شهادة حية لأحداث الموسكي

[احمد رضوان]

وما زال مسلسل الفوضى مستمر في الشارع المصري ، خناقة تتحول لمعركة يتم إستخدام الأسلاحة الآلية فيها.

بداية احداث العتبة بخناقة بين عامل فى محل عايز يمر ببضاعة على العجل اللى بيحملوا عليه بضاعة وبائع من اللى فارشين فى الارض ،العامل عايز يمر والبائع رافض لانهم واخدين معظم الشارع ،ضربوا بعض ،العامل جاب صاحب المحل اللى بيشتغل فيه وضربوا لابائع ،باقى البياعين ( التوابية) تدخلوا ،جم العرباوية اللى تبع صاحب المحل اللى فيه العامل ،بدأ التراشق بالزجاجات والضرب بالاسلحة البيضاء ،جه المأمور من قسم الموسكى ومعاه قوة ،البياعين اعتدوا عليهم ،راح العرباوية للقسم يعملوا محضر ،التوابية راحوا وراهم وحصلت خناقة ،راح المأمور شال ايده من الموضوع

وهنا بدأت البلطجة ،الاسلحة الالية خرجت ومنها السيد كلاشينكوف والرصاص انهمر من كل ناحية ،والبلطجية من البياعين قفلوا مدخل مترو الانفاق ومنعوا الناس تنزل ومنهم انا،رجعت اخد تاكسى ،مفيش طبعا ،الناس عايزة تهرب ،استخبيت مع بعض السيدات فى النجدة اللى ورا السنترال وفى لحظة واحد وقع جنبى مضروب بالرصاص، جرينا على جراج الاتوبيس واخدنا اى اتوبيس طالع

اصحاب المحلات ومعظمهم عرباوية دخلوا محلاتهم وقفلوها وحاولوا يستنجدوا بالجيش ،بس الجيش جه متأخر ،كانوا 3 ماتوا وحوالى 30 اصابة منهم ضباط ونائب المأمور خد رصاصة

الجيش فى الاول مقدرش يسيطر لان الشوارع ضيقة والبياعين بيدخلوا فيها ،وجه الامن المركزى وقبضوا على ناس كتير من الطرفين ،بالنسبة للحريقة ،انا مشفتهاش ،بس ممكن تكون تبعهم عشان الموسكى فيه عرباوية كتير

وحاليا فى 12 عربية امن مركزى ومدرعات وصاعقة وشرطة عسكرية مقفلة المنطقة والشركة عندنا قفلت لان صاحب المحل اللى بدا الخناقة يبقى خال المدير بتاعى ومفيش مرتبات اتصرفت

وبس

يعنى مفيش فلوس وصدمة عصبية ،ورصاصة اخطأتنى على بعد 30 سم

المصدر

http://www.twitlonger.com/show/c28kgq

[فريح]

أية الكلام ده ؟

و متى حدث ؟

[احمد رضوان]

أمس مساءً