شعورك هايكون ايه لو شوفت مبارك في القفص

[pink rose]

زي العنوان كده

لو بكرة مبارك طلع على التليفزيون وراء القضبان

ببساطة

هايكون شعورك ايه؟؟؟

[عماد حمدي]

مممممممممم !

اللهم لا شماته ، و هتمنى أن غيره ياخده عبرة ..

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ ..

تم تعديل 2 أغسطس 2011 بواسطة omda2006

[رضوي]

هرتاح

ودي هيبقي شعوري بمنتهي البساطة

لأني قلقانة من بكرة ............. لو شوفنا مبارك والعادلي وعلاء وجمال في القفص ويتم التحقيق معاهم ومحاكمتهم علنياً ......... يبقي احنا ماشيين صح

لكن بقي لو لأي سبب كان دة ماحصلش ........... القلق هيزيد ساعتها ......... وربنا يستر

بكرة المحاكمة هتكون في القاهرة ........ وربنا يستر بقي

( ولكم في القصاص حياه ياأولي الألباب )

فين احساسك يابينكي ........ ماقولتيش هتحسي بإيه ؟؟؟؟

[pink rose]

انا ؟؟؟؟؟؟

انا هاقعد اعيط

لا حبا فيه و لا حزنا عليه

بس عبرة و ان دي آيات الله بتحقق قدامنا

و على فكرة انا مع محاكمته و بعد الحكم عليه

يطلع قرار عفو عنه لتقدم سنه

و امره اللي الله

هو اللي هاياخد منه الحق

و عقاب الله مش هايفوت حاجه

هو دلوقتي بيتحاكم على قتل المتظاهرين

انا شايفة ان مبارك دي اهيف حاجه عملها

نحاسب مين على ال 40٪ تحت خط الفقر

نحاسب مين على ال 1400 اللي ماتوا في العبارة

نحاسب مين على اطفال مصر المصابين بالسرطان

نحاسب مين على الكبدي الوبائي

و ما تعديش بقى التهم لان العدد في اللمون

و الله انا نفسي يموت عشان يروح عند الله شايل كل البلاوي اللي عملها

[se_ Elsyed]

هاقول

سبحانك يا رب

يا مُعز يا مُذل

حتى لو طلع براءه .. كفاية عليه وجوده خلف القفص

[زهرة الجبل]

بإختصار :

هيبقى عندي أمل إن الثوره ماشيه في الطريق الصح

حتى لو متأخر .. بس المهم انها تمشي صح

[nihal]

العدل ،

سنكون بذلك وضعنا أول حجر لبناء مصر الحرة ،

العدل - العلم - الأخلاق

بهم تنهض الأمم .

اللهم لا شماته .. و لا لوم .. ما الحزن إلا لكبر سنه و الإحترام شيبته بالرغم أنه لم يحترم طفل ولا رضيع .

[فريح]

هاقول

سبحانك يا رب

يا مُعز يا مُذل

حتى لو طلع براءه .. كفاية عليه وجوده خلف القفص

كده أنت ناوى تهربة لأن خلف القفص يعنى بره القفص

أنت قصدك تقول جوه القفص أو خلف القضبان

[وطني حر]

مبارك لن يحضر المحكمه غدا . وسيقدم المحامي تقرير الطبي .

وسينضر القضاء في التقرير وممكن يندب لجنه طبيه لفحص حالته الصحيه . ومممكن يندب قاضي لسماع اقواله في المستشفي .

وبكدا يكون المجلس العسكري في حل من عدم حضوره . فاصبح الحضور او عدمه من مسؤوليات القاضي .

[م تيمور المراغي]

هو الماتش الساعه كام !

[عماد حمدي]

هو الماتش الساعه كام !

9 صباحاً بتوقيت المحروسة

10 صباحاً بتوقيت المملكة العربية السعودية

11 صباحاً بتوقيت الإمارات

;)

[م تيمور المراغي]

هو الماتش الساعه كام !

9 صباحاً بتوقيت المحروسة

10 صباحاً بتوقيت المملكة العربية السعودية

11 صباحاً بتوقيت الإمارات

;)

تسلم يا عمده

طيب معلش حيتذاع على قناة ايه !

[عماد حمدي]

هو الماتش الساعه كام !

9 صباحاً بتوقيت المحروسة

10 صباحاً بتوقيت المملكة العربية السعودية

11 صباحاً بتوقيت الإمارات

;)

تسلم يا عمده

طيب معلش حيتذاع على قناة ايه !

التليفزيون المصري بس ، مفيش فضائيات ..

أنته عارف بقا الماتشات المحلية ;)

[pink rose]

وصل ... وصل

هو ايه اللي وصل ... وصل

ما ان شالله عنه ما كان وصل

الحمدلله يا رب

معلش زمانكم بتقولوا ريم عايشة في سك على بناتك كده ليه

اقروا الخبر دا و انتوا تعرفوا

بوابة الوفـد الإلكترونية

مبارك يصل إلى أكاديمية الشرطة استعدادا لبدء محاكمته صباح اليوم. وصل الرئيس المخلوع إلى مقر أكاديمية الشرطة في الواحدة تماما من صباح اليوم الأربعاء، بعد نقله من شرم الشيخ على طائرة تابعة لمؤسسةالرئاسة ومنها حمل بعربة اسعاف إلى مقر الأكاديمية.

هو الكلام بجد يا جماعة؟؟؟؟؟؟

[عماد حمدي]

وصل ... وصل

هو ايه اللي وصل ... وصل

ما ان شالله عنه ما كان وصل

الحمدلله يا رب

معلش زمانكم بتقولوا ريم عايشة في سك على بناتك كده ليه

اقروا الخبر دا و انتوا تعرفوا

بوابة الوفـد الإلكترونية

مبارك يصل إلى أكاديمية الشرطة استعدادا لبدء محاكمته صباح اليوم. وصل الرئيس المخلوع إلى مقر أكاديمية الشرطة في الواحدة تماما من صباح اليوم الأربعاء، بعد نقله من شرم الشيخ على طائرة تابعة لمؤسسةالرئاسة ومنها حمل بعربة اسعاف إلى مقر الأكاديمية.

هو الكلام بجد يا جماعة؟؟؟؟؟؟

الخبر صحيح ، ورد أيضاً في اليوم السابع ..

إبن اللذينه ركب حته طيارة

يا بخته :P

[Ahmed Anwer]

عادي جدا ، و لا حاجة

و ميدلش علي أن الثورة بتمشي علي الطريق الصحيح

دي خطوة صغيرة المفروض المجلس العسكري كان يعملها من زمان

عشان يأنتخ علي الكرسي براحته

أنا مش هأفرح بجد غير بعد منلاقي مدنيين انتخبناهم في السلطة

و بيحكموا فعلا مش مجرد صورة

[nihal]

يا رب اللهم لا شماته ولا تضعنا موضعه أبداً

[م تيمور المراغي]

الليله دي مش حيجيلي نوم

مين يطبق معايا لحد معاد المحاكمة ! :happy:

[عماد حمدي]

اذا شعرت للحظة واحدة بالتعاطف مع أي ديكتاتور وهو مكسور في قفصه , فتذكره وهو ظالم في عرشه.

[nihal]

وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُواْ فِيهَا وَمَا يَمْكُرُونَ إِلاَّ بِأَنفُسِهِمْ وَمَا يَشْعُرُونَ

صدق الله العظيم .