12 اغسطس ,, مليونية الطرق الصوفية !

[mfarag]

ما يحدث من دعوات على الإنترنت للإنقلاب على العسكر أو الغضب من العسكر أو الهبل ده ... كل ده يؤدي بالبلد إلى حالة فوضى وأنفلات زيادة ودخول في نفق مظلم

..

-ما هو دة المطلوب

رسالة للمجلس العسكرى

يا اما ناخد نصيبنا من التورتة و ساعتها مافيش مانع المجلس يقعد سنتين ثلاثة عشان القوى اللى مش مستعدة و لحسن الاسلاميين الوحشيين يحولوا مصر لامارة اسلامية

او

نحرق البلد و نولع فيها

[MohamedAli]

يا اما ناخد نصيبنا من التورتة و ساعتها مافيش مانع المجلس يقعد سنتين ثلاثة عشان القوى اللى مش مستعدة و لحسن الاسلاميين الوحشيين يحولوا مصر لامارة اسلامية

او

نحرق البلد و نولع فيها

للاسف هي دي حقيقة العلمانيين و6 ابريل

يزايدون بالصوت العالي لتحسين شروط الصفقة ولضمان حجم اكبر من التورتة

[EsoWay]

ارحب بيك قبل كل شيئ

لكن كونك خليت اهم مقومات الرئيس انه يكون بدقن فدي انا متحفظ عليها

لان ادارة الدولة ليها مقومات تانيه اهم بكتير من اللحيه والجلباب

أهلًا بيك ياباشا

هوضحلك حاجة

أنا مقلتش أي مقومات من أصله والدقن مجرد وصف للشكل لا للمضمون

ودي المشكلة الكبيرة عند الليبراليين مش قادرين يشوفوا أكتر من الدقن والجلباب

ومش قادرين يقتنعوا إن الناس دي بتفكر كويس أوي ومنظمين نفسهم وكلمتهم سيف ومش بيهزروا

شايف الإخوان ؟ دي إدارة ودا تنظيم مش الليبراليين مبهدلين كلهم ومش عارفين يجتمعوا على كلمة وحده ومش بتلمهم وتخليهم يتوحدوا إلا بس الإطاحة بالتيار الإسلامي

وبعد كدا يبدأ التلاسن ويفرشوا الملايه لبعض lo:: دول هيمسكوا البلد ؟ والله لا يشرفني !

أنا ليبرالي صح بس الليبرالية دي مرنه جدًا كل إنسان يوظفها على طبيعته

إنما السلفي دا له سمات معينة ثابتة و له كاتلوج واضح أنا آعرفه كويس

أنا هرشح حازم صلاح عشان إنسان (حازم) و(أمين) و(مهذب) و (قيادي) وفوق دا كلوا ذكي ودماغة نظيفة مش بيخاف ولا بيجامل حد

هوا دا إلي يشرفني ويمثلني أديه صوتي عشان يرفعلي راسي

ولو فيه أفضل منه مش بدقن هرشحه مش الدقن هوا السر يعني

إنتا بقى صوتك لمين ؟

تم تعديل 9 أغسطس 2011 بواسطة EsoWay

[م تيمور المراغي]

بيان هام

اعلنت الحركه بشكل نهائي المشاركه في مليونيه وافطار الجمعه القادمه تحت شعار ( مصر مدنيه )

بصفه شخصية

ارجوا من المجلس العسكري اخلاء الميدان بالكامل قبل عصر الجمعه 12 اغسطس لدخول مسيرات النشطاء للافطار فيه ,,

سيتم تامين المداخل كالمعتاد وسيتم تسليم الميدان بعد السحور وقبل صلاة فجر السبت ان شاء الله

ده موقفنا الشخصي بغض النظر عن مشاركة باقي القوى السياسية معنا في هذا اليوم او تأجيله بعد تدخل د. عصام شرف ووعده بالمشاركة في حال التأجيل

[mekkawy]

سمك لبن تمر حنة

صح كدة؟

لا لا اسمها سمك لبن تمر هندي صحيح

هنشارك .. مش هنشارك .. هنشارك .. مش هنشارك .. بتحبني .. ما بتحبنيش .. بتحبني .. ما بتحبنيش .. إلخ إلخ إلخ

[م تيمور المراغي]

سمك لبن تمر حنة

صح كدة؟

لا لا اسمها سمك لبن تمر هندي صحيح

هنشارك .. مش هنشارك .. هنشارك .. مش هنشارك .. بتحبني .. ما بتحبنيش .. بتحبني .. ما بتحبنيش .. إلخ إلخ إلخ

فين قلت مش حنشارك !

مش قادر اقول لك حجم الضغوط الرهيبة التي تصل حد الارهاب والتهديد والتي مورست على جميع من دعا الى هذا اليوم ,,

عرض د. عصام شرف بالانضمام الينا لتأكيد هوية مصر ( المدنية ) كان لازم يندرس ,,

خصوصا لما مظاهره تنزل ومعاها د. عصام اكيد اكبر الف مره من مظاهره تنزل بدون د. عضام شرف

لكن وبرغم كل الضغوط والتي اتت حتى من اقرب الناس اليك !!

فكان قرار الحركة الشجاع بالنزول الى الميدان ولو منفردين ,,

وعلى ضيوف الميدان تسليمه قبل عصر الجمعه الى محرريه الاصليين ,,

تحيتي ,,

[م تيمور المراغي]

بيان المؤتمر الصحفي للقوى الوطنية والثورية حول جمعة " معا فى حب مصر الثورة " \\ اضغط هنا !

[م تيمور المراغي]

التقينا جميعا وتآلفنا فى حب مصر

تعددت حركاتنا وتنوعت عقائدنا وافكارنا ولكن توحدت أهدافنا (مصر مدنية)

نعم مصر مدنية خيار وحيد لوحدة هذا الوطن بجميع طوائفه الكل شريك فيه دون تمييز بين دين او مذهب او عرق او اعتقاد

لا فضل لأحد على أحد إلا بمقدار عمله وتفوقه فى مجاله ،

فمدنية الدولة سوف تجعل كل فرد فيها يشعر بمسئوليته في معركة البناء والحفاظ على مكتسبات الثورة العظيمة

مسلم كان او مسيحى رجل كان او امراة متساويا فى الحقوق والواجبات

ومن هذا المنطلق تدعوكم القوى الوطنية الثورية الموقعة ادناة الى المشاركة فى جمعة (مصر مدنية) معا فى حب مصر الثورة " فى ميدان التحرير وعدد من الميادين العامة فى المحافظات يوم 12 رمضان الموافق 12 اغسطس

وتعزيزا لمطالب الثوار وتاكيدا على اهدافهم وتحقيقا لشعار الثورة ( تغيير - حرية - عدالة اجتماعية ) مع العلم أنه لا نية لنا في الاعتصام .. ونؤكد خلال هذه الجمعة على هذه المطالب :

1- اعادة هيكلة جهاز الشرطة ووضع خطة عاجلة لمعالجة الانفلات الأمني لإعادة الاستقرار للبلاد .

2- استقلال القضاء والنيابات والإعلام.

3- استقلال الأزهر الشريف ليكون المرجع الإسلامي الأساسى للتشريع

4- تطهير كافة مؤسسات الدولة من قيادات ورموز النظام .

5- إقرار حد أدنى للاجور 1200 جنية وحد اقصى 15 ضعف الحد الأدنى.

6- وقف نشاط قيادات ورموز الحزب الوطني عن العمل السياسي لمدة دورة كاملة.

7- وقف العنف ضد المتظاهرين ووقف المحاكمات العسكرية للمدنيين والغاء قانون منع التظاهر .

8- رفض التدخل الأجنبي بكل صوره وأشكاله في شؤون البلاد .

[pink rose]

ممثلو 28 حركة سياسية يقررون تأجيل جمعة (في حب مصر) إلى 19 أغسطس

قررت اللجنة المنظمة لجمعة "في حب مصر المدنية" تأجيل تنظيم المليونية، من الجمعة 12 أغسطس إلى الجمعة التي تليها التي توافق 19 أغسطس الجاري لاستكمال الترتيبات .

وقال عصام شعبان، القيادي بالحزب الشيوعي المصري، اليوم الأربعاء، إن هذا القرار تم اتخاذه في اجتماع ضم ممثلي 28 حركة سياسية، عقد بمقر الطريقة العزمية بوسط القاهرة، واستمر حتى ساعة متأخرة من مساء أمس الثلاثاء، كما اتفق المجتمعون على انتظار البيان المهم الذي يصدره رئيس مجلس الوزراء في وقت لاحق اليوم، بشأن مدنية الدولة والقواعد الحاكمة للدستور.

وكان المجلس الأعلى للطرق الصوفية قد أعلن رفضه لما أثير في وسائل الإعلام عن مشاركة الصوفيين في مليونية، الجمعة القادمة، التي تحمل اسم 'في حب مصر'، مؤكدا أنه لم يصدر عن المجلس أية دعوة إلى أي تظاهرات، ولا شأن له بتلك الدعوات، وأكد المجلس، خلال اجتماعه، الاثنين الماضي، بمقر العشيرة المحمدية، أن جموع طوائف الصوافية وعددها 76 طريقة صوفية أعلنت رفضها لتلك المليونية، مشيرا إلى أن الطرق الصوفية الداعية لتلك المليونية ما هي إلا عدد قليل لا يعد سوى على أصابع اليد الواحدة.

الشروق

اما الان اعزائي المحاوراتيين مع فزورة اليوم

كم عدد القوى السياسية الداعية ليوم 12 اغسطس

1) 47

2) 57

3) 28

اذا عرفت الحل (ابقى قابلني) اتصل على 0900900900

تم تعديل 10 أغسطس 2011 بواسطة pink rose

[م تيمور المراغي]

اما الان اعزائي المحاوراتيين مع فزورة اليوم

كم عدد القوى السياسية الداعية ليوم 12 اغسطس

1) 47

2) 57

3) 28

اذا عرفت الحل (ابقى قابلني) اتصل على 0900900900

اقول لكم حل الفزورة

العدد بدأ 47

ثم انضم ائتلافات وحركات اخرى فوصل الى 57

ثم توسط د. عصام شرف لتاجيلها للجمعه 19 اغسطس في مقابل مشاركته مع المتظاهرين لتأكيد مدنية الدولة :egyflag:

و ده بكل تاكيد ثمن تفاوضي لا يستهان به في مواجهة المستقطبين

فاستجاب لطلب د. عصام بالتاجيل 28 من المجتمعين

بينما قرر الباقون النزول مرتان

12 اغسطس و 19 اغسطس

اي خدمة

ايه الجايزة !

يارب تكون كيكه بريمو :happy:

[نوران]

هو احنا ليه بنسمي الأشياء بغير مسمياتها؟ ؟

ما اسمهاش مدنية الدوله . . . اسمها علمانية الدوله

[م تيمور المراغي]

لا مدنيه بمرجعيه اسلاميه

مش ناقصه فتي هيا

[م تيمور المراغي]

القوى الوطنية والأحزاب السياسية : احتفالية 12 أغسطس مستمرة ولا نيه للتأجيل

تؤكد القوى الوطنية والتيارات السياسية المختلفة والائتلافات الثورية والشعبية على استمرار فعاليات احتفالية " جمعة مصر مدنية ..معا في حب مصر يوم الجمعة المقبلة 12 أغسطس الموافق 12 رمضان ،ولا توجد أي نية للتأجيل ولا صحة لما نشر في بعض وسائل الإعلام عن إلغاء فعاليات الاحتفالية أو تأجيلها ،وان كل ما نشر لا يخرج عن كونه سوى اجتهادات فردية لا تعبر عن القوى الجماعية المشاركة.

وأعلنت القوى الوطنية تقديرها للمقابلة التي تمت مع الدكتور "عصام شرف" رئيس الوزراء ونائبة الدكتور "على السلمي" والتي تم التعهد فيها من قبل مجلس الوزراء بإصدار بيانا خلال ساعات للتأكيد فيه على أن " مصر دولة مدنية ديمقراطية حديثه " واستنكره لجمعة 19 يوليو التى خرجت عن النطاق الشرعي للتعبير بما يتوافق مع أهداف ثورة 25 يناير ومنها رفع الشعارات الدينية ورفع أعلام غير مصرية على أرضها بميدان التحرير .

ووجهت القوى الوطنية الدعوة للمجلس العسكري بكافة قيادته و رئيس الوزراء ونائبة وأعضاء الحكومة للمشاركة في احتفالية "معا في حب مصر" والإفطار الجماعي الذي سيقام بميدان التحرير و ميادين أخرى بمحافظات مصر.

وتدعو القوى الوطنية أبناء الشعب المصري بكافة أطيافه وتياراته للمشاركة في جمعة احتفالية مصر المدنية "معا في حب مصر" علما بأن المشاركة ليست حكرا لتيار أو طائفة بعينها وإنما المشاركة حق أصيل لكل مصري يؤمن بمصر حرة ديمقراطية مدنية وننوه على أن هذه الاحتفالية يمنع فيها استخدام أي شعارات تؤدي للفرقة بين أبناء الوطن الواحد .

وتدعو " جمعة مصر المدنية " إلى تأكيد مدنية مصر و تحقيق أهداف الثورة المصرية البيضاء والتي قامت على مبادئ الحرية والعدالة الاجتماعية لتحسين أوضاع المواطنين وإعلاء قيم حقوق الإنسان وتفعيل سيادة القانون ووضع دستور مدني تتفق عليه كل أطياف الشعب المصري بما يؤكد مدنية مصر الديمقراطية .

سيشارك في الاحتفالية عقب الإفطار فرقة الإنشاد الديني للشيخ "ياسين التهامي" والشيخ "التونى" والمرنم "ماهر فايز"، وفرقة "شباب الثورة" والمطرب "رامي عصام" وفقرة غنائية للمطربة "عزة بلبع" والمطرب "على الحجار" وبعض الفرق الشبابية الشعبية.

