الان يتم اخلاء الميدان بالقوة !

[doctor ayman]

اذاي بتسميه اعصام سلمي ياباشمهندس

وانتوا قافلين اهم ميدان في البلد

ومانعين حركه المرور وعاملين بؤره في وسط البلد

يعني ممكن اجي اقفل الشارع اللي فيه بيتكم واقول انا عامل اعتصام سلمي

وامنع مرور اي سياره في شارع بيوتكم والبيوت اللي جمب بيوتكم واقول اعتصام سلمي

مش هاتزعل انته واهل شارعكم وتتمنوا الجيش يفض الاعتصام الغير سلمي بالمره

ياراجل حرام عليك انا النهارده كل مااقابل حد واساله

يؤول ان ده كان لازم يحصل من زمان.... الناس كلها فرحانه

بلاش تخلو الناس تكرهكم اكتر من كده

لو الناس اختاروا السلفين والاخوان في الانتخابات

ده هيكون كرها فيكم وليس حبا فيهم كما كان يحدث ايام الحزب الوطني

بدل ما تعتصموا استغلوا الوقت اللي فاضل عن الانتخابات في توعيه الناس

عرفوهم يعني ايه دوله مدنيه ويعني ايه دوله دينيه عرفوهم اذاي ينتخبوا المرشح الصح

عرفوهم يعني ايه ديموقراطيه صدقني ياباشمهندس ده اهم الف مره من الاعتصام وافيد للبلد

تم تعديل 1 أغسطس 2011 بواسطة doctor ayman

[احمد رضوان]

شهادة نوارة نجم على فض الإعتصام اليوم

http://tahyyes.blogspot.com/2011/08/blog-post.html

الجيش والشرطة والشعب واللجان الشعبية وبعض المعتصمين ايد واحدة

دي شهادتي على عملية فض الاعتصام ومش عايزة حد يقرف في امي انا لسه راجعة، انا بس بادون اللي حصل قبل ما انساه

امبارح لاول مرة من تلات اسابيع انام في سريري، بس نمت نووووووم.... وكتير، وعلى بعضه، اول مرة انام كتير على بعضه

وبعدين صحيت الصبح قعدت اتوت واستظرف على خلق الله، وبعدين اخدت قرار اني اقف على البوابات، عادة مش باحب اقف على البوابات عشان حكيت لكم انا باتحول الى صندوق الدنيا او دبابة جيش من اللي العرسان بيتصوروا جنبها، بس قلت النهاردة حاقف على البوابات عشان الناس صايمة واخد ثواب اني اقف في الوقت ده اللي ماحدش عنده قوة يقف على البوابة فيه

مش معايا ساعة بس رحت قبل الهجوم مباشرة، لقيت عربيات شرطة عسكرية مرشقة في كل مكان وعربيات امن مركزي مرشقة في كل مكان دخلت من عبد المنعم رياض لقيت البوابة فيها عدد قليل وبيقولوا لي ابعتي لنا ناس جالنا اخبارية ان الامن المركزي جاي.. دخلت لقيت الناس بتصفر بتصفر رحت على مكان الصفافير عند بوابة باب اللوق لقيت عربيات امن وعربيات شرطة عسكرية وناس خرجت برة البوابات تمنعهم رحت خارجة برة وقلت لهم تعالوا عايزين ناس عند عبد المنعم رياض، فواحد قال لي يا نوارة خلي الناس هنا ولمي ناس من جوة، دول واقفين بيحموا البوابات، قلت له دول برة، قال لي ماهم عشان يمنعوهم يقتحموا، فقلت له طيب، ورحت الم الناس من جوة والف واجعر: اللي قاعد ما بيعملش حاجة يروح عند عبد المنعم رياض، الناس اتلمت عند عبد المنعم رياض لقيت صفافير وطبول الحرب عند بوابة طلعت حرب، رحت عند بوابة طلعت حرب لقيتها مهوية فبرضوا مشيت اجعر واقول: ماحدش يقعد في الخيم، تعالوا نوزع نفسنا عند البوابات، وانا بالف لقيت بوابة القصر العيني ومحمد محمود مهويين والناس بتصفر عندهم الناس جريت على البوابتين وبعدين صفافير من طلعت حرب فجريت على بوابة طلعت حرب وانا بارضه باجعر: ماحدش يقعد في الخيم.. ماحدش يقعد في الخيم، فواحد قاعد في الخيمة راح مزعق لي: ايه يا نوارة؟ في ايه؟ ما ردتش عليه طبعا يعني مش وقت خناق.. بس الشهادة لله كل الناس اللي ساعتها كانوا موجودين عمالين يقولوا لي يا نوارة، ييجي واحد يقول لي انت مشهورة اقول له اتلهي على عينك، اشمعنى مشهورة في الاعتصام ومش مشهورة برة الاعتصام؟ ماحدش يعني بيوقفني في الشارع ويمضيني على اوتوجرافات ولا حاجة، ده هو حتة برنامج غلبان في قناة التحرير مرة في الاسبوع وتقريبا ماحدش بيشوفه غير اصحابي

المهم، بصيت حواليا اشوف انهي بوابة مهوية اكتر حاجة عشان اقف عندها، لقيت طلعت حرب مهوية رحت اقف عندها، جه هشام يسلم عليا وقال لي على فكرة تشكيلات امن مركزي جاية عليكم، حتسألني مين هشام حاقولك مالكش دعوة، واحد اعرفه وخلاص، ده مش وقت اسئلة، طبعا الناس على البوابات عمالين يقولوا لي ارجعي يا نوارة ورا، وانا مش باسمع الكلام، وبعدين كان فيه ناس واقفين على الرصيف وساندين على السور الاخضر ده، منهم واحد راح برضه منادي عليا: يا نوارة اتق الله... فواحد من المعتصمين - اللي طلع معتصم مش تحريات عسكرية - قاله: مالك ومالها؟ ماهي متقية الله.. وانا ما ردتش عليه طبعا

