12 اغسطس ,, مليونية الطرق الصوفية !

[م تيمور المراغي]

تبدء فاعليات جمعه " في حب مصر " برفع علم طوله 3000 متر يغطي كوبري قصر النيل يتم الدخول للميدان بمسيرة رفع العلم

[م تيمور المراغي]

التجمع الساعه 3 عصرا عند محطه متروا الاوبرا

[م تيمور المراغي]

صوره تعبيريه من المتوقع ان ينقلها التلفزيون المصري عصر اليوم :happy:

او دي عشان اللي فوق ابيض واسود !

[mekkawy]

رصد | عاجل | قوات الشرطة العسكرية والأمن المركزي تحاصر المتظاهرين على الرصيف المقابل للجامعة الأمريكية لعدم تعطيل الحركة المرورية #tahrir #egypt

أخبار التنسيق يا ريس .. مش كان المفروض المجلس هيسلمكم الميدان و الحاجات دي؟ كل رمضان و انت بخير

[mekkawy]

ده كمان من مظاهر التنسيق مع المجلس و ثقته المستمرة في المتظاهرين اليوم و تسليمه الميدان (إيجار جديد) بعدما لغى عقد الايجار القديم

رصد | ميدان التحرير | مشادات بين المتظاهرين والامن بالميدان بسبب منع الامن الدخول الي الحديقة وسط الميدان #Tahrir #12ramdan #RNN

[م تيمور المراغي]

انت بقالك كتير مش متابع يا ميكو

المسيره حتدخل 5 العصر الى الميدان

مش دلوقتي

المجلس العسكري ضغط وبكل قوته لاجهاض اليوم !

مع انه كان مرحب بجمعة قندهار !

تفتكر ايه السر !

يمكن عشان قالوله يا مشير انت الامير ! :P

[mekkawy]

انت يا ريس مش فوق قايل 3 العصر .. شوية و بقت خمسة العصر .. أظن المرة الجاية هتبقى تسعة الضهر صح؟

و ايه موضوع قندهار ده؟ عيب يا تيمور بيك هتقولي قندهار هقولك صربيا و غيرها و غيرها هتقولي بأة الأمير و الكلام اللي لا يودي ولا يجيب ده .. هات حاجة مفيدة أحسن يا هندسة

[م تيمور المراغي]

ركز يا ميكو

انا قلت التجمع عند محظة مترو الاوبرا 3 العصر

عشان حشد الشباب وحمل العلم اللي طوله 3000 متر محتاج 5000 شاب ع الاقل لدخول الميدان

ساعة الصفر لتحرك الشباب حاملين العلم هو 5 العصر

[mekkawy]

بالتوفيق يا تيمور لو كان خير لمصر و إنما الأعمال بالنيات و لكل امرأ ما نوى و النية بتاعة ربنا مش بتاعتنا

تاني هأقولك بالتوفيق لو كان خير لمصر

[م تيمور المراغي]

بالتوفيق يا تيمور لو كان خير لمصر و إنما الأعمال بالنيات و لكل امرأ ما نوى و النية بتاعة ربنا مش بتاعتنا

تاني هأقولك بالتوفيق لو كان خير لمصر

اشكرك ع الروح الجميله الغير مستغربه منك يا ميكو

[م تيمور المراغي]

مناوشات بين الأمن ومتظاهرين بعد إيقاف حركة المرور في التحرير

نشبت بعض المناوشات بين المتظاهرين في ميدان التحرير وقوات الامن، عقب قيام ما يقرب من 500 متظاهر بالاتجاه الى منتصف الميدان وإيقاف حركة المرور، اضافة الى قيام مجموعة أخرى بالاتجاه نحو قوات الامن من الشرطة والجيش المتواجدة بالقرب من مقر الجامعة الامريكية، وقامو برفع الاحذية في وجوههم مرددين "الداخلية بلطجية"، الامر الذي أدى الى قيام قيام قيادات الداخلية باصدار أوامر لجنود الامن المركزي بالتراجع وعدم الاشتباك مع المتظاهرين، كما قامت مجموعة من المدنيين بمحاولى إاثناء المتظاهرين عن ايقاف حركة المرور ومطالبتهم بالعودة مرة أخرى للتظاهر على الرصيف، كما يحاول الان العميد ممدوح أبو الخير نائب رئيس جهاز الشرطة العسكرية احتواء المتظاهرين وفتح ميدان التحرير مرة أخرى للمرور.

