أي كلام

[وليد صفوت]

ايه يا جماعة ؟ محدش شجعنى على كتابة طريقة عمل الطعمية بالمايونيز ؟؟

و لا انتوا لسة بتجربوا الوجبات اللى قبلها ( بالهنا و الشفا ) :angry:

..........؟

[se_ Elsyed]

تعالى بقى يا سي فيولينكنج .. إنت قولت جملة وأنا بلعتها بمزاجي ... فقولت سعادتك ( شرايح جبنة موزريلا ) وانا طول عمري اعرف إن الجبنة الموزريلا يا إما مبشورة أو قوالب وإنت بتبشرها .... لكن شكلك كده تقضد جبنة شيدر .. صح ولا انا غلطان وعندكو في مصر الموزريلا شرايح ولا انت قولت دول جماعه هنود وبيصدقوا أيه حاجة ؟ :angry: .

- كمان بقى خد نصيحة من شيف قديم بس أعتزل المطابخ .. لما تيجي تعمل البطاطس المتفجرة بتاعتك .. وإنت بتهرسها بعد السلق حاول تضع عليها ملعقة دقيق .. عشان تبقى متماسكه عند القلي وما تتفرفتش منك في الزيت ..

و .... بون أبيتيه ( دي اكله جديدة إنتوا ماتعرفوهاش هابقى أقولكم عليها mf( )

[Handicraft]

السلام عليكم

مدام سلوى

مع احترامى لرأى كل الزملاء فى موضوع إبنك ولكنى ارى عكس ما يرون انها فرصة ذهبية لأبنك أن يضع أفكارة أمامة ويعمل عقله فيها ومعه من يساعده على بلورة هذه الأفكار فى صورة أبحاث تفيد الجميع وحتى لو كان ثمن ذلك هو ان ينشر هذا البروفيسور بحثين أو ثلاثة بإسمه وإن كنت أشك فى ذلك لكن الفائدة الأخيرة سوف تعود على ابنك إذا احسن استغلال هذه الفرصة وعرف كيف يكتسب علوم هذا الرجل بطريقة تفيده فى مستقبله فالأفكار تظل أفكار طالما ليس لها ما يحفزها على الظهور للنور وتظهر للنور بطريقة عشوائية إذا لم يسخر لها من يقودها.

الفائدة تعود على إبنك فى المقام الأول لأنه سيتعلم منهج البحث الصحيح وإن لم ينشر بإسمه ولو تعلم هذه المنهجية وسلك هذا الطريق بمنهجية محددة واضحة لظهر للوجود الكثير من الأبحاث التى ستنشر بإسمه.

فنصيجتى لك إن تشجعى إبنك على بذل كل الجهد فى هذه الأبحاث بشرط أن لا يترك هذا الرجل دون ان يتعلم جيدا فالرجل لن يبخل عليه بأى معلومة ولو كانت غالية عليه إذا كان يعلم فى قرارة نفسه أن البحث سينشر بإسمه.

هذا ما أنصح به والله أعلم أما موضوع المواجهة مع الرجل فلا استطيع التكلم عنه نظرا لإختلاف النظم التعليمية عن مصر.

[وليد صفوت]

تعالى بقى يا سي فيولينكنج .. إنت قولت جملة وأنا بلعتها بمزاجي ... فقولت سعادتك ( شرايح جبنة موزريلا ) وانا طول عمري اعرف إن الجبنة الموزريلا يا إما مبشورة أو قوالب وإنت بتبشرها .... لكن شكلك كده تقضد جبنة شيدر .. صح ولا انا غلطان وعندكو في مصر الموزريلا شرايح ولا انت قولت دول جماعه هنود وبيصدقوا أيه حاجة ؟  :angry: .

- كمان بقى خد نصيحة من شيف قديم بس أعتزل المطابخ .. لما تيجي تعمل البطاطس المتفجرة بتاعتك .. وإنت بتهرسها بعد السلق حاول تضع عليها ملعقة دقيق .. عشان تبقى متماسكه عند القلي وما تتفرفتش منك في الزيت ..

و .... بون أبيتيه    ( دي اكله جديدة إنتوا ماتعرفوهاش هابقى أقولكم عليها  :P  )

عندك حق هى قوالب مش شرايح موزاريلا ........ بس انا قولت كده عشان اعرف مين اللى مرتبه أقل من 1000 جنيه فى الشهر :o

و بالنسبة للبطاطس .. فأنا مش بهرسها ! انا بسلقها و بعدين بقشرها و اقطعها و احدفها فى الزيت ! mf(

بس عموماً الطعمية ام مايونيز مايختلفش عليها اتنين ...

اشوفك بعد الفاصل........

[DARWEEN]

اولا .. كلمة صغيرة لفيروز ....

بذمتك هو فيه أطفال اقيه لبن تشربه علشان الأم تتصل بالزوج ييجي يسقيهم اللبن بالعافيه ؟؟؟

بلاش الأفكار البرجوازيه دي :angry: mf( :o

ثانيا .. الشيف فيولين . أظنك ملاحظ إن عدد قراء الموضوع قلوا كتير بعد وصفاتك الرهيبه ... إرحم شويه وكفايه تزصفل لنا طريقة قلي البيض في الماء النقي

ثالثا .. أختي العزيزه مدام سلوى ..

طبعا كنت أود أني أعرف رأي حضرتك في الموضوع أولا .. ولكن أنا أرى أن يبزل أبنك كل جهده في موضوع قيم ويعطي البحث لإستاذه على أن يتابع ماذا سيحدث للموضوع ولامانع حتى من أن يسأل الأستاذ نفسه عن مصير البحث .. فإن إكتشف أن الأستاذ إستغل البحث بشكل سيء ونسبه لنفسه فله أن يواجهه بصراحة ويكشف له أنه إكتشف سرقته لبحثه وصدقيني أن السارق دائما جبان مهما بلغ جبروته وقوته .. ولك في حرس حكومتنا العزيزه خير مثال على شجاعة الحكومة ... أما وإن كان الإستاذ يريد فعلا مساعدته وتحفيزه ( وهذا ما أرجو ) فسيكون إبنك قد أضاع على نفسه فرصه جيده للإستفده من علم إستاذه ربما عن سوء فهم أو بسوء ظن ...

طبعا كل هذا إذا قررت أنت تناقشي الموضوع معه وهو ما أحبذه ولا أؤيد ان تتركيه يواجه الموقف وحده ... فحضرتك تعلمي أن هذه السن غالبا ما يأخذ الشباب فيها الحماسة ويحتاجون لقليل من حكمة الكبار لفرملة إنفعالاتهم قليلا ..... ويمكن مثلا ان تبدأي أنت الحوار إن لم يفاتحك هو بسؤاله عن أخباره وسر إكتئابه .. أخبار الجامعه ... الأستاذ الألماني اللي بيحبك عامل معاك أيه .. إلى أن يحكي هو وتناقشيه ... وأهم شيء تناقشيه عن سبب قناعته بأن الإستاذ حيسرق بحثه

لكن طبعا لو فضلتي أقتراح أخونا س س الثاني فأنا ممكن أتصرف في أتنين غيري أنا وس س ... بي تكون صحتهم كويسه علشان هما حيضربوا وأنا وس س بنتفرج على ريال مدريد في الإستاد :P

[Salwa]

والله ياسى السيد انت تشرف وتنور ......غالى والطلب رخيص.

كنت اتناقش مع ابنتى وقالت لى انه فى الأول سوف يضع بحث وكأنه اجابة من عدة فلاسفة مثلا ..

يعنى زى ما بنقول احنا ....قص ولزق ..(( مع عدم وضع اى رأى له )).....

وحايحاول تضييع الوقت ....

ابنتى تقترح انه يتمارض فى مواعيد محاضراته .....لكن المشكلة ان هذا البروفيسور يتصرف مع الطلبة تصرف صارم ....يعنى هو الوحيد اللى بيعمل ..(( غياب وحضور )) ....