بعدين فوجئت بخبط عند بوابة باب اللوق رحت ابص لقيت من ورايا مدرعات جيش دخلت الميدان رحت ابص عليهم لقيت حد بيسحبني من ايدي بابص لقيته محمود زغلول، لسه بيسحبني بعيد عن مدرعات الجيش اللي دخلت - تقريبا من عمر مكرم - لقينا مدرعات داخلة من باب اللوق، جينا ننتحي جانبا تجاه هدى شعراوي لقينا الامن المركزي داخل، والناس واقفة تصقف وتقول هييييييه.. الله اكبر... الله اكبر... الجيش والشعب ايد واحدة.. الجيش والشعب ايد واحدة... رحنا واقفين بقى، حنعمل ايه؟ بعدين محمود لقيته بيسحبني ودخل بيا في الشارع اللي هو متفرع من طلعت حرب وفيه عربيات كتير ده، مش عارفة اسمه ايه، باقوله انت واخدني فين؟ قالي انا عايزك تمشي عشان عايز ارجع الميدان، قلت له لا انا حارجع الميدان، قالي انت وشك معروف، قلت له ما انا مغطية وشي بالطرحة.. اه نسيت اقولكم، غطيت وشي بالطرحة عشان كان فيه قنابل مسيلة للدموع عند محمد محمود، المهم فضل يزن عشان يمشيني وانا ازن عشان اقعد راح داخل بيا في شارع باب اللوق، قلت له انا عايزة اخش الميدان، فضل يشدني ومعاه واحد تاني كان جاي من جوة، لقيت واحد ما اعرفوش فجأتن قال: خشي يا استاذة نوارة.. خشي انت نجمة.. لازم تخشي.. بصراحة استفزني، هو مال اهله اصلا، ومحمود زعق له، المهم سهيت محمود والشاب اللي معاه ومشيت ناحية الميدان راح محمود لاحقني، حاولنا نخش الميدان لقينا الشرطة العسكرية قافلة الميدان، وشفت واحد بيتقبض عليه شكله غلبان، وعربية شرطة عسكرية فيها اتنين شكلهم نشطاء - اللي هم العيال المطولة شعرها دي - وبعدين محمود فضل يدور على واحدة اسمها منة، لقيناها في الاخر، قالت لنا ان اللي في عربية الشرطة العسكرية ده اسمه موسى، قعدت انا ومحمود نحاول نخش الميدان مقفلينه من كل ناحية، وناس عمالة تقول الجيش والشعب ايد واحدة وظابط جيش بيصورهم وبيشاور لهم عشان يعلوا صوتهم، وستات عادية من المحجبات التخان دول، عمالين يقولوا علينا احسن احسن.. تميم جه ياخدني، فمحمود ما صدق قالي امشي انت معاه وانا حاجيب منة لانها تاهت مني تاني، فضلوا يقبضوا على الناس، وشايفين وشي وما قبضوش عليا، ومعايا تميم ما جوش ناحيته، وعارفينا بدليل انهم كانوا بينادونا باسامينا، تميم قال لي ده فيه ناس متحاصرة عند مسجد عمر مكرم، قلت له طب اروح لهم، فضلنا ماشيين، كل ما نيجي نخش من شارع نلاقيهم قافلينه بالامن المركزي، بقينا ندخل شوارع جانبية، يسلم علينا ناس شكلها غريب وعايزين يتكلموا ويسألونا انتوا رايحين فين؟ وبعدين يسيبونا، فضلنا نحاول نخرم من شوارع جانبية عشان نوصل لمسجد عمر مكرم لا عرفنا ننفد من اي شارع، ولا حد قبض علينا مع اننا كنا مقطورين، ومقطورين ايه؟ شعب كامل ماشي ورانا ونبص لهم يبتسموا لنا ويفضلوا ماشيين ورانا، وتميم يقول لي: يا رب يقبضوا علينا، دي حاجة كويسة في مصلحة الاعتصام هههههه، بعدين تميم قالي تعالي البيت الاول ارتاحي شوية وننزل تاني، رحنا البيت بعد شوية كلمني احمد زين وقال لي انه عند مسجد عمر مكرم وانهم بيدخلوا يجيبوا الناس من جوة، بس اللي فهمته من احمد زين انه مش اقتحام، بس بيخشوا يجيبوا الناس، واحمد كان معاه علاء سيف، احمد بيقول لي ان فيه واحد قالهم انتوا حيتقبض عليكم، ومسكوا علاء وسابوه بتاع تلات مرات، بعدين لقيت علاء على التويتر بيقول مين قال اني مستهدف؟ ما فضلت اعدي قدامهم ما عملوليش حاجة، فشوفوا بقى علاء روايته ايه بالظبط عشان انا ما شفتش بعيني، بعدين احمد قال لي ان فيه شوية دخلوا يحتموا بالمجمع فموظفين المجمع سلموهم للشرطة العسكرية، وان فيه حوالي 20 من اهالي الشهدا معاه دلوقت وان الشرطة العسكرية ضربتهم، واعتقلوا شوية منهم، بعدين محمود كلمني وقال لي انه تحت البيت، فنزلت انا وتميم لقيناه هو ومنة، وبعد شوية جم ولد وبنت مش عارفاهم، ومنة راسها والف سيف تروح ميدان التحرير تاني، فتميم قالها لو فيه حد لازم يروح يتفقد ميدان التحرير يبقى انا ونوارة عشان لو اتقبض علينا حيتعرف الموضوع والدنيا حتتقلب، لكن انت لو حصل لك حاجة ممكن ما يعملش مشكلة، رحت انا وتميم عشان نعرف نوصل للميدان ابدا.. وماشي ورانا موتوسيكل قاطرنا خطوة خطوة، لدرجة بقينا بقى نخش في اي شوارع عشان نشوف ايه حكايته نلاقيه ماشي ورانا، رجعنا ما لقيناش محمود والشباب، طلعنا البيت، تميم قعد يأتت فيا شوية، ودكتورة رضوى تسكته وتقوله مش وقته الكلام ده، وعمو مريد يطيب خاطري، بعدين شرحت له وجهة نظري، ما عجبوش كلامي دخل نام، شوية واحمد زين اتصل بيا وقال لي انا تحت البيت، عمو مريد نزلني عشان يتأكد اني في امان، نزلت لقيته مع ميار ولقيت وليد ومعاه كام حد جايين من شارع جانبي، ووليد متصاب في ضهره بعصايا، وبيقول لي ده فيه عيال من اللي كانوا معتصمين معانا اول ما حصل الهجوم لبسوا الخوذ، ابراهيم فين وفين بقى على ما صحي ههههههههههههههه هم يضحك وهم يبكي، كلمني عشان يطمن عليا، لقيت ليلى حسن سليمان برضه جاية مع خطيبها وبتقول الناس بقت تزقنا على الشرطة العسكرية وتسلمنا لهم وهم يسيبونا، بعدين مشيت مع احمد وميار لحد ما وصلنا عربيتي، لقيتهم زقوها بعيد عن الميدان، ركبنا العربية ووصلت ميار لمكان ركنتها واحمد نزل ياخد تاكسي، بعدين قلت اخد لفة في الميدان... من اول ما دخلت الميدان بالعربية، لقيت عيال كتير انا عارفاهم من اول يوم معانا في الاعتصام، معاهم شوم - من ضمنهم عيال كانت طردت الباعة الجائلين، عارفاهم بالشكل كويس عشان كل مرة كانوا يتخانقوا مع البياعين، ومن ضمنهم عيال كتير من بتوع: يسقط المشير، وفيهم اتنين من اللي كانوا سخنانين على قفل المجمع، ومنهم عيال كتير من اللجان الشعبية بس كل دول لابسين جيش مش حاجة تانية، اه والامن المركزي كان حونين قوي، كان ناقص يحضر لنا الرضعة ويكرعنا، اللي اتغابى علينا الجيش والناس اللي طلعوا انهم مش ناس، بس كان فيه ناس ناس وكانوا بيتغابوا علينا برضه - المهم ان المعتصمين دول لابسين جاكيتات جيش وخوذ، وفيه منهم عيال على الموتوسيكلات، كتير كتير كتير.. كتير قوي، تقريبا الاعتصام كله عدا انا واصحابي واهالي الشهدا، فقرا واغنيا، لابسين الجاكيتات دي والخوذ، وعربية زبالة بتنضف الميدان، والعيال اللي على الموتوسيكلات عمالين يلفوا حوالين الصينية ويعملوا: تيت تيت تت تييييت.

