أي كلام

[فــيــروز]

بس تعرف شركات الألبان بتدبح بعض في شهر رمضان .. وغير رمضان بصراحة من حيث عروض الأسعار وتحسين وتنويع المنتجات .. وكله في صالح المُستهلك.

سؤال للريس س.س. شيخ اللبانين wst::

حين كنت فى البحرين كان فيه شخص مصرى فى الشركه التى نعمل معها وكان كتّر خيره متحمل هو و اسرته موضوع انهم يخرجونى عشان اشوف البلد و اشترى حاجات وكده يعنى .. bsh:)

فمره كنت باتكلم مع زوجته وباقول لها انى مندهشه جدا ان معظم الاعلانات على القنوات الفضائيه العربيه تتحدث عن منتجات الالبان بصوره مكثفه للغايه لدرجه تجعل الواحد مايطيقش يسمع سيرة اللبن!! dct:: فهى قالت ان الالبان هناك طعمها مش حلو اوى لانها البان معيز !! فهل هذا صحيح؟ stnd:: :angry:

[Tafshan]

brth)  فهى قالت ان الالبان هناك طعمها مش حلو اوى لانها البان معيز !! فهل هذا صحيح؟  lo::  lo::

لأ خالص يا فيروز ، انا بنتى بتحب اللبن جداً هنا في دبي و لما نزلت مصر جبنا لها كل الانواع ما شربتش منه لأن في مصر اللبن اللى بيتباع و بيتعمل منه زبادي لبن بودرة مستورد ( و تلاقيه مخلوط كمان fsh:: ) اما الالبان في الخليج كلها من مزارع ابقار ضخمة و اغلب شغلها للتصدير:

[فــيــروز]

لأ خالص يا فيروز ، انا بنتى بتحب اللبن جداً هنا في دبي و لما نزلت مصر جبنا لها كل الانواع ما شربتش منه لأن في مصر اللبن اللى بيتباع و بيتعمل منه زبادي لبن بودرة مستورد ( و تلاقيه مخلوط كمان  fsh:: ) اما الالبان في الخليج كلها من مزارع ابقار ضخمة و اغلب شغلها للتصدير:

شكرا للتوضيح يا اخ طفشان

كده يبقى الامور كلها متسقه مع بعضها .. اقصد يعنى ان الناس فى الخليج يبدو انهم يحرصون على الجوده فى كل ما يقدم لشعوبهم اشمعنى يعنى اللبن اللى هيبقى نص نص !!

[Tafshan]

لأ خالص يا فيروز ، انا بنتى بتحب اللبن جداً هنا في دبي و لما نزلت مصر جبنا لها كل الانواع ما شربتش منه لأن في مصر اللبن اللى بيتباع و بيتعمل منه زبادي لبن بودرة مستورد ( و تلاقيه مخلوط كمان  fsh:: ) اما الالبان في الخليج كلها من مزارع ابقار ضخمة و اغلب شغلها للتصدير:

شكرا للتوضيح يا اخ طفشان

كده يبقى الامور كلها متسقه مع بعضها .. اقصد يعنى ان الناس فى الخليج يبدو انهم يحرصون على الجوده فى كل ما يقدم لشعوبهم اشمعنى يعنى اللبن اللى هيبقى نص نص !!

المراعي هي أكبر شركة لانتاج الألبان ومشتقاتها في الشرق الأوسط تركز على إنتاج وتسويق منتجات الألبان والعصائر الطازجة. تأسست شركة المراعي في عام 1976 بمقرها في الرياض، المملكة العربية السعودية ولها مكاتب في أبوظبي والشارقة والفجيرة ورأس الخيمة والعين. تعتبر المراعي اليوم من أكبر شركات الألبان في العالم بوجود أكثر من 000ر45 رأسٍ من الماشية وبحصة تبلغ أكثر من 40% من سوق الألبان الطازجة في دول الخليج.

