون جمال الروح او خفة الدم او العقل او حاجات كتيرة"

بالنسبة لحكاية الايرانيين فانا اظن ان اجمل نساء العالم هم بنات كشمير ونفس الكلام ينطبق على رجالهم

[مصرية الهوى]

عصفور ..

انت لازم تراجع كلام يا سو اللي فوق شويا ..

المرأة

كائن يعشق مبدأ التغيير !!!!!!!!!

:P :P

يعني لازم التجديد في الحياة ..

بعدين طارق قالي ان صورة البنت اللي شعرها منكوش هي الي جابتلي المصايب :huh:

ومش مشكلة نبقى ايرانيين الهوى ... و القلب وما هوى :wub:

انا فاكرة كان فيه حكاية واحد من الاعراب وصف امراة جميلة وقال صفات خيالية

فواحد رد عليه وقال : تجدها في خلاصة العرب او خلاصة الفرس ...

فيعني حلو لو جبنا واحد فارسي جميل من خلاصة الفرس واتجوزته انا العربية الجميلة :P اللي من خلاصة العرب ..

ده احنا هننتج سلالة محصلتش :P

خيول عربية اصيلة غير مهجنة :P

نيجي لياسو ...

اه معاك حق مش جمال الشكل كل حاجه .. وخصوصا في موضوع الجواز ..

بس انا كنت بتكلم عن حتة جمال الشكل بالذات ..

والكشميريين مش عروقهم فارسية ؟؟ :blink:

والا دول حاجه ودول حاجه ...

حتى كمان الباكستانيين اللي عروقهم فارسية فيهم جمال مش طبيعي ...

أجمل انسان شفته في الدنيا .. اه والله في الدنيا كلها .. كان شاب باكستاني :wub: ..

تبارك الخلاق العظيم .. جمال باهر فوق الوصف ..

لما شفته قلت : اتاري توم كروز كان بيضحك علينا وعملنا فيها وسيم ;)

بلو ..

تبقوا رجالة بصحيح لو عملتوها وقدرتوا تجيبوها مرة تانية :P ..

بس هاني دمه تقيل وشايف نفسه :ph34r:

هى دى بقت المرجله ده الوقت ..

مش قلت لكم الماتش متباع ... محدش صدقنى

امال فاكرها ايه يا طفشان ...

متقوليش الدفاع عن الوطن والقبيلة والعرض والشرف وعنترة بن شداد وبتاع :wub:

بس ياخسارة ..

دول اللبنانيين طلعوا اجدع منكو :blink:

عقبالنا بقى في كاس العالم :P

[عصفور طاير]

يا سلام يا جيجي.. باكستاني ووسيم.. اللي ناقص انك تقوليلي بنغالي كمان.. تخيلي يا جيجي لما يكون في نفر بنغالي أو هندي وسيم، إنت إعجبي هوه سوا سوا، وهو في كلام سعر تحت البلكونه سيم سيم كيس وليلى:

انت في واحد قمر.. انت يحب كل نفر

انت ما في سوف أنا.. أنا في موت قهر

انت لو ينسى أنا.. أنا في يبكي مطر

انت مافي كلم انا.. أنا في مسكين نفر

إنت في نوم كتير.. أنا في كتير سهر

يا سلاااام.. وعين الحب كليلة عن كل عيب.. وفي حالة بنغالي أو هندي تبقى أنف الحب كليلة عن كل زيت

[Tafshan]

كلما رايت الحسناء هيفاء وهبي على الشاشه الضغيرة تذكرت ابيات اديبنا الشاعر العملاق العقاد

يا ليت لي الف قلب ؛؛؛ تغنيكي عن كل قلب

وياليت لي الف عين ؛؛؛ تراكِ من كل صوب

ايه يا عم ياسر الكلام الكبير ده B)

على العموم ممكن سهل تعرف الدكتور اللى جمعها و يجمعلك واحدة زيها و خلاص :P

على فكرة ..

اتأثرت قوى بموضوع منى قطن ... ممكن تبعث لها نمرة الدكتور ده برضو عشان يحل مشكلتها :P

أروح مصر السنة دي و لا مرحش؟

أروح و لا مرحش؟

أروح و لا مرحش؟

...