المهم انا كنت فاكرة ان لينا ومنى سيف مشيوا لانهم كانوا بايتين، فتوقعت انهم يروحوا الصبحية دي يرتاحوا، حتى تميم سألني عليهم قلت له دول في البيت.... اتضح انهم كانوا موجودين، هم كده ما ناموش خالص، بعدين محمد قاسم بعت لي رسالة: امشي من الميدان بيقبضوا على الناس. بعدين فضلت الف شوية، ماحدش قبض عليا ولا حاجة، يمكن عشان كنت في العربية، بعدين مشيت قلت افطر مع امي بقى، رحت اشتري سجاير وقلت لبتاع الكشك فضوا اعتصام التحرير، قال لي: اه.. احسن.. قلت له: احسن ليه؟ قال لي: سادين السكة واحنا رمضان، قلت له: انت عارف ايه اللي عمل المشكلة؟ المشكلة ان اهالي الشهدا الفقرا ما اخدوش حقهم، والظباط اللي قتلوا عيالهم بيشتغلوا لسه ولا اتوقفوا ولا اتحبسوا، وواحد قال لي: اللي قتل ابني جوة في القسم باروح واجي عليه.. اعمل ايه بقى؟ اخد حقي بايدي؟ بعدين جات الشرطة ضربتهم يوم 28 فالناس سخنت ونزلت لهم، وجه يوم 8 يوليو كان الناس سخنانة عشان اهالي الشهدا، بعدين اعتصموا والاعتصام كان كويس، بس جات قوى سياسية نحت اهالي الشهدا وطلعتهم برة الصورة، وبقت المنصات تتكلم عن مطالب القوى السياسية الدستور والمواد فوق الدستورية والناس تتكلم باسمنا زي ممدوح حمزة وبقى اهالي الشهدا واللي نزلوا تضامنوا معاهم مركونين على الرف واللي واكل الصورة هي القوى السياسية، فالناس انفضت عن الاعتصام، جم الاسلاميين نزلوا يوم 29 يوليو وقالوا يا مشير يا مشير م النهاردة انت امير فادوا شرعية للمجلس، وكان اصلا الاسلاميين نازلين يتخانقوا مع القوى السياسية ومالهمش في موضوع الشهدا ده زي ما القوى السياسية ما جابتش سيرتهم ولما نجيب سيرتهم ونقولهم يا جدعان ده اعتصام اهالي الشهدا يقولوا لنا كفاية متاجرة بدماء الشهداء! يعني حتى ولا عايزين يسمعوا سيرتهم.. لو الف كلب ماتوا ما كانوش عملوا كده، وعليه العوض ومنه العوض في اللي راحوا، احنا لو حكمنا بعد كده واحد وادانا بالجزمة القديمة وعمل فينا اوسخ من اللي عمله مبارك يبقى له الف حق.. احنا ناس مش باكيين على اللي ماتوا منا ومفرطين في دمهم.. فقال لي: معاكي حق.. ربنا يرزقنا بحاكم عادل.. قلت له: مش حيرزقنا.. انا باقولك اهو... طول ما كل واحد بيفكر في نفسه ومصلحته وماحدش سائل عن اللي ماتوا ربنا مش حيرزقنا الا بمصيبة تشيلنا ويعاقبنا على اللي فرطنا في دمهم دول.. ورحت ماشية وسايباه، رحت كشك تاني اشتري كروت شحن ورحت فاتحة نفس الحوار: فضوا اعتصام التحرير.. لقيت البياع بقى المرة دي ثوري: هو بعد اللي حصل في العباسية فيه كلام يا انسة؟ انت عارفة ساعة ما كنا في العباسية كان فيه ناس من اللي قالوا لك لازم نعتصم ونقعد في ميدان العباسية وما نمشيش.. فاكراهم؟ قلت له ايوة، اتخانقت مع واحد فيهم ابيض كده وطول بعرض وقلت له انت مين انا مش عارفاك؟ قال لي: اهو ده بقى تحريات عسكرية في سين 28.. لما لقيت ان نص المظاهرة طلعوا بيشتغلوا في سين 28 وعاملين ثوريين وبيحدفوا طوب على الجيش ولقيت شوية منهم كانوا معانا في الاعتصام قفلت من الاعتصام وما رحتوش تاني.. طلع كان معتصم معانا يا عيني

اتصل بيا احمد حلمي وقال لي: انا والله مشيت الساعة ستة الصبح من الميدان.. قلت له: انت مش مضطر يا احمد تبرر انك مشيت.. ام المزايدات دي بقى انا زهقت.. في عز ما بننضرب ناس تقول امال فين فلان؟ وناس قاعدة على التويتر مالهاش تلاتين لازمة عمالة تزايد علينا، وواحد يزايد عليا اني ما اتصابتش ولا اتقبض عليا.. فاحمد قالي: طب بس اهدي.. احنا لازم نعمل حاجة، مش ممكن الناس تنضرب تمشي كده، قلت له: شوف كده حتعملوا ايه وبلغني

بعدين منى سيف كلمتني عشان تطمن عليا، قلت لها: يا منى الاعتصام كله لبس خوذ وجاكيتات جيش.. ايه ده؟ قالت لي: عارفة.. شفتهم، قلت لها: طب ايه؟ الشعب كله بيشتغل مع الجيش ولا... استني استني.. فاكرة يا منى لما قالوا الجيش في حالة استنفار وعمل استدعاءات لناس كتير؟ قالت لي: قصدك ايه؟ قلت لها: هو كده.. عملت استدعاءات للمجندين عشان يشغلهم علينا.. اي حد تعرفيه اتجند في الجيش بقى حرصي منه.. ما تتعامليش غير مع اللي عنده التصاق في الفخذين

بعد شوية اتصلت بيا ميار وقالت لي: فيه واحد اسمه احمد جيفارا اتصل بيا وقال لي ان فيه 200 اسم مطلوبين واسمك فيهم ما تنزليش التحرير، قلت لها لو عايزيني حيجولي البيت، قالت لي ما انا سألته قال لي لا، هم مش حياخدوا حد من البيت هم حياخدوا اي حد من الميتين اسم دول لو نزل التحرير.. قلت لها طب هاتي لي بقية الاسماء.. قالت لي حاحاول حاضر. وانا مستنياها تجيب لي الاسماء

اه صحيح.. نسيت اقولكم:

كان فيه واد بدقن عند بوابة باب اللوق لما الجيش كان قافل الميدان عمال يقول للناس: احنا مشينا يوم الجمعة.. اللي فضلوا دول البلطجية

انتهى

والله الموفق

[سيدسعد]

نفسي اشوف 6 ابريل يتصرفوا مره واحده برجولة

اول مايبقي فيه ضرب يهربوا اول مايبقي فيه تجعير في الميكرفونات يكونوا في اول صف !

شحنوا اهالي الشهداء بالكلام ثم هربوا وتركوا المساكين في مواجه الامن والجيش

6 أبريل وعدد 26 حزبا أعلنوا تعليق الاعتصام خلال شهر رمضان منذ يومين , أى قبل قرار قوات الجيش والشرطة فض الاعتصام

فأين الهروب فى ذلك ؟؟ لو اعلنت الحركة اليوم مثلا فض الاعتصام كان يمكنك قول هذا الكلام

أما العجيب فى الامر فهو عندما تقرر 6 ابريل ومعها أحزاب اخرى الاعتصام فهم ( مخربين ومحرضين وموقفين لعجلة الانتاج ) وعنما تقرر 6 ابريل والاحزاب الاخرى تعليق الاعتصام احتراما لحرمة شهر مضان المعظم فهم كما قال الاخ محمد علي ( يهربون ولا يتصرفون برجولة !!)

اى فى كلا الحالتين الملامة قائمة !

الحقيقية بعد جمعة الاسلاميين تناقصت اعداد المؤيدين باستمرار الاعتصام باعداد كبيرة والله تكاد تكون العشرات التي ما زالت تهتف وتصفق وراء ما يقال في المنصة الرئيسية من حركتي أو مؤيدي كفاية و 6 ابريل. لذلك انا اشك جدا في ان فض الاعتصام كان لحرمة شهر رمضان

[أثر الطائر]

من حيث المبدأ فأنا أعتبر أن بقاء ناس في الميدان بعدما قررت معظم الحركات والأحزاب السياسية تعليق قرار الاعتصام خلال شهر رمضان هو خطأ سياسي واضح..

لكن كعادة الثورات..كثيرا جدا ما تثمر الأخطاء السياسية التي تستفز الآخرين نجاحات غير منظورة

بعد تدخل الشرطة والجيش اليوم لفض الاعتصام بالقوة دي واستنكار الناس لها..هيكون فيه تأكيد على العودة القوية للاعتصام بعد رمضان من قبل الجميع

أما موقف الإسلاماويين من الاعتصام (وموقفهم من المجلس العسكري في القلب منه) فهم كعادتهم يطبقون القاعدة الشهيرة التي درجوا عليها منذ نعومة أظافرهم التنظيمية : "لا ترحم ولا تخلي رحمة ربنا تنزل"

أما السيناريو المخيف الذي يلوح في الأفق منذ شهور لثورتناالظافرة فقد تكلم عنه المفكر اليساري المعروف سمير أمين في كتابه المعنون "ثورة مصر" وهو سيناريو مسبوق في دول أسيا الإسلامية حيث تحالف العسكر مع الإسلاميين لوأد الثورات، وما أسفرت عنه تحركات الجماهير هناك لم يكن أكثر من تنفيذ بعض مطالب الناس بإجراء تغييرات محدودة في النظام مع استمراره. ولذلك اعتبر ما حدث في دول أسيا المسلمة انتفاضات جماهيرية وليس ثورات

وهنا في مصر فإن ثورتنا الآن على هذا المحك..

فإما أن تكون ثورة شعبية بالفعل تؤدي إلى تغيير حقيقي في بنية النظام والمجتمع المصري وتفتح الطريق لحيوية حضارية تحتضن تجسدات العدالة الاجتماعية الحقيقية والقضاء على الفقر والتفاوت الطبقي الفاحش والحرية الفكرية والسياسية الحقيقية..وإما أن ننظر إلى ما حدث منذ يناير باعتباره..انتفاضة جماهيرية

وفي هذا الوقت..لابد أن يبدأ الثوريون نضالا جديدا باتجاه الثورة الحقيقية

كل تحية للمعتصمين بميدان التحرير ولمن صمدوا حتى يطلعونا على مشهد القوة المستفز..حتى لو اختفلت معهم

[رضوي]

لا أراكم الله مكروه في ثورة لديكم ... البقاء لله ماتت الثورة والعزاء يوم تولى العسكر الحكم نهائيا

بعد سقوط آخر أوراق الضغط ونجاح المجلس العسكري في تحزيب الشارع ضد بعضه ومع غياب الرؤية وإرتفاع سقف الأنا لدا الكثيرين أبقوا قابلوني لو اتحاكم مبارك او رجعت الفلوس أو اتغير النظام أو اتحاكم اولاده أو ظهر المفقودين او اتلغت المحاكمات العسكرية ويوم الأربعاء مش بعيد.

