عشنا وشفنا إحتراف المشجعين كمان

[se_ Elsyed]

يوم الجمعة الماضي قرأت خبر رياضي يقول بإن نادي الجزيرة الإماراتي تعاقد مع مشجعين برازيليين عشان يشجعوا فريق كره القدم في الدوري الإماراتي ... وطبعاً زي ما بنشوف بالذات في كأس العالم المشجعين البرازيليين بتوع السامبا - يـــــــا حفيييييييييييييظ - بيعملوا إيه :P :P

وطبعاً البرازيليين دول هايقيموا هناك في الامارات أثناء مباريات الدوري وهاييجوا كاملين -واخدين بالكم - ومعاهم الطبل والشراشيب اللي بيمسكوها دي وهايبتدوا ينقلوا عصارة خبرتهم للجماهير الإماراتية وهايقودوهم نحو طرق أفضل للتشجيع ...

ومن المعروف إن موضوع المشجعين المحترفين منتشر بين الاندية ولكن بشكل محلي ... يعني على سبيل المثال في مصر ناديي الاهلي والزمالك لديهم مشجعين محترفين بيقبضوا فلوس وساعات كمان بيسافروا لتشجيع الفريق على حساب النادي ويقوم البعض بإستغلالهم لمساندة فلان وشتم علان وإثارة المشاكل وتكوين جماعات ضغط في موضوعات معينة ...

لكن حكاية المشجعين المستوردين دي .. جديدة .

واخيراً اللي معاه قرش محيرة يجيب برازيلي ويطيره .

[فــيــروز]

ايوه فعلا انا شفت الحكايه دى فى فيلم 4 2 4 ys):

وكانوا تقريبا جايبين ناس معاهم طبله و ستات تزغرد فى الاستاد :o

وكمان قلدوا الحكايه دى سنة 2000 فى شارع مجلس الشعب قرب الانتخابات :rolleyes:

ودى شفتها بعينى عشان كنت باشتغل فى الشارع ده ساعتها ..

عمار يا مصر :angry: