كل ما يخص محاكمة مبارك وأتباعه

[nihal]

زي ما قولت لكم

اللعب كله والسخون هاتيدأ مع سماع الشهود

خصوصاً طنطاوي وعنان وعمر سليمان

طيب هما هيعترفوا ؟!!

المفروض يقولوا إيه اللي حصل

وخصوصاً إن اللوا عنان قال بنفسه إنه صدرت لهم اوامر رسمية من مبارك بتسوية الميدان بالأرض يوم 28

وكمان في حاجه يا نهال .... جميع الإجتماعات الموسعة بتبقى مُثبتة في محاضر رسمية

ويا ويله يا سواد ليلة اللي يلعب في المحاضر دي

كل ده مهم

كمان المحامي اللي قال يجب تفريغ كل المكالمات الرسمية اللي صدرت من الرئاسة من يوم 25 لحد 11 فبراير .. شيء مهم جداً

الله يا مصر يا عظيمة يا أعظم دولة في العالم ..

الناس دية يا دوب تتشاهد على كدا D:

[زهرة الجبل]

هو عادي كده ان كل ما محامي يتكلم القاضي يقطم كلامه ؟

مفيش حد من المحامين عن الأهالي عارف يكمل كلامه

هل ده عادي؟

[se_ Elsyed]

هو موضوع البصمات ده عشان ايه؟.

عشان حاجات كتير

أولها يخرس أي حد يقول دوبلير ومش عارف إيه

وأهم حاجه .. هو لا مؤخذه المتهم مش لازم يتعمل له فيش وتشبيه وصحيفة جنائية ؟

طبعاً أيوه .. طب ينفع ده من غير بصمات

[pink rose]

هو عادي كده ان كل ما محامي يتكلم القاضي يقطم كلامه ؟

مفيش حد من المحامين عن الأهالي عارف يكمل كلامه

هل ده عادي؟

اصل الطلبات مكررة

دا غير انها هاتتقدم في مذكرات

فا القاضي مش عاوز عطلة طالما كده كده هايقراها

انما الحاجات الشفهية و مش مكتوبة بيمليها لكاتب المحكمة عشان تتسجل

[se_ Elsyed]

هو عادي كده ان كل ما محامي يتكلم القاضي يقطم كلامه ؟

مفيش حد من المحامين عن الأهالي عارف يكمل كلامه

هل ده عادي؟

يا أم كريم

ما هي دي قولنا جلسة إجرائية فقط ... لإثبات حضور المتهمين والدفاع

يعني مش جلسه مرافعة

وبالتالي أي حد عنده طلبات الراجل قال يقدمها مكتوبة ... عشان تبقى أوضح لإن الكلام بيروح في الهوا ومجرد شو إعلامي فقط

[capitshino]

هو عادي كده ان كل ما محامي يتكلم القاضي يقطم كلامه ؟

مفيش حد من المحامين عن الأهالي عارف يكمل كلامه

هل ده عادي؟

اصل الطلبات مكررة

دا غير انها هاتتقدم في مذكرات

فا القاضي مش عاوز عطلة طالما كده كده هايقراها

انما الحاجات الشفهية و مش مكتوبة بيمليها لكاتب المحكمة عشان تتسجل

يمكن من اول المحكمة وانا حاسس ان محاميين المتهمين مش على اد الحدث

اعتقد الافضل ان يتم الترتيب بينهم

[مغتربة]

القاضى صح

المحامين طلبتهم الى حد كبير متكرره

و هما على قولهم تلاتين واحد

لو كل واحد اخد دقيقه بس يبقى دخلنا فى نص ساعه

و طلهم عايزين يتكلموا علشان يتشهروا

كل واحد يمسك الميك علشان يقول اسمه

انا شايفه ان القاضى صح لغايه دلوقتى

لو سابهم مش هنخلص و لا على المغرب

[se_ Elsyed]

حصل اللي قولته الصبح

تم تحطيم شاشة العرض العملاقة التي تم وضعها على سور الأكاديمية من تراشق الحجارة بين الطرفين

وقولت أي حد شايل طوبة أو مبلطج لازم يتحاكم وفوراً ويدفع تعويض كمان

إيه الهمجية والغوغائية دي ..

حاجه أخر قلة أدب وناس لازم تتعلم يعني إيه تحضر ويعني إيه أدب

[se_ Elsyed]

العبببببببببببببببببب

هئية قضايا الدولة باعته وفد

وتعويض مليار جنية إلى حين البت في قيمة تلف وتدمير الممتلكات العامة

[se_ Elsyed]

وكمان جزء لتعويضات المتوفين والشهداء

--------

انا رأيي نحولهم لفضيلة المفتي ونخلص بقى

[مغتربة]

هو جمال مبارك عنيه حمرا من العياط

و لا بيتهيالى

[se_ Elsyed]

يااااااااااااااااه

يحيا العدل

والعدل هو إسم الله جل وتعالى

جه اليوم اللي نشوف الدولة

واخدين بالكم

الدولة هي اللي بتختصم رئيسها وعصابته وبترفع عليه قضايا تعويضات بمليارات

[Alattar]

توفي منذ 2004 ازاي؟؟

أمال مين اللي في المحكمة ده؟

[se_ Elsyed]

صباح الكنافة

واحد بيخرف وبيقول عاوز اثبت إن مبارك متوفى من سنة 2004

[pink rose]

ايه الراجل دا

[Alattar]

متهيألي الحتة الأخيرة دي واسعة شوية؟..و مش شايف ليها أي لازمة بصراحة و مش هيجيلنا من وراها غير تطويل الوقت و الدخول في سكك تانية خالص

[se_ Elsyed]

صباح الكنافة

واحد بيخرف وبيقول عاوز اثبت إن مبارك متوفى من سنة 2004

الراجل ده لازم يتحط مستشفى العباسية حالاً

بلا قرف وبيضيعوا وقتنا ويضحكوا علينا العالم

بيقول لك إسرائيل وأمريكا أستنسخت مبارك

طب كنت استنسخت لنا بقرة أو عجل ناخد منهم لبن ولحمه وكبده وكوارع

[nihal]

مين دا >> دا قرينك يا زواوي

أنا حاسة إني أنا اللي بدأت أقول تخاريف :unsure:

تم تعديل 3 أغسطس 2011 بواسطة nihal

[مغتربة]

فى اللقطه الى فاتت

القاضى شكله فصل

و الله ليه حق مجهود اوفر

[الغريب]

كارلوس لاتوف بعتلكم الحتة دي بمناسبة المحاكمة