12 اغسطس ,, مليونية الطرق الصوفية !

[se_ Elsyed]

مش قولت لكم

مئات الجنود يتوافدون كل دقيقة على الميدان

[Abu Reem]

يه الملايين اللي في الميدان دي كلها . :waving: ...انا مش شايف الميدان من كثرة الناس

- اهم حاجة في هذه الجمعة انها اثبتت وعي الشعب المصري الذي لم ينخدع بحركات 6 ابريل واسلوب الوقيعة التي تتبعه...حتى انهم فشلوا في الضحك على دراويش الصوفية ..للحشد لهذه المليونية ، وذلك رغم اظهار ان الهدف من هذه الجمعة انها للوحدة الوطنية او لمدنية الدولة...

وها هم ينكشفون..الان بعد هذه الهتافات ضد المجلس العسكري والمشير ، فما بالنا لو كان الموجودين مليون فعلا

- كما قلت وكما ذكر لي كثيرا من اصدقائي ان 6 ابريل انتهت بعد جمعة 29 يوليو..وما قبلها..حتى الدكتور البرادي..تقريبا يحاول التنصل من تصرفاتهم...

تم تعديل 12 أغسطس 2011 بواسطة Abu Reem

[pink rose]

انتوا ما بتعرفوش تعدوا على فكرة

انتوا ناسيين ان الواحد بالف

يا ربي عليكم

[se_ Elsyed]

أنا لا ساحر ولا بأضرب الودع

أشتباكات عنيفه تدور الأن بين المتظاهرين وقوات الجيش

إشربوا يا بتوع حب مصر

[se_ Elsyed]

وخلي المندسين يولعوها ويستفزوا العساكر الغلابة اللي موجودين في الميدان .. اللي بالتأكيد هايردوا . ونرجع نقول فلول

الغريبة إن الجزيرة مباشر قطعت بث الارسال

لكن أتابع الان الاحداث على قناة 25 ولكن التصوير من بعيد بصراحة

[pink rose]

يا س س انا حطيت من يومين بوستر لثورة على الجيش

و هما نازلين لا حب مصر و لا بطيخ

هما نازلين و قاصدين الجيش

[se_ Elsyed]

يا س س انا حطيت من يومين بوستر لثورة على الجيش

و هما نازلين لا حب مصر و لا بطيخ

هما نازلين و قاصدين الجيش

يبقى حلال اللي يحصل فيهم

انا شايف مناظر غير مقبولة لتبادل الضرب بين الجيش وبين المعتصمين ..

وكل اللي طلع النهاردة هايخسر كتير

وهايكسب سخط الناس وسخطهم على شوية العيال التافهة اللي عاوزين يولعوها

[pink rose]

اتفضلوا مذيع الجزيرة بيقول ان الناس هي اللي بدأت بضرب العساكر بالحجارة و الازايز الفاضية

و انا شوفتهم و هما بيحاولوا ينطوا عشان يقتحموا كردون الجيش عشان يدخلوا الصينية

انا بقى اللي اموت و اعرف فيها ايه الصينية عاوزين يدخلوها

[pink rose]

ايون حلال اللي يحصل فيهم

اظن كلنا اتأكدنا مين بيحب مصر و مين عاوزها فوضى

[عماد حمدي]

مدد يا ميدان مدد :knight:

:h!!!h: عايزنها مليونية ، عايزينها ملوخية :Laie:

والنبي اللي جاي من الميدان مينساش طبق الفتــّـه و كوباية قرفة باللبن ..

[MohamedAli]

صورة للملايين المحتشدين في التحرير :closedeyes:

[عماد حمدي]

إفطر إنته وأصحابك مع كل المصريين بكرة 12أغسطس في ميدان التحرير في حب مصر، هات إفطارك وتعالي ميدان التحرير #egypt #tahrir

اولتراس اهلاوي اعلن انه حينضم بعد ماتش المولوديه الجزائرى

ياعني بكرة هنسمع أنه فيه مليونية و لا عشرات من المتظاهرين ..

يالا بكرة مش بعيد ، بكرة إختبار كبير أوي ليكم عايزين نشوف ملايين في الميدان ..

صباحك مظاهرات و إعتصامات و وقفات إحتجاجية ع الفاضية و المليانة ..

حبيبي يا تيمور والله

مادام فيها اركتيكت اعرف انها مليانه ,,

رمضان كريم .. صباحك مليونيات ،، :)

نفديـــــــكــــــــــم ، ;)

[MohamedAli]

والنبي اللي جاي من الميدان مينساش طبق الفتــّـه و كوباية قرفة باللبن ..

ومتنساش الفول النابت ياعمدة عشان الجو الحر

مدد ياسيدي الميدان مددددد

[م تيمور المراغي]

حتى ولو كانوا عشر شباب

كفايه انهم ثابتين على مبدأهم ورجاله

لو ماكانوش رجاله ماكانش الجيش نسي العريش وحشد الالوف دي قصادهم تقاومهم و تصدهم ,,

عموما لسه اليوم ما خلصش

[Simba]

من التحرير تجمع في مليونية اليوم 300 فرد وفاضل لهم مليون !!!!

