أي كلام

[yasovinas]

I just wanna feel real love

Feel the home that I live in

’cause I got too much life,

Running through my veins, going to waste.

روحي يا شيخه الاهي وانت جاهي يرزقك بابن الحلال اللي يهننك ويوريكي النجوم في عز الظهر

ونستريح منك :blush:

[ATHENA]

:

روحي يا شيخه الاهي وانت جاهي يرزقك بابن الحلال اللي يهننك ويوريكي النجوم في عز الظهر

ونستريح منك :blush:

هو في حاجه ريل بتيجي من أقطاي :blink:

و أدي قعده :blush:

:huh:

[مصرية الهوى]

يا جماعة مش ملاحظين معايا ... مواضيعنا اليومين دول ..

كلها جواز .. جواز .. جواز ... :sad: :sad: :wub: الخ الخ ( حرامية في KG2 :blink: )

الواحد قرف والجواز طلع من مناخيره :wub:

خلونا نغير ..

عشان التغيير مهم في الحياة الزوجية ( تاني :blush: )

مثلا : نتكلم عن العولمة وتأثيرها الميتافيزيقي على الاقتصاد الموزمبيقي ..

ثقب الاوزون واثره في ازدحام المواصلات في الهند الشرقية ..

يعني مواضيع كده ..

تخلي الدماغ تشتغل ..

والا اقولكو ايه ....

خلونا على جوازنا احسن mfb: mfb:

بجد والله ..

مش معايا انه من اكتر المواضيع اللي تجذب الناس للقراءة ... سواء مراهقين ، شباب ، كبار ،ستات ، رجالة ... الخ الخ

مواضيع الزواج ، الحب ، العلاقة بين الجنسين .....

باختصار اي حاجه فيها راجل وست :huh:

ليه يا ترى؟ :blush:

[وليد صفوت]

بجد والله ..

مش معايا انه من اكتر المواضيع اللي تجذب الناس للقراءة ... سواء مراهقين ، شباب ، كبار ،ستات ، رجالة ... الخ الخ

مواضيع الزواج ، الحب ، العلاقة بين الجنسين .....

باختصار اي حاجه فيها راجل وست :blush:

ليه يا ترى؟ :blush:

انتى بتفكرى فى اللى بفكر فيه ؟ :blink:

[ATHENA]

أصعب ما قد تبصره عين الشخص هو مظهر طفل يتألم....

منظر طفل يتلقى علاج الكيموثيرابي للسرطان عن طريق إبرة تخترق الحبل الشكوي في ظهره ( إنتراثيكلي intrathecally) و عمره لم يتجاوز السنة و تسعة أشهر و هو مقيد خشية تحريك ظهره من قبل من تستجديهم عينيه ليتركوه او يوضحوا له ما يحدث بجسده و ما يفعلون به يبكي بإستسلام و ضعف من تأثير الأدوية المهدأة و الشبه مخدرة التي تلاقاها عن طريق إبرة غرست في لحم يده الطرية الصغيرة و ثبتت لتسبب له الإزعاج..و لم يكتفي القدر بإبرة مزعجة في يده الصغيرة شديدة الإزرقاق لكثرة ما تلقت من إبر و غزر..بل يكتمل النصاب بإبره مزروعة بشكل شبه دائم أسفل كتفه ( بورت كاث ) لتصل داخليا إلى قلبه شاء القدر أن يحدث بها إنسداد يحول دون إستخدامها ليكون قدر الصغير يوم آخر لزرع إبرة جديدة في جسده المرهق....طفل عنيد و عصبي و يرفض الشفقة ...

الجميع تعلق به و بخفه دمه و قلاطته و الطاقية الشيك التي يرتديها لإخفاء شعره الأشقر الجميل المتساقط....ثم بكائه بطفولة قادرة على إختراق أصلب القلوب مناديا والدته بالكلمات القليلة التي تعلمها و تخليه عن العند الطفولي و إستبداله ببكاء عاجز طفولي لجسد أرهقته الأدوية السامة شديدة القوة و المفعول...و بعد تعب أسبوع من العلاج و مضاعفات أدوية سرطان الدم يأتي مرة اخرى بطقم ملابس جميل و طاقية زرقاء جذابة و لكن بملامح مختلفة و إصفرار و عصبية شخص أرهقه المرض مع بدأ إختفاء تلك الإنتفاخة المحببة لخدود الطفل الذي لم يتجاوز سن الرضاعة بعد و ينطق كلماته الاولى...

أصعب ما قد تبصره العين هو مظهر طفل نادر الإبتسام و مشغول البال بجلسات العلاج في سن يلهو فيه معظم أقرانه و يتعلمون مبادئ النطق و الكلام ... طفل شديد العصبية و لا يقبل التودد بسهولة متألم الجسد ممتلى الجسد كما هو الحال مع الأطفال في ذات عمره و آخد في النحفان مع تتابع الجلسات القاسية على البالغ العاقل فما بالك بالطفل الذي لم يتجاوز السنتين.. حين يبتسم حسام تظهر أسنان صغيرة ضاحكة تضفي لمظهره الطفولي الجميل مزيدا من الجمال و البراءة التي قد تدفع الشخص لرغبه عارمه في إحتضانه...و لكن ليست بالمتوفرة كثيرا تلك الإبتسامة..

صدمة أول يوم مشاهدة لكورس تقديم الكيموثيرابي لطفل...

تم تعديل 23 أبريل 2006 بواسطة ATHENA

[yasovinas]

ها انبستطي يا جيجي اهي البونيه اتحفتنا بحتة وجع القلوب يا اهل الله :P

[ATHENA]

ها انبستطي يا جيجي اهي البونيه اتحفتنا بحتة وجع القلوب يا اهل الله :angry2:

و الله العظيم أنا اللي قلبي وجعني يا ياسو..حاجه مؤثرة لدرجة تفوق الوصف..

أوعدك إني أوصفلك الجلسات الجاية عشان تعيش الجو معايا :ph34r:

[yasovinas]

ها انبستطي يا جيجي اهي البونيه اتحفتنا بحتة وجع القلوب يا اهل الله :angry2:

و الله العظيم أنا اللي قلبي وجعني يا ياسو..حاجه مؤثرة لدرجة تفوق الوصف..

أوعدك إني أوصفلك الجلسات الجاية عشان تعيش الجو معايا :ph34r:

لا وغلاوة خالتي نزاكة الله يرحمها عندك وحياة اللي ميتينلك ربن يخليهملك ويجمعك بيهم عن قريب ما انت تاعبةنفسك ريحي نفسك وخللي الحكاية دي بالذات في سرك انا نفسويتي بتتعب قوي من المرض وحكاياته

[مصرية الهوى]

آآآآآآآآآه بس يا أثينا حرام عليكي :angry2: ..

بجد حرام عليكي :ph34r:

وازاي قدرتي تستحملي منظر زي ده ....

الدنيا مآسي :wub: منها لله ..

[ATHENA]

ها انبستطي يا جيجي اهي البونيه اتحفتنا بحتة وجع القلوب يا اهل الله :angry2:

و الله العظيم أنا اللي قلبي وجعني يا ياسو..حاجه مؤثرة لدرجة تفوق الوصف..

أوعدك إني أوصفلك الجلسات الجاية عشان تعيش الجو معايا :wub:

لا وغلاوة خالتي نزاكة الله يرحمها عندك وحياة اللي ميتينلك ربن يخليهملك ويجمعك بيهم عن قريب ما انت تاعبةنفسك ريحي نفسك وخللي الحكاية دي بالذات في سرك انا نفسويتي بتتعب قوي من المرض وحكاياته

دامك حلفت برحمة نزاكة الغالية هبطل :ph34r:

لكن و رحمتها الغاليه لنردوهالك المخ الزيرو

و سيدي المرسي ليترد :wub:

آآآآآآآآآه بس يا أثينا حرام عليكي :sad: ..

بجد حرام عليكي :sad:

وازاي قدرتي تستحملي منظر زي ده ....

الدنيا مآسي :sad: منها لله ..

إحنا في رحمة من ربنا يا جيجي و الله... بس تدريبي بيتطلب مني أحضر ما يتعلق بسرطنات الأطفال...و مكنتش متخيلة إن الموضوع هيكون صعب كده غير لما شفته

عافانا الله من كل شر

تم تعديل 23 أبريل 2006 بواسطة ATHENA

[مصرية الهوى]

اه والله الحمد لله يا أثينا .. احنا في نعمة .. وياريتنا نشكر .. يا ريتنا نحس باللي حوالينا ..

بتلاقينا متنكدين وبنعيط عشان ايه ..

فستان طلع مش مظبوط ..

