قررت التوقف عن نقد السلفيين و أفكارهم خلال شهر رمضان المبارك

[MZohairy]

بمناسبة حلول شهر رمضان المبارك قررت التوقف عن نقد و مهاجمة السلفيين و أفكارهم التي نراها تستدعي النقد و الهجوم خلال شهر رمضان المبارك أعاده الله على الجميع بالخير و اليمن و البركات

و سيكون التوقف شاملا حتى و لو قام السلفيون بسب و تشويه المعتقدات الليبراليه سب مباشر كالعاده

و لنا عوده بعد عيد الفطر اعاده علينا المولى بالخير بإذن الله

و الله الموفق و المستعان

[mekkawy]

كل سنة و انت طيب يا استاذ محمد

مش عارف اشكرك ولا أحييك ولا أوئد المجادل بداخلي بس عامة لنا الظواهر و حقك عليا التعامل بحسن النية و ظاهر الأمر و أقتل المجادل بداخلي و أقولك تحياتي و كل سنة و انت طيب و كانك قرأت مداخلتي في الموضوع الاخر عن مهاجمتك و تيارك للسلفيين على أنها قربى إلى الله.

رمضان كريم يا أبو اياد

[م تيمور المراغي]

اهو شفت يا زوهير

ميكو قال لك فسر توقفك ده انه تقرب الى الله

طبعا مش هما اهل الله ويتوع ربنا يبقى نتوب بقى عن مناكفتهم عشان حرام زي ما الواحد بيبطل سجاير مثلا في رمضان

اول مره اخالفك في توبيك فتحته يا مايسترو لو كنت تركتها مفتوحه يعني تقول اتوقف عن نقد من يخالفوني كانت تبقى احسن

السلفيين ماحدش ينكر انهم مجتهدين في العباده ( على قد فهمهم ) ولكن نقدهم ومخاصمتهم كانت في ساحة العمل السياسي وده شيئ بديهي

ما ينفعش امام مسجد يمسك عميد كلية مثلا وبالمثل

قيادة الدولة لها طبع خاص ولنا في السيرة المطهرة السند القوي والمسكت

خالد بن الوليد و عمرو بن العاص كانا حديثي عهد بالاسلام

وفور اسلامهما جعلهما النبي الكريم اميرين على من !

على ابو بكر وعمر والسابقون الاولون من المهاجرين والانصار

و عشان مايتقالش ان امارة الجيوش تختلف عن ولاية الدوله حاضر

سيدنا عمر رضي الله عنه سال اصحابه

ارأيتم اني اولى فلانا القوي في الدين ام اولي فلانا القوي في امر الدوله !

طبعا قالوا له القوي في الدين

فرد عليهم ان القوي دينيا نفعه لنفسه وتقصيره على الرعيه

ولكني ساختار القوي في الحكم لان نفعه للرعيه وتقصيره على نفسه

تحيتي للجميع ورمضان كريم ي زوهير ويا مك

[mekkawy]

شفت يا تيمور .. عشان انت حاطط الحاجز و معليه ما فهمتش كلامي مع انه مفهوم جداً جداً و أخويا زوهيري فهمه من أول ما قراه و من غير ما يسأل

ردك رد المتحفز لأي حاجة موجودة أو مش موجودة .. ربنا يهدينا يا تيمور و حاول تفهم الكلام زي ما هو مكتوب مش زي ما انت عاوز و كل سنة و انت طيب

[MZohairy]

انا ناوي النهارده افطر فراخ محشيه و ملوخيه و قطايف

حتفطر ايه يا مكاوي؟؟؟؟؟؟؟؟

الجوع كافر معلش :sad:

[mekkawy]

انا ناوي النهارده افطر فراخ محشيه و ملوخيه و قطايف

حتفطر ايه يا مكاوي؟؟؟؟؟؟؟؟

الجوع كافر معلش :sad:

مش قلنا بلاش تكفير يا باشا :P

و الله يا ابو اياد مش عاوز افكر بس حيث انك فتحت الموضوع فأنا إن شاء الله هأفطر:

مشهيات: سمبوسك بالللحمة و البسلة + زيتون كالاماتا + لحمة بصلة

أطباق رئيسية: صينية رقاق باللحمة + صينية فراخ بالطريقة المكاوية + أرز بالخلطة و المكسرات

حلويات: قطايف + مشروبات ساقعة + تمر و لبن و أعتقد فيه قمر الدين بس مش متأكد لسة

بس كدة يا ريس عشان ما بأحبش الأكل الكتير في رمضان

[MZohairy]

انا ناوي النهارده افطر فراخ محشيه و ملوخيه و قطايف

حتفطر ايه يا مكاوي؟؟؟؟؟؟؟؟

الجوع كافر معلش :sad:

مش قلنا بلاش تكفير يا باشا :P

و الله يا ابو اياد مش عاوز افكر بس حيث انك فتحت الموضوع فأنا إن شاء الله هأفطر:

مشهيات: سمبوسك بالللحمة و البسلة + زيتون كالاماتا + لحمة بصلة

أطباق رئيسية: صينية رقاق باللحمة + صينية فراخ بالطريقة المكاوية + أرز بالخلطة و المكسرات

حلويات: قطايف + مشروبات ساقعة + تمر و لبن و أعتقد فيه قمر الدين بس مش متأكد لسة

بس كدة يا ريس عشان ما بأحبش الأكل الكتير في رمضان

bsh:) bsh:) bsh:) bsh:)

آهههه يا بطني يانى

[م تيمور المراغي]

bsh:) bsh:) bsh:) bsh:)

آهههه يا بطني يانى

جالك كلامي ;)

[م تيمور المراغي]

شفت يا تيمور .. عشان انت حاطط الحاجز و معليه ما فهمتش كلامي مع انه مفهوم جداً جداً و أخويا زوهيري فهمه من أول ما قراه و من غير ما يسأل

ردك رد المتحفز لأي حاجة موجودة أو مش موجودة .. ربنا يهدينا يا تيمور و حاول تفهم الكلام زي ما هو مكتوب مش زي ما انت عاوز و كل سنة و انت طيب

على عمو !

ده انا عارفك وحافظك وعاجنك وخابزك وحارسك وصاينك وضامنك ! :happy:

[MZohairy]

انا رأيي الموضوع ده يكون دعوه لإخوانا السلفيين اللي انا ضدهم فكريا (قبل و بعد رمضان) اننا نلتقي متوادين هنا و نسلم على بعض و نتفق مره مع بعض

حاليا اخواننا في الصين فطروا و في كندا لسه مخلصين سحور من شويه

شوفتوا الدنيا دواره ازاي؟؟؟؟؟ :P

[engmido]

اللهم انى صايم

وكل سنة وانتو طيبين

[eslam elmasre]

ايوا يا زهيري

بس رمضان مش من الاشهر الحرم :P

عموما انا متاكد ان نقدك لاخوانك السلفيين لحبك الشديد لهم وحرصك علي مصلحتهم

[التونسى]

مستر زوهيرى ..والله أعلم ..يقصد هدنه يعنى .. هدانا الله وإياكم .. وجنبنا لغو القول فى نهار رمضان

[أبو يمنى]

بمناسبة حلول شهر رمضان المبارك قررت التوقف عن نقد و مهاجمة السلفيين و أفكارهم التي نراها تستدعي النقد و الهجوم خلال شهر رمضان المبارك أعاده الله على الجميع بالخير و اليمن و البركات

و سيكون التوقف شاملا حتى و لو قام السلفيون بسب و تشويه المعتقدات الليبراليه سب مباشر كالعاده

و لنا عوده بعد عيد الفطر اعاده علينا المولى بالخير بإذن الله

و الله الموفق و المستعان

كل عام وأنت بخير أخي زهيري .

هذا القرار الجمهوري يظهرك بمظهر رئيس الهيئة العامة لنقد ومهاجمة السلفيين بمنتدى محاورات المصريين .

عموماً أجازة سعيدة .

:)