عيد ميلاد أختنا العسل ... زهرة الجبل

[زهرة الجبل]

عيد ميلاد سعيد .. وعمر مديد .. اختى الفاضلة .. وشاعرتنا المميزه أم كريم

ان شاء الله تكون سنه جديده فى حياتك مليئه بالسعادة والاستقرار والسلام والنجاح ..اينما كنتى ..انت واسرتك الكريمه

مع خالص تحيتى وتهنئتى الحاره

محمود البصيلى

الأخ الفاضل التونسي

شكراً جزيلاً للتهنئه ** و جزاك الله خيراً على الدعاء

و لك مثله إن شاء الله و زياده

تقبل تحيتي و تقديري

أدام الله عليك رضاه

أختك أم كريم

تم تعديل 6 أغسطس 2011 بواسطة زهرة الجبل

[زهرة الجبل]

كل عام وانتي بخير وعقبال 100 عام ان شاء وانتي في اتم صحه وسعادة

الأخ الكريم خالد شحاته

و حضرتك طيب و بخير

شكرا جزيلاً على التهنئه

تقبل تحياتي

أم كريم

[زهرة الجبل]

السلام عليكم و رحمة الله و بركاته

اممممم

يعني طفيتوا الشمع

و قولتوا هابي بيرث داي تو مي....قصدي تو يو

طب يعني انا اخش اغسل المواعين بقي و لا ايه...(وش اي واحدة بتحاول تتخلص من المهمة القومية ديت)

كل سنة و حضرتك بكل الخير و السعادة

كل سنة و حضرتك زهرة استثنائية بتنبت فكرة مختلفة في وسط جبل الافكار الصلبة

كل سنة و حضرتك ام كريم و زياد و يكونوا قرة عين لحضرتك و زيادة في الخير دنيا و آخرة

كل سنة و حضرتك قريبة...هنا...في بيتك و مملكتك وسطنا

مش اقدر افكر في اي هدية غير اني ادعيليك من قلبي اوي

انك تكوني هنا

ربنا يسعدك قلبك و يقر عينك بعمرة او بحج

و تفتكريني و تدعيلي هناك

انا اسمي ريهام ع فكرة...(وش عيل مصدق اوي ان لازم تدعيلي بالاسم يعني)

كل سنة و حضرتك بكل الخير

و اسفة علي التأخير

الجميله قوي .. اللمضه عالآخر .. ريهام .. لماضه

لا بجد بجد .. أجمل هديه جاءتني في عيد ميلادي السنه دي

دعوتك الجميله دي يا ريهام .. ربنا يتقبلها منك يا رب و يجعل لك نصيب منها

و الله فعلاً الحرم وحشني و نفسي جدا أروح أعمل عمره

ربنا يكتبها لنا و لكِ يا رب و يكتب لنا الحج كمان و نبقى جماعه

إنما موضوع طفينا الشمع لوحدنا ده إيه بقى ؟ و هو أنا أقدر ؟

ده حتى و الله مش هيبقى له طعم كده منغيرك

الشمع منغيرك زي عيد منغير فرحه .. زي أغنيه منغير موسيقى .. زي رسم جميل قوي .. بس أبيض و إسود

وجودك بقى بيلونه .. و يخليه ينبض كده بألوان مرحه و زاهيه و تفتح النفس .

بحس ان وجودك في اي موضوع بيديله روح تانيه خالص .. حاجه كده مزيج من الشقاوه و المرح و خفة الظل

ربنا يديم عليكي خفة روحك و محبة الناس يا رب

و ربنا يتقبل منك دعائك يا رب ..

و وعد مني لو ربنا كتب لي العمره قريباً هفتكرك هناك و هدعيلك .. و بالإسم

تقبلي تحيتي و محبتي

أم مرام و كريم و زياد

علشان مرومه ماتزعلش تاني

مودتي

تم تعديل 9 أغسطس 2011 بواسطة زهرة الجبل

[زهرة الجبل]

روشة يا بنتي

بنتي يا روشة

كان فاضل تقولي

و انا و انت

و الناس المنورين الفرح

و اللي بيحبنا ميضربشي نار.....(امل حياتي اشتغل مطرب شعبي :closedeyes: ليلة واحدة و اتوب)

روشة يا ضنايا ما تيجي نعمل قناة المحاورات

انتي تقولي نكت

و انا اعمل استعراضات

فكري في العرض دهوت.....احنا هنتخطف من الفضائيات...(هنتخطف بمعني ياخدوا المعرفات بتاعتنا و بعدين يتاونا في الجبل.....اعوووووووووووو)

مساكي يا رب تلفزيون ال سي دي يجيب كل القنوات اللي بتصنع عالم "البهجة" الخاص بينا احنا

مش بقول لك يا لماضه ؟

جو تاني خالص

بجد مالكيش حل

ربنا يديم عليكي البهجه و روحك الجميله دي يا رب

:clappingrose:

[زهرة الجبل]

اذا كان كدا......يبقى ماشي ...(وش مصطفى شعبان في مسلسل العار)

طالما فيها ال سي دي يبقى موافقون

ونبقى نجيب الثري دي بعد ما نشتهر انا وانت .

ونضرب لنا نظارتين كده ونخش بقى على عالم الاكشن

بس تفتكري ممكن ننافس ثلاني اضواء المسرح ؟؟؟ :rolleyes:

شوفوا بقى إنتي و هي

بقى اللي قبلنا قالوا زمان إن إللي أوله شرط .. آخره أيـــــــــــه؟؟

تمام كده .. آخره نور إن شاء الله

حيث إن الموضوع موضوعي و الصفحه صفحتي و العيد عيدميلادي

فأنا لازم أنوه و لو إن المفروض ده شئ بديهي يعني .. إن أنا ليا نسبه في الصفقه دي من دلوقت

أيوااااااااااااه

يعني ليا نسبه في التليفزيون الإل سي دي .. و ليا نسبه في النظاره ثلاثية الأبعاد

و أنا إللي همسك الريموت ( وش أي عيل رخم من ولادي لما بيتخانقوا عالريموت ) :closedeyes:

ربنا يسعد أيامك يا روشه و يجعلها عامره بالبهجه و الرضا

[زهرة الجبل]

زهرتنا الجميلة

كل سنة وانت طيبة وعقبال 100 سنة

أختي الكريمه هند علي

و إنتِ طيبه و بالصحه و الخير

و كل عام و انتي بخير بمناسبة رمضان

شكرا للتهنئه الرقيقه

و ربنا يديم الموده يا رب

تحياتي

[زهرة الجبل]

السلام عليكم ورحمة الله...

كل سنة وأنت طيبة يازهرة...ان شاء الله كل أيامك فرح ورضا وتقرب الى الله

الفاضله الغاليه مدام فولانه

تهنئتك نور و عطر بين السطور

شكراً جزيلاً على التهنئه الراقيه

و جزاك الله خيراً على الدعاء .. أسأل الله أن يجعل لكِ مثله و زياده

و كل عام و أنتِ بكل الخير بمناسبة الشهر الفضيل

تحياتي و مودتي

أم كريم

تم تعديل 9 أغسطس 2011 بواسطة زهرة الجبل

[لونا]

إتأخرت أنا شويتين تلاتة

كل عام و أنت بألف خير

كل عام و أنت إلى الله أقرب

و على طاعته ادوم