ثم ؟؟

فى الوقت الحالى زى ماقلت ابنى سيتبع مبدأ ...(( تأجيل اى شئ خارج المقرر لضيق الوقت ))...

ابنتى تقترح ان اخوها يقول انه يعمل فى فترة بعد الظهر وسوف يترك عمل اى بحث لأجازة نصف العام ...

وساعتها يبقى يحلها ربنا .......

شئ غريب فعلا ويدعو للأسف والدهشة ........اصبحت لا اثق فى اى شخص ..مهما خدع الناس بكمال شخصيته ...

وللآن ......لم احكى اى شئ ...(( لعمدة بيتنا ))..دى فيها ضرب نار ...ممكن تأثير جنوب مصر يكون اقوى من اى شمال هنا ...

وشوف انت بقى ......

لى كلمة ..وانسى انه ابنى ....

يعنى شوف ازاى بتطلع ناس ممكن تموت حتى افكار الشباب فى مهدها .......يعنى يسدوا نفسهم عن كل شئ .....وكل اللى يهم

هؤلاء المتسلقين على اكتاف الشباب .....انهم يزودوا رصيدهم فى الشهرة .....شئ مقزز فعلا ...ولو الموضوع ده وصل لطريق مسدود انا حضطر اتدخل واقول لابنى يسجل له الحديث ويحاول يقنعه انه موافق ....وبعدها يحلها ربنا ..

طيب ححكى لكم على حاجة حصلت قبل كدة ......

فى الc.o.u. يعنى زى الثانوية العامة عندنا .....طلبت البروفيسورة عمل بحث عن مشاكل الشباب .......

وطبعا كل الطلبة كتبوا الابحاث .......ويوم اعطاء الدرجات قالت البروفيسورة ان البحث الخاص بابنى وبفانيسا ......هو صورة طبق الأصل ......وقالت سوف اترككم مع بعض ......لمدة عشر دقائق ....واريد الحقيقة او انتم الاثنين .....صفر..

طلب ابنى الحديث مع البروفيسورة بعد الثورة اللى عملها كل الفصل فى صالحه طبعا ....قال لها اسلوبى معروف ....وحضرتك تعرفى ذلك ...قالت له ...لالا انا الآن مجرد حكم ....ده اختبار نهائى ..

بمعنى (( انا لية اللى قدامى ))....

تحدث ابنى مع زميلته وسألها لماذا سرقت بحثه ؟؟ بالتأكيد اخدته بيتها وصورته ثم وضعته مكانه ......وقال لها انا حزين لأجلك .

هذا بحثى ومعروف .....وانا احدثك كزميلة .....هل انتى عبيطة ؟؟؟..فيه حد يسرق بحث كتبه واحد مختلف ؟؟ مجنون ؟؟؟ كل المدرسة عارفة ان لى افكار غريبة ؟؟ وانتى استحالة تكونى كتبتى الكلام ده ؟؟....

والمهم هو قال للبروفيسورة حاجة واحدة .....

((( سى السيد فكرنى بالموضوع ده لما اتكلم على فريق البرشلونة )))..

قال لها اول كتابنى للبحث كنت اتابع ماتش برشلونة وريال سوسيداد ...ومعجبتنيش لعبة ......وبدون ان اشعر كتبت تعليق ..

تذكرت اليوم فقط وقلت سوف اراجع البحث ...( ونسيت )

وفعلا .......وجدوا ما كتبه ابنى .....قال انتوا جننتونى ...بقيتوا تخسروا حتى فى التمرين ...

والبروفيسورة قالت له انا طبعا كنت عارفة انه بحثك بس كان لازم هى تعترف ....

يظهر المفروض انى كنت لا اشجع اولادى على اى شئ ....طالما فى كل العالم كل الكبار ياكلوا الصغار ..او يستعدوا لأكلهم .....

ربنا يستر .........