[ابراهيم عبد العزيز]

الشيخ مظهر شاهين فى خطبة الجمعة اليوم :

من كان يعبد مبارك فإن مبارك قد خلع ومن كان يعبد الله فالله حى لا يموت

.

صدق الشيخ مظهر واحسن قولا

تم تعديل 12 أغسطس 2011 بواسطة ابراهيم عبد العزيز

[احمد رضوان]

المشكلة يا تيمور مش الثبات على المبدأ المشكلة إن المبدأ نفسه يجد من يتبناه من الناس في الشارع، فاكر شعار ايام الثورة ... يا أهلينا إنضموا لينا ... النهاردة كل يوم مع قناعتي بكل اللى بتعملوه والتضحيات اللى بتقدموها بس للأسف بدون جدوى ، الخطأ بدأ من بعد الإستفتتاء، والمجلس العسكري بخبث كان بيوقعكم فى الغلط ، وكل يوم المبدأ اللى جمع الناس يوم 25 يناير كان بيخسر إنصار ... دلوقتي وصلنا للموقف اللى أنت شايفه في التحرير دلوقتي لو الجيش اعتقل كل الموجود ين ولا حد حيسأل ... احد الثورا علق ان كنت ايام الثورة عندي إستعداد اموت لأنى مقتنع إن فيه حد حيدافع عني ... دلوقتي خايف اتحاكم عسكريا لأن مفيش حد حيفتكرني... آخر مسمار فى نعش 6إبريل وباقي الحركات كان قرار التخلي عن حق أهل الشهداء يوم قرار فض الإعتصام.

اليوم أنصحكم بتغيير الوسائل ، المجلس العسكري موقفه أعلى ، وبيتعلم من الإحداث ، بالرغم من قلة خبرتهم السياسية ... شايف المشير عمل إيه اليوم ... حركة فى الجون هبطت عزم ناس كتير إنها تنزل ... ظهر على أنه تأييد للفاعليات ... شجع الضباط والجنود في الميدان على عدم التخلي عن الصينية ... على فكرة المجلس بيدير معركة من خلال التمسك بالأرض ... علشان كده الصينية دي أصبحت هدف الكل. المهم لازم تغيير في الأساليب .. لكم الشكر على اللى تم بس اليوم الظروف مختلفة وعايزه أدوات مختلفة ... لازم تنزلوا للناس ... لازم الإستعلاء الثورى يخف كتير ... لازم يكوم الهدف هو التجميع لا التفريق ... لازم قبول الآخر ... لازم تنزلوا الشارع للناس وتكسبوهم في صفكم الناس الغلابه هى القوة الحقيقية اللى تخوف الحكام لأنها شلال هادر محدش يقدر يقف قدامه مش النخبة التى لا ترى غير نفسها.

شكرا لكل إئتلافات الثورة ... لم نكن نحلم بما تم حتى الآن ... لكم الفضل وكذلك باقي الثائريين على إختلاف إيدلوجياتهم لا نفرق بين احد منكم، وننتظر منكم المزيد ولكن بطرق جديده تجمع الفرقاء حول جسد هذا البلد المسجى على سرير الآلام حتى الآن ... الطريق طويل لكن المناضلين يخلدهم التاريخ ويذكرهم الجميع

تم تعديل 12 أغسطس 2011 بواسطة Radws

[Alshiekh]

صدقوني لما أقول أني حزين بعد قراءتي لبعض المداخلات الشامتة

نفس الأقلام الشامتة اليوم كانت تطبل وتهلل وتضخم ماحدث في جمعة سابقة مع أن كلا الفريقين مصريين ، بل أن فريق اليوم قد يكون أكثر مصرية ووعيا من فرقا أخري.

ولكن للأسف البعض يريدها أن تبقى فرقا وشيعا ، ومبروك على رجال المجلس ورئيسهم فقد استطاعوا أن يضعوا البعض في جيوبهم الصغيرة.

[م تيمور المراغي]

المشكلة يا تيمور مش الثبات على المبدأ المشكلة إن المبدأ نفسه يجد من يتبناه من الناس في الشارع، فاكر شعار ايام الثورة ... يا أهلينا إنضموا لينا ... النهاردة كل يوم مع قناعتي بكل اللى بتعملوه والتضحيات اللى بتقدموها بس للأسف بدون جدوى ، الخطأ بدأ من بعد الإستفتتاء، والمجلس العسكري بخبث كان بيوقعكم فى الغلط ، وكل يوم المبدأ اللى جمع الناس يوم 25 يناير كان بيخسر إنصار ... دلوقتي وصلنا للموقف اللى أنت شايفه في التحرير دلوقتي لو الجيش اعتقل كل الموجود ين ولا حد حيسأل ... احد الثورا علق ان كنت ايام الثورة عندي إستعداد اموت لأنى مقتنع إن فيه حد حيدافع عني ... دلوقتي خايف اتحاكم عسكريا لأن مفيش حد حيفتكرني... آخر مسمار فى نعش 6إبريل وباقي الحركات كان قرار التخلي عن حق أهل الشهداء يوم قرار فض الإعتصام.

