كل ما يخص محاكمة مبارك وأتباعه

[se_ Elsyed]

أنا مستغرب من نقابة المحاميين اللي فلقوا دماغنا بوقفات على سلم النقابةوعلى السلم الموسيقى

ومافيش حد منهم تطوع بالدفاع عن الشهداء اللي فيهم ناس أهاليهم مش لاقيه تاكل ولا تعرف يعني إيه مُحامي

أعتقد إن ده كان هيُعطي زخم للقضية بدل ما شوفنا محاميي الشهداء بصراحة حاجه تكسف

[Folana]

تم تعديل 3 أغسطس 2011 بواسطة Folana

[م تيمور المراغي]

يا رب الناس اللي كانت بتنادي بالمحاكمات و علانيتها تطمن بقى و تبطل اعتصامات و اضرابات

يشوفوا حاجه افيد يعملوها بقى لمصر

لولا الناس دي

ماكانش اليوم التاريخي ده ,,

المفروض نشكرهم

مش هيا دي الاصول !

[Folana]

[

[se_ Elsyed]

اعتقد من النهارده مصر تغيرت 360 درجــه . . وبدات مرحله جديده

كل الفهلوه كل النصب . كل التحايل . كل الظلمه والظالمين

هي مصر مصر الحديثه

لا احد فوق القانون .. لن نسمع انت عارف انا مين . انا ابن مين . ولا انا بنت مين .؟؟

لأ يا وطني معليش

للأسف سمعنا الكلام ده كتير بعد 11 فبراير

وقولنا مصر إتغيرت ومش عارف إيه

لكن للأسف .. في فعلاً ناس كتيرة إتغيرت .. لكن للأسوء والأقبح ... وناس كتيرة تحولوا لمجرمين أراري وبقى اللي إيده بتطول حاجه بيسرقها سواء كانت سرقة فعليه أو بمعنى قلة ضمير

وبالتالي نحن بحاجه إلى عمل إيجابي والكل يبقى قلبه على مصر

مش مجرد أثمنيات وشعارات

[Diab]

اعتقد من النهارده مصر تغيرت 360 درجــه . . وبدات مرحله جديده

كل الفهلوه كل النصب . كل التحايل . كل الظلمه والظالمين

هي مصر مصر الحديثه

لا احد فوق القانون .. لن نسمع انت عارف انا مين . انا ابن مين . ولا انا بنت مين .؟؟

لأ يا وطني معليش

للأسف سمعنا الكلام ده كتير بعد 11 فبراير

وقولنا مصر إتغيرت ومش عارف إيه

لكن للأسف .. في فعلاً ناس كتيرة إتغيرت .. لكن للأسوء والأقبح ... وناس كتيرة تحولوا لمجرمين أراري وبقى اللي إيده بتطول حاجه بيسرقها سواء كانت سرقة فعليه أو بمعنى قلة ضمير

وبالتالي نحن بحاجه إلى عمل إيجابي والكل يبقى قلبه على مصر

مش مجرد أثمنيات وشعارات

تقصد إتغيرت 180 درجة لأن 360 معناها اننا رجعنا زي ما احنا أي نقطة الصفر

بصراحة محامو أهالي الشهداء حاجة تكسف ده ممكن يخلوا مبارك ياخد براءة من تاني جلسة بالكتير ولا اللي بيقولك مبارك ميت من 2004 الواحد لما دخل نقابةا المحاميين الصيف اللي فات هههه بجد ولا سوق التلات تحس انهم بيشتغلوا بالكيلو مع أن أرفع مهنة في الغرب هي الدكتور ثم المحامي وكانت كدة في مصر قبل انقلاب 52

[nihal]

اعتقد من النهارده مصر تغيرت 360 درجــه . . وبدات مرحله جديده

كل الفهلوه كل النصب . كل التحايل . كل الظلمه والظالمين

هي مصر مصر الحديثه

لا احد فوق القانون .. لن نسمع انت عارف انا مين . انا ابن مين . ولا انا بنت مين .؟؟

لأ يا وطني معليش

للأسف سمعنا الكلام ده كتير بعد 11 فبراير

وقولنا مصر إتغيرت ومش عارف إيه

لكن للأسف .. في فعلاً ناس كتيرة إتغيرت .. لكن للأسوء والأقبح ... وناس كتيرة تحولوا لمجرمين أراري وبقى اللي إيده بتطول حاجه بيسرقها سواء كانت سرقة فعليه أو بمعنى قلة ضمير

وبالتالي نحن بحاجه إلى عمل إيجابي والكل يبقى قلبه على مصر

مش مجرد أثمنيات وشعارات

للأسف يا سي السيد ، اللي بتقوله صح ، و أقل حاجة توضح دا غلاء الأسعار..

كأن اللي فاضل من مصر تكية و اللي بيلحق حاجة بياخدها .. خلاص كأن القيامة هتقوم .

محتاجية إعادة تقويم للفكر من جديد .. و الأهم كسب الثقة .

أكثر ما كنت أستاء منه مؤخراً كلمة / خلاص البلد خربت و اللي كان كان .

الإيمان اللي عند بعض الناس بخراب البلد لابد أن نعمل على إنتزاعه و زرع مقامه الإيمان بالتغيير .

في بعض المواقف أرد عليهم و أجادل و البعض يقبل و مواقف آخرى أقف بلا حِراك و أقول في ذات نفسي ستثبت لهم الأيام إن شاءالله .

إن شاءالله ربنا يأخذ بيدنا لتمر مصر بهذه المرحلة على خير يا رب

[وطني حر]

اخي الفاضل الاستاذ السيد .

طب امال هتتغير امتي . الي مني سنظل بهذه الفوضي فوي مقننه فوضي مقنعه فوضي متفبركه . فوضي مش عارفه ايه .

اليس من حقنا ان نعيش بامن اجتماعي . من الكذب والنفاق والدجل والمحسوبيات .

ولا دي عايزه وقفه مليونيه . . ما هو الطريق الامثل عايزين خارطه طريق للتغير الاجتماعي

هل نحتاج الي حاكم دكتاتور يعيد للشعب انضباطه وللشارع احترامه ,

سقط الدكتاتور واعتقد وسنظل سنين طويله نتحدث عن هذا السقوط وستالف مئات والاف الكتب .

وننسي المستقبل والدور المطلوب مننا جميعا ان نلتف حوله

الى متي سنظل نصرف المليارات للبحث عن المليون المفقود

شكرا للاستاذ دياب والله زمان عن المنقله والفرجار

تم تعديل 3 أغسطس 2011 بواسطة وطني حر

[ابو محمد بن مصطفي]

بالدفاع ده وشوية المحامين اللي نص لبه للشهداء الثورة والدفاع بالحق المدني

نتوقع كده بان الشهداء هما اللي هياخدوا اعدام

فين محامين مصر

[عصام أبوالفتح]

بعد المداولة

تم رفض طلب فصل القضيتين ... عجبنى جدا القاضى حيث قرر استئناف محاكمة العادلى غدا وفض الاحراز... وأودع المتهم مبارك للمركز الطبى العالمى وتستأنف محاكمته منتصف الشهر

تكون محاكمة العادلى استوت ووضحت الرؤية فيها ويعرف من خلالها كل التفاصيل

عشرة على عشرة

[وطني حر]

قرارات المحكمة: استمرار نظر الدعوى بجلسة غدا لفض الأحراز وعلى النيابة إحضار المتهمين من السجن مع استمرار حبسهم والتنبيه على المتهمين السادس والسابع بحضور الجلسة- وفي قضية مبارك قررت المحكمة استمرار نظر الدعوى بجلسة 15 أغسطس وتسليم الدفاع (الديب) نسخة من كارت الذاكرة وتصوير صفحات محاضر التحقيق مع جمال مبارك والتي لم يتم تصويرها سابقا. وأمرت المحكمة بإيداع مبارك بمستشفى المركز الطبي العالمي بطريق مصر الاسماعيلية الصحراوي

والتنبيه على المتهمين السادس والسابع بحضور الجلسة ؟؟

اش معني .؟؟؟

تم تعديل 3 أغسطس 2011 بواسطة وطني حر

[عصام أبوالفتح]

قرارات المحكمة: استمرار نظر الدعوى بجلسة غدا لفض الأحراز وعلى النيابة إحضار المتهمين من السجن مع استمرار حبسهم والتنبيه على المتهمين السادس والسابع بحضور الجلسة- وفي قضية مبارك قررت المحكمة استمرار نظر الدعوى بجلسة 15 أغسطس وتسليم الدفاع (الديب) نسخة من كارت الذاكرة وتصوير صفحات محاضر التحقيق مع جمال مبارك والتي لم يتم تصويرها سابقا. وأمرت المحكمة بإيداع مبارك بمستشفى المركز الطبي العالمي بطريق مصر الاسماعيلية الصحراوي

والتنبيه على المتهمين السادس والسابع بحضور الجلسة ؟؟

اش معني .؟؟؟

انت متابعتش المحاكمة من اولها ولا ايه ؟ ... دول مجموعة محاميهم كانوا عايزين يحولوهم لمحكمة الجنح

[pink rose]

بعد الظهور المخزي للمحامين المدعين بالحق المدني في قضية قتل المتظاهرين والمتهم فيها مبارك ونجلاه والعادلي ومساعديه، وافق المحامي عصام سلطان نائب رئيس حزب الوسط على تشكيل هيئة دفاع "محترمة" قائلا: تحدثت معي د.هبه رؤوف عزت ...المشهد صعب للغايه في ضوء الفوضي من البعض للظهور الاعلامي...ولكنني اوافق.. وأضاف على تويتر :لم اتخلف عن المشهد الحالي او اتقدم متاخرا...ما كان لي ان افرض نفسي لو لم استشعر مطالبه حقيقيه من اخوه افاضل و مواطنون بسطاء للتقدم..

بجد انا مبسوطة جدا اني انضميت لحزب الوسط

[وطني حر]

شكرا استاذ عصام . انا لفت انتباهي تحديدهم هما بالذاب والتاكيد عليهم مع انهم مشمولين بالنص العام ((وعلى النيابة إحضار المتهمين من السجن مع استمرار حبسهم والتنبيه على المتهمين السادس والسابع بحضور الجلسة))

عامة شكرا على الايضاح

[رضوي]

الحمد لله

اليوم عدى علي خير

بس وقعت من الضحك لما سمعت الراجل اللي بيقول مبارك مات من 2004

شكله بيتفرج علي أفلام أمريكاني كتير

وعايش في فيلم فيس اوف مع ترافولتا ونيكولاس كيدج

ايه اللسعان دة ؟؟؟

المهم عندنا كلنا كان ظهور مبارك ونجليه والعادلي واعوانه في القفص وقد تم بحمد الله

عقبال النطق بالحكم ان شاء الله

سبحان المعز المذل السميع البصير

[Khiber]

My link

سبحان من يعز من يشاء ويزل من يساء

سبحان من يبدل ولايتبدل

بصراحة ليس لى رد إلا قول عظيمة يامصر

وأبارك شبابها على كافة أطيافهاوأحزابها

عملت مالم نستطع فعلة طيلة 30 عاما

دعوة للوحدة والإلتفاف خلف علم مصر

لانريد ضياع هذا الإنجاز خلف الفرقة

فليكن توافق على نقاط التوافق وندع الإختلاف جانبا حتى تقم مصر على قدميها

اللهم إحفظ مصرنا ياكريم

اللهم أمين

[MohamedAli]

ايه رأيكم في الكلام ده ؟ مش عارف صحيح ولا الشعب بدأ يشكك في كل حاجة

رصد|أقوال وآراء| الزائر أحمد بلال يقول

هل سمعتم ان قاضي يقول لمتهم سيادتك!!

قالها القاضي للعادلي...سيادتك!

؟

...وعندما تكلم مع محامي المتهمين قال لهم سعادتك...وسيادتك...وحضرتك

لكن عندما تكلم مع محامو المجني عليهم قال لهم

ياأستاذ...مكانك....خلاص...كفاي​ه....سيب الميكرفون !!

هل احنا بس حساسين شوية ولا في إن؟

[خالد شحاته]

بصراحه فريق المحامين المدعون بالحق المدني في قمه الهرجه ومفيش تنسيق وكدا ممكن يجبو للاهلي الشهداء اعدام كمان مش للمتهمين لابد يكون في فريق للتنسيق في المرافعه وكاتبه المذكرات لان فريق المدعي عليه شكله كله كدا ربنا ولا بلاش ادعي عليهم علشان صايم ربنا يستر

[pink rose]

هل احنا بس حساسين شوية ولا في إن؟

لا كده نبقى موسوسين مش حساسين

عن نفسي ما حسيتش ابدا ان القاضي بيفرق بين حد

كل الحكاية و في رأيي ان محامين الدفاع المدني كانوا عاوزين يظهروا و كل واحد يتشهر بقى و يقول خطب

انما محامين المتهمين ناس عقر و عارفين يجيبوا المفيد

ان شاء الله لما عصام سلطان و معاه هيئة دفاع محترمة ياخدوا مكان الناس الروشة دي ساعتها نقدر نحدد معاملة القاضي عاملة ازاي

هاذوها رأيي و الله اعلم

[وطني حر]

بس وقعت من الضحك لما سمعت الراجل اللي بيقول مبارك مات من 2004

شكله بيتفرج علي أفلام أمريكاني كتير

وعايش في فيلم فيس اوف مع ترافولتا ونيكولاس كيدج

كملي الضحك مع هذا الرابط .

http://www.youtube.com/watch?v=30jaquY6mX0&feature=related