أي كلام

[Cleo]

النهاردة غلطت...

قولت وأنا مروحة أعدى أجيب قطايف من عند كريستال لأنه بيعمل عجينة القطايف هايلة...

غلطة بريئة... مكانش قصدى...

الشارع كللللللللللله من أول سانت فاطيما لغاية تريومف واقف... مفيش عربية بتتحرك...

أتارى المسافة من سانت فاتيما لتريومف فيها 3 حوادث سيارات...!!!!!!!!!!!!

قلت خلاص... ربنا يفرجها ونطلع من عنق الزجاجة نلاقى السكة ماشية بعد كدة...

أبدا...

دخلت من نخلة المطيعى على صلاح سالم عشان أخد يوتيرن وأروح السبع عمارات منها لألماظة و أمسك طريق السويس من ألماظة... لقيت من أول ليسيه الحرية مابيمشيش..!!!

تخيلوا روحت التجمع الخامس إزاى؟؟؟

أخدت يوتيرن من تحت الكوبرى ومشيت فى اتجاه شيراتون... منه أخدت الطريق الدائرى 1 نزلت فى ألماظة عشان أبتدى أمسك الطريق و أروح..!!

الرحلة دى قعدت حوالى ساعة و نص علما إن فى الدائرى كنت سايقة على 100-120 cbyb:

تم تعديل 17 أكتوبر 2004 بواسطة Cleo

[فــيــروز]

البعض قد يسعى الى الخيرات و كسب المزيد من الحسنات :P

والبعض قد يتكاسل عن هذا ;)

اما ان نسعى حثيثا الى اكتساب السيئات !! وفى شهر رمضان .. امر عجيب فعلا

سواق تاكسى .. تكسر عليه عربيه مرسيدس هيئه دبلوماسيه !! و يسبه قائدها

يصر السائق على اللحاق بالسياره المرسيدس لا لشئ الا ليسمع قائدها انه هو ايضا لديه قاموس شتائمه الخاص به :) !! لماذا !! وما الذى سيعود عليه من هذا؟ راحه نفسيه مثلا !! لا اعتقد rs:

كثيرا ما سالت اختى هذا السؤال حين تنفعل و تتعصب و تطلق كلاكس العربيه مرات عديده تعبيرا عن استيائها لو كسر عليها احدهم و اقول لها بهدوء الراكب الذى لا يعنيه فى شئ المرور من حوله : يا بنتى خلاص ما هو عدى و انتهى الامر .. بتعصبى نفسك ليه !!

[ماجد]

بمناسبة المرور و السواقه . واحد صاحبى قمة فى الذوق و الأخلاق و التدين و مربى دقنه و عمرة كل رمضان و حج كل 5 سنين و حاجة آخر جمال الى أن ......

يركب العربيه ...... و هبــــــــــا .....

واحد تانى خالص ...باختصار يتحول الى ... صفيحة زباله.

اشى شتايم على مناورات مجنونه من بتوع الملاهى على شوية رالى الفراعنه . حاجه مرعبه.

اعتقد انه مريض نفسيا و انا قلت له كده اكتر من مره . وانا اكره الركوب معاه فى اى مشوار و خصوصا لو سفر و اصمم بأى حجه ناخد عربيتى و عنده مشوار السفر بعده مباشره مشوار للمرور لاسترجاع الرخصه و على طول كده و من يوم ما عرفته و هو كده و هو مش صغير فى السن ده عنده بنت عروسه دلوقتى .

ايه رايكم فى الشخصيه دى .....

[se_ Elsyed]

ماحدش هنا ياترى عمل العملة دي

غير مجرى حياته بجرة قلم؟

وندم الا لا؟

أنا عملت كده ولم اندم والحمد لله ...

فبالرغم من إني بأحب كلية التجارة جداً جداً وألتحقت بها عن إقتناع بالرغم من غإ مجموع الثانوية العامية كان يخيلي أدخل كليات قمة تانية ( إلا الألسن cbyb: ) وبالرغم من إن الدراسة فيها شيقة وممتعة جداً من حيث إنها بتفتح للواحد مجالات كتيرة ممكن يتخصص فيها بعد كده .. زي المحاسبة والإدارة والحاسب الآلي والتسويق وغيره ..