...ونأمل بأذن الله أن تكون الاحتفالية وجها مشرفا لمصر الثورة مصر الحضارة مصر الحرية والديمقراطية

للاستعلام

منسقو اللجنة الإعلامية

- نادر شكري 0127105127

- محمد شلبى 0118388181

- هند معوض 0110551617

- حماده الكاشف 0184035301

- مشيره احمد 0104108505

الرباط الخاص بي

[نوران]

لا مدنيه بمرجعيه اسلاميه

مش ناقصه فتي هيا

يبقي الاسم الصح :

علمانيه بمرجعيه اسلاميه!!

من غير فتي اهو :blink:

[م تيمور المراغي]

بمناسبة المظاهرات الشعبيه في العالم دلوقتي ولسه امريكا موعدها 19 سبتمبر على فكره وفي الطريق الصين كمان ,,

المهم

بالذمه حد فيكم سمع عن الدعوه لمليونية في اسرائيل لتاكيد هوية الدولة اليهودية !

او مليونية في انجلترا لتاكيد هوية الدولة المسيحية !

طب بلاش دي

رد فعلكم ايه لو عرفتم ان فيه مجموعه من البريطانيين بتهتف و بيتقول " يا بلير انت الامير "

او حاخام يهودي طلع يقول : ليبراليه يعني ايه يا يديعوت احرونوت ! ,, يعني امك تمشي مع قلسطيني " مثلا

مافيش حد بيعرف بالماء بالماء غير عندنا هنا في مصر

سلفي مصري

ام الاجنبي !

خمسه فرفشه كده نستعيد مصيبة استخدام المنابر في الدعايات الانتخابيه والتي يجرمها القانون

http://www.youtube.com/watch?v=r5JhW5sV4Cw

[م تيمور المراغي]

بكره لقاء مفتوح في مقر الحركة حيحضره م. احمد ماهر و عمرو على ومنسقي المجموعات لشرح اسباب المشاركة وتوضيح اي تفاصيل متعلقه باليوم ده

الدعوه عامه للجميع ,,

[MohamedAli]

المتحث الاعلامي باسم 6 ابريل يرفض المشاركة في هذه الجمعه !

http://www.youtube.com/watch?v=72CWWI8HF_Q&feature=player_embedded

[م تيمور المراغي]

المتحث الاعلامي باسم 6 ابريل يرفض المشاركة في هذه الجمعه !

http://www.youtube.com/watch?v=72CWWI8HF_Q&feature=player_embedded

كده برضوا يا محمد

بقى طارق الخولي متحدث اعلامي لشباب 6 ابريل !

انت اكبر من كده عيب

[eslam elmasre]

بمناسبة المظاهرات الشعبيه في العالم دلوقتي ولسه امريكا موعدها 19 سبتمبر على فكره وفي الطريق الصين كمان ,,

المهم

بالذمه حد فيكم سمع عن الدعوه لمليونية في اسرائيل لتاكيد هوية الدولة اليهودية !

او مليونية في انجلترا لتاكيد هوية الدولة المسيحية !

طب بلاش دي

رد فعلكم ايه لو عرفتم ان فيه مجموعه من البريطانيين بتهتف و بيتقول " يا بلير انت الامير "

او حاخام يهودي طلع يقول : ليبراليه يعني ايه يا يديعوت احرونوت ! ,, يعني امك تمشي مع قلسطيني " مثلا

مافيش حد بيعرف بالماء بالماء غير عندنا هنا في مصر

سلفي مصري

ام الاجنبي !

خمسه فرفشه كده نستعيد مصيبة استخدام المنابر في الدعايات الانتخابيه والتي يجرمها القانون

http://www.youtube.com/watch?v=r5JhW5sV4Cw

داهية انت يا ارش

والله ضحكتني بالمقطع الظريف الي انت جيبتوا

وكلامك كله علي حق في المقارنة الموضوعية اللي انت عملتها

جمعة قندهار وبشاور جابت نتيجة عكسية عشان كدة مش هايكرروها تاني وبكدة جابوا اخرهم وماعندهمش حاجة تانية يقدموها بعد ما اصبحوا كارت محروق

[pink rose]

المتحث الاعلامي باسم 6 ابريل يرفض المشاركة في هذه الجمعه !

http://www.youtube.com/watch?v=72CWWI8HF_Q&feature=player_embedded

لسا التليفزيون ناقص احترافية

كانوا المفروض يعرفوا المتصل بانه المتحدث باسم حركة 6 ابريل الجبهة الديموقراطية

لانها مقسومة جبهة ديموقراطية و جبهة احمد ماهر

و بالتالي كتابة 6 ابريل و خلاص على كده خطأ كبير

لاننا شايفين جبهة احمد ماهر شغالين في الدعوى للمليونية دي بالذات بايدهم و سنانهم