أي كلام

[وليد صفوت]

اتعودت من زمان ان الطبق اللي باكل فيه لو حد مد ايده فيه اتركه ؛؛ وان الكراس اللى اكتب فيه لو حد شخبط فيه خلاص اسيبه ؛؛؛ واتعلمت من المحاورات ان الموضوع اللى حد يعدل لي فيه اسيبه وما ارجعلوش تاني

ممكن برضو .... بس اللى بيحصل فى المحاورات مش ايدين فى طبقك ... ده فقط بيمسح اللى بيقع منك و انت بتاكل يا ياسو :closedeyes:

-------------------

جيجى ,...

يؤسفنى انى انقلك انتى و باقى الأخوات اللى بيموتوا فى البنى آدم ده انه من واضعى الحلق فى ودانه الشمال ... و كلك نظر بقى !

و يمكن عشان كده يا اثينا هو هربان من الجيش ....

[مصرية الهوى]

يعني يا ياسو :

اذا وقع الذباب على طعام

رفعت يدي ونفسي تشتهيه

:ph34r:

- - - - - - - - - - - - - - -

وليد ..

أنا مبطقش البني ادم ده ولا كل الناس اللي من النوعية دي ..

بس ايه شمال ..

بجد مش فاهمه :closedeyes:

شاذ يعني ؟؟

[وليد صفوت]

Yes of course ( مافيش وش واحد بطنه بتقلب هنا ؟ )

و على فكرة الحلق فى الودان الشمال هو علامة مميزة لهذة الفئة ....( اللهى يصبحوا ما يلاقوا لا اليمين و لا الشمال :blink: )

[عصام]

"تفضح غباءك حينما تستهن بذكاء الآخرين" ... من أقوالى :angry:

"معاهم معاهم .. عليهم عليهم .. مبدأ قد يفلح أحيانا .. لكنه أبدا لا يلفى كون أصحابه عديمى المبادىء فى الأساس" ... من أقوالى برضه :P

أى كلام .. الموضوع دا رائع :P

[ATHENA]

محذوف................

تم تعديل 12 مايو 2006 بواسطة ATHENA

[مصرية الهوى]

"لماذا الدهشة انني من الممكن ان ارتدي الحجاب؟ هل لأنني اقدم اغاني واستعراضات تتضمن الاثارة والاغراء؟ لكن في نفس الوقت لا يمكن لشيء ان يحرمني من الفن حتي ولو كان الحب والزواج، لكن كل مرحلة في حياة الانسان لها خصوصياتها وعناصرها التي تتلائم معها ولا تصلح عناصر وخصائص مرحلة لأخري ولهذا كل شيء وارد في حياتي"

هيفاء وهبي ..

:unsure:

ربنا يهدي الجميع يا بنتي ;)

" الامريكيون رشحوني لأفضل 90 امرأة في العالم "

هيفاء وهبي برضه ..

أنا مستعدة أدفع نص عمري وافهم معنى كلمة "أفضل" :wub:

[ATHENA]

افففففففففففففففففففففففففففففففففففففففففففففففففففففففف

يوم موصول بالتاني من غير ساعة نوم على مج نسكافية مركز عشان الواحد يعرف يحل و مزاكرة امتحان مقرف و سخيف

امتحان بالفعل مقرف و أسئلة المدرسين مش عارفيين يجاوبوها و ناس رافضة تخلينا نرجع نرتاح بالعند كده...يوم دراسي ممل سخيف متعب مرهق....رجوع و عايزة اانااااااااااااااااااااااااااااااااام

اوبس لا لازم انزل اجيب كذا كذا قبل ما كذا يقفل الساعة خمسة....ربع ساعة راحة على غدا و نزول تاني

يا رفيق تعرف مكان كذا كذا آآآآآآه اعرف

ألف أبوظبي من اولها لاخرها و الساعة قربت من خمسة و مفيش الكذا كذا

يا عمي انت تعرف المكان و لا بتضيع وقتي..ده مش المكان..اوكي و يلف يوديني مكان تاني

الساعة قربت خمسة خلاص

رجعني البييييييييييييييييييييت .. اففففففففففففف

كبير في السن و مش عارفة افش غلي بجد و بحق و حقيق و صامت حاسس بالذنب و انا بجد قرفانه يعني ايوم مش ناقص غلطة رخمة زي عشان يكمل...

و المفروض اكون ماسكة اعصابي مش عصبية وعادي و تيك ات ايزي.. و خدتها زفت ايزي بس خلاص طفح الكيل

مش عايزة زي اليوم ده كتير

تم تعديل 15 مايو 2006 بواسطة ATHENA

[Modest]

من أروع أمثلة الـ "أي كلام"

نبني كوبري مع السعودية؟؟.. لأ .. دي مسألة مبدأ.

طيب نصدّر لهم 120 ألف خدامة؟؟.. آه و مالُه.

[تيتو]

ساعات بتحصل معايا الحكاية دى

الواحد يدور على موضوع جديد او فكرة جديدة على الرغم إن المواضيع كتير

بس ساعات الواحد دماغه تقفل

[Modest]

اللي مجنني إن "بعضهم" ناس كبار "في السن" و يطلعوا في التليفزيون يقلبوا الحقائق لمجرد الدفاع عن حزبهم و قرارات حزبهم .. حقيقي صورتهم بتكون مخزية و مهينة لهم قبل حزبهم.

اللي مجنني إنهم عارفين إنهم بيكذبوا و عارفين إننا عارفين إنهم بيكذبوا.. و برررضو بيكذبوا.

افتكرت مسرحية الجوكر لما محمود القلعاوي قال عن عم أيوب: اللي مجنني إنه راجل كبير في السن و برضه قليل الأدب .. هايتربّى إمتى ده؟ :blink:

[miramar]

بسم الله ما شاء الله

اللهم زد و بارك

أنا شفت الموضوع كبر و ربرب أهه

مش عارفة مشكلة مدام سلوى اتحلت ولا لأ

بس أنا اقتراحي نفس اقترا الأستاذ سي السيد بأنه يسجله بعدين يديهوله

و على فكرة أنا حصلي موقف مشابه لموقف ابن حضرتك

أنا عايشة في السعودية و بأدرس فيها

كان عندي واحدة زميلتي سعودية

بس بأكرهها كره

المهم

أنا معروف عني اني بأكتب كويس يعني

و عندي مجلد كامل فيه كتاباتي

قالتلي اعطيهولي شوية أقرأ الي فيه

قولتلها اوكي ايه المانع

و ادتهولها و أنا ولا على بالي

وبعد يومين في حصة التعبير بنسلم مواضيع التعبير

ألاقيها بتدي الأبلة موضوع من الي أنا كاتباهم

أقولها أسألها قالتلي عادي

ولا انت يعني كنتي هتنشريهم في الجريدة

ومن يومها و أنا مبكلمهاش البنت دي و الأبلة عرفت إن الموضوع موضوعي و

مديدتهاش الدرجة

طولت عليكوا صح

يلا باي

ميمو

[Folana]

السلام عليكم ورحمة الله.....

يحكى أن...:

"كان جحا يسير فى الطريق ومعه ابنه وامامه حماره....فقابل مجموعة من الناس استهجنوا تصرفه..فكيف يسير بجانب الحمار بدلا من اعتلائه.....فامتطى جحا الحمار وسار ابنه بجواره..فقابل مجموعة اخرى من الناس والتى انتقدت تصرفه ونعتته بقسوة القلب وانعدام الضمير والانحياز لنفسه ....وافتقاده لمشاعر الابوة فكيف يطاوعه قلبه ويترك ابنه يسير على قدميه فى الحر ويعتلى هو الحمار....!

فترك جحا الحمار لابنه ليمتطيه وسار هو على قدميه...فقابل مجموعة اخرى استنكرت هذا...فكيف يسير الاب العجوز المتعب ويعتلى الحمار الشاب الصغير الذى مازال يتمتع بقوة الاحتمال..وسخروا ايضا منهم...

احتار جحا ...وقرر ان يركب الحمار هو وابنه...وماهى الا لحظات وهجم عليهما الناس لينقذوا الحمار من يد هؤلاء المتوحشين...ونعتوا جحا بانعدام الضمير والقسوة على الحيوان الضعيف.....( ويظهر انهم كبروا الموضوع فى دماغ الحمار)... :)

فبطريقة ما...قرر جحا ان يحمل الحمار على كتفه ويسير هو وابنه حتى يرضى الناس ويعتذر للحمار....ولكن هيهات...هيهات...

فقد قوبل بسخرية من الناس ونعتوه بالجنون وذهاب العقل.........."

حاجة تحير فعلا......الواحد يقفل الشباك ولا يفتح الشباك......يتكلم ولا يصمت......

مش عارفة بافتكر حكاية جحا والحمار كل ما الاقى نفسى فى موقف اعجز فيه عن اتخاذ قرار.....وكل اما تصطدم مشاعرى بردود افعال سلبية ومتباينة وبعيدة كل البعد عن المنطق والعدل..أو .عندما أواجه موقف بالنقد..واعمل على الاستجابة لهذا النقد بتعديل الموقف ولكن أفاجأ بالاصوات ترتفع من جديد منددة بالنقد او التعديلات والتحولات التى كانت هى اصلا من يطالب بها فى البداية ....وهكذا.....