[واحد]

والله فرصه اشارك فى هذا الموضوع الشيق

انتسبت لهذا المنتدى منذ فتره ولا تعلمون مدى سعادتى بوجودى بين هذه الكوكبه من المثقفين (ذوى الثقافه العاليه وفى نفس الوقت دمهم شربات ولن اعدد اسماء كى لا انسى احد)وكنت اريد ان اضع هذه المشاركه مائه مره لكنى كنت اتراجع وعندما وجدت هذا الموضوع تشجعت وكتبت

الذى يشغلنى ويؤرق نومى و هو حال المثقفين المصريين ليس فى هذا المنتدى فقط بل فى كل مكان (يبدو انه من الموروثات)اذ ان كل صاحب راى يعتقد انه محتكر المعرفه وحامل لواء الهدايه ولا يقبل ان يختلف معه احد

والاشى بقى لو الموضوع راح ناحية الدين كل مشارك يعتقد ان رايه هو الدين me0: وليست وجهه نظره الشخصية التى تقبل الاختلاف ويصبح كل من يختلف معه اما mf( ..... او s-: ...... تركت الفراغ لذكائكم

وانا لا ستثنى نفسى من هذا( فانا من وجهه نظر نفسى عبقرى وعلَامه وفقيه لا تجب مخالفتى فى الراى ولكنى لا اعلن هذا وظاهريا اقبل الاخرين وحقهم فى الاختلاف معى)فلنقبل اعزئى وجود اراء مختلفه عن ما نعتقده ونترك للاخرين فرصه للتعبير عن ارائهم بغير اتهامات اوتهكم او وصفهم بالجهل وضيق الافق

كنت ناوى ادعم المشاركه باقتباس بعض النماذج لكن ماحبتش ازعل حد منى فى اول مشاركه

ماعلينا ماتتخيلوش مدى سعادتى بانتسابى الى هذا المنتدى المتميز ...

يظهر اتعديت من اخونا احمد محسن هو ماكنش عارف يبدأ الموضوع منين وانا مش عارف انهى المشاركه ازاى

على كل منتظر طريقه عمل الطعميه من الشيف ملك الكمان (بالمناسبه يعنى ايه مايونيز ده والعياز بالله..علشان تعرف مين دخله اكتر من 100 جنيه)

ولمدام سلوى المساله هى تخوَف من ابن حضرتك ولم تتعدى (شامم وحاسس ) وعندنا نحن المصريين مثل جميل "حرص ولا تخوََن " يعنى الهر المتهم برىء الى ان تثبت ادانته .... مش كده واللا ايه؟؟؟

اتترككم راجيا الا اكون قد اثقلت عليكم :angry:

تم تعديل 3 أكتوبر 2004 بواسطة واحد

[بنت شعنونة]

ههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههه

ههههههههههههههههههههههههههه :o :P

الموضوع دا جميل قووووووي

حاسا زي ما اكون في رحلة وانا بتمشى بين الناس :D :angry:

ولكن أنا أرى أن يبزل أ

يا عم دارويييييييييييييييييييين يا مفتري

يبزززززززززززل ايييييه بسسسسسسسسسسسس mf(

البزل دي تبعنا يا بيه

اسمهااااااااااااااااااااا

يبذذذذذذذذذذذذذذذل ;) ;) ;)

" مش عارفا ليه الموضوع دا بيفكرني برحلة القطر اللي في باب الشعر اللي محدش عبرها بس انا ها اكملها للنهااااااااااااااااااية

نموت نموت وتحيااااااااااااااا القطر" :D

[Cleo]

أنا رأيى من رأى سى السيد...

الولد يعمل أقصى جهده فى البحث عشان يستفيد....

وفى نفس الوقت يسجل البحث سرا فى أى جهة من باب "حرس ولا تخونش" ويقرب من البروفيسور ده عشان يتعلم منه... وعشان يشمشم عن أى أخبار عن البحث...

لو حس بمكروه.... على طول يدافع عن نفسه

أنا مش مع الناس اللى بتقول إنه يوافق مجهوده يتسرق مقابل إنه يتعلم من نفس البروفيسور لأن الحداية ماتحدفش كتاكيت... وعمر اللى يستحل إنه يسرق تعبك ما هايجود عليك بتعبه هو..

