الان يتم اخلاء الميدان بالقوة !

[ابراهيم عبد العزيز]

الدكتور عصام شرف معلقا على فض الاعتصام بالقوة والاعلان على القبض على بعض المعتصمين فى ميدان التحرير وتوجيه تهمة البلطجة لهم :

(( "شرف": لن أسمح بتوجيه تهمة "بلطجى" لأى ناشط سياسى ))

فى أول رد فعلٍ له على أحداث ميدان التحرير أول أيام رمضان، قال الدكتور عصام شرف: "لا يمكن أن نسمح بتوجيه تهمة البلطجة لأى ناشط سياسى أو صاحب حق يطالب بحقه، لمجرد اختلافنا معه فى الطريقة أو التوقيت، طالما أنه لم يخترق القانون".

كتب "شرف" هذه العبارة على صفحته الرسمية على موقع "فيس بوك"، بعدما شهد أمس توجيه اتهامات لبعض المعتصمين فى ميدان التحرير بـ"البلطجة".

أحسنت يا دكتور عصام قولا , وبعد احداث اعتصام 8 يوليو نشعر يوجود دكتور عصام شرف جديد , دكتور عصام شرف الذي نحب أن نراه

[ابراهيم عبد العزيز]

س س هو انت مش من مصر و لا ايه يا عم الحاج؟؟؟؟

عاوز الشرطة و الامن المركزي يجوا على المحارة عشان بيستخدموا الفاظ وحشة و سب دين

على اساس ان هما بس اللي بيعملوا كده انما باقي شعب مصر طاهر و عفيف اللسان

هل الشرطة و الامن المركزي ناس جاية من برة مش جزء من الشعب المصري

لو سلمنا بصحة مقولتك يا اخت بينك روز بان الشعب المصري غالبيته يتفوه بالالفاظ النابية

ولكن هذا لا يبرر ابدا ان تكون الشرطة كذلك , وغير مسموح لافرادها أن يكونوا كذلك , لانهم المنوط بهم معاقبة من يتفوه بهذه الألفاظ وهم المفترض ان يكونوا قدوة

فنفس مقولتك تلك يرددها بعض فلول النظام لتبرير الفساد الضخم الذي حدث ومطالبة الشعب المصري بمحاكمة الفاسدين فنجد البعض منهم يرد بقوله ( يعني الناس اللى بتطالب بالمحاكمات دي كلهم اطهار وشرفاء ؟؟ )

تم تعديل 2 أغسطس 2011 بواسطة ابراهيم عبد العزيز

[احمد رضوان]

ياااااااااااااااااااااااااااااااااه انا حاسس بمرارة وخيبة أمل تكفينى لحد ما اموت

[م تيمور المراغي]

ياااااااااااااااااااااااااااااااااه انا حاسس بمرارة وخيبة أمل تكفينى لحد ما اموت

ما تقولش كده يا بطل

احنا لسه في اول الطريق

انما النصر مع الصبر ,,

[se_ Elsyed]

س س هو انت مش من مصر و لا ايه يا عم الحاج؟؟؟؟

عاوز الشرطة و الامن المركزي يجوا على المحارة عشان بيستخدموا الفاظ وحشة و سب دين

على اساس ان هما بس اللي بيعملوا كده انما باقي شعب مصر طاهر و عفيف اللسان

هل الشرطة و الامن المركزي ناس جاية من برة مش جزء من الشعب المصري

لو سلمنا بصحة مقولتك يا اخت بينك روز بان الشعب المصري غالبيته يتفوه بالالفاظ النابية

ولكن هذا لا يبرر ابدا ان تكون الشرطة كذلك , وغير مسموح لافرادها أن يكونوا كذلك , لانهم المنوط بهم معاقبة من يتفوه بهذه الألفاظ وهم المفترض ان يكونوا قدوة

فنفس مقولتك تلك يرددها بعض فلول النظام لتبرير الفساد الضخم الذي حدث ومطالبة الشعب المصري بمحاكمة الفاسدين فنجد البعض منهم يرد بقوله ( يعني الناس اللى بتطالب بالمحاكمات دي كلهم اطهار وشرفاء ؟؟ )

يعني يا ريم معنى كده إننا نحط صوابعنا العشرة في الشق ونستسلم لنظام فاسد موجود ومتجذر فينا ؟

الحمد لله نحن نكتب ونتحدث عن فساد الشرطة من سنوات طويلة .. لإنه يختلف عن أي جهاز أخر لانه ببساطة يمتلك السلطة والقوة التي يُسيء إستخدامها

وعفواً .. نحن لن نسستسلم ونرضى بالامر الواقع

لن نستسلم لمقولات مثل : ايوه لازم يستخدموا العنف مع المجرمين المقبوض عليهم ويغتصبوا النساء من أقرباءهم كمان لإنتزاع إعترافات منهم .. أه اومال إيه