والا امتحان نقصنا فيه درجة والا اتنين ..

ياربي بس يرزقنا شكر نعمته ..

الحمد لله والشكر لوجهه الكريم ..

- - - - - - - - - - - - - - - - - - - - - - - - -

مش عارفه موضوع العراق شاغل دماغي اليومين دول ...

مسيطر على تفكيري ..

اتفرجوا مثلا على صور العراق في التليفزيون دلوقتي .. كلها دماء وحرايق ودمار .. مفيش حضارة مفيش تقدم .. كله صحراء وغبار وناس غلابة .. الفقر والغلب والظلم والقهر باينين اوي في وشوشهم وهدومهم وبيوتهم ... :unsure:

أنا بقى تفكيري راح بعيد اوي ..

وما لم يكن لو كان كيف يكون ...

لو مثلاً اللي حكم العراق شخص غير صدام حسين مثلا .. انسان عادل ديموقراطي ..

ازاي هيبقى شكل العراق دلوقتي ؟؟ ..

العراق فيها ثروات طبيعية مش طبيعية <_< ..

مثلاً .. فيها بترول .. عندها اكبر احتياطي في العالم من البترول .. يعني كان المفروض تبقى أغنى من دول الخليج .. بالبترول لوحده .. سيبوكوا من باقي الثروات ..

عندها نهر دجلة ونهر الفرات .. وطبعا معروف ان نهر الفرات والنيل من انهار الجنة الظاهرة .. يعني ثروة مائية رهيبة .. يعني الاراضي القريبة من الانهار هتبقى من اخصب الاراضي والمحاصيل الزراعية هتكون ثروة هائلة ودخل كبير ..

عندهم النخيل مثلا .. والتمر يكون ثروة .. واحنا بعض انواع التمر اللي عندنا مصدره العراق .. مثلا عندنا تمر يزرع في القصيم اسمه " البرحي".. النخلة دي .. من زمان واحد كان مسافر العراق وجاب شتلتين معاه .. وزرعهم عندهم .. وحده ماتت .. والثانية حيت .. ودلوقتي نخيل البرحي ده مليان في القصيم وتمره من ألذ الانواع .. والتمر عندنا بيعتبر مصدر اقتصادي جيد .. فمبالكم هيبقى ازاي في العراق .. والعراق يعتبر مصدر النخيل .. وبلد الاكتر من مليون نخلة ..

برضه .. العراق ممكن يبقى من اكبر البلدان السياحية في الشرق .. الحضارة البابلية والاشورية .. واللي الامريكان دلوقتي بيسرقوها من العراق .. و عيني عينك ..

الحضارة الإسلامية العباسية .. بغداد .. الرشيد والمنصور .. سامراء (سر من رأى) .. الموصل .. الكوفة .. البصرة .. المساجد والمآذن والقباب .. المتاحف الإسلامية .. القصور .. قصر الأخيضر .. السلام .. الرصافة الخ الخ

كمان يعتبر بلد ممكن تبقى فيه السياحة الدينية للشيعة .. النجف وكربلاء .. سيبونا من الاختلاف والاتفاق .. انا بتكلم كمصدر اقتصادي .. الشيعة في كل مكان في الدنيا يتمنوا انهم يزوروا العتبات المقدسة .. يعني هتبقى مصدر رزق زي مكة والمدينة عندنا ...

كمان كردستان العراق في الشمال .. أربيل والسليمانية .. من أجمل مناطق العالم .. طبيعتها في منتهى الجمال ..

ده غير الثروة البشرية .. والأدمغة العراقية العبقرية المثقفة ..

باختصار ..

العراق كان من الممكن إنها تبقى من أجمل وأغنى وأروع بلاد الشرق ..

تخيلوا معايا لو ده هو اللي حاصل .. تقتكروا هيبقى ايه شكل بغداد .. عاصمة العراق .. حاسه انها هتبقى احلى من دبي بمليووون مرة .. وهيمتزج فيها الطراز الشرقي الاسلامي القديم مع الطراز الغربي الحديث .. هتبقى فظييييعة ...

بس نرجع ونقول .. حكمة الله .. سبحانه انه هو العليم الحكيم ..

بس دي كانت شوية تأملات ..

حرقتني من جوا ..وحبيت اطلعها برا ..

[Blue_mind]

النهاردة كان راكب جنبي وفي الكنبة اللي ورايا في الميكروباص عائلتين قبطيتين...واضح من اسمائهم وهما بيندهو على بعض وكمان واضح من لبس العيد اللي لابسينه.