ثانيا إحساسك بالظلم والقهر وافتقاد القدوة يخليك رافض تقبل أى معلومة من اللى قدامك حتى لو كان أينشتاين نفسه

[DARWEEN]

كده ياشعنونه ... ماشي يادكتره

قدامك عشتاشر ألف موضوع في كل الأبواب مافيهمش موضوع من غلطة سبتيهم كلهم وبتدوري ورايا ؟؟؟؟

ماشييييييييييييييي ماشييييييييييييييييي :angry: mf(

آه بس لو ماكنتيش شانا كنت ;) ;)

وخدي بالك بقى من كل كلمة بتكتبيها ... أنا وراكي لما أخليكي (تبزلي) كل جهدك إنك ماتغلطيش :o :P

أهو كده فرفشي وأضحكي وأرجعي بسرعه

[Seafood]

لماذا نفترض الأسوأ ..

لماذا لا نفترض أن الرجل يريد أن يجري تجربة ليعرف هل من الممكن أن يعرف كاتب البحث أو الموضوع من أسلوبه , دون أن يكون لديه علم مسبق بإسم كاتب كل بحث .. أو لأي سبب آخر غير سرقة أفكار الغير .. أنا لا أنفي الإحتمال الآخر , لكن ليس هو الإحتمال الوحيد ..

تم تعديل 4 أكتوبر 2004 بواسطة Seafood

[ragab2]

في طريقة أخيرة لو أعيتنا الحيلة ... إن حضرتك تبعتي تذاكر لعدد 4 أفراد وأنا هاتصرف واجمع 3 غيري ونروح أسبانيا - خلسه - ونضرب هتلر الألماني ده علقه ما كلهاش روميل في العلمين .. عشان يحرم يرعب الأولاد الصغيرين ويسرق مجهوداتهم وسندوتشاتهم ... ونعمل بعد كده إنسحاب تكتيكي ولا من شاف ولا من دري وتبقى عملية نضيفة 100 %

ما نشوف

الخواجة بيركب أى قطار

ونصلت عليه أبو مصعب الزرقاوى

[سقراط المصري]

مدام سلوى

اتفق مع هاندي كرافت وداروين ، وكذلك س السيد وسيفود.

ابنك يكتب البحث بطريقه جيده جداً ويعطي للاستاذ صوره منه ، ويقوم بعمل سميناراو ورشه عمل يحكي فيه ما كتبه امام الطلبه. واكيد فيه فرص كبيره للسمينارات. شهاده الطلبه بأن ابنك هو صاحب العرض او السرد الاول يمكن الاستفاده منها بعدين في حالة الغدر.

وبلاش تكون نظرتنا للامر سيئه.

في مارس الماضي كتبت مقاله علميه عن نتائج عملي ، طبعاً النتائج دي توصلت اليها مع زميله المانيه ، وان كان الجزء الكبير منها هو من شغلى ومجهودي الذي دام سنتين للتوصل لهذه النتائج . المهم الاستاذ المشرف على المشروع طلب ان نكتب مقاله طويله بالانجليزي نعرض فيها ما توصلنا اليه ، المهم كتبت لوحدي المقاله واستغرقت مني ثلاثة ايام للكتابه .

اعطيتها للمشرف وللزميله على اعتقاد انها ستنشر في مؤتمر بألمانيا تحت اسمائنا نحن الثلاثه (الاستاذ-الزميله-وانا) وكانت هتنشر في مؤتمر في مايو بالمانيا .

المؤتمر آن اوانه ، ولا المقاله نشرت ولاحاجه. لان الاستاذ كان عايز يعمل تعديلات في المقاله واتاخر عن الموعد النهائي للتقديم.

المهم انا نسيت المقاله وزعلت جداً وخلاص.

راح الاستاذ امريكا لمؤتمر ، ورجع وحكالنا عن الذي حدث وقال انه عرض مقاله حازت على اعجابهم.

المهم بالصدفه البحته ، وعلى النت دخلت على اصدارات المؤتمر لأجد مقالتي وقد تم حذف 60% منها وتحت اسم المؤلفين:

الاستاذ والزميله وبس

والعجيب انه في متن المقاله ذكر اسمي مع الزميله وقال ان المقاله هي نتائج شغلنا.