حركة 6 إبريل وحركات الشباب وكل الناس اللى خرجوا شايلين هم البلد مات منهم الكثيرون اكثر رجوله كثيرا من المدعين البطولات الزائفه ممن يرفعون شعارات الدين والشريعة والصلاة والحدود ولا يلتزمون بالمواثيق والعهود ولا يتورعون عن خداع البسطاء بإسم الدين وصكوك الغفران الجديده ولا ننسى غزوة الصناديق نعم في الجنة ولا في النار ، المغيبين المغيبون الذين لا يعرفون عن الليبرالية والعلمانية اكثر من انهم سوف يغلقون المساجد وينزعوا حجاب زوجتك وامك ويبيحوا زواج الشواذ ويحاربوا الله ورسوله.

عسكرية 100 فى 100 والأيام بينا

عليه العوض ومنه العوض وحسبنا الله ونعم الوكيل

علي الرغم من اني كنت أفضل لو تم اخلاء الميدان من قبل المتظاهرين مش بالقوة

بس مش مستوعبة كلام حضرتك

هو ايه علاقة الثورة بالاعتصام في الميدان ؟؟؟ هو مانفعش يتم محاكمة مبارك الا بالاعتصام ؟؟؟

طيب ولنفرض مثلاً هو خلاص كدة الميدان اتقفل ؟؟؟

يعني لما الميدان يفضى يبقي كدة بقي خلاص الثورة ماتت ؟؟؟؟

ماهو الميدان مفتوح في اي وقت ........... ولو حسينا بخطر علي الثورة كلنا هننزل في الشوارع والميادين لأن التحرير لوحده مش هيكفينا

يبقي ايه فايدة الاعتصام لحد دلوقتي في الميدان ؟؟؟؟

[Dreamwithme]

بغض النظر عن موقفك تجاه الاعتصام

اللي ماعندوش مشكلة ان ناس تتضرب من الشرطة والجيش

يبقى بيقر ان ماعندوش مشكلة ان هو كمان يتضرب لمّا ييجي عليه الدور، تاني!!

لو الجيش عايز يفتح الطريق إيه علاقة الخيام والمعتصميين اللي في الحديقة وليه القبض عليهم

واللواء عتمان طالع يقول قبضنا علي 111 بلطجي ...هو أيه تصنيف البلطجي حضرتك

أول أسباب قيام الثورة كرامة الانسان المصري ....فين هي النهاردة؟ أنا بجد حزينة مش عشان الاعتصام انتهي

ولكن لاستخدام العنف والإهانة مرة أخري مع مواطنين مصريين مثلي

[se_ Elsyed]

لسه ما كملتش كلامي

ولسه بأقول ياريت المجلس تبقى عنده نفس الحماسة والنحررة في فرض الأمن في الشارع

وماخدتش نفسي

إلا واشوف الان صور حيه من إشتباكات بين البلطجية في منطقة السيدة زينب وضرب نار ... وطبعاً مع المشروب الرسمي في مصر " المولوتوف " كله على ودنه

إذن للمرة المليون ... لابد من فرض هيبة الدولة بالقوة في الشارع ..

والضرب بيد من حديد مش على شوية معتصمين أو ناس في مسرح البالون ... لأ .. الضرب على اعناق البلطجية .... وطالما حُكم عسكري يبقى 100 من دول يتشنقوا في ميدان عام في سابقة بمصر كلها ... وبعدها هانشوف الأمن سيُستتب ازاي والأشكال الزبالة دي هاتمشي تتلفت حوالين نفسها

لكن بنفس المسلسل الممل المتكرر كل ساعة .. كده مش هاينفع أبداً

[pink rose]

بوابة الوفـد الإلكترونية

عاجل - مواجهات بالرصاص الحى في منطقة السيدة زينب بين الجيش وأهالي من منطقة الدرب الجديد

اهو الجيش بيفرض السيطرة اهو ي س س مش بس بيتنحرر على المعتصمين و بس

[se_ Elsyed]

بوابة الوفـد الإلكترونية

عاجل - مواجهات بالرصاص الحى في منطقة السيدة زينب بين الجيش وأهالي من منطقة الدرب الجديد

اهو الجيش بيفرض السيطرة اهو ي س س مش بس بيتنحرر على المعتصمين و بس

لأ يا ريم

لإن ده بيتكرر كل ساعة

انا مش عاوز مواجهات ... أنا عاوز محاكمات علانية يراها الشعب كله ... ويتعدم مئات من دول علناً

أه .. عارفه يا ريم إن لحد دلوقت ما لا يقل عن 10 الاف قضية إتحكم فيها امام المحاكم العسكرية لبطلجية

طب كسبنا إيه إحنا من ده ؟

طالما البلطجة بتتكرر كل ساعة ؟؟؟

[pink rose]

يا س س يا خويا

هايطلع ناس كتير تصوت من الكلام دا

و تقولك ايه توصيف البلطجي و دول مش بلطجية

و ازاي المدنيين يتحاكموا كده

و فين الانسانية في اعدام علني

هو انا مش عارف الليلة و لا ايه؟؟؟

[احمد رضوان]

لا أراكم الله مكروه في ثورة لديكم ... البقاء لله ماتت الثورة والعزاء يوم تولى العسكر الحكم نهائيا

بعد سقوط آخر أوراق الضغط ونجاح المجلس العسكري في تحزيب الشارع ضد بعضه ومع غياب الرؤية وإرتفاع سقف الأنا لدا الكثيرين أبقوا قابلوني لو اتحاكم مبارك او رجعت الفلوس أو اتغير النظام أو اتحاكم اولاده أو ظهر المفقودين او اتلغت المحاكمات العسكرية ويوم الأربعاء مش بعيد.

حركة 6 إبريل وحركات الشباب وكل الناس اللى خرجوا شايلين هم البلد مات منهم الكثيرون اكثر رجوله كثيرا من المدعين البطولات الزائفه ممن يرفعون شعارات الدين والشريعة والصلاة والحدود ولا يلتزمون بالمواثيق والعهود ولا يتورعون عن خداع البسطاء بإسم الدين وصكوك الغفران الجديده ولا ننسى غزوة الصناديق نعم في الجنة ولا في النار ، المغيبين المغيبون الذين لا يعرفون عن الليبرالية والعلمانية اكثر من انهم سوف يغلقون المساجد وينزعوا حجاب زوجتك وامك ويبيحوا زواج الشواذ ويحاربوا الله ورسوله.

عسكرية 100 فى 100 والأيام بينا

عليه العوض ومنه العوض وحسبنا الله ونعم الوكيل

علي الرغم من اني كنت أفضل لو تم اخلاء الميدان من قبل المتظاهرين مش بالقوة

بس مش مستوعبة كلام حضرتك

هو ايه علاقة الثورة بالاعتصام في الميدان ؟؟؟ هو مانفعش يتم محاكمة مبارك الا بالاعتصام ؟؟؟

طيب ولنفرض مثلاً هو خلاص كدة الميدان اتقفل ؟؟؟

يعني لما الميدان يفضى يبقي كدة بقي خلاص الثورة ماتت ؟؟؟؟

ماهو الميدان مفتوح في اي وقت ........... ولو حسينا بخطر علي الثورة كلنا هننزل في الشوارع والميادين لأن التحرير لوحده مش هيكفينا

يبقي ايه فايدة الاعتصام لحد دلوقتي في الميدان ؟؟؟؟

الزميلة الفاضلة ردا على تساؤلك اجيبك ان الجيش نجح في احتواء الإسلاميين وبعض الأحزاب وبقى الحركات الشبابية والنشطاء غير المنتمون لم يتم احتوائهم وبقوا هم ورقة الضغط الباقية كانت الثورة تحتفظ بروحها من خلال التفاف أهل الشهداء والمصابين والمفقودنين حولهم وبشكل غير رسمى تم عقد اتفاق ان يتحدثوا بإسم اهل الشهداء من اجل محاكمة القتلة والإفراج عن من تم محاكمتهم عسكريا وعلاج المصابين على أن يتضمن الخطاب باقي طلبات الثورة والتي لم تتحقق حتى الآن.

هؤلاء غير المنتمين لم تفلح جهود المجلس العسكري في احتوائهم وكان مع كل تصعيد يتم تنفيذ جزء من المطالب الأساسية على إستحياء ومن منطلق نلهيهم بالعضمة ، بعد قرب انتهاء جراب العسكري لجأ لأسلوب التحزيب من خلال تقريب هذا الفصيل وتخوين ذلك الفصيل واستعداء الشارع عليهم من خلال المندسين الذين نجح في زرعهم داخل الثوار ثم انتقل بع ذلك لأسلوب المواجهة من خلال جنود في ثياب مدنية كمثال معركة العباسية الحربية وطريقة إدارتها ، ثم بعد ذلك اتجه لإسلوب إرهاب الجميع من خلال إطلاق مارد السلفيين كمرحلة رعب أخيره ونجح فعلا في أن يصل كل المعتصمين لمرحلة اليأس وخاصة بعد إنهاكهم طوال الشهر الماضي مما جعل المعتصمين يختارون خيار فض الإعتصام وهو الخطأ القاتل لأنهم بتخليهم عن السبب الرئيسى المعلن وهو حق الشهداء سقطوا ولن يستطيعوا ان يتسندوا إليه وحياءً اعلنوا ان ذلك بسبب حرمة الشهر وأنهم سيعودون للإعتصام بعد العيد وذلك شئ أشك فيه ، المهم أن الطامة الكبرى بتخليهم عن أهل الشهداء لم يعد هناك غطاء سياسي لهؤلاء الضعفاء مما شجع المجلس العسكري على إستخدام نفس الأساليب التي قامت من أجلها الثورة وسط تشجيع الشارع وغض البصر من الإخوان وترحيب السلفيين .

بمعنى عدنا إلى يوم 25 يناير وطريقة التعامل مع المحتجين (على مرآى ومسمع من الجميع بعد سقوط الأقنعة) وكأن لم يكن هناك ثورة ، الباقي بعد أستضعاف أهالي الشهداء تأتي الخطوة التالية التهديد والترغيب ليتنازل الجميع ولا تتم محاكمات للقتلة (بالفعل وصل الشهيد ل 150 الف جنيه) وهى القضية التي يحاكم مبارك والعادلي من إجلها مما يعني براءة رأس النظام ومن بعد ذلك يتم إستنساخ النظام القديم في ثوب جديد وبشخوص مختلفة.

الناتج

- الشارع أصبح يخون حركات الشباب الذين دعوا للثورة ومن ثم لن ينجح أي حشد يقومون به مستقبلا وأي إعتصام سيتم التعامل معه بالعنف

- المحاكمات العسكرية تتم بشكل واسع لمدنين ومن سرقوا وقتلوا وأمرضوا وأفسدوا مدللون

- يتم تهديد الشهود ورفض المجلي العسكري إصدار قانون لحماية الشهود

- اهل الشهداء يتم تهديدهم للتنازل من خلال تغيير أقوالهم

- حكومة شرف حكومة شرفية لا تهش ولا تنش والمجلس العسكري يسيطر على المشهد وصباع الفنجري مش ل 6 إبريل ده كان للشعب كله

- أظهر المجلس للعالم يوم الجمعة الماضية أن المشهد ثورة إسلامية جهادية بن لادنية

- وغيره الكثير

توقعي الشخصي ان المجلس العسكري حيجيب ضرف البلد والفوضى ستصبح أمرا واقعاً لو لم يعقل العقلاء

[احمد رضوان]

على اون تى فى والد شهيد بين الحياه والموت فى المستشفى تعرض للعنف اثناء فض الاعتصام عن طريق الجيش

@DostorNews

الدستور الأصلى

مسيرة من عدة الاف تدخل التحرير وتتحرك حول الصينية فى وجود قوات الجيش والشرطة #tahrir

الهتاف الآنفي التحرير بيقول يا قاتل يا مقتول

بس مباشر من التحرير الآن على المصري اليوم

http://www.youtube.com/user/AlMasryAlYoum#p/l/Et-HvFSFWOE

تم تعديل 1 أغسطس 2011 بواسطة Radws

[احمد رضوان]

لمن يريد أن يقرأ المشهد الآن

د. علاء الأسواني: كيف تقضي على الثورة في ست خطوات؟

أولا : احتفل بالثورة والعن الديكتاتور المخلوع

ثانيا : احتفظ بالنظام القديم كاملا

ثالثا : اترك أحوال البلد تتدهور حتى تصل الى الحضيض

...رابعا : اضرب وحدة الثوريين وفرق بينهم

خامسا : حاصر الثوريين وشوه سمعتهم

سادسا : وجه ضربتك القاضية

[se_ Elsyed]

يا س س يا خويا

هايطلع ناس كتير تصوت من الكلام دا

و تقولك ايه توصيف البلطجي و دول مش بلطجية

و ازاي المدنيين يتحاكموا كده

و فين الانسانية في اعدام علني

هو انا مش عارف الليلة و لا ايه؟؟؟

إزاي يا ست الكل .. مين عاقل يقول كده ؟

واحد مقبوض عليه شايل سلاح وبيتاجر في المخدرات وبيتعارك مع ناس تانية زي ما حصل أمبارح في الجيزة بين عائلتين بيتاجروا في المخدرات ...

يبقى إزاي هانرحم دول ؟

هل تعلمي إن من إسبوعين في المنوفية وفي قرية قريبة من القرية اللي منها أصول نسايبي اللي عايشين في القاهرة لكن هم مازالوا على إتصال بمسقط رأسهم مثلنا جميعاً .. قامت عائلة مشهورة بتجارة المخدرات بقتل

إمسكي نفسك عشان تربي مريم الله يخليكي

35 شخص .. إنتقاماً من إن الناس زهقوا منهم وبلغوا عنهم ... ولما إبتدى المجرمين يحرقوا في بيوت البلد ويقتلوا الناس ... الشعب إستغاث وهاتك يا إتصالات بالجيش والشرطة ... اللي عملوا بالظبط زي ما حصل في العريش ... فين وفين لما جم بعد 35 نفس ما ماتوا .... وقعدوا يوم هناك بكامل قواتهم ثم أنسحبوا من غير ما يقبضوا على أي واحد في مشهد مستغرب وما تعرفيش هو مين مع مين ومين المفروض يحمي مين ؟؟؟؟؟؟؟؟؟

فما كان من أهل القرية إلا إنهم تظاهروا امام نقطة الشرطة التابعة لهم محتجين على ذلك ... وإبتدوا ياخدوا حقهم بإيدهم ودوروا القتل في المجرمين دول ويحرقوا بيوتهم عن بكرة أبيهم وكنت كل يوم اقرأ وأتابع الاخبار على مواقع النت وطبعاً أستمع إلى شهادات الناس اللي عايشين في الكارثة دي هناك

وما موقف الجيش اللي وصل بعد اكثرر من 6 ساعات إلى العريش ببعيد

لا مؤخذه دول لو جايين بطائرات من الهند كان زمانهم وصلوا

طب هل تعلمي إن ولا واحد من المتورطين الحقيقيين إتقبض عليه في العريش ؟

وإن كل اللي إتقبض عليهم دول مشتبه بهم فقط لا غير ؟

ما تستغربيش .. بيقول لك أصل المجرمين هربوا ناحية البحر وكانوا في سيارات دفع رباعي بتمشي على رمال الشاطيء ... وفص ملح وداب

على أساس إن الجيش والشرطة كانوا راكبين تكاتك

طب هل يعقل إن ولا واحد إتقبض عليه في مواضيع تفجيرات محطات الغاز او محاولات هدم الأضرحة في سينا حتى الان ؟

طب بلاش كده ... جميع شحنات الأسلحة اللي تم ظبطها بمنتهى البسالة من قوات حرس الحدود والقوات الجوية خلال 6 شهور وهي أسلحة ممكن تخلي مصر أفظع من الصومال ... هل لحد دلوقت مش عارفين الشحنات دي بتوصل لمين داخل مصر ؟ ولا المهربين بيجيبوا الأسلحة دي وبعدين بيدوروا على مُشتري ؟

أقول لك على سر كمان ؟

أتحدى إن ما كان كل قسم شرطة فيكي يا جمهورية مصر العربية عارف كل بلطجي بالأسم والسن والعنوان ومقاس الحذاء كمان .. الموضوع مش محتاج كمبيوتر ولا داتا بيز لإن مافيش بلطجي إتخلق بين يوم وليلة .. ولكن كل دول كانوا موجودين بيننا ومعروفين للجميع

تفتكري ده صدفة إنهم ما لمهمش لحد دلوقت ؟

تصدقي بالله وإحنا في رمضان ؟

والله والله و الله .. إحنا ناس من الطبقة المتوسطة .. وبيت العيلة في منطقة شبه شعبية زي منطاق كثيرة في مصر .. لكن منطقة فيها ممكن ناس يكونوا مسجونين لسبب ما أو معروف عنهم إنهم مش كويسين ... فلما أكون مع اخويا في الشارع ماشيين او في العربية ويقعد يشاور لي ويقول لي : شايف الولا اللي ماشي هناك ده ؟ أهو ده هربان من طره .... وبعديها بشوية .. شايف علان اللي هناك ده .... أهو ده هرب من أحد الأقسام

فإذا كنا كمواطنين عارفين ده . أومال الشرطة والمجلس بيعلموا إيه ؟

بلاش دي

إسمعي دي

حما نسيبي يعيش في طنطا .. وقابلته وقال لي .. ناس كتير عندنا في طنطا مش نعرف بالأسم بس ... دول عايشين في وسطنا ... كانوا محبوسين في قضايا مختلفة بوادي النطرون بالذات في قضايا خطيرة .. وكللللللهم هربوا ورجعوا البلد ولابسين الجلاليب وبيعيشوا حياتهم في اللذيذ

معليش انا يمكن خرجت عن موضوع التحرير

لكن لا أُخفي عليكم إحساسي إن مقولة بلال فضل الشهيرة منذ شهور ومن بعد الثورة على طول بتتحق وهي

إجهاض الثورة .. عن طريق إجهاد الثورة

يعني الجيش يزهقنا في حياتنا عشان نقول حقنا برقابتنا وإحنا راضيين إن شالله يحكمنا شاويش بس رجعوا لنا الامان الله يخليكوا

[Ahmed Anwer]

غباء سياسي شديد ،،

الأعداد كانت كلام فاضي

و الناس اتلهت في رمضان

بدل ما استغل الفرصة و انزل دوائر الإنتخابات و تقسيماتها و افتح باب الترشيح

اجيي استجدع علي الكام واحد اللي كانوا فاضلين أول يوم رمضان !!!

ما تسيبهم و لا تتفاوض معاهم يقعدوا علي جنب

أنا شخصيا ضد الإعتصام عامة

و مش شايف أنه وسيلة تعبير عن رأي ، مش مقتنع إن كام واحد يقرروا يقعدوا في حته غصب عن أي حد

إلا في ظروف خاصة جدا تستدعي ذلك

بس ميتفضش بالطريقة دي

الإعتصام قرار شعبي ، يعني مفيش جهة بتقرره و نجاحه معتمد علي العدد

اتفضلوا اشربوا بقه يا مجلس التطجين

\بدل ما تقضوا شهر رمضان في هدوء و عمل

هتقضوه في كر و فر و إعتصامات

[م تيمور المراغي]

اذاي بتسميه اعصام سلمي ياباشمهندس

وانتوا قافلين اهم ميدان في البلد

ومانعين حركه المرور وعاملين بؤره في وسط البلد

يعني ممكن اجي اقفل الشارع اللي فيه بيتكم واقول انا عامل اعتصام سلمي

وامنع مرور اي سياره في شارع بيوتكم والبيوت اللي جمب بيوتكم واقول اعتصام سلمي

مش هاتزعل انته واهل شارعكم وتتمنوا الجيش يفض الاعتصام الغير سلمي بالمره

ياراجل حرام عليك انا النهارده كل مااقابل حد واساله

يؤول ان ده كان لازم يحصل من زمان.... الناس كلها فرحانه

بلاش تخلو الناس تكرهكم اكتر من كده

لو الناس اختاروا السلفين والاخوان في الانتخابات

ده هيكون كرها فيكم وليس حبا فيهم كما كان يحدث ايام الحزب الوطني

بدل ما تعتصموا استغلوا الوقت اللي فاضل عن الانتخابات في توعيه الناس

عرفوهم يعني ايه دوله مدنيه ويعني ايه دوله دينيه عرفوهم اذاي ينتخبوا المرشح الصح

عرفوهم يعني ايه ديموقراطيه صدقني ياباشمهندس ده اهم الف مره من الاعتصام وافيد للبلد

صح النوم يا ايمن

احنا علقنا الاعتصام من امبارح بمنسابة حلول الشهر الكريم

كل سنه وانت طيب شكل الصيام عمل عمايله النهارده :happy:

[فاطمه حمزه]

والله لقد اكتفينا وفاض الكيل فليتقوا الله فى مصر واهلها

وليدعوا لنا هذا الشهر الذى ننتظره كل عام دون عداء

وتقطيع لأوصال الأمه ..وحتى يتقبل الله منا صيامه وقيامه

[se_ Elsyed]

ت

وقعي الشخصي ان المجلس العسكري حيجيب ضرف البلد والفوضى ستصبح أمرا واقعاً لو لم يعقل العقلاء

أختلف معك يا رادوس

دي فوضى خلاقه ... أو فوضى منظمة ومقصودة يعني

والدليل الإبقاء على ست أبوها الشهير بالعيسوي اللي لا بيصد ولا بيرد واللي أقسم بالله أنا لا دخلت كلية الشرطة ولا شيلت سلاح .. لكن بالمنظر ده كان عندي إستعداد أرجع الامن في أقل من شهر

لكن المقصود هو وصولنا إلى هذه الحالة ... ووقوف المجلس العسكري على أهبة الأستعداد .. ولعب دور المنقذ فرافيرو اللي بيتدخل في الوقت المناسب لدحر الأشرار

عارف عارف .. دول حلفوا بالطلاق من مراتاتهم إنهم هايسلموا الحكم لسلطة مدنية ....

مدنية انت بقى

لكن مع وجود عاصفة هادرة من المطالب بضرورة إستمرار العسكر في الحكم وما مطالب القوى الإسلامية اللي هتفت للمشير وتريد تنصيبه أميراً للمؤمنين ببعيده

بعد ده كله هايتنازلوا ويتعطفوا على الشعب الغلبان ويقبلوا

أه بالمناسبة ... المنحة بتاعت المشير إمبارح والتي تجلت في رفع قيمة التعويض لأسرة كل شهيد من 5000 ج إلى 30 الف جنية - على أساس إنهم من جيبه الشخصي يعني - كل ده يوضح مخاوفي ( ما بيفكركمش بأسلوب مبارك ونفس الأستايل وإن المصري حتى بعد الثورة بيسووا 5 بواكي ؟ ) ..

صحيح يا ولاد ... هما مش كانوا 150 الف باين ... إتسخطوا ليه وبقوا 5 الاف ملطوش ما يجيبوش جوز معيز ؟

[se_ Elsyed]

بدل ما استغل الفرصة و انزل دوائر الإنتخابات و تقسيماتها و افتح باب الترشيح

برافو عليك يا أحمد

اهو الحمد لله مش انا لوحدي اللي بأهاتي

يا ناس يا هو .. كان المفروض فاضل على إنتخابات مجلس الشعب 29 يوم .. إتشفتت وبقت في نوفمبر .. ماشي

ومع ذلك ولا حس ولا خبر ولا عارفين لها اخر

وشاغليننا بقاعة محاكمة مبارك .. وهانجيبة من قفاه ولا من دوانه ... وتأمين إنتقال جمال وعلاء هايبقى إزاي .. و7 مليون إتصرفوا في يومين على قاعة المحاكمة .... يا حلاووه

ودوخيني يا لمونه

مش هابكي على اللبن المسكوب الأن

بالله عليكم وغلطوني لو سمحتم

ما كناش زماننا لو إختارنا لا لترقيع الدستور .. ما كانش من مارس لحد دلوقت بقى عندنا دستور محترم وعندنا فطاحل في المجتمع ممكن يضعوا دستور محترم بالأشتراك مع القوى السياسية كلها مدنية وإسلامية وليبرالية وعفاريت زرق .. وكنا عملنا إنتخابات مجلس شعب .. وعلى نهاية السنة عندنا رئيس منتخب منا جميعاً ويقف على ارض صلبة وهي الدستور .. وهناك جهة رقابية على أداءه واداء حكومتة تتمثل في مجلس الشعب ؟

إنما يرضي مين البهدلة اللي إحنا فيها دي ؟

[احمد رضوان]

من تويتر الآن

3 الاف متظاهر يتم محاصرتهم الآن في ميدان التحرير، وشهود عيان يؤكدون نزول فرق 777 و999