مهندس مصرى على حافه الهوية

[zima zima]

السلام عليكم ورحمه الله وبركاته

الساده الاعضاء والمدراء وجموع المصريين

اهنئكم بحلول شهر رمضان اعاده الله عليكم بالخير واليمن والبركات

كنت قدكتبت موضوع بخصنى واردت منكم الاجابه والتشاور

انا طبعا عارف مشاغل الناس وخصوصا فى الغربه بس انا فعلا ياجماعه عايز اعرف انا هاعمل ايه

انا نقلت ال3 مواضيع اللى كتبتها قبل كده وكذلك الردود

ارجو من اخوانى المصريين الرد فى اقرب وقت لانى فعلا عامل الوقت مهم ليا جدا

zima_jpg@yaoo.com

ده ايميلى ومستنى ردكم ياريت يكون فى اقرب وقت

ولكم جزيل الشكر

العرض الاول للموضوع

السلام عليكم ورحمة الله وبركاته اهل