[pink rose]

اتفرجوا على الاستهبال اللي على الجزيرة مباشر

المذيعة واقفة تتكلم مع بعض الموجودين

واحد بيقولها ايه اللي نزل الشرطة تاني؟؟؟؟؟؟

استفزاز دا و لا مش استفزاز ايه اللي منزلهم تاني؟

قالتله بس هما ما استفزوش حد و واقفين بس

قالها وجودهم و وقفتهم هنا استفزاز لينا

صلاة النبي احسن

[م تيمور المراغي]

رصد | التحرير : العشرات يتوافدون على ميدان التحرير وسط وجود أمنى وعسكرى مكثف #Tahrir #Egypt

[ابوهنا]

مناوشات بين الأمن ومتظاهرين بعد إيقاف حركة المرور في التحرير

نشبت بعض المناوشات بين المتظاهرين في ميدان التحرير وقوات الامن، عقب قيام ما يقرب من 500 متظاهر بالاتجاه الى منتصف الميدان وإيقاف حركة المرور، اضافة الى قيام مجموعة أخرى بالاتجاه نحو قوات الامن من الشرطة والجيش المتواجدة بالقرب من مقر الجامعة الامريكية، وقامو برفع الاحذية في وجوههم مرددين "الداخلية بلطجية"، الامر الذي أدى الى قيام قيام قيادات الداخلية باصدار أوامر لجنود الامن المركزي بالتراجع وعدم الاشتباك مع المتظاهرين، كما قامت مجموعة من المدنيين بمحاولى إاثناء المتظاهرين عن ايقاف حركة المرور ومطالبتهم بالعودة مرة أخرى للتظاهر على الرصيف، كما يحاول الان العميد ممدوح أبو الخير نائب رئيس جهاز الشرطة العسكرية احتواء المتظاهرين وفتح ميدان التحرير مرة أخرى للمرور.

كل سنه وانت طيب ياباشمهندس

مش ملاحظ حضرتك ان الثوره خلاص كام شهر وتكمل سنه

وانت قاعد فى جده تدى تصريحات وتخطط للفرق والمجموعات

اعتقد ان القاده العظام المفروض ينزلوا الميدان اولا يحتفلوا بانجازهم وثانيا يرفعوا من الروح المعنويه للثوار

ولا يمكن تكون زى حاكم التبت اللى بيتعين وهو فى المنفى

تم تعديل 12 أغسطس 2011 بواسطة ابوهنا

[م تيمور المراغي]

مظهر شاهين: على من حرّموا الخروج على الحاكم أن يتوبوا ويعتذروا للشهداء \\ اضغط هنا !

[eslam elmasre]

مظهر شاهين: على من حرّموا الخروج على الحاكم أن يتوبوا ويعتذروا للشهداء \\ اضغط هنا !

راجل ومن ضهر راجل يا مظهر

انا اتنبأ لك بمستقبل باهر وبانك ستتعامل معاملة الشيخ محمد عبده وسيتم اتهامك بالماسونية والملوخية والمهلبية واستلقى وعدك طالما اعلنت رأيك بصراحة في من حرم الخروج علي الحاكم وهو امر معروف من هم وما هي قناعاتهم ومن اين اتو بها

[م تيمور المراغي]

رصد | التحرير : عناصر الجيش تحاصر المتظاهرين وتمنعهم من تعطيل حركة المرور

[م تيمور المراغي]

المشير في الميدان !

[pink rose]

اليوم السابع | المشير طنطاوى يزور"التحرير" بعد صلاة الجمعة ويصافح الموجودين من أفراد الشرطة العسكرية

تم تعديل 12 أغسطس 2011 بواسطة pink rose

[م تيمور المراغي]

اليوم السابع | المشير طنطاوى يزور"التحرير" بعد صلاة الجمعة ويصافح الموجودين

لو حريف سياسة ,,

يفطر في الميدان مع النشطاء

التبسط ده بيأثر في شعبنا لانه شعب عاطفي