طلب تاشيرة حج

[drsoly]

بسم الله الرجمن الرجيم

السلام عليكم ورحمه الله وبركاته

انا طبيب مصري وكنت عامله طلب زيارة للوالد والوالده ولسه مردوش عليا بيقولي تم استلام الطلب انا مش عارف يعني ده معناه ايه ربنا يسهل الحال واللي فيه الخير يقدمه ربنا

المهم انا كنت قريت تحتيها طلب تاشيرة زيارة حج وانا مش فاهم دي بردي معناها ايه

يعني دي زي تاشيرة حج زي بتاعت مصر وانت بتتكفل الاقامة والتذاكر ولا دي معناها ايه

اسالكم بالله اللي عنده افاده في الموضوعين اللي انا طرحتهم يفيدني

جزاكم الله خيرا وكل عام وانتم بخير

شكر خاص للاستاذ خالد شحاته مش عارف هيفتكرني ولا لا

انا بعتذر اني فتحت موضوع يمكن متشابه مع مواضيع اخري بس لاني حسيت ان المواضيع مبقيش عليها ردود

[essamlotfy]

رمضان كريم لكل اهل المنتدي الكرام

شوف يا دكتور انا سألت في الموضوع ده السنة اللي فاتت لاني كنت عايز اجيب امي نحج

ففعلا رحت سالت في وزارة الخارجية - هل ممكن اني اطلع تاشيرة حج لأمي؟

وكانت الاجابة ان تاشيرات الحج تستخرج للحكومات فقط

فكان الحل اني اجيب الست الوالدة من اول رمضان وتفضل معايه الي الحج

وده فعلا اللي حصل والحمد لله

قدمت لها علي التاسشيرة في شعبان

وجت في رمضان وقعدت الي الحج وروحت بالسلامة وهي بتدعيلي

لكن في نقطة - اللي عايز يحج من المقيمين لازم يطلع تصريح حج

لكن في بعض الحملات الرخيصة بتوافق علي انها تاخد الناس معاها بدون تصريح

اتمني اني اكون وضحت الموضوع كامل

ولول في اي استفسار تاني انا في الخدمة

[drsoly]

شكرا جزيلا علي الرد يا اخي

انا مقدرتش افهم منك ايه معني كلمة تم استلام الطلب وهل الموضوع ده بيتاخر ولا ايه

ثانيا بتقول للحكومات فقط بمعني اللي شغالين في الحكومة السعودين ولا المقيمين اللي زينا بس شغالين في الحكومة

وهل ينفع يعني انا كفيلي وزارة صحة بمعني جايه حكومه ده معناه ينفع اني اعملها ولا ايه

شكرا جزيلا علي الرد واتمني المتابعة

[se_ Elsyed]

شكرا جزيلا علي الرد يا اخي

انا مقدرتش افهم منك ايه معني كلمة تم استلام الطلب وهل الموضوع ده بيتاخر ولا ايه

ثانيا بتقول للحكومات فقط بمعني اللي شغالين في الحكومة السعودين ولا المقيمين اللي زينا بس شغالين في الحكومة

وهل ينفع يعني انا كفيلي وزارة صحة بمعني جايه حكومه ده معناه ينفع اني اعملها ولا ايه

شكرا جزيلا علي الرد واتمني المتابعة

البت في الطلب بياخد أسبوع على الأقل يا دكتور

إنت بقى لك قد إيه مقدم ؟

[drsoly]

اسف علي التاخير في المتابعة بس ظروف الشغل بعيد عنكم

انا كنت بستفسر عن امكانية تاشيرة الحج دي بتكون يعني للحكومة اللي هما شغالين زي مثلا في وزارة الصحة يعني مش خاص ولا ايه ارجوا التوضيح

ثانيا بالنسبة لموضوع الزيارة يعني هما بيتحركوا عادي في البلد يوحوا يزورا المسجد النبوي وسيدنا رسول الله ويروحوا مكة ويعتمروا ويحجوا عادي ولا فيه قيود

بمعني انهم لما يروحوا يعتمروا بقدر الامكان انهم يبقوا بعيد عن الشرطة

[alikhedr]

اسف علي التاخير في المتابعة بس ظروف الشغل بعيد عنكم

انا كنت بستفسر عن امكانية تاشيرة الحج دي بتكون يعني للحكومة اللي هما شغالين زي مثلا في وزارة الصحة يعني مش خاص ولا ايه ارجوا التوضيح

ثانيا بالنسبة لموضوع الزيارة يعني هما بيتحركوا عادي في البلد يوحوا يزورا المسجد النبوي وسيدنا رسول الله ويروحوا مكة ويعتمروا ويحجوا عادي ولا فيه قيود

بمعني انهم لما يروحوا يعتمروا بقدر الامكان انهم يبقوا بعيد عن الشرطة

سلام عليكم

الحكومات هنا معناها حكومات الدول يعنى الحكومه المصرية مثلا مش اللى شغالين فى الحكومه وبيتهيألى ان دى هى التاشيرات اللى بتتوزع بعد كده على اعضاء مجلس الشعب وحج القرعه وشركات السياحه

اما بالنسبة للزيارة فمفيش حد بيتكلم معاك ولا معاهم طالما مفيش مشاكل كبيرة انا عملت عمرة لامى وابويا وحمايا وحماتى وروحت الحج السنة اللى فاتت وكانت كل الحمله زيارات ومحدش ابدا اتكلم معانا ولا سالنى حتى على اقامتى وسيبها على الله وتوكل عليه ولو ربنا كاتبلهم الحج هييسرلك الامور