اول ما الميكروباص بدا يتحرك, ونظرا لطول المسافة طلعت مصحف الجيب وقعدت اقرا .....الحمد لله على هذه العادة

وفي هذه الاثناء استمر اطفال العائلتين القبطتين في الهزار والكلام...طبعا تضايقت لاني لم استطع ان اركز خصوصا اني كنت اقرا سورة الفرقان وهي من السور التي تؤثر بي...واحساسي بالضيق طبيعي لاني لا احب دوشة الاطفال وهزارهم في المواصلات العامة ...بل بصراحة لا احب دوشة الاطفال وهزارهم خصوصا عندما يكونوا في سن معينة

المهم بذلت مجهود لحد ما قدرت اركز اكتر في قراءة القران...

واحنا بنلم الاجرة لقيت رب الاسرة القبطية الذي بجواري يسالني عن فكة 100 جنيه....طلعت المحفظة وفكيتله ...وبعد كده لميت الحساب من الناس وقعدنا انا وهو نحسب مع بعض مين باقيلوا كام ...وفي الاخر اديت الفلوس للقدامي وقلتله انا كده عاوز نص جنيه ...لقيت جاري القبطي بيقولي لأ انت ليك اكتر... وقعدنا نحسب تاني لحد ما اتاكدنا

الاسرتين القبطيتين نزلوا عند ملاهي السندباد -شكلها الفسحة بتاعة العيد- قمت عشان افسح الطريق ليهم ويعرفوا ينزلوا من الميكروباص...

بعد ما نزلوا لقيت رب الاسرة بيقولي باحترام مع السلامة يا شيخ -انا دقني في العادة خفيفة بس اليومين دول مش مهذبها -..... المهم رديت عليه تحيته وقلتله كل سنة وانتم طيبين

يصراحة مش عارف اخوانا اللي بيتكلموا عن علاقة المسلمين والاقباط في مصر وعن البركان اللي احنا عايشين فوقه وعن الفتنة الطائفية بيجيبوا الكلام ده منين!!!

انا لا ابسط الموضوع او اهونه ولكن ما حدث وما يحدث في مصر لا نستطيع ان نفصله عن الاخلاقيات التي راينها في الانتخابات البرلمانية , ما حدث وما يحدث لا نستطيع ان نفصله عن ممارسة جماهير الكورة ....هوجة تفلت فيها الاعصاب وتخرج خلالها التصرفات الغير مسئولة....ما حدث وما يحدث اخلاقيات اختلاف وليست فتنة طائفية

ارحموا بلدكم يا ساسة ارحموا بلدكم يا اعلامين ارحموا بلدكم يا من تصطادون في المياه النتنة

بس خلاص

تم تعديل 24 أبريل 2006 بواسطة Blue_mind

[ATHENA]

لماذا في مدينتنا ؟

يصيدون العواطف والعصافيرا

لماذا نحن قصديرا ؟

وما يبقى من الإنسان

حين يصير قصديرا ؟

لماذا نحن مزدوجون

إحساسا وتفكيرا ؟

لماذا نحن ارضيون ..

تحتيون .. نخشى الشمس والنورا ؟

نزار

[عصام]

بينما أشاهد الفضائيات أمس .. فؤجئت بأن الموضوع الرئيسى فى أربعة من البرامج الحوارية على أربع قنوات مختلفة يدور حول الجنس .. أو ليلة الدخلة .. أو الضعف الجنسى .. إلخ ..

أيها السادة .. أدعياء الحرية الإعلامية والجرأة فى تناول الموضوعات الشائكة ..

ليس بالضرورة أن يرتبط وصف " شائك أو جريء" بموضوع جنسى فقط ..!! فالموضوعات الشائكة كثيرة وأكتر من الهم ع القلب ...

إيه التفاهة والسطحية دى؟

ما تتناولونه وما تفعلونه يا سادة إسمه سطحية واستفزاز يعنى باختصار " أىىىى كلااااااااااااااااام"

:P

[مصرية الهوى]

On,May 4th 2006 at 2 min and 3 seconds after 1 am

, the time and date will be 01:02:03:04/05/06

this will never happen again !!

:blush: :o

[ATHENA]

هو نسبة الزوق و اللباقة و حسن التواصل بين الناس قلت و لا أنا بيتهيألي؟

و هو الواحد لازم بتنازل و يهزر هزار سخيف و سمج و يضحك بأسلوب قميئ و يستظرف نكت غاية في الرخامة و يسخر من المارة و يفشي أسرار المرضى و يتواصل مع أشخاص سطحيين بلا طموح لمجرد التأقلم في مجتمع إضطر التواجد فيه؟

ما لو هو صمم على التعامل باللي إتربى و ربى نفسه عليه من الجدية و تحمل المسؤولية و عدم السخرية مثلا من ناس هيبقى في جزيرة منعزلة و منبوذ؟

هي المعايير إختلفت و لا الزوق و الادب وهم كبير بنتشدق بيه لكن الحقيقة غير كده خالص؟

رغم إنه تدريب فعال على كبح الغضب و التعامل مع أخس نمازج الناس إلا إنها حاجة تخنق و تجيب الكآبة.....

[Tafshan]

هو نسبة الزوق و اللباقة و حسن التواصل بين الناس قلت و لا أنا بيتهيألي؟

و هو الواحد لازم بتنازل و يهزر هزار سخيف و سمج و يضحك بأسلوب قميئ و يستظرف نكت غاية في الرخامة و يسخر من المارة و يفشي أسرار المرضى و يتواصل مع أشخاص سطحيين بلا طموح لمجرد التأقلم في مجتمع إضطر التواجد فيه؟

ما لو هو صمم على التعامل باللي إتربى و ربى نفسه عليه من الجدية و تحمل المسؤولية و عدم السخرية مثلا من ناس هيبقى في جزيرة منعزلة و منبوذ؟

هي المعايير إختلفت و لا الزوق و الادب وهم كبير بنتشدق بيه لكن الحقيقة غير كده خالص؟

رغم إنه تدريب فعال على كبح الغضب و التعامل مع أخس نمازج الناس إلا إنها حاجة تخنق و تجيب الكآبة.....

اهلاً بك في الحياة الحقيقية بعيداً عن يتوبيا التربية المنزلية

[مصرية الهوى]

فيه موضة منتشرة بين البنات المراهقات اليومين دول ..

موضة مغني تركي شاب اسمه تركان ...

فجأة كده .. شعبية المغني ده انتشرت كانتشار النار في الهشيم ..

بيسموه مجنن البنات ومحطم قلوب العذارى وآسر ألبابهم وخالب عقولهم ومش عارفه ايه ...

البنات بدأوا يتبادلوا صوره واغانيه بالهبل ..

والمشكلة انه بيغني بالتركي .. طيب يا حبيبتي بتفهمي هو بيقول ايه ؟! .. لأ .. بس شكله بيجنننننننننن ..

أنا معاكي شكله حلو :blink: .. بس مش لدرجة أقعد اسمع اغاني بالتركي ومعرفش هو بيقول ايه ..

اتفرجوا عليه ...

مش عارفه بصراحة يعني هو صور الصورة دي قاصد والا لأ ...

حاسه ان الصورة مخلة بالآداب شويا :rolleyes:

..

وربنا يستر من اللي جاي ..

[ATHENA]

اهلاً بك في الحياة الحقيقية بعيداً عن يتوبيا التربية المنزلية

إحنا قدها و قدود يا طفشان الحمش :o

:P

فيه موضة منتشرة بين البنات المراهقات اليومين دول ..

موضة مغني تركي شاب اسمه تركان ...

ده كان عندنا موضة من زمان يا جيجي من كام سنه لدرجة إن كل شرايط البيه مالية البيت عندي لان أخويا كان بيحب يسمعه و انا جيت فترة و لحد دلوقتي بحب أغاني كتير ليه لأن ايقاعها جميل جدا و مش يتمل سماعه...

بالمناسبة كنت سمعت انه كان هربان من تركيا لالمانيا تقريبا عشان هربان من الخدمة العسكرية :ph34r:

هما كل معابيد الجماهير كده هربانين جيش :closedeyes:

تم تعديل 7 مايو 2006 بواسطة ATHENA

[yasovinas]

اتعودت من زمان ان الطبق اللي باكل فيه لو حد مد ايده فيه اتركه ؛؛ وان الكراس اللى اكتب فيه لو حد شخبط فيه خلاص اسيبه ؛؛؛ واتعلمت من المحاورات ان الموضوع اللى حد يعدل لي فيه اسيبه وما ارجعلوش تاني