روحى عشان احساسك بالغربه ده ما يزيدش .. ما انكرش انى بحس بكده برضو لكن من الاخر ما عنديش بلد غيرها

امال فاكرها ايه يا طفشان ...

متقوليش الدفاع عن الوطن والقبيلة والعرض والشرف وعنترة بن شداد وبتاع :D

بس ياخسارة ..

دول اللبنانيين طلعوا اجدع منكو :blink:

عقبالنا بقى في كاس العالم :blush:

و الله على ايامنا لما كنا بنقول فلان راجل كان معناها انه يعتمد عليه ...و لما كنا بنقول فلان جدع كان معناها انه شهم ... معنى كده ان مقياس المرجله و المجدعه ده الوقت بقى عبارة عن تليفون محمول و رصيد و خلاص mfb:

حزل غير ان شاء الله

[ATHENA]

روحى عشان احساسك بالغربه ده ما يزيدش .. ما انكرش انى بحس بكده برضو لكن من الاخر ما عنديش بلد غيرها

أروح فين بقه يا طفشان..أديك شفت بيدرسوا يستقبلونا إزاي في مصر....ده واضح انهم من المطار هيدفعونا رسوم على الراس عشان نعرف ندخل مصر ....فرقت إيه عن معاملة هنا كونك وافد؟

في غربة اكتر من كده....أختي عشان تعد في المدينة الجامعية و كونها مغتربة كانت لازم تدفع عشر أضعاف زميلاتها المصريات.. :P

و عجبي...

تم تعديل 8 أبريل 2006 بواسطة ATHENA

[Tafshan]

روحى عشان احساسك بالغربه ده ما يزيدش .. ما انكرش انى بحس بكده برضو لكن من الاخر ما عنديش بلد غيرها

أروح فين بقه يا طفشان..أديك شفت بيدرسوا يستقبلونا إزاي في مصر....ده واضح انهم من المطار هيدفعونا رسوم على الراس عشان نعرف ندخل مصر و عجبي..

احلى حاجه في سفرية مصر انك تروحى و انت نتوقعة الاسوء و لا تتوقعى اي امال عريضة .. في الحاله دى ح تخسى مع كل موقف ظريف انه فعلاً ظريف .. اما المواقف البايخة .. فأنتِ متوقعاها كده كده ..

و بعدين خلى السفرية ليها خطه : مثلاً تشوفى حاجه ما شوفتيهاش .. تزوري فلانه مثلاً ... ممكن تتفقى مع كليو و تأخذك في سيارتها الفارهه :P تعمل معاكِ سيتى تور في احياء القاهرة الفاطمية .. او ممكن تدبيى توته في صينية سمك بالليمون و تجيبي لى معاكِ حته .. و كده :P

[ATHENA]

احلى حاجه في سفرية مصر انك تروحى و انت نتوقعة الاسوء و لا تتوقعى اي امال عريضة .. في الحاله دى ح تخسى مع كل موقف ظريف انه فعلاً ظريف .. اما المواقف البايخة .. فأنتِ متوقعاها كده كده ..

و بعدين خلى السفرية ليها خطه : مثلاً تشوفى حاجه ما شوفتيهاش .. تزوري فلانه مثلاً ... ممكن تتفقى مع كليو و تأخذك في سيارتها الفارهه تعمل معاكِ سيتى تور في احياء القاهرة الفاطمية .. او ممكن تدبيى توته في صينية سمك بالليمون و تجيبي لى معاكِ حته .. و كده

طفشاااااااان :blink:

مالك مصمم كده على سفرية مصر .. مالكم كلكم بتقنعوني الأيام دي...تكونوش من الحكومة و ليكم عمولة من الراس المغتربة :blush:

وش واحدة شديدة الإرتياب :P

نيجي للمهم...لو الموضوع فية صينية سمك باللمون مع رز احمر على سلطة خضار من يد توتا و الواحد بيتفرج على سي بوكي و حسنه و جماله و مدام لولو و هي بتلاعب الشحبورة برتي..يبقى الموضوع مستاهل :P

و لو كليو هتاخدني لفه بالفيراري يبقى مش هفكر مرتين mfb:

شكلنا هنضرب :D

[مصرية الهوى]

انت في واحد قمر.. انت يحب كل نفر

انت ما في سوف أنا.. أنا في موت قهر

انت لو ينسى أنا.. أنا في يبكي مطر

انت مافي كلم انا.. أنا في مسكين نفر

إنت في نوم كتير.. أنا في كتير سهر

حرام عليك يا عصفور ..

بجد حرام عليك :wub: ..

ايه القصيدة الرقيقة الجميلة اللي انت كاتبها دي :D

أنا مش هأقدر انام بالليل ...

أنا دلوقتي هأخد العود واطلع فوق السطوح اعزف واغني وابص للقمر واعيط :) ..

مش ممكن الرومانسية والشاعرية دي ...

انا مليش دعوى عايزه كومار

mfb: :)

تم تعديل 8 أبريل 2006 بواسطة مصرية الهوى

[Cleo]

روحى عشان احساسك بالغربه ده ما يزيدش .. ما انكرش انى بحس بكده برضو لكن من الاخر ما عنديش بلد غيرها

أروح فين بقه يا طفشان..أديك شفت بيدرسوا يستقبلونا إزاي في مصر....ده واضح انهم من المطار هيدفعونا رسوم على الراس عشان نعرف ندخل مصر و عجبي..

احلى حاجه في سفرية مصر انك تروحى و انت نتوقعة الاسوء و لا تتوقعى اي امال عريضة .. في الحاله دى ح تخسى مع كل موقف ظريف انه فعلاً ظريف .. اما المواقف البايخة .. فأنتِ متوقعاها كده كده ..

و بعدين خلى السفرية ليها خطه : مثلاً تشوفى حاجه ما شوفتيهاش .. تزوري فلانه مثلاً ... ممكن تتفقى مع كليو و تأخذك في سيارتها الفارهه :wub: تعمل معاكِ سيتى تور في احياء القاهرة الفاطمية .. او ممكن تدبيى توته في صينية سمك بالليمون و تجيبي لى معاكِ حته .. و كده :D

أنصحك يا طفشان ما تنزلش مصر السنة دى ولا السنة الجاية ولا اللى بعدها... :)

[toota]

نيجي للمهم...لو الموضوع فية صينية سمك باللمون مع رز احمر على سلطة خضار من يد توتا و الواحد بيتفرج على سي بوكي و حسنه و جماله و مدام لولو و هي بتلاعب الشحبورة برتي..يبقى الموضوع مستاهل :D

و لو كليو هتاخدني لفه بالفيراري يبقى مش هفكر مرتين :)

شكلنا هنضرب mfb:

يادي صينيه السمك الي فضحني فيها طفطف في كل حته بروحها :wub: .... هي ورايا ورايا :)

[Tafshan]

طفشاااااااان

مالك مصمم كده على سفرية مصر .. مالكم كلكم بتقنعوني الأيام دي...تكونوش من الحكومة و ليكم عمولة من الراس المغتربة :P

وش واحدة شديدة الإرتياب

نيجي للمهم...لو الموضوع فية صينية سمك باللمون مع رز احمر على سلطة خضار من يد توتا و الواحد بيتفرج على سي بوكي و حسنه و جماله و مدام لولو و هي بتلاعب الشحبورة برتي..يبقى الموضوع مستاهل

و لو كليو هتاخدني لفه بالفيراري يبقى مش هفكر مرتين :o

شكلنا هنضرب

و انا مالي يا اختشى ..

بس ملاحظه ... حلقولك خالص

(وش واحد بيهدى النفوش )

أنصحك يا طفشان ما تنزلش مصر السنة دى ولا السنة الجاية ولا اللى بعدها... mfb:

بالعند فبكِ انا نازل آخر الاسبوع ... و سلمي لي على العصفورة :)

يادي صينيه السمك الي فضحني فيها طفطف في كل حته بروحها .... هي ورايا ورايا :P

طب انا و معلش ساقط قيد و ما ليش دية ... لكن اختشك حبيبتشك ايزيز تحرميها من حنان الليمون :)

ما لكيش حق :wub:

(انا بهدى النفوس بس :D )

تم تعديل 9 أبريل 2006 بواسطة Tafshan