.ولكن فى النهاية اتذكر القول المأثور

" ان رضا الناس غاية لا تدرك "

جميل موضوع اى كلام ده .....عفانى من انى اكتب فى موضوعات شخصية :unsure:

ولى عودة اخرى مع اى كلام فى اى حاجة............

[miramar]

ازيكوا عاملين ايه

قصة حلوة يا folana تجنن شكرا ليكي

أنا هآخذ رأيكوا النهاردة في موضوع

بما ان الأجازة جت و الحمد لله

و بما انها تقريبا شهرين ونص

و شيلوا منهم شهر دروس خصوصية الي ملهاش لازمة

يعني بقى شهر ونص

قولولي بقى هتعملوا ايه

أفيدوا حضرتنا

وشكرا

ميمو

تم تعديل 23 يونيو 2007 بواسطة miramar

[Folana]

السلام عليكم ورحمة الله....

الاخت الغالية "ميرامار"....ربنا يبارك فيك...على الرغم من ان نوادر جحا بنتناولها على سبيل الفكاهة الا انها فى واقع الامر مليئة بالمواعظ والحكم....مثلا قصته مع الحمار تلك تستطيعن ان تلمسيها فيما يدور حولك من احداث....

وتلاقى نفسك بتردديها وانت مبتسمة...نشيل الحمار ولا نعتليه؟؟...نقفل الشباك ولا نفتحه ..خصوصا مع هؤلاء الذين يعترضون لمجرد الاعتراض...او دائما مايبحثون عن شماعة لتعليق اخطائهم..والغريب انك بتلاقى دايما ان انت الشماعة دى....:) مش انت طبعا خليها انا علشان ماتفهميش كلامى غلط ..:)

انت بتدرسى فين علشان نقدر نفيدك فى الاستفادة من الاجازة الصيفية....

صباحك جميل ... ha)

[miramar]

folana شكرا ليكي مرة تانية و أنا بأدرس في الرياض

بس هأنزل مصر أجازة فتقريبا هتكون الأجازة منوعات د

بس انت قوليلي لو في مكان حلو قوي و رحتي في أي مكان في مصر

وشكرا

بس هو الأهلي فاز و لا خسر؟؟؟؟؟

[semsema]

اسمحيلي اغير صيغة سؤالك.... المفروض يكون: الاهلي فاز كام كام مش الاهلي فاز والا خسر....

وطبعا وبدون ادنى شك الاهلي فاز 2/ صفر..

الاول لفلافيو ..

والتاني لاسامه حسني..

ومبروك لكل الاهلويه.. اللي انا منهم....

[miramar]

الأهلي حديد :) الأهلي حديد :)

بس أنا قلت فاز ولا خسر عشان أراعي شعور الزملكاوية المساكين و الله بيصعبوا عليا ha)

[عليـ***ـاء]

خلاااااااااااااااااص خلصت وانتهت حياتي الدراسية وبدأت بجد حياتي العملية ............ انا هضيها بقي كورسات انجليزي علي جريدة الاهرام وشوية تخلص جريدة الاهرام وناخد كورس كمبيوتر عشان لما نتقدم في وظيفة نتقدم بقلب جامد ...........

هونها علينا يارب .... :sad: .....

[semsema]

خلاااااااااااااااااص خلصت وانتهت حياتي الدراسية وبدأت بجد حياتي العملية ............ انا هضيها بقي كورسات انجليزي علي جريدة الاهرام وشوية تخلص جريدة الاهرام وناخد كورس كمبيوتر عشان لما نتقدم في وظيفة نتقدم بقلب جامد ...........

هونها علينا يارب .... :sad: .....

ربنا يوفقك ويوفقنا جميعا....

[عصام]

زمان قبل ما اشترك فى الموقع هنا بنية الكتابة فكرت بدل المرة ألف

وبقيت باسأل نفسى أنا هاروح فين بين الناس دى

يمكن لو كتبت حاجة تطلع سطحية بالنسبة لهم ويبقى شكلى وحش

ولما بدأت اكتب بعد سنتين من القراءة فقط كنت حريص جدا ودقيق جدا عشان كلامى يبقى على المستوى الفكرى للناس الموجودة

دلوقتى باستغرب ازاى ان المحاورات فى الوقت اللى فيها عقول تتمتع بالعمق فى التحليل والثقافة الواسعة واتساع الاطلاع بتضم بين أجنابها أيضا عقول غاية فى السطحية والجهل وضيق الأفق

دا مسبب أزمة

الأزمة ان لما بيتم فتح موضوع جديد عميق ومحفز للأفكار ويدخله أحد هؤلاء يتحول فجأة إلى موضوع تافه وسطحى فيحجم هؤلاء الأولانيين عن استكماله ويتركوه لمصيره المحتوم اللى هو إما الإغلاق أو الردم تحت الموضوعات الجديدة

واهو فى الآخر

أى كلام