إلا إني لما اتخرجت لم اتصور نفسي محاسباً على الإطلاق وحتى لما أشتغلت لمدة شهرين في مكتب محاسبة كنت فاشل وما لقتش نفسي .. لكن الحمد لله إستطعت إني اغير مسار حياتي واتخصص في الـ Business Administration ...

حد هايسألني : طب ليه ما تخصصتش إدارة أعمال في دراستك الجامعية ؟

الإجابة : مش عارف .. يمكن عشان غالبية اللي بيدخلوا التجارة باي ديفولت بيروحوا محاسبة ..

الخلاصة يا شعنونة : ما فيش حاجة إسمها it's too late لو نفسك في حاجة إعمليها وإداسيها ومالكيش دعوة بكلام الناس ... ومعليش في الكلمة اللي جاية دي ... كنا ممكن نلوم شاب لو عمل كده حيث إنه من وجهة نظر البعض ممكن يكون بيضيع مستقبلة ويا عالم هاينجح أو يفشل في المجال الجديد خصوصاً وإن لسه وراه جيش وتكوين بيت وزواج وهيديك ... لكن البنت ليس ملقى على عاتقها كل تلك المسئوليات ...

ساعات كنت بأروح كلية التربية لزوجتي وهي لسه تلميذه .. فكنت بالأقي بنات من صاحبتها ( هما أساساً متجوزين ومخلفين وستات بيوت ) كبار قوي في السن .. وزوجتي بالنسبة لهم زي بنتهم .. فأقول لها : مين دول : فطلع بقى إنهم كلهم معاهم مؤهلات تانية اللي سياسة وإقتصاد واللي تجارة واللي أداب وجايين واخدينها هواية وبيدرسوا تربية إنجليزي .. فعادي يعني .

بس تصدقي بالله يا شعنونة لو عملتي كده وأنتسبتي للفنون الجميلة أو الفنون القبيحة .. وعن إقتناع شخصي منك .. وجيتي إشتكيتي هنا هو بعد كده وقولتي انا عايزة أحول إقتصاد منزلي .. ساعتها بقى :rolleyes: me0: ax: s-:

[Cleo]

ماحدش هنا ياترى عمل العملة دي

غير مجرى حياته بجرة قلم؟

وندم الا لا؟

أنا بعد ما اتخرجت...اشتغلت فى كذا فندق 5 نجوم... كنت بحب شغلى موت رغم إنه كان مرهق موووووووووووت...

بس عيشة شيك و كلاس و ناس شيك و كلاس وكل يوم تشوف وجوه جديدة، كل يوم أحداث جديدة... مافيش روتين...

أعشق التعامل مع الأجانب لأنى باتعلم منهم حاجات كتير حلوة و باشوف فيهم حاجات كتير وحشة تخلينى أحس بقيمة قيمنا الإسلامية... غير إن التعامل مع الثقافات المتعددة بيفتح المدارك جدا.

مع الوقت... ولما ابتديت أفهمجو الشغل و دورة المال فى الفندق... لما لقيت إن الجزء الأساسى من دخلى هو من ال12% خدمة و اللى بيتم تحصيلها من المطاعم و البارات... ولما حسيت إن دخلى مشبوه لأن فيه تعامل فى الخمور... قررت أمتنع نهائيا عن العمل فى الفنادق... رغم إنى لم أحب مكان مثل عملى فى الفنادق.

والحمدلله الأن.. أعمل فى شركة محترمة فيها قدر من الاستقرار و دخل مش بطال وإن كنت لا أحب عملى... بس الحمدلله.. المهم ربنا يحبه.

( إلا الألسن  cbyb:  )

أنا الحمدلله مجموعى كان يجيب سياسة و اقتصاد... ضحيييييييت بيها فى سبيل الألسن...

ألسن؟؟؟

هو فيه زى الألسن؟؟ :rolleyes:

[METALLICA]

مرتباتها 120 ج / الشهر ( خالصة الضرايب )

الحمدد لله إنها خالصة الضرائب ;)

[se_ Elsyed]

معليش يا جماعة أنا بحثت على الموضوع اللي كان بيتكلم عن قصر صلاة التراويح على مساجد معينة في مصر .. ومش عارف بصراحة هو كان في أي باب .