وكإن مصر البلد الوحيدة اللي فيها شرطة وفيها مجرمين .. أما باقي دول العالم فعندهم مثلاً حلاقين او كهربائية سليسيون

هانروح بعيد ليه ... كنت لسه بأفطر النهاردة مع ناس محترمة ومتعلمة والقعدة إتحولت لكلام في السياسة .. تخيلوا إن لسه في ناس في الدنيا مقتنعة إن " مصر ماينفعش يحكمها غير عساكر "

وكأن ده مكتوب على جبيننا

إن يحكمنا عسكر

وإن يبقى عندنا شُرطة من ازبل أصناف البشر

[pink rose]

تقريبا انتوا فهمتوا كلامي غلط

انا لا ما بارر للشرطة قلة ادبها

و لا عمري قولت اني موافقة و لا عمري هاوافق على اللي كان بيحصل في اقسام الشرطة

بس كل كلامي ان الشرطة جزء من الشعب و اغلب الناس بتشتم شتايم زبالة و مش من طبقات فقيرة او متوسطة لا و الله

في تويتة على البيج بتاعت نوارة نجم و الله العظيم قالت على السلفيين اللي امهم مش نضيفة بس طبعا اللفظ الدارج للكلمة

اذا كانوا اللي بنقول عليهم مثقفين كده ما بال بقى الطبقة اللي بتتعامل مع المجرمين

الل احنا بنتكلم فيه دا محتاج مننا ثورة تانية للاخلاق

فتحت موضوع هنا قبل كده و للاسف ما حدش ساعدني

يا جماعة البلد في انهيار اخلاقي عااااااااااااام

الشرطة و الامن المركزي مش متربيين برة مصر لأ هما من قلب الشعب اللي اخلاقه باظت الا من رحم ربي

فا بلاش بس نلوم عليهم لازم نلوم نفسنا كمان اننا لما بنسمع لفظ خارج من حد من قرايبنا ما بنتعترضش عليه

صدقوني لو ثقافة الشعب اتغيرت الشرطة و الامن المركزي كمان هايتغيروا

تصدقوا و تآمنوا بالله انا ما بقيتش اتفرج على اي فيديو بيترفع على اليوتيوب او الفيس لاني عارفه و متأكده اني اسمع الفاظ قذرة

و انا قاعدة باتفرج على التليفزيون ببقى حاطة ايدي على قلبي لاحسن يجي لفظ كده و لا كده عشان مريم ما تسمعوش

الوضع اللي احنا فيه دا مش وقت القاء لوم على الغير و بس الوقت دا محتاج كل حد محترم يعمل وقفه من نفسه و يشوف هو بيأثر في مجتمع المحيطين بيه بالايجاب و لا لأ

دا رأيي ممكن يكون غلط و انتوا صح

ربنا يهدينا كلنا للي فيه الخير

تم تعديل 2 أغسطس 2011 بواسطة pink rose

[عبير يونس]

أعذريني يا ريم مش قادرة اوافقك

هو عشان في ناس مش متربية يبقى ده مبرر أن جهاز الأمن يهين الناس

ده همة المفروض يبقوا القدوة

أنتي عارفة انهم بياخدوا كورس شتايم و الفاظ بذيئة في كلية الشرطة ؟؟!!

ده بدل ما يعلموهم تقويم المجرمين !!!!

 المدينة الفاضلة وهم يا ريم

لابد من سيادة القانون الذي ينضبط به المجتمع

طوعا أو كرها

[رضوي]

امبارح فرحت لما عرفت ان الجيش ماشاء الله الله اكبر الجيش اهه شد حيله وخلاص مش هلاقي مشاكل في البلد بعد كدة

لكني لما أنزل النهاردة وانا في طريقي للعمل والاقي ميدان السيدة زينب متبهدل ومليان حطام زجاج واعرف ان كان فيه ضرب نار وملوتوف عادي جدا علشان خناقة

ولما اعرف اللي حصل في أكتر من موقع امبارح في القاهرة والناس تستنجد بالشرطة وك العادة الشرطة في الضياع

يبقي احنا بنتشطر علي اللي في الميدان وسايبين البلطجية بقي

كنت ولازلت مش موافقة علي الاعتصام في الظروف الحالية

لكن ان يكون الشغل الشاغل للشرطة والجيش هو اخلاء الميدان ....... ومش بس الميدان لا كمان التجمعات كلها يبقي عندي مليون علامة استفهام

ماشاء الله القاهرة من امبارح فيها سهولة مرورية غير عادية ............ صباحاً وفي اوقات الظهيرة ........ حتى الدائري فاضي

واضح ان الشغل الشاغل للامن اليومين دول هو المرور فقط لاغير ........ اما امان البلد فهو مش شغلهم طالما فيه سيولة مرورية والدنيا تمام والاشارات شغالة

لما اعرف ان فيه بعض المناطق بيستخدموا فيها ضرب النار لحي كنوع من الاحتفال برمضان ........ يعني بدل البمب بتاع زمان ......... يبقي لازم اكون فرحانه علشان الديموقراطية اللي احنا فيها ....... ماشاء الله

المشكلة النهاردة مش في الالفاظ البذيئة اللي بيتلفظ بيها رجال الأمن ............ المشكلة في الأمن نفسه في البلد

بكرة ان شاء الله 3/8 محاكمة مبارك والعادلي وعلاء وجمال .............. ربنا يستر

الناس كلها بتراهن ان بكرة هيحصل حاجة ......... هي ايه مش عارفين

ربنا يستر

[se_ Elsyed]

الناس كلها بتراهن ان بكرة هيحصل حاجة ......... هي ايه مش عارفين

خير اللهم أجعله خير .. نمت شوية العصر النهاردة وحلمت إن مبارك في القفص كان عمال يكلم القضاه ويقول إن هو اللي كان بيختارهم بنفسه وفضل ياخد ويدي معاهم وهو لابس الملابس البيضاء

كل ده وعلاء وجمال ما كانوش حضروا ... وفجأة وهما في الطريق في العربية المدرعة إذ بناس يخرجوا بالأر بي جيهات وهاتك يا ضرب ويفرتكوهم

والجميع مسك العيسوي بهدله ويقول له بقى ده التأمين ؟

اه والله احلم بالتفصيل كده

تخيلوا بقى إني ممكن أقعد سنة من غير ما احلم ولا حلم

مش عارف ليه حلمت الحلم ده النهاردة

ربنا يستر

[pink rose]

ابسط يا س س

هاتتكسي

[se_ Elsyed]

والله الراجل عصام شرف ده عسل

بيقول لك إيه بقى في تصريح النهاردة

" لن أسمح بإطلاق لفظ بلطجية على معتصمي التحرير "

ههههههههههههههههه

هو كلام في المحشي وخلاص يا عم شرف .. يا بيه فوق وإصحى شويه ... 111 واحد إتقبض عليهم بالتحرير بتهمة البلطجة وزمانهم إتهبدوا احكام دلوقت

ملحوظة : ماحدش يرضى بالبلطجة

ماحدش يرضى بتعطيل مصالح الناس

لكن برضوا ماحدش يرضى بظلم حد والحكم عليه سُكيتي كده في تهم وهمية .....

[عصام أبوالفتح]

الناس كلها بتراهن ان بكرة هيحصل حاجة ......... هي ايه مش عارفين

خير اللهم أجعله خير .. نمت شوية العصر النهاردة وحلمت إن مبارك في القفص كان عمال يكلم القضاه ويقول إن هو اللي كان بيختارهم بنفسه وفضل ياخد ويدي معاهم وهو لابس الملابس البيضاء

كل ده وعلاء وجمال ما كانوش حضروا ... وفجأة وهما في الطريق في العربية المدرعة إذ بناس يخرجوا بالأر بي جيهات وهاتك يا ضرب ويفرتكوهم

والجميع مسك العيسوي بهدله ويقول له بقى ده التأمين ؟

اه والله احلم بالتفصيل كده

تخيلوا بقى إني ممكن أقعد سنة من غير ما احلم ولا حلم

مش عارف ليه حلمت الحلم ده النهاردة

ربنا يستر

اللهم اجعله خير ..انت اتسحرت ايه ؟ ههههه

مين الجميع ؟

[م تيمور المراغي]

خبر حلو ع الفطار | نقلاً عن مركز النديم: إخلاء سبيل جميع معتقلي التحرير :happy:

[م تيمور المراغي]

استمرار اعتصام الجيش والشرطه لليوم الثالث داخل ميدان التحرير ... حد عارف مطالبهم ايه :)

[امير مجروح]

النمر طلع قطة..

او الاسد طلع ثعلب....

[م تيمور المراغي]

النمر طلع قطة..

او الاسد طلع ثعلب....

وضح يا امير !

[Ahmed Anwer]

استمرار اعتصام الجيش والشرطه لليوم الثالث داخل ميدان التحرير ... حد عارف مطالبهم ايه :)

تقريبا مطالبهم إنهم يحافظوا علي كوتة العسكر و الشرطة في المحافظين

ممكن يفضوا الإعتصام بكره بعد إعلان المحافظين الجدد

ههههههه

[م تيمور المراغي]

استمرار اعتصام الجيش والشرطه لليوم الثالث داخل ميدان التحرير ... حد عارف مطالبهم ايه :)

تقريبا مطالبهم إنهم يحافظوا علي كوتة العسكر و الشرطة في المحافظين

ممكن يفضوا الإعتصام بكره بعد إعلان المحافظين الجدد

ههههههه

هههههههههه

التراس زملكاوي مروقهم على اليوتيوب

للاسف الفاظ صعبه جدا مش حقدر احط الفيديو هنا :happy: