أي كلام

[Blue_mind]

سد الحنك.....خالص :blink:

[Tafshan]

سد الحنك.....خالص :huh:

ولا نفس :blink: ؟؟

[yasovinas]

طفشان مسافر يوم الاربعاء القادم بينما غداً اجازة ؟؟!!!

ما علينا اخي طفشان اوصيك واذكرك مرة اخرى بوصيتي وطلبي مجلات تان تان ومجلدات ميكي القديمه وسوبرمان لو امكن

صدقني يا طفطف كل مجله من هذه المجلات تمثل بالنسبة لي الف جنيه

وكل مجلد من مجلدات ميكي القديمه تمثل شقة

وكل نسخه من نسخ سوبرمان تمثل شقه تمليك في محمع سان استيفانو على البحر

نداء الى جميع اهالي مصر المحروسه ساهموا في اسعاد اخيكم ياسو ابن فيناس في اخر ايامه وارسلوا ما تجدونه من ميكي وتان تان والسوبر مان مع العزيز الغالي طفشان واي مبالغ راح تطلبوها انا حاضر :blink:

{ملحوظه انا بتكلم على المجلات والمجلدات القديمه الصادرة عن دار الاهرام وليست الحديثه الصادرة عن دار المعارف }

[Tafshan]

طفشان مسافر يوم الاربعاء القادم بينما غداً اجازة ؟؟!!!

ما علينا اخي طفشان اوصيك واذكرك مرة اخرى بوصيتي وطلبي مجلات تان تان ومجلدات ميكي القديمه وسوبرمان لو امكن

صدقني يا طفطف كل مجله من هذه المجلات تمثل بالنسبة لي الف جنيه

وكل مجلد من مجلدات ميكي القديمه تمثل شقة

وكل نسخه من نسخ سوبرمان تمثل شقه تمليك في محمع سان استيفانو على البحر

نداء الى جميع اهالي مصر المحروسه ساهموا في اسعاد اخيكم ياسو ابن فيناس في اخر ايامه وارسلوا ما تجدونه من ميكي وتان تان والسوبر مان مع العزيز الغالي طفشان واي مبالغ راح تطلبوها انا حاضر :huh:

{ملحوظه انا بتكلم على المجلات والمجلدات القديمه الصادرة عن دار الاهرام وليست الحديثه الصادرة عن دار المعارف }

انت تأمر يا فندم و طالما العدد بألف جنيه ح اجبلك بتاع 100 مجلد و ح اتنازل عن حقي في شقق سان استيفانو عشان ما تقولش عليا انتهازى :blink:

[Hammer]

طفشان مسافر يوم الاربعاء القادم بينما غداً اجازة ؟؟!!!

ما علينا اخي طفشان اوصيك واذكرك مرة اخرى بوصيتي وطلبي مجلات تان تان ومجلدات ميكي القديمه وسوبرمان لو امكن

صدقني يا طفطف كل مجله من هذه المجلات تمثل بالنسبة لي الف جنيه

يا ياسر أنا علي إستعداد لتوريد المطلوب بسعر لا يقارن 999 جنيه بس ...

ولعلمك تانتان اللي عندي هو الأصلي و شعره و الكلب بتاعه زي ما إنت متعود بالظبط

يعني غير تانتان بتاع طفشان خالص .

إحذروا التقليد عند الشراء :blink:

[نورية]

صباح الخير .. او مساء الخير....

اى حاجة

المهم عايزة اقولكم انى بجد فرحانة

كنت عمالة اقرا الموضوع دة بقالى قرن و ماكنتش عارفة اكتب ايه

كل مرة كنت باحاول اكتب اى حاجة على بالى بحيث اشارك معاكم فبلاقى نفسى متلخبطة و مش عارفة اقول ايه

بس النهاردة انا عارفة

انا فرحانة اوى اوى اوى

حاسة انى ماشية فى الشارع طايرة و ان الناس لازم تقولى مبروك

كل لما اشوف حد بابقى عايزاه يقولى مبروك يا نورية

حتى و انا داخلة العمارة كنت حاسة انى عايزة مرات البواب تزغرد لولولولولولولولىىىى

حاسة انى عايزة افرق شربات على الناس

عايزة الكل يحس بفرحتى

لو قولتلكم على السبب ممكن تستغربوا... لان اللى مفرحنى حاجة اساسية فى حياة كل واحد فينا و بيعملها كل يوم

و لو قولت انى ماكنتش باعمل الحكاية دى فممكن الاقى ناس منكم تنتقدنى و تقول (( اهاااا بقى انتى ماكنتيش بتــ......))

لكن انا مش مكسوفة

راح اقولكم انا ماكنتش باعمل ايه

انا ماكنتش منتظمة فى الصلاة خااااااااااالص

كنت بعيــــــــــــــــــــــــــــــــــــــــــدة اوى عن ربنا

طبعا الحمد لله عمرى ماكنت باعمل حاجة وحشة ابدا

بس ماكنتش منتظمة فى الصلاة .. فجأة لقيت نفسى باصلى .... حسيت ان ربنا مهتم بية انا و عايزنى اتقرب ليه

حسيت ان ربنا بيحبنى ... مش زى ما كنت فاكرة انه مش بيحبنى

انا مريت بموقف صعب اوى اوى.. كانت حاجة مصيرية فى حياتى ... كنت حاسة بهم كبير كأنه حجر على صدرى

و كل لما افتح الايميل بتاعى الاقى ناس ماعرفهاش و نا اعرفها باعتالى ايميل فيه دعاء فك الهم و الحزن و الكرب

والله العظيم دة اللى حصل.. استغربت اوى ... ماحدش منهم يعرف اللى بية ... مين قالهم؟؟؟ عرفوا ازاى؟؟؟

افتكرت ان ربنا قال ادعونى استجب لكم .... انا؟؟؟ ادعى ربنا؟؟؟ طيب ازاى و بانهى وش؟؟

قريت دعاء بيقول :

اللهم إني أستغفرك لكل ذنب خطوت إليه برجلي أو مددت إليه يدي أو تأملته ببصري أو أصغيت إليه بأذني أو نطق به لساني أو أتلفت فيه ما رزقتني ثم استرزقتك على عصياني فرزقتني ثم استعنت برزقك على عصيانك فسترته علي وسألتك الزيادة فلم تحرمني ولا تزال عائدا علي بحلمك وإحسانك يا أكرم الأكرمين .... الى اخر الدعاء

مش عارفة ليه ساعتها بجد بكيت.. حسيت ان ربنا كان بيقرب منى و انا اللى كنت بابعد

يااااااااااااه احساس فظيع اوى.... تخيل رب العباد بيقربلك و انت ... انت يا بنى ادم يا صغير بتبعد

يا ترى ربنا راح يعمل فية ايه

قومت و صليت ... صليت بجد... بكيت ... كنت باصلى و انا مكسوفة اوى من ربنا ..

من ساعتها و انا انتظمت ... كمان صليت صلاة قيام الليل و الشفع و الوتر اللى اول مرة اصليهم فى حياتى

ماتخليش ييجى فى بالكم انى الشيخة نورية ولا حاجة .... انا بالبس شيك و جينز بس لبسى محترم طبعا .. و فى كلية الفنون الجميلة يعنى عادية ....... بس فوقت من الغيبوبة اللى كنت فيها من ناحية الصلاة

مش عارفة... انا ماليش غير تقريبا تلات اربع مشاركات.. بس حقيقى بحبكم .... و باقرالكم على طول

و عشان بحبكم حسيت انى عايزة افرحكم معايا

بس كدة.... خلص الكلام

[مصرية الهوى]

بجد يا نورية يا حبيبتي ..

انا فرحتلك من قلبي والله ...

مفيش حاجه احلى من الرجوع الى الله واستشعار معيته ..

ربنا يثبتك يا رب ..

[yasovinas]

حمداً لله على السلامه يا نورية ربنا ينورلك طريقك ويهديكي للخير والصح دايما ويبعد عنك الشيطان ووساوسة

فرحتينا جميعا من كل قلوبنا ومنتظرينك دايما تفرحينا بيكي وباخبارك

[eastsoul]

انا سعيدة جدا ليكي يا نورية ...الحمدلله

و الآية دي فعلا بتتكلم عن قد ايه ربنا بحيبنا و قريب من كل واحد منا - الآية رقم 186 من صورة البقرة:

"وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَِ"

وهذا الحديث الشريف للرسول عليه الصلاة و السلام يتحدث عن نفس الاية و تفسيرها :

وسأل جماعة النبي صلى الله عليه وسلم أقريب ربنا فنناجيه أم بعيد فنناديه فنزل: وإذا سألك عبادي عني فإني قريب منهم بعلمي فأخبرهم بذلك أجيب دعوة الداع إذا دعان بإنالته ما سأل فليستجيبوا لي دعائي بالطاعة وليؤمنوا يداوموا على الإيمان بي لعلهم يرشدون يهتدون.

ربنا يوقفك و يقوي ايمانك و يسعدك

[عصفور طاير]

أولا مبروك يا نورية.. وعشان الحفل الروحاني اللي عملتهولك جيجي وروح، أنا هاهديكي جزء من أشعار رابعة العدوية (عاشقة الذات الإلهية) زي ماكانوا بيسموها، كانت رابعة العدوية بتحب ربنا حب خاص جدا، مش عشان جنة ونار، لكن كانت بتحبه حب خالص:

عرفت الهوى مذ عرفت هواك

وغَلّقت قلبي عمَّن عداك

وكنت أناجيك يا من ترى

خفايا القلوب ولسنا نراك

أحبك حبين: حب الهوى

وحب لأنك أهل لذاك

فأما الذي هو حب الهوى

فشغلي بذكرك عمَّن سواك

وأما الذي أنت أهل له

فكشفك لي الحُجْبَ حتى أراك

فلا الحمد في ذا ولا ذاك لي

لكن لك الحمد.. في ذا وذاك

تم تعديل 10 أبريل 2006 بواسطة عصفور طاير

[نورية]

مصرية الهوى

yasovinas

eastsoul

عصفور طاير

كلامكم فرحنى كتير كتير اوى اوى :D

حقيقى احساس جميل جدا لما تحس ان فيه ناس فرحانين عشان انت فرحان :closedeyes:

بيشاركوك فرحتك :)

بيحسوا بيك :wub:

فاهمين شعورك <_<

بجد مرسيه ليكو كتير :huh: :P :o

ربنا مايفرقنا عن بعض ابدا :happy:

[ATHENA]

يخرب بيت الطمع و سنينه :closedeyes:

فاعل خير بعتلي ميل عشان الماسنجر الجديد بيتا مش عارف ايه msn

أنا طمعت و اعدت احاول انزله من الاخر اتمسح القديم...

دلوقتي الكومبيوتر راسه و ألف سيف لا يقبل لا القديم و لا الجديد و قلبي حاسس إنه زرجنة بجد و آخر تمام معملهاش من زمان خصوصا مع رفضه كل محاولات الصلح على الماسنجر و كمان شكله المرة دي مش هيعدي اللي حصل إلا بفرمته مع الأصوات الجميلة اللي عملها و حبة حلق حوش..

يا ريت لحد ما تتحل المشكله دي و لو كان في كومب الفترة الجاية إبقوا إسألوا على إختكم على الياهو يا جماعة الهوت ميل.. <_<

[Cleo]

يخرب بيت الطمع و سنينه :closedeyes:

فاعل خير بعتلي ميل عشان الماسنجر الجديد بيتا مش عارف ايه msn

أنا طمعت و اعدت احاول انزله من الاخر اتمسح القديم...

دلوقتي الكومبيوتر راسه و ألف سيف لا يقبل لا القديم و لا الجديد و قلبي حاسس إنه زرجنة بجد و آخر تمام معملهاش من زمان خصوصا مع رفضه كل محاولات الصلح على الماسنجر و كمان شكله المرة دي مش هيعدي اللي حصل إلا بفرمته مع الأصوات الجميلة اللي عملها و حبة حلق حوش..

يا ريت لحد ما تتحل المشكله دي و لو كان في كومب الفترة الجاية إبقوا إسألوا على إختكم على الياهو يا جماعة الهوت ميل.. :huh:

شوفى يا كوكو...

ادخلى على Control Pannel -------->

Add/ remove programs -------------->

بعدين اختارى الماسنجر و اعمليله remove

كدة تبقى شيلتى نهائيا نسخة الماسنجر القديمة

بعدها جربى تنزلى الجديد... <_<

[yasovinas]

عادة هباب اتعودتها من ايام ما كنت بحلق عند الاسطى جابر الله يرحمه لو مات والله ؛؛؛؛؛؛؛؛يرحمه ويرحم الناس من ايده برضه لو لسه عايش

راجل حلاق بس ايه أراري من الحلاقين بتوع زمان اللي يضرب خمسين مقص في الهوا واتنين في راسك وطبعا غير السيجارة اللي مش بتنتطفي ومش مهم الطافية تيجي على قفاك تلسعك او تحرق الهدوم !!! كله يهون وكووول دا كووووم وعادة الرغي كووووم اما بيحكي مع زبون او واحد قاعد عنده او يمسك دماغ اهلى يفضل بزن لما يجيب لك انهيار عصبي

نتيجه لكل ما سبق ولان والدي الله يرحمه كان بؤمن بالاصاله وان الاسطى جابر ليس بعده اسطى

فكنت مضطر ايامها لان اهرب من هذا العذاب باستحضار النوم ؛؛!!!ايوة كنت بنام هربا من الاسطى جابر :closedeyes: <_< اسيب له راسي يعمل فيها اللي هو عايزة وانام واصحى على صوته وهو بيقبول احححححححح وبيحط سبرتو على قفايا مدعياً انها كولونيا :huh:

ما علينا

هذه العادة الهباب مازالت ملازماني من ايام الطفوله وكل ما اروح عند الحلاق يا دوب هي خمس دقايق وتلاقيني بفتح عيوني بالعافيه خصوصا لما جيت الامارات مع المكيف والهدوء ولان الحلاق لبناني او سوري وطبعا ما فيش كومنكيشن بيني وبينه

مش عارف اعمل ايه حد عنده حل للمعضلة دي افيدونا افادكم الله

[Tafshan]

عادة هباب اتعودتها من ايام ما كنت بحلق عند الاسطى جابر الله يرحمه لو مات والله ؛؛؛؛؛؛؛؛يرحمه ويرحم الناس من ايده برضه لو لسه عايش

راجل حلاق بس ايه أراري من الحلاقين بتوع زمان اللي يضرب خمسين مقص في الهوا واتنين في راسك وطبعا غير السيجارة اللي مش بتنتطفي ومش مهم الطافية تيجي على قفاك تلسعك او تحرق الهدوم !!! كله يهون وكووول دا كووووم وعادة الرغي كووووم اما بيحكي مع زبون او واحد قاعد عنده او يمسك دماغ اهلى يفضل بزن لما يجيب لك انهيار عصبي

نتيجه لكل ما سبق ولان والدي الله يرحمه كان بؤمن بالاصاله وان الاسطى جابر ليس بعده اسطى

فكنت مضطر ايامها لان اهرب من هذا العذاب باستحضار النوم ؛؛!!!ايوة كنت بنام هربا من الاسطى جابر :blink: :D اسيب له راسي يعمل فيها اللي هو عايزة وانام واصحى على صوته وهو بيقبول احححححححح وبيحط سبرتو على قفايا مدعياً انها كولونيا :D

ما علينا

هذه العادة الهباب مازالت ملازماني من ايام الطفوله وكل ما اروح عند الحلاق يا دوب هي خمس دقايق وتلاقيني بفتح عيوني بالعافيه خصوصا لما جيت الامارات مع المكيف والهدوء ولان الحلاق لبناني او سوري وطبعا ما فيش كومنكيشن بيني وبينه

مش عارف اعمل ايه حد عنده حل للمعضلة دي افيدونا افادكم الله

لازم تتحكم في العادة دى يا ياسو ... و الا ح تصحى مرة من النوم تلاقى حالة تصحر شديدة حصلت في دماغك :angry:

[ATHENA]

أصدق حدسي القوي .. و لا كلام الناس و حلفهم؟

[Hammer]

ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه :P

ما دافعش ليه عن نفسه يوم ما اندبح

[ocha]

صباح الخير .. او مساء الخير....

اى حاجة

المهم عايزة اقولكم انى بجد فرحانة

كنت عمالة اقرا الموضوع دة بقالى قرن و ماكنتش عارفة اكتب ايه

كل مرة كنت باحاول اكتب اى حاجة على بالى بحيث اشارك معاكم فبلاقى نفسى متلخبطة و مش عارفة اقول ايه

بس النهاردة انا عارفة

انا فرحانة اوى اوى اوى

حاسة انى ماشية فى الشارع طايرة و ان الناس لازم تقولى مبروك

كل لما اشوف حد بابقى عايزاه يقولى مبروك يا نورية

حتى و انا داخلة العمارة كنت حاسة انى عايزة مرات البواب تزغرد لولولولولولولولىىىى

حاسة انى عايزة افرق شربات على الناس

عايزة الكل يحس بفرحتى

لو قولتلكم على السبب ممكن تستغربوا... لان اللى مفرحنى حاجة اساسية فى حياة كل واحد فينا و بيعملها كل يوم

و لو قولت انى ماكنتش باعمل الحكاية دى فممكن الاقى ناس منكم تنتقدنى و تقول (( اهاااا بقى انتى ماكنتيش بتــ......))

لكن انا مش مكسوفة

راح اقولكم انا ماكنتش باعمل ايه

انا ماكنتش منتظمة فى الصلاة خااااااااااالص

كنت بعيــــــــــــــــــــــــــــــــــــــــــدة اوى عن ربنا

طبعا الحمد لله عمرى ماكنت باعمل حاجة وحشة ابدا

بس ماكنتش منتظمة فى الصلاة .. فجأة لقيت نفسى باصلى .... حسيت ان ربنا مهتم بية انا و عايزنى اتقرب ليه

حسيت ان ربنا بيحبنى ... مش زى ما كنت فاكرة انه مش بيحبنى

انا مريت بموقف صعب اوى اوى.. كانت حاجة مصيرية فى حياتى ... كنت حاسة بهم كبير كأنه حجر على صدرى

و كل لما افتح الايميل بتاعى الاقى ناس ماعرفهاش و نا اعرفها باعتالى ايميل فيه دعاء فك الهم و الحزن و الكرب

والله العظيم دة اللى حصل.. استغربت اوى ... ماحدش منهم يعرف اللى بية ... مين قالهم؟؟؟ عرفوا ازاى؟؟؟

افتكرت ان ربنا قال ادعونى استجب لكم .... انا؟؟؟ ادعى ربنا؟؟؟ طيب ازاى و بانهى وش؟؟

قريت دعاء بيقول :

اللهم إني أستغفرك لكل ذنب خطوت إليه برجلي أو مددت إليه يدي أو تأملته ببصري أو أصغيت إليه بأذني أو نطق به لساني أو أتلفت فيه ما رزقتني ثم استرزقتك على عصياني فرزقتني ثم استعنت برزقك على عصيانك فسترته علي وسألتك الزيادة فلم تحرمني ولا تزال عائدا علي بحلمك وإحسانك يا أكرم الأكرمين .... الى اخر الدعاء

مش عارفة ليه ساعتها بجد بكيت.. حسيت ان ربنا كان بيقرب منى و انا اللى كنت بابعد

يااااااااااااه احساس فظيع اوى.... تخيل رب العباد بيقربلك و انت ... انت يا بنى ادم يا صغير بتبعد

يا ترى ربنا راح يعمل فية ايه

قومت و صليت ... صليت بجد... بكيت ... كنت باصلى و انا مكسوفة اوى من ربنا ..

من ساعتها و انا انتظمت ... كمان صليت صلاة قيام الليل و الشفع و الوتر اللى اول مرة اصليهم فى حياتى

ماتخليش ييجى فى بالكم انى الشيخة نورية ولا حاجة .... انا بالبس شيك و جينز بس لبسى محترم طبعا .. و فى كلية الفنون الجميلة يعنى عادية ....... بس فوقت من الغيبوبة اللى كنت فيها من ناحية الصلاة

مش عارفة... انا ماليش غير تقريبا تلات اربع مشاركات.. بس حقيقى بحبكم .... و باقرالكم على طول

و عشان بحبكم حسيت انى عايزة افرحكم معايا

بس كدة.... خلص الكلام

الف مبروق يا نوريه للنور اللى دخل قلبك واهداكى للصلاه فاجعليها اقرب شئ ليك فهى النجاه الوحيده فى الدنيا واللاخره بعد عمرا طويل ان شاء الله

[yasovinas]

الفرق بين الماضي والحاضر

كالفرق بين {سي السيد} {وسي مون}

تعليقا على حادثة قتل زوجة البواب لزوجها قالو { بعد بلوغ الرجل "سن الستين" تبدأ الزوجه في "سن السكين"

المحسوبيه هي إنصاف أنصاف البشر

السعادة هي ان تجد ما تريد ان تأكل ،،،، والقناعه هي ان تأكل ما تجد

الفرق بين العلماء والعوالم كالفرق بين من يبحث عن (المجهول ) ومن يبحث عن (المعلوم)

[yasovinas]

الصحفي اسماعيل النقيب قال تعليق جميل جداً (ما اشبه الرجال الذين يحتاجون الى استخدام الفياجرا بزعماء العالم العربي الذين يملكون الرغبه ولا يملكون القدرة على الفعل !!!)