لكن السؤال اللي عايز أسأله للأخوه داخل مصر .. هل صحيح تم تطبيق هذا القرار ؟

يعني حد راح يصلي التراويح لقى المسجد قافل وقالوا له روح يابني مافيش تراويح الشهر ده

[فــيــروز]

يعني حد راح يصلي التراويح لقى المسجد قافل وقالوا له روح يابني مافيش تراويح الشهر ده

:blink: smk: smk:

شغاله وتمام التمام :D

[محمد شلبى]

بجد مش ممكن الرسالة اللى كتبتيها يا شعنونة لخطيبك خلت الدموع هتفر من عينى,لو كنت عايز اكتب عن نفسى ماكنتش اعرف اكتب كده,انتى لخصتى حالى بعد 5 سنين من العذاب المستمر فى كل لحظة وانا باستعد عشان ابدا السنة السادسة فى مشوار العذاب(وبرضه لسه مش فاهم انواع السكر),زمان وانا صغير كان الكل يقول انى اشطر واحد فى المدرسة ,دايما كنت اطلع الاول كنت شعلة من الذكاء على الرغم من ضآلة جسمى وضعفى الشديد,كانت احلى ايام عمرى ,احساس النجاح احساس رائععندى 3 اخوات بنات كلهم اكبر منى,كانوا كلهم متفوقين لحد ما يوصلوا الثانوية العامة (القديمة) وما حدش يعرف اللى يحصلهم وهب يدخلوا رياض اطفال واقتصاد منزلى وامى المسكينة تقعد تعيط وتعيط من الصدمة لكن انا الحمد لله ما خيبتش ظنهم ونجحت ب98%ودخلت الهبابة (كلية الطب)

اول يوم فى الكلية كنت حاسس انى احسن انسان فى الدنيا,كنت حاسس ان الناس كلها بتبصلى ويقولوا الدكتور محمد اهه,دخلت اول محاضرة لقيت منظر مش هانساه طول عمرى, حوالى الف طالب فى المدرج,اتصدمت جدا المهم لقيت مكان فى بنش بعيد جدا ودخل دكتور انا اول ما شفته جسمى اقشعر واحد كده تحس انه خارج من القبر,مابصش لواحد فى المدرج,راح ماسك طباشيرة ووشه للسبورة وهاتك يا كتابه وشرح فى autonomic nervous system على انواع ال ganglia ساعة كاملة مافالش فيها كلمة واحدة عربى كنت حاسس انى طور الله فى برسيمه ,المصيبة انى كنت حاسس ان كل الناس فاهمة وانا الوحيد الحمار ,خرجت من المدرج وانا حاسس بابشع احساس فى الكون,احساس الفشل والهزيمة,حاولت كتير بعد كده لكن كنت كل مرة بافشل ,صحيح عمرى ماشلت مادة لكن كنت بانجح بجيد او مقبول وكل اصحابى جيد جدا او ممتاز,نفسى اتكسرت ومابقتش حاسس بطعم الدنيا حاسس على طول انى حزين ومكسور كرهت الطب وسنينه ومش عارف هاشتل فيه ازاى ده لو لقيت شغل,المهم انى باعد الايام لغاية ما اخلص من الكابوس اللى انا فيه

معلش تقلت عليكم

كل سنة وانتم طيبين

[bentmasria]

يا محمد يا شلبى

يا شانا

المجموع كثير جدا بيخلينا نختار اللى ما بنحبهوش وخسارة سهر الليالى

لكن لو درست اللى بتحبه ولاقيت بعد ما تخرجت من المتفوقين كل شىء بيتسرق منك

مع عشقى الكبير للكمبيوتر اؤكد لكم انه قتل وسرق ملايين من القدرات الفنيه والابداعية لكثيرين من البشر

ومن يواكب يفقد قدراته بالتدريج حيث تسيطر الميكنه مكان الفرشاه والاقلام حتى اننا ننسى حروف الكتابة وضربات الفرشاه

وربما اصبحنا مميزين فى ميكنة ابداعاتنا

لكننا فقدنا اتصالنا بملمس الورقة

ورائحة الحبر

عبق التركيز والكتابة والابحار بين السطور والكلمات والالوان

حتى اتصالنا الانسانى بمن حولنا اصبح يعطلنا عن شاشات الكمبيوتر

والنتيجة

وحيد مع ما كنت تحب

وما وجدت ذاتك يوما فيه

وحيد رغم الجموع حولك

لانك

غريب عنك

لم تعد تتعرف الى ملامحك فى مرآتك

سامحونى

واهو

اى كلام

ام محمد

[linux]

كانت الأولى نادين والتانية رانيا والتالتة حنين وانا تقريبا كنت بعدهم

يومها حسيت بالغيظ اوي

ليه هما يطلعوا اشطر مني يعني؟ عندهم اييييييه مش عندي؟؟

فقررت ابقى شاطرة

وقد كان

من اولى اعدادي بقيت التانية مكرر مع حنين وبعد كدا بقيت الأولى لحد ما جت زميلتي الأنتيم وعدوتي اللدودة في نفس الوقت شيرين

شعنونة،

قرأت رسالتك لخطيبك (اللي سعادتك ناشراها على الملأ كده على الأنترنت! ما علينا، ده موضوع تاني) ...

لكن لفت نظري أن حرف النون متواجد في أسماء جميع صديقاتك أو أعدائك، بمعني:

نادين

رانيا

حنين

شيرين

ايه ياحاجة ده؟! نادي النون؟!

حتي أسمك الحركي:

بنت شعنونه

و بناءا عليه ...

أكاد أجزم ...

أن أسمك الحقيقي ...

هو ...

بنزين !!

[عصام]

سؤال لبنت مصرية ..

ممكن أسأل من اللى فى الصورة دى ؟

أصلها الحقيقة لفتت نظرى ..

أتوقع أن يكون الرد متعلق بحاجة شخصية .. ولو كان كده .. لك طبعا مطلق الحرية انك ما تجاوبيش ..

متأسف يا جماعة <_< بس الموضوع "أى كلام" صح؟ <_<

[yasovinas]

شانا ممكن اقترح عليكي اقتراح

انت دلوقت على حسب ما فهمت خلصتي طب وبتشتغلي في مطروح

طيب ايه المانع انك تراجعي اللي درستيه وانت في مطروح يعني اظن ان مكان ذي مطروح وغربه هيكون عندك وقت كتير انك تراجعي وطبعا المراجعه مع الشغل يعني هيبقى مراجعه عملي نوعاً ما

اما موضوع تغيير مجرى الحياه فهو مش صعب ومش مستحيل لكن المهم هو اني اغير لحاجه انا بحبها مش علشان شغل نضيف والكلام ده يعني منطق التغيير او سبب التغيير نفسه غريب شويه

[bentmasria]

اللى فى الصورة واحدة موش اى كلام هههههههههههههه

لا بجد يا اسو

دى واحدة كنت رسمتها زمان جدا ايام ماكنت فاكرة الرسم وفضلت عندى صورتها الشخصية ملامحها بتحمل شىء خلانى احتفظ بيها وطبعا بالتقنيات الحديثه عملت لها water color effect

واستخدمتها خلفيات فى ديوانى الاول سااااااابقا طبعا عشان ما فيش تانى

وبس يا سى اسوووووو جريت

[فــيــروز]

اللى فى الصورة واحدة موش اى كلام  هههههههههههههه

لا بجد يا اسو

دى واحدة كنت رسمتها زمان جدا ايام ماكنت فاكرة الرسم وفضلت عندى صورتها الشخصية ملامحها بتحمل شىء خلانى احتفظ بيها وطبعا بالتقنيات الحديثه عملت لها water color effect

واستخدمتها خلفيات فى ديوانى الاول سااااااابقا طبعا عشان ما فيش تانى

وبس يا سى اسوووووو جريت

افندمممممم :wub:

يعنى ده مش محمد ابنك !! lo::

ده انا طول المده دى كلها متخيله انه محمد !! :o وكل ما اشوف الصوره اقول يا عينى يا محمد ربنا يشفيك يا رب ntw: وفى الآخر يطلع مش هو و كمان تطلع بنت !! :wub:

:wub: :wub:

[se_ Elsyed]

اللى فى الصورة واحدة موش اى كلام  هههههههههههههه

لا بجد يا اسو

دى واحدة كنت رسمتها زمان جدا ايام ماكنت فاكرة الرسم وفضلت عندى صورتها الشخصية ملامحها بتحمل شىء خلانى احتفظ بيها وطبعا بالتقنيات الحديثه عملت لها water color effect

واستخدمتها خلفيات فى ديوانى الاول سااااااابقا طبعا عشان ما فيش تانى

وبس يا سى اسوووووو جريت

افندمممممم :wub:

يعنى ده مش محمد ابنك !! lo::

ده انا طول المده دى كلها متخيله انه محمد !! :o وكل ما اشوف الصوره اقول يا عينى يا محمد ربنا يشفيك يا رب ntw: وفى الآخر يطلع مش هو و كمان تطلع بنت !! :wub:

:wub: :wub:

فيروز .. روحي إفطري حالاً دلوقت عشان تفوقي ..

