12 اغسطس ,, مليونية الطرق الصوفية !

[م تيمور المراغي]

:happy:

[م تيمور المراغي]

مش عارفة ليه افتكرت الجزء من فيلم واسلاماه لما جه الراجل بتاع التتار و قال

لما احب اكلم شعب مصر اكلم مين

صحيح دلوقتي لما حد يحب يكلم شعب مصر يكلم مين

الاخوان و لا السلفيين و لا الصوفيين و لا الليبراليين و لا العلمانين

يا نهار ابيض انا و لا حد من دول طب اعمل ايه دلوقتي بقى لما حد يحب يكلمني :protest:

يكلم محمد علم :happy:

[pink rose]

مش عارفة ليه افتكرت الجزء من فيلم واسلاماه لما جه الراجل بتاع التتار و قال

لما احب اكلم شعب مصر اكلم مين

صحيح دلوقتي لما حد يحب يكلم شعب مصر يكلم مين

الاخوان و لا السلفيين و لا الصوفيين و لا الليبراليين و لا العلمانين

يا نهار ابيض انا و لا حد من دول طب اعمل ايه دلوقتي بقى لما حد يحب يكلمني :protest:

يكلم محمد علم :happy:

بص انا لسا عاملة دماغ فشار انا و مريم و مش عاوزة حد يفوقني

و بالتالي مش هارد عليك :closedeyes:

[م تيمور المراغي]

بالهنا والشفا

[Abu Reem]

العلمانيون الذين صدعوا رؤوسنا بمفردات مثل الظلاميون والإرتداد إلى القرون الوسطى واﻹغراق في الغيبيات إلى اخر كلمات التنوير , هاهم يهيمون عشقا ويذوبون وجدا في الصوفية , سبحان الله !!! لكن السياسة تعمل أكتر من كده , وكره اﻹسلاميين يؤدي إلى التخلي عن اخر قطعة تستر العورة , والان يتساوى اﻹندماج في حلقة الذكر حتى الغيبوبة مع المشاركة في مناظرة من إياهم . ومدد ياسيدي البرادعي ومدد يا ستي أم الفلول يا طاهرة وسمعني سلام اﻷسواني والتهامي إيد واحدة .

بصراحة تعليق عجبني ، فعلا من كام يوم كان الهجوم على كل ما هو اسلامي ، والان التحالف مع الصوفية...نكاية في السلفيين. وشغل الاستفزاز وتزكية نار الفتنة شغال بقوة من وارء الكيبورد بل وانتقل الى الشارع علشان يشعللوها.....وسلموا لي على مصلحة مصر

وصدق الله العظيم

وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ

[م تيمور المراغي]

وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ

الآية دي مقصود بيها ابليس مش كده !

طيب هل تنطبق ايضا على الاخوان المسلمين اللي انضموا للمليونية !!

ولا هو اي كلام وخلاص !

[ابو محمود]

وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ

الاخوان مسلمين فلا تنطبق عليهم الاية اظاهر انت مش واخد بالك دة بيقول للناس بتوع شعللها شعللها ولعها ولعها

الناس اللى شغلتهم ينفخو فى النار ويكسبو فلوس يعنى اكيد بيشتغلو حدادين او نافخى الكوك ربنا يبعدنا عنهم ويريحنا منهم قول يارب

[م تيمور المراغي]

الدستور \\ جمعة المدنية برعاية 57 تجمع سياسي.. تبدأ من المغرب إلى الفجر بدون اعتصام \\ اضغط هنا !

[pink rose]

الدستور \\ جمعة المدنية برعاية 57 تجمع سياسي.. تبدأ من المغرب إلى الفجر بدون اعتصام \\ اضغط هنا !

زادوا عشرة عن المرة اللي فاتت

يالاااااا هي الاعداد بفلوس

طيب ال 57 تجمع سياسي دول مالهمش اسماء؟

طيب كل تجمع سياسي من ال 57 تجمع سياسي عدد اعضائه اد ايه؟

مش لازم معلومات كاملة يعني و لا ناس تتكلم و احنا نقول آمين

و عجبني اوي في المقال جمعة قندهار

دمه خفيف موووووووت المضروب اللي كتبه

[capitshino]

قابل وقعد يا عم تيمور

رصد | مصر | البرادعي: الدعوة للمليونيات «مضيعه للوقت».. وهوية مصر إسلامية وستبقى كذلك #RNN #Tahrir #10ramdan

[pink rose]

قابل وقعد يا عم تيمور

رصد | مصر | البرادعي: الدعوة للمليونيات «مضيعه للوقت».. وهوية مصر إسلامية وستبقى كذلك #RNN #Tahrir #10ramdan

على الحياة اليوم

ابو العزايم الطريقة العزمية و الشبراوية و اللي بيحبوا العزمية و اللي بيحبوا الشبراوية هما اللي هايحضروا و دول اللي انا مسؤول عنهم و باقي الطرق اللي عاوز يجي اهلا و سهلا مش عاوز يجي كمان اهلا وسهلا

المصريين الاحرار رفضوا الدعوة للانضمام اصلا للجمعة دي لانها بتزود الفرقة في الشعب المصري و دا مرفوض

كابيتشينو مكانك محفوظ في حركة المصريين المفروسين

[mustafagamiel]

قابل وقعد يا عم تيمور

رصد | مصر | البرادعي: الدعوة للمليونيات «مضيعه للوقت».. وهوية مصر إسلامية وستبقى كذلك #RNN #Tahrir #10ramdan

فعلا المباديء لاتتجزأ يارجالة

دائما البرادعي ثابت على مواقفه

امال الاتصالات اللي كان بيجريها ايه للتنسيق للمليونية مع الشيعين والصوفيين والليبرالين والعلمانيين ايه كان لاعب عيال؟؟؟

طيب وحتة مصر اسلامية هل كان ده كلامه في الاول ولا ايه

ياااااه ياناس في كده؟؟؟

[م تيمور المراغي]

الامن المركزي بقى اجنده !

[MohamedAli]

الامن المركزي بقى اجنده !

تصبيره لحد جمعه الفته :happy:

[م تيمور المراغي]

الامن المركزي بقى اجنده !

تصبيره لحد جمعه الفته :happy:

يعني كوك زيرو

يعني الامن المركزي يطفح كنتاكي من اموال دافعي الضرائب عشان يضربهم !

[MohamedAli]

قابل وقعد يا عم تيمور

رصد | مصر | البرادعي: الدعوة للمليونيات «مضيعه للوقت».. وهوية مصر إسلامية وستبقى كذلك #RNN #Tahrir #10ramdan

قلبى معاك يا تيمور هتلاحق تقابل وتقعد مين ولا مين

رصد | مصر : المجلس الأعلى للطرق الصوفية ينفى فى بيان عاجل المشاركة فى مليونية "جمعة حب مصر"

[ابو محمد بن مصطفي]

الامن المركزي بقى اجنده !

تصبيره لحد جمعه الفته :happy:

يعني كوك زيرو

يعني الامن المركزي يطفح كنتاكي من اموال دافعي الضرائب عشان يضربهم !

هو اولا الداخلية ما بتجبش كنتاكي لعساكر يعني الموضوع بعيد عن الضرائب

ثانيا دول اكيد بيفطروا المغرب يعني كلمة يطفح صعبة شوية

[pink rose]

مش عارفة انا الصورة دي شوفتها ايام الثورة

ايام ما كانوا مطلعين ان الثوار بياكلوا كنتاكي

و طلعت الصورة دي عشان تقول لا اللي بياكلوا كنتاكي هما بتوع الامن المركزي

[doctor ayman]

نقلا عن الاهرام

الغاء مليونيه الجمعه القادمه

ربنا يجعلها اخر المليونيات

[م تيمور المراغي]

العسكر ومن وراهم من السلفيين بيحاولوا باستماته اجهاض المليونية الجايه ,,

سيبكم من التصريحات وكلام الجرايد النشطاء نازلين و مستحلفين

كلما زادت الطعنات اعلم انك على الحق وفي المقدمة

لن يستطيع أحد أن يمتطي ظهرك إلا إذا انحنيت ,,

والنشطاء لا ينحنون !