دي مش جوده ده بيزنس ، واخدة بالك من ال 000ر45 رأسٍ من الماشية و كله للتصدير و احنا لله الحمد بنستورد اللبن مع ان مصر فيها نيل و هما عندهم صحراء ..

و سلم لي على اللحوم السوداني :P

[Farida]

يا جماعه حرام و النبى انا قلبى وجعنى كل ما أدخل موضوع يجى لى احباط و يأس ان الللى احنا فيه حا نفضل فيه يظهر داخله على دور اكتئاب ما حصلش ما فيش حاجه كويسه بتحصل وو ما فيش امل انها ممكن تحصل من اول السحابه السودا اللى هرت صدر البنات عندى لحد الألبان المغشوشه اللى ما أقدرش استغنى عنها .....و اللى بنبات فيه بنصبح فيه و ابنائنا مسئوليتنا على الأقل يشربوا كوباية لبن نظيفه و كفيانا استيراد عندنا بحرين و نيل و السمك ريحته مبيدات ...عندنا ريف و زراعه و الفراخ اتهرت هرمونات و الخضار و الفاكهه مرشوشه .....حرام و لا حلال حا نقولهم ايه لما يسألونا ليه ما قاومتوش ليه اكتر من كده .....

[سقراط المصري]

يا جماعه حرام و النبى انا قلبى وجعنى كل ما أدخل موضوع يجى لى احباط و يأس ان الللى احنا فيه حا نفضل فيه يظهر داخله على دور اكتئاب ما حصلش ما فيش حاجه كويسه بتحصل وو ما فيش امل انها ممكن تحصل من اول السحابه السودا اللى هرت صدر البنات عندى لحد الألبان المغشوشه اللى ما أقدرش استغنى عنها .....و اللى بنبات فيه بنصبح فيه و ابنائنا مسئوليتنا على الأقل يشربوا كوباية لبن نظيفه و كفيانا استيراد عندنا بحرين و نيل و السمك ريحته مبيدات ...عندنا ريف و زراعه و الفراخ اتهرت هرمونات و الخضار و الفاكهه مرشوشه .....حرام و لا حلال حا نقولهم ايه لما يسألونا ليه ما قاومتوش ليه اكتر من كده .....

حاسس والله ، لا وإيه بقالي يجي كام اسبوع بشارك بمداخلات ولا حد معبر يرد.

وكأني بكتب في وادي تاني.

عامة انا قررت احذف جميع مدخلاتي بهدوء.

كل يبحث عن ليلاه (ارجوا ان اكون كتبتها صح).

سسسسسسسسسسسسسسلام

وبالحق سلامي لابن مصر لما يرجع من العمره.

سقراط

تم تعديل 8 نوفمبر 2004 بواسطة سقراط المصري

[se_ Elsyed]

سؤال للريس س.س. شيخ اللبانين  :rolleyes:

لا مؤخذه يا فيروز .. إنت عارفه ده موسم وعلى ما باخلص توزيع اللبن والزبادي على الزباين بيكون إتهد حيلي وبأرجع يا دوب أركن العجله في الباركنج تحت الفيلا واطلع أنام زي الفسيخه المقلية ...

معيز إيه وخرفان إيه ؟ ما فيش حاجات من دي .. كل اللي موجود هنا هو لبن أبقار ... وبصي الحتة اللي جايه دي ....

مزرعة ألبان الصافي اللي هي مملوكة لأولاد الملك فيصل - رحمة الله عليه .. كان راجل بصراحة - دخلت موسوعة الأرقام القياسية - جينيس ريكورد - بإعتبارها أكبر مزرعة أبقار في العالم واخدالي بالك .. ودي موجودة فين يا عم سي السيد قشطة ؟

موجود في الصحراء السعودية التي لا زرع فيها ولا ماء ... ولكن الناس بالإرادة والعزيمة والإدارة الصح وصلوا وبقوا حاجة محترمة ... وتقوم السعودية بتصدير منتجات الالبان لكل دول الخليج ومغرقاهم بضاعة ذات جودة عالية وعالمية ..

