كل ما يخص محاكمة مبارك وأتباعه

[se_ Elsyed]

لحظة تاريخية ... أطالب إنها تُدون على جدارن المعابد والأهرامات وميدان مصطفى محمود

المتهم محمد حُسني مبارك

يا الله

لسه بأقول لزوجتي أول أمس .. أظن كل العصابة دي لو كانت في مرة اكلت أكلة تقيلة وراحوا يناموا وجالهم كوابيس فعمرها ما كانت هاتبقى بالشكل ده

سبحانك يارب

[مغتربة]

انا هعمل رد مبارك نغمه الموبايل بتاعى

علشان كل ما يرن افتكر اللحظه التاريخيه دى

الموبايل كده هايتنحس يا مغتربة

نصيحة مني بلاش

على رايك

بس اصل الرد دا لازم يتخلد يا جماعه

طيب نعمل ايه

[nihal]

كله انكار ، محدش يتوب ويقول أعترف بها

و الله يا الغريب دا اللي هيجنني ،

إية الناس دية حجر .. فرعون بجد .. يا رب رحمتك .

[pink rose]

واحد على الفيس بيقوله مبروك اللقب الجديد

المتهم محمد حسني مبارك

[se_ Elsyed]

طبيعى انهم ينكروا

دى اجراءات شكليه

لكن العبره مش بردهم

العبره بالادله الى هتستقر فى ضمير المحكمه

أكيد يا مغتربة

4 أو 5 فلل

عقود موجودة

سعر فطيس

مقابل حصل عليه المجرم العتيد حسين سالم

في إيه تاني فاضل ؟

[زهرة الجبل]

حد واخد باله من المحامي الواقف جمب المتكلم حالياً؟

مش عاجبه الكلام و بيتتريق عليه

مش عاجبه ان مصر تزينت بدماء الشهداء و بهذه المحاكمه

انا نفسي افهم الناس دي جايبينها منين؟

[se_ Elsyed]

زي ما قولت لكم

اللعب كله والسخون هاتيدأ مع سماع الشهود

خصوصاً طنطاوي وعنان وعمر سليمان

[Alattar]

أوبااااا...ايه الاحراج ده...

عاوزين يستدعوا محمد حسين طنطاوي..و سامي عنان...الموضوع شكله هيطول..و هيسخن أوي

[pink rose]

زي ما قولت لكم

اللعب كله والسخون هاتيدأ مع سماع الشهود

خصوصاً طنطاوي وعنان وعمر سليمان

طيب لو جم شهدوا بكده فعلا يبقى كده خلاص

و لا ايه النظام؟؟؟

[nihal]

زي ما قولت لكم

اللعب كله والسخون هاتيدأ مع سماع الشهود

خصوصاً طنطاوي وعنان وعمر سليمان

طيب هما هيعترفوا ؟!!

[mekkawy]

جاااااااااااامد موت الراجل اللي طلب رفع بصماتهم في الجلسة ده .. برننس برنسسسسسسس يعني

[se_ Elsyed]

محامي مجرم بيطب رفع بصمات مبارك وعياله وجايب الختامة والحبر والورق ههههههههه

يخرب بيت كده

[nihal]

ممتاز طلبوا تسجيل المكالمات

[زهرة الجبل]

الله الله

المحامي عاوز صحيفة الحاله الجنائيه لمبارك و نجليه

لأن أوراق الدعوى خلت منها

و جايب الختامه و جاهز

[Alattar]

هو موضوع البصمات ده عشان ايه؟.

تم تعديل 3 أغسطس 2011 بواسطة Alattar

[pink rose]

شوفتوا الجامد دا اللي عاوز يجر عاطف عبيد

[nihal]

الله الله عاطف عبيد الحقير بتاع الخصخصة

[pink rose]

بس الصراحة محامين المدعين بالحق المدني

شكلهم غلابة قصاد الغيلان محامين المتهمين

[se_ Elsyed]

زي ما قولت لكم

اللعب كله والسخون هاتيدأ مع سماع الشهود

خصوصاً طنطاوي وعنان وعمر سليمان

طيب هما هيعترفوا ؟!!

المفروض يقولوا إيه اللي حصل

وخصوصاً إن اللوا عنان قال بنفسه إنه صدرت لهم اوامر رسمية من مبارك بتسوية الميدان بالأرض يوم 28

وكمان في حاجه يا نهال .... جميع الإجتماعات الموسعة بتبقى مُثبتة في محاضر رسمية

ويا ويله يا سواد ليلة اللي يلعب في المحاضر دي

كل ده مهم

كمان المحامي اللي قال يجب تفريغ كل المكالمات الرسمية اللي صدرت من الرئاسة من يوم 25 لحد 11 فبراير .. شيء مهم جداً

[مغتربة]

زي ما قولت لكم

اللعب كله والسخون هاتيدأ مع سماع الشهود

خصوصاً طنطاوي وعنان وعمر سليمان

طيب لو جم شهدوا بكده فعلا يبقى كده خلاص

و لا ايه النظام؟؟؟

شهاده الشهود من احد القرائن الى بترتكز عليها المحكمه فى اصدار احكامها

لكنها مش لوحدها

المحكمه بتجمع كل القرائن سواء شهادات او عقود او تسجيلات او او

حتى تصل الى الحكم الذى يطمئن اليه ضميرها