اليوم أنصحكم بتغيير الوسائل ، المجلس العسكري موقفه أعلى ، وبيتعلم من الإحداث ، بالرغم من قلة خبرتهم السياسية ... شايف المشير عمل إيه اليوم ... حركة فى الجون هبطت عزم ناس كتير إنها تنزل ... ظهر على أنه تأييد للفاعليات ... شجع الضباط والجنود في الميدان على عدم التخلي عن الصينية ... على فكرة المجلس بيدير معركة من خلال التمسك بالأرض ... علشان كده الصينية دي أصبحت هدف الكل. المهم لازم تغيير في الأساليب .. لكم الشكر على اللى تم بس اليوم الظروف مختلفة وعايزه أدوات مختلفة ... لازم تنزلوا للناس ... لازم الإستعلاء الثورى يخف كتير ... لازم يكوم الهدف هو التجميع لا التفريق ... لازم قبول الآخر ... لازم تنزلوا الشارع للناس وتكسبوهم في صفكم الناس الغلابه هى القوة الحقيقية اللى تخوف الحكام لأنها شلال هادر محدش يقدر يقف قدامه مش النخبة التى لا ترى غير نفسها.

شكرا لكل إئتلافات الثورة ... لم نكن نحلم بما تم حتى الآن ... لكم الفضل وكذلك باقي الثائريين على إختلاف إيدلوجياتهم لا نفرق بين احد منكم، وننتظر منكم المزيد ولكن بطرق جديده تجمع الفرقاء حول جسد هذا البلد المسجى على سرير الآلام حتى الآن ... الطريق طويل لكن المناضلين يخلدهم التاريخ ويذكرهم الجميع

اشكرك يا رادوس ع المداخلة المتميزة بعكس بعض المداخلات اللي فيها شماته او استظراف او حكمة باثر رجعي !

احنا نزلنا ب 14 مطلب تحقق منها 11 ابقي منها 3

ما تحقق حتي الان هو اعلان وضع وثيقة المبادئ فوق الدستورية وعمل لجنة تاسيسية وتطهير الداخلية وتعديل وزاري وعلانية المحاكمات وتفريغ الدوائر القضائية التي تحاكم رموز الفساد وتفعيل قانون الغدر وتطهير الوزارات من رموز الفساد وحركة المحافظين ووضع حد ادني واقصي للاجور ونقل مبارك من مستشفي شرم الشيخ ,,

طيب

وما لم يتم تنفيذه هو تطهير القضاء واقالة النائب العام وعمل مرسوم قانون تجميد نشاط السياسي لاعضاء الحزب الوطني المنحل 5 سنوات

تخيل انه بعد 8 شهور لم يتم البت في المحاكمات علي اساس جنائي ولكن تمت علي اساس مالي !!

عموما رسالتنا النهارده وصلناها وبقوة ان فيه شباب ثابت على مبدأه لا يمكن ( شراء سكوته او ارهابه او استاناسه ) مثلما حدث مع معظم الفصائل المتواجده على الساحة ,,

و مطالبنا لن تتغير حتي تستقر مصر وتتغير للافضل

استاذ رادوس التحرير هو رمز الثورة ولن نتخلي عنه ونحن لن ناخذ اوامر من اي سلطة كانت بل نراقب الوضع ونعبر عن الرأي مهما بلغ القمع او التهديد او تخلي الرفقاء وتسليمهم لنا

عموما اطمأن حضرتك نعد الان لجمعه الانتاج ,, لان الجميع يتهمنا باننا لا نعمل من اجل مصلحة البلاد ونحن نؤكد في هذه الجمعه اننا نسعي لمصر جديدة

اما رسالتنا الحالية فنحن نريد ( اوعى تقول نريد دي كلمة يهودية :happy: ) نريد توجيه رسالة وهي ضرورة نقل السلطة الي سلطة مدنية كما نادت ثورة 25 يناير

للاسف بعض القوي السياسية دخلت في صفقة مع المجلس العسكري ,,انا عارف انه ليس هناك سياسية بلا صفقات ولكن الصفقات تختلف وافضل التيارات التي تجيد الصفقات ولا تخرج بخسائر كبيرة هم تيار الاخوان المسلمين لكن نحن لم ولن ندخل في صفقات لاننا لا نلعب سياسية بمفهوم الاقتراب من السلطة ولكننا نلعب سياسية بمفهوم قوي الضغط المستمر الذي لا يمل ولا يكل ولا يهدأ حتى تحقيق كل المطالب المشروعه ان شاء الله

احنا دورنا قبل كده كان الحشد لكشف الفساد واحداث تطهير اما الان وحتي الانتخابات الرئاسية سيكون دورنا هو مراقبة التغيير السياسي وبعدها سنبحث كيفية عمل الحركة وهيكلها ودورها ولكننا سنظل نطالب بالتغيير للافضل طول الوقت

تحيتي وآسف ع الاطالة ولكن اسلوبك الراقي يستحق ذلك

[capitshino]

اعتقد ان رد بعض الزملاء هنا لا هو شماتة ولا استظراف

انما رد على ثقة زائدة عن اللازم .