انا مزعلتش قوي ، بالرغم نظره اللوم في عيني لما كلمته هو والزميله ، ونظره الاسف في عيونهم ، بل شكرتهم على نشر اسمي في المتن ، وان شاء الله المره الجايه يكون اسمي فوق . المهم كل الناس اللي في المشروع عارفين ان ده شغلى ودي مقالتي.

cbyb: cbyb: cbyb: cbyb:

سقراط

[وليد صفوت]

بناءً على طلب الجماهير الغفيرة ...... و بناءً على طلب ربات البيوت اللى حيموتوا على طريقة عمل الملوخية بالصلصة البيضاء ... و لا الرز ابو مكسرات ... أو حتى طريقة عمل الخروف اللى محشى بط اللى محشى فراخ اللى محشية لحمة مفرومة .....

قررت انى اقبل الندائات المتكررة .... و ابدأ بوصف طريقة عمل .......

( موسيقى تصويرية )

:P ;) ;) الطعمية بالمايونيز :D :D ;)

أولا :المقادير : عدد 20 طعمياية طازجة و سخنة ملهلبة ( من أم ربع جنية مش أم عشرة قروش ! ) + برطمان مايونيز ( يفضل لو كان هاينز ) + بقدونس أو اى خُضرة تحبونها + طماطم و خيار و جزر و بقية مكونات السلطة الخضرة + عدد 10 ارغفة عيش سورى ( يشبه الفطير المشلتت لكنه رفيع جدا ) ....... mf(

ثانياً : الطريقة ...... نفرد العيش السورى على التربيزة و نأتى بالطعمية ( السخنة الملهلبة ) و نضعها على العيش بمعدل ( طعميتين على كل رغيف سورى ...... و ممكن 3 لمحبى الطعمية )........... ثم نأتى بالسلطة الخضرا و نضع القليل منها فوق الطعمية اللى فى العيش السورى ....... مع مراعاة ان العيش السورى حيتم لفه بشكل اسطوانى فى خطوة لاحقة ( فبلاش تزودوا السلطة عشان ماتنطش من العيش قبل الاكل ) :angry:

بعد ان وضعنا السلطة و الطعمية ....... طبعاً احنا عندنا الboard اللى بنعمل عليه الهامبورجر و اللحمة الضانى فوق الفحم ؟ اكيد ! لان دى من اساسيات البيت المصرى :D جميل......... حنحط العيش السورى اللى جواه الطعمية و السلطة عليه و حنحط فوقيهم اى غطا حلة بحيث يغطى الرغيف بالكامل ..... ( يراعى ان يكون الغطا من المعدن حتى تنتقل الحرارة الى الرغيف من كل الجوانب .......

حنلاحظ بعد فترة ان الرغيف بدأ يأخذ اللون المحمر ....... نشيله ...... و نحط المايونيز عليه ....... و نلفه على شكل اسطوانة ..... و ممكن نحط اضافات زى الفلفل او الشطة ( لهواة الشطة ... بس انصحكم .... يستحسن الشطة البرازيلى عشان الشطة الهندى بتبقى تقيلة اوى عالمعدة و بتسبب حاجات ماكانتش تخطرلكم على بال :o )

و ...........

بالهنا و الشفا .......

و الى اللقاء فى حلقة قادمة من .........

( كيف تسمم اولادك فى 5 دقايق )

تم تعديل 4 أكتوبر 2004 بواسطة Violinking

[وليد صفوت]

ثانيا .. الشيف فيولين . أظنك ملاحظ إن عدد قراء الموضوع قلوا كتير بعد وصفاتك الرهيبه ... إرحم شويه وكفايه تزصفل لنا طريقة قلي البيض في الماء النقي

ليه كده بس ! دا انا كنت لسة حكمل السلسلة القيّمة من وجبات الاطفال !!

لسة عندك الجمبرى المحمّر و الاستاكوزا المسلوقة ( على فكرة يا جماعة خبر سعيد لهواة الاستاكوزا .. الاستاكوزا رخصت !!! ;) ;) :D ) ... و لسة كمان حقدملكم طريقة عمل فتة الشاورما !

و كلها كما تلاحظ فى متناول يد الجميع و الكل يقدر يعمل وصفاتى ! لانى براعى الفروق الاجتماعية و ميزانيات الاسرة المصرية جدا جدا جدا جدا جدا جدا جدا جدا جدا جدا جدا جدا جدا جدا !

و بالمناسبة .............

يعنى ايه ( تزصفل ) اللى حضرتك كتبتها دى ؟

يعنى الغلط مش عند عزيزتى شانا :angry: mf( :o :P

سلاااااام و تصبحوا على خير.......

[فــيــروز]

اولا .. كلمة صغيرة لفيروز ....

بذمتك هو فيه أطفال اقيه لبن تشربه علشان الأم تتصل بالزوج ييجي يسقيهم اللبن بالعافيه ؟؟؟ 

بلاش الأفكار البرجوازيه دي  :P  :P  :angry:

برجوازيه !!

كلمونا عربى يا ناس :D

لا اصل ده كان اعلان خليجى حضرتك مش اعلان مصرى :P

[وليد صفوت]

النهاردة اقولكم على طريقة عمل ايه ؟ طريقة عمل ايه ؟ تؤ ......... :P

اقولكم انا زهقت من الاكل .....!

حنتقل بيكم اعزائى المشاهدين الى باب آخر .... هو باب ( مقالب و حيل شيطانية :P :P )

ححكيلكم على كام مقلب على كام حيلة و كيفية تنفيذها .......... و عايز كده اشوف مشاركات كتيرة و اضافات من الاعضاء عن حيل أخرى و آخر ما ورد فى السوق من حيل و مقالب .......

نلقاكم بعد الفاصل ........

[Salwa]

اخوتى الأفاضل ..

والله العظيم كلامكم كان بلسم ...وهذا شجعنى ان افاتح ابنتى الكبرى فى الأمر .على وزن (( اقولك وما تقولش ))..

قالت لى نفس كلامكم ..قالت لى بالتأكيد اختى الصغرى تميل اكثر للوقوف بجانب اخى معنويا لكن الواقع يقول ان اغلب الاساتذة يضعوا جزء كبير من ابحاث الطلبة فى كتب ويضعوا عليها اساميهم ...

وهذا هو ثمن النجاح ....للأسف.

ابنك يحتاج لخبرة البروفيسور حتى لو كان يعتقد انه لا يحتاجه ..

نحن نتعلم ...ولا تنسى ان عنده 19 سنة وفى العام القادم ...ان اراد الله ....يكون معاه ليسانس وعنده 20 سنة ...

يجب ان يحضر كل المحاضرات ولاداعى للهروب ......

هل تعتقدى انه سيكون ذى ثقل اكثر من استاذه ؟؟..

لن يستطيع ان يصرح بافكاره مكتوبة فى هذه السن ؟؟

..مهما كان تفكيره هو مازال يحتاج ان ينضج اكثر ...بحكم سنه ...

هذه ضريبة المعرفة والعلم فى هذا الزمن الردئ....

كان هذا معروف ...ومازال .وسيظل...

وقالت لى امثلة عن كتب معروفة واقسمت لى ان يوجد كتاب به عشرة ابواب ..هم مجهود عشر طلاب ....كل باب هو مجهود طالب .(( بتصرف من الاستاذ ))..وهى تعرفهم بالاسم ...وتم وضع اسم الاستاذ على الغلاف .....ولم يعترض اى منهم ...

لا تحاربى طواحين الهواء يا امى ....

افكاره ستظل دائما افكاره ...بل بالعكس رغم احساسه بالظلم يجب ان يبذل كل جهده حتى يحصل على امتياز .....ومن يعلم ؟؟

ربما كان الرجل جادا .....ولكن شئ غريب انه يطلب عدم وضع الاسم !!!

طبعا طلبت منى ان احاول اقناعه عن طريق اخته ...انه المستفيد فى كل الحالات ...// رغم انى شخصيا غير مقتنعة لكن مجبر اخاك لا بطل //....

يعنى علشان تعرفوا بس .مش ممكن الحياة تسير سلسة لفترة طويلة ابدا ابدا ......

فى الصيف يعنى فى يوليو واغسطس .......كان ابنى ومجموعة اصدقاء ..وغيرهم عشرات من الشباب ...يتجمعوا فى حديقة مرة كل اسبوع مع بروفيسور ..رافض لكل الأوضاع ...مثالى بطريقة غير طبيعية و...رائعة حقا ..وكان يبث افكار سامية فى نفوس الشباب لدرجة انى كنت اتعجب ..كيف يقضى هؤلاء الشباب الصيف ؟؟ ومساء الجمعة ؟؟ وهنا ؟؟

بالطبع كنت سعيدة لكنى كنت خائفة من هذا التجمع ....

والمشكلة ان فى كل ندوات هذا البروفيسور الخرافى .كان يجد من يحاربه .وكل مسئول يقول له ما معناه .انت لك شغلك وبس لكنه كان يأخذ على عاتقه هذه المهمة وكأنه مسئول عن كل الجيل الجديد ....والآن هو استاذ فى الجامعة كل نهار ...وفى مساء الجمعة هو محاضر فى حديقة .....رغم انف الجميع ...

مش عارفة .....

مازلت اقول يوجد الجيد ويوجد الردئ .......

فى الوقت الحالى سوف اظل وكأنى لا اعرف شئ ....

[إبن مصر]

مدام سلوى لن اقول الا ..

فعلا هذه بنت سلوى ...

لو ما كانتش قال كده مين هايقول كده....

رأى بنتك فى منتهى العقل وربنا يبارك بك فى بناتك واولادك يا رب وفى انتظار نزولك مصر بفارغ الصبر...

اخوك

ابن مصر

[Ahmed Mohsen]

إيه الحلاوة دي ...... :P

موضوعي حبيب قلبي نور عيوني بقي تلات صفحات بحالهم في يومين ........ mf-:

ربنا يكرمكم يا جماعة .... ntw:

شكرا يا فيولين علي وصفاتك الرائعة لأنواع الأطعمة المختلفة المناسبة لطبقة مدعومي الدخل وذلك من خلال برنامجك الهادف "كيف تسمم أطفالك في خمس دقائق" :angry:

مدام سلوي ....

أولا أهنئك وأحييك علي جمال وسمو مستوي التربية عند أولادك والذي يدل علي أم وأب ممتازين فكرا وخلقا. :P

ثانيا أنا مع الآراء التي تنادي بأن يكتب إبنك بحثه بكل الجد والإجتهاد ويتناول فيه جميع الأفكار العبقرية وليدة تفكيره ولكن قبل أن يعطيه لللأستاذ، يسجله في أي جهة أيا كانت بحيث يثبت أنه هو صاحب هذا البحث. وشجعيه علي أن يحاول الإستفادة من علم هذا الأستاذ ووجهيه للطرق السليمة التي بها يستطيع الإستفادة منها. i*:

ومعني كلامي واضح منه إنك لازم تتكلمي معاه وتنصحيه.

ثالثا بقي ... أنا ملاحظ إن حضرتك بتحاولي تسحبي موضوعي حبيب قلبي مني وتخليه عن حبيب قلبك إبنك .... وأنا بقي معترض وبشدة علي هذه المحاولة :D كما أندد وأشجب هذه التصرفات وأعلنها عالية مدوية "سوف أشكل لجنة علي أعلي مستوي لبحث ما يحدث من تجاوزات في حق موضوعي حبيب قلبي" (تصفيق حاد لو سمحتم) :P

وأخيرا أطالب جميع الأخوة في هذا المنتدي الراقي ببذل الجهد الجهيد في سبيل إعلاء الدوشة في هذا الموضوع "موضوعي حبيب قلبي" ...... سمعاني يا مدام سلوي

وياللا بينا نعمل دوشة جامدة موووووووووووووووووت