يا ماما .. طنط ام محمد lo:: بتتكلم عن صورة النت اللي مرسومه باليد كخلفية لتوقيعها ....

أم محمد ... معليش إحنا أسفين .. فيروز بتعمل أكثر من كده لما بتكون صايمه .. لكن إوعي بقى . ما شاء الله عليها ما بتشوفيهاش بعد الفطار بتبقى حاجة تانية خالص .

[فــيــروز]

فيروز .. روحي إفطري حالاً دلوقت عشان تفوقي ..

يا ماما .. طنط ام محمد    بتتكلم عن صورة النت اللي مرسومه باليد كخلفية لتوقيعها ....

أم محمد ... معليش إحنا أسفين .. فيروز بتعمل أكثر من كده لما بتكون صايمه .. لكن إوعي بقى . ما شاء الله عليها ما بتشوفيهاش بعد الفطار بتبقى حاجة تانية خالص .

انت بتقول فيها :wub:

انا فعلا اول عشر ايام فى رمضان كنت يا سلام :wub: .. ولا مأثر فيا الصيام و الامور ماشيه عال العال :wub: .. من ساعة ما بدا الثلث الثانى وانا عامله زى اللى ماشى يترنح :wub: وعلى آخر رمضان بتبقى حالتى عدم خالص cbyb:

معلش يا ام محمد سماح النوبه و اسوان !! انا افتكرتك بتتكلمى عن صورة واحده رمستيها زمان و احتفظتى باصل الصوره :o مش عارفه ازاى جت معايا كده .. حقك عليا

[Modest]

اللى فى الصورة واحدة موش اى كلام  هههههههههههههه

لا بجد يا اسو

دى واحدة كنت رسمتها زمان جدا ايام ماكنت فاكرة الرسم وفضلت عندى صورتها الشخصية ملامحها بتحمل شىء خلانى احتفظ بيها وطبعا بالتقنيات الحديثه عملت لها water color effect

واستخدمتها خلفيات فى ديوانى الاول سااااااابقا طبعا عشان ما فيش تانى

وبس يا سى اسوووووو جريت

افندمممممم :wub:

يعنى ده مش محمد ابنك !! lo::

ده انا طول المده دى كلها متخيله انه محمد !! :o وكل ما اشوف الصوره اقول يا عينى يا محمد ربنا يشفيك يا رب ntw: وفى الآخر يطلع مش هو و كمان تطلع بنت !! :wub:

:wub: :wub:

فيروز .. روحي إفطري حالاً دلوقت عشان تفوقي ..

يا ماما .. طنط ام محمد lo:: بتتكلم عن صورة النت اللي مرسومه باليد كخلفية لتوقيعها ....

أم محمد ... معليش إحنا أسفين .. فيروز بتعمل أكثر من كده لما بتكون صايمه .. لكن إوعي بقى . ما شاء الله عليها ما بتشوفيهاش بعد الفطار بتبقى حاجة تانية خالص .

و الله أنا كمان أفتكرت الكلام كله عن محمد ربنا يحميه.

أروح أفطر مع فيروز يا س س؟

[فــيــروز]

و الله أنا كمان أفتكرت الكلام كله عن محمد ربنا يحميه.

أروح أفطر مع فيروز يا س س؟ 

الحمد لله :o

شكرا يا موديست طمنتنى على قواىّ العقليه :wub:

[G.G]

دى واحدة كنت رسمتها زمان جدا ايام ماكنت فاكرة الرسم وفضلت عندى صورتها الشخصية ملامحها بتحمل شىء خلانى احتفظ بيها

الصورة زي ما تكون التقطت وقت فرح او خطوبة.. رغم ذلك تشعر ان صاحبة الصورة غير سعيدة ..رغم الفرح ..و رغم الصخب المحيط بها..

كل دقيقتين تمر طائرة,,مش عارفة فيه ايه,,زي ما يكون حولوا مسار الطائرات في مصر أو لغوا مطار معين ,,فأصبحت الطائرات كلها تنزل في مطار القاهرة!

حاجة غريبة..

:o

تم تعديل 27 أكتوبر 2004 بواسطة G.G