بس على فكرة سوق الألبان هنا مش فوضى ؟

يعني مش أجيب علبة اللبن الـ 2 لتر النهاردة بـ 6 ريال وبكره الآقيها بخمسة .. لأ ؟

هنا أكثر من شركة ألبان محترمة فعملوا بينهم وبين بعض كارتل أو إتفاق جدعنة ورجولة يعني وهو إنهم ما يضربوش أسعار بعض ... طب المستهلك هايستفيد إيه يا أبا الحاج ؟

المستهلك بقى بيستفيد البروموشنز اللي بيعملوها كل يوم من حيث حجم العبوات .. والمزايا الإضافية .. إشي حاجات بالكالسيوم وإشي حاجات بالدندرمه وهدايا وحركات .. بصراحة الناس مش مخليانا عايزين حاجة ..

واهم حاجة زي ما قالت فيروز هي إن حماية المستهلك والمحافظة على صحته هنا فيها قطع رقبة لكل من يخالف ومافيش تهاون ولا مللي واحد في الموضوع ده...

حكيت لكم هنا طبعاً على الموقف اللي حصل لما أكتشفوا إن زيت الزيتون الأسباني كان فيه نسبة من السموم .. الحكومة عملت إيه عشان تحمي المستهلك ؟ ( لمت كل عبوات الزيت من السوق السعودية في غمضة عين ) .... طب ما حرام ..كده التاجر تضرر ( لأ بالعكس دول عوضوا كل التجار في الحال عن ثمن البضاعة بتاعتهم ) والكل بقى مبسوط والكل بيحترم الدولة اللي بيهمها في المقام الأول صحة المستهلك .

[Salwa]

الأفاضل...فريدة الزمان ......سقراط.

مش عارفة ليه المداخلتين دول اثروا فى جدا ...جدا.

كلام فريدة حقيقة قاسية كلنا بنقولها وننبه لها كل يوم ...كل يوم ..

وما من مجيب..

كلام سقراط رغم انه فى موضوع تانى ....لكنه فعلا نفس المأساة .

واحد بيتكلم ...........وواحد بيسمع ويكمل كلامه هو ....مش بيرد حتى على كلام الأولانى .

هو سمعه....وفهمه ...وعارفه ....

لكنه عاوز هو كمان يقول رأيه......بدون الأخذ فى الاعتبار كلام اللى كانوا قبله.

اوعى تحذف حاجة .........

الموضوع ده اسمه اى كلام .......

معرفش هو كان ذكاء اكثر من اللازم من ألأخ احمد محسن ...والا كان صرخة فى لحظة احساس بعدم الاتيان بجديد .

الموضوع ده فعلا متنفس للجميع ...........هو نفس موضوع الفضفضة .....بس فضفضة خاصة وعامة ......

يارب صوتنا يوصل..........لهم........ولكم.

يارب اصواتنا نسمعها كلنا ..........ياريت بالتناوب نتكلم وناخد هدنة نسمع .........جميل جدا الاستماع ......واجمل منه المشاركة بالرأى .....بعد الاستماع.

صباح الخير..........

لاتنسوا الصلاة ...وصلاةالقيام والدعاء.........ممكن تكون هذه الليلة ليلة القدر ...

اللهم تقبل منا جميعا .

[Ahmed Mohsen]

معرفش هو كان ذكاء اكثر من اللازم من ألأخ احمد محسن ...والا كان صرخة فى لحظة احساس بعدم الاتيان بجديد .

الموضوع ده فعلا متنفس للجميع ...........هو نفس موضوع الفضفضة .....بس فضفضة خاصة وعامة ......

عزيزتي الفاضلة سلوي ........

الحقيقة هو لا كان ذكاء أكتر من اللازم ولا حتي ذكاء عادي ....

فعلا هي كانت مجرد محاولة لكتابة أي حاجة بدون وجود حاجة لها قيمة في رأسي لأكتب عنها .........

تقدري تقولي ....... رمية بدون رامي

لكن بالفعل أنا سعيد جدا لما رأيته من أهمية لهذا الموضوع

تم تعديل 9 نوفمبر 2004 بواسطة Ahmed Mohsen

[Ahmed Mohsen]

وبالمناسبة دي أحب أقول حاجة .......

فعلا فعلا أنا بأشكر كل المشاركين في هذا المنتدي الراااااااااااااااااائع لأني فعلا اتعلمت منهم حاجات كتير وباستفيد منهم حاجات أكتر بكتير ..... ولأول مرة أحس إني أقدر أعبر عن رأيي من غير ماحد يقاطعني ...... وأقدر أتكلم في أي موضوع وأقول رأيي بصراحة من غير مصادرة رأي

بصراحة أول مرة أشوف ناس بتعرف فعلا يعني إيه تحاور علي الرغم من الإختلاف البين - في بعض الحالات - في الآراء والمواقف

أنا فعلا باستمتع بكل دقيقة أقضيها هنا في هذا المنتدي الرائع .... منتدي محاورات المصريين

ولي رجاء أخير .....

أنا مابحبش الألقاب ...... يعني بلاش أستاذ وعمو وأنكل وسيد ومحمد وعتريس ........

يعني ياريت نمشيها "أحمد" علي طول أو "حمادة" أو "ميدو"

يعني أنا بارفع التكليف معاكم لأنكم أهلي وحبايبي

Deal???? OK

يالا بقي نكمل الدوشششششششششششششششششششة

:rolleyes: :blink: :D tot::

تم تعديل 9 نوفمبر 2004 بواسطة Ahmed Mohsen

[Farida]

معلهش يا أخ سقراط بلاش حكايه اننا نلغى المشاركات دى انا لما أقرأ مداخله و اهتم بها مش لازم ارد عليها كفايه انى استفدت ....انا باكتب علشان اسجل موقف حتى و لو ما حدش قراه ....رجاء مراجعه نفسك

[se_ Elsyed]

...... وأقدر أتكلم في أي موضوع وأقول رأيي بصراحة من غير مصادرة رأي

بالله عليك تقول الكلام ده للناس اللي مش عاجبها الإشراف - وخصوصاً الأُسطى إسو -

إيه يعني ميكانيكي سيارات ويبقى مُشرف في نفس الوقت ؟ .. هو مش بني آدم برضوا وعنده احاشيش ومشاعر ... وبعدين بكره يتعلم بالتجربة والخطأ .. مش برضوا هما علمونا كده في علم نفس النمو :rolleyes: me0: ...

إحنا وراك يا إسو ماتخافش

قولي بقى دفعت كام لأحمد محسن عشان يقول الكلمتين دول .. اصله طلب مني قبل كده 45 ج عشان يكتب بؤين حلوين عني .. وانا قولت له كتير قوي ده أستغلال هو هاتبقى انت واحمد نظيف .. هما جوز جنيهات مافيش غيرهم ؟

[Ahmed Mohsen]

...... وأقدر أتكلم في أي موضوع وأقول رأيي بصراحة من غير مصادرة رأي

بالله عليك تقول الكلام ده للناس اللي مش عاجبها الإشراف - وخصوصاً الأُسطى إسو -

إيه يعني ميكانيكي سيارات ويبقى مُشرف في نفس الوقت ؟ .. هو مش بني آدم برضوا وعنده احاشيش ومشاعر ... وبعدين بكره يتعلم بالتجربة والخطأ .. مش برضوا هما علمونا كده في علم نفس النمو :rolleyes: me0: ...

إحنا وراك يا إسو ماتخافش

قولي بقى دفعت كام لأحمد محسن عشان يقول الكلمتين دول .. اصله طلب مني قبل كده 45 ج عشان يكتب بؤين حلوين عني .. وانا قولت له كتير قوي ده أستغلال هو هاتبقى انت واحمد نظيف .. هما جوز جنيهات مافيش غيرهم ؟

لا لا لا لا لا لا لا أنا لا أسمح بأي تشكيك في نزاهة كلماتي وسمو أهدافي

كلمة واحدة هارد بيها علي كل اللي عملته فيا .......... (وش واحد بيطلع مسدس)

وبعدين إنت بتتكلم علي إسو ....... هو فيه زي إسو

إنت نسيت إن الإجتماع المحاوراتي الرمضاني في جراند كافيه كان علي حسابه ......... تفتكر إيه الهدف من كده؟؟؟؟؟؟؟

إطعم الفم ............ تستحي العين

[Tafshan]

مدير المكتب اللي انا بأشتغل فيه راجل ظريف قوي : انجليزي اسكوتلاندي عنده 62 سنه ..

الراجل ده بابه مفتوح طول النهار.. اي موظف عايز اي حاجه .. يدخل له على طول و العلاقه بينه و بين كل الموظفين اخويه جداً ..

من ضمن مهامي في الشركة بما اني العربي الوحيد فيها - مع اني المفروض بأشتغل IT Technical Support - اي شغل عربي :unsure:

يعني ترجمه على الماشي .. اتابع مع موظف شئون العمال و الهجرة و الاقامات .. لو في جواب عربي ما يضرش !! ..يعني عالمه و بالانه stnd::

ازاي حصل ده ؟؟

ازاي قبلت ؟؟

بسبب مديري الظرييييف ده و الجو الاسري اللي انا بقولكم عليه .. يعني مره يقولي ترجم دي ، الاقي نفسي بقيت بتاع الترجمه ..مره يقولي كلم الراجل مندوب الهجره .. الاقي نفسي بقيت بتاع شئون الافراد ..و بعدين في الغربه ما ينفعش الواحد يقول في لقمة العيش لأ ..

ما علينا ..

قوم ايه ..

كان فيه موظف عنده مشكله في استصدار اقامه و تصريح عمل ..

قوم ايه ..

قلت له : القانون هنا بيقول : المهندس لازم يبقى معاه بكالوريوس هندسة و الا ما ينفعش يطلع له تصريح عمل كمهندس ..

قوم ايه ..

لقيته احمر .. و اتضايق .. و قال : يعني ايه .. يعني البني ادم ما يعرفش يغير حياته في اي وقت ؟؟ .. يعني ما ينفعش الواحد يكتشف انه كان ماشي غلط و يغير مسار حياته و يمشي في لتجاه ثاني ؟؟.. و بعدين المهندس اللي مش عايزين يشغلوه ده معاه 20 سنه خبره كمفتش .. و اشتغل قبل ما يبقى مفتش بأيده (صنايعي يعني ) .. بالزمة دي خبره نسيبها ؟؟

طبعاً انا قلت له : ده قانون البلد و ما ينفعش نغيره ...هز رأسه .. و قال لي : اتصرف stnd::

قلت له : ممكن نعمل له اقامه على انه سواق .. و شغله انت الي انت عايزه ..

قال لي : اسأله لو يرضى ..

و طبعاً اخينا الموظف ده قبل لأن العرض كان ما يتسبش (ما شاء الله )

المهم ..

بعد الموضوع ده ما خلص ..قعدت افكر في جملته : هل فعلاً اقدر اغير حياتي مره واحدة زي ما بيقول ؟؟

[عصام]

...... وأقدر أتكلم في أي موضوع وأقول رأيي بصراحة من غير مصادرة رأي

بالله عليك تقول الكلام ده للناس اللي مش عاجبها الإشراف - وخصوصاً الأُسطى إسو -

إيه يعني ميكانيكي سيارات ويبقى مُشرف في نفس الوقت ؟ .. هو مش بني آدم برضوا وعنده احاشيش ومشاعر ... وبعدين بكره يتعلم بالتجربة والخطأ .. مش برضوا هما علمونا كده في علم نفس النمو

إحنا وراك يا إسو ماتخافش

قولي بقى دفعت كام لأحمد محسن عشان يقول الكلمتين دول .. اصله طلب مني قبل كده 45 ج عشان يكتب بؤين حلوين عني .. وانا قولت له كتير قوي ده أستغلال هو هاتبقى انت واحمد نظيف .. هما جوز جنيهات مافيش غيرهم ؟

لا لا لا لا لا لا لا أنا لا أسمح بأي تشكيك في نزاهة كلماتي وسمو أهدافي

كلمة واحدة هارد بيها علي كل اللي عملته فيا .......... (وش واحد بيطلع مسدس)

وبعدين إنت بتتكلم علي إسو ....... هو فيه زي إسو

إنت نسيت إن الإجتماع المحاوراتي الرمضاني في جراند كافيه كان علي حسابه ......... تفتكر إيه الهدف من كده؟؟؟؟؟؟؟

إطعم الفم ............ تستحي العين

يا بن الإييييه يا شوكت (قول مأثور عن حسين الشربينى)

بقى انتوا هنا عاملنى سيرة .. ولبانة فى بوء اللى يسوى (كل الناس) واللى ما يسواش (عارف نفسه :unsure: ) ؟

بقى أنا اخد اجازة م الشغل وادخل من البيت خباثة وفى السريع عشان الفاتورة أقوم الاقى كل دا بيحصل من ورا ضهرى ..

"نار التساهل أضرمت" (قول مأثور عن ابن مصر ربنا يرجعه لكوا بالسلامة .. دا انتوا هاتشوفوا اياااام .. stnd:: )

بالنسبة ليك يا ابو السيد .. مش هاقولك غير كلمة واحدة .. كلمة واحدة هارد بيها على كل اللى عملته فيا (إيه اللى انا باقوله ده؟ :P ) ..

ملفك اللى انت عارفه هايكون بكره الصبح على مكتب الباشا بتاع الرقابة الإدارية .. مااااشى ماااااااااشى mf)

أما انت بقى يا عم احمد يا محسن يا بتاع دير النحاس ;) (لأ لأ التانى كان احمد ابراهيم باين :P ) دا انت هاتشوف منى اياااام .. ;)

بقى انت لا تقبل التشكيك فى نزاهة كلماتك .. ولا سمو ماعرفش إيه لكن تقبل التشكيك فى ذمتى؟ .. صبرك بالله

وعندك واحد إنذار لطش كده من غير كتابة بالاحمر .. وللا اقولك خليهم خمسة عشان يتوقف على طول وتعلقوا راسه بعد كدا على باب زويلة عشان يبقى عبرة لمن يعتبر ..

رمضان خلص .. واخدينلى بالكوا .. ولقد جنت على نفسها ...

جنت على نفسها ..

جنت على نفسها ........

يللا مش مهم . stnd::

ملحوظة أخيرة .. بلاش الكلام فى موضوع الحساب ده عشان المدام لو عرفت .. إحتمال تفقدوا واحد من أطيب المشرفين اللى عندكو .. stnd::

أستروا عليا الله يستر على ولاياكو

[G.G]

إنت نسيت إن الإجتماع المحاوراتي الرمضاني في جراند كافيه كان علي حسابه ......... تفتكر إيه الهدف من كده؟؟؟؟؟؟؟

ملحوظة أخيرة .. بلاش الكلام فى موضوع الحساب ده عشان المدام لو عرفت .. إحتمال تفقدوا واحد من أطيب المشرفين اللى عندكو .. 

:) :D ...بجد يا أسو انت دفعت كل الحساب؟ :D

بس ده كده احنا اتنصب علينا في جراند كافيه ده!!

لأن كل احنا البنات - بنتمصرية, كليو, أنا- كنا دفعنا ال minimum charge بتاعنا قبل ما نقوم!! معنى كده اتدفع مرتين ؟؟

cr((: grdy:

[فــيــروز]

- يا ترى الحادثه حصلت الساعه كام؟

- اربعه ونص بعد الضهر

- طيب الحمد لله .. يعنى ماتوا صايمين

كان هذا هو الحوار الذى نشرته جريدة الاهرام فى صفحة الحوادث تعليقا على حادث اتوبيس المنيا الذى ضاع فيه ما يزيد على 30 مواطن غير المصابين !!

الحقيقه لقد ذهلت وشعرت بغصه كبيره فى حلقى وانا اقرا هذا الحوار

ذهلت من هذا المنطق المصرى الذى يبحث دائما فى اشد الكوارث ظلمه عن اى شئ "يرضى" به ويلتمس فيه السلوى و العزاء !! حتى لو كان الموت بهذه الطريقه وفى هذا الوقت .. يا إلهى !! هل هى نقمة ام نعمه هذا الرضا الابدى الذى نعيش فيه !! وإلى متى سنظل راضون .. الى متى !!

[se_ Elsyed]

إستفسار بسيط ...

النهاردة شوفت صور الريس في الجرايد وما شاء الله ملعلعه وهو بيصلي صلاة العيد ... لكن لاحظت إن فيه حاجز خشبي وراءه من الآرابيسك .. فهل ده لأنه جالس في الصف الخلفي ولا هو جالس قدام وفصلينه عن عامة الشعب ؟

أفيدونا أفادكم الله ..

المعذب أبد الدهر س س الثالث عشر

التصويرة أهي

[se_ Elsyed]

مش عارف ليه تُلح عليه هذه الأيام فكرة كتابة قصة من نوعية الخيال العلمي وأحداثها تدور بإختصار في إمبراطورية نفاقستان لحاكمها وصاحبها المعلم مارينجوس الاول وولده ابو سريع ... حيث إن الشعب النفاقستاني تعب وزهق وجاب جاز من كثر الظلم بعد عدة عقود من الحكم الديكتاتوري الإنشطاري وبالتالي فقد خرج عليهم ثائر من ثوار الحركة السفلية للديمقراطية المستخبية ويُدعي سينسيدوس السابع عشر وقرر أن يُكون خلية سرية ويحاول إقناع الناس بإن كل واحد من الشعب يدفع 100 لحلوح مشمشي ويلموا المبلغ ويراضوا به مارينجوس وعياله عشان يحلوا عن قفاهم .. خلوا رجل يعني أو بالمعنى الدراج هذه الأيام مقابل خُلع .

فلو إفترضنا إن عدد أبناء الشعب النفاقستاني القادرين مادياً على دفع المية لحلوح هم 30 مليون والباقي عايشين تحت خط الفقر ... يبقى كده هايبقى معانا 3 مليار لحلوح ..

تفتكروا ممكن مارينجوس ياخد المبلغ ده ويطلق ولا هايطمع ويقول أنا العملية دي ما خلعش منها بأقل من 35 مليار ورقة من الأخضر ( دورارات يعني ) ؟

[Tafshan]

تفتكروا ممكن مارينجوس ياخد المبلغ ده ويطلق ولا هايطمع ويقول أنا العملية دي ما خلعش منها بأقل من 35 مليار ورقة من الأخضر ( دورارات يعني ) ؟

مارينجوس مين ده اللي يرضى بملاليم شعب نفاقستان التعبان .. انا رايى ان شعب نفاقستان يبطل طمع و افترى بقى يلم القرشين دول و يشتري له بلد على قده كده ...

ساعتها ممكن يعمل دستور و انتخابات نزيهة ...

وطبعاً مش ح يلاقي حد في جمال ابو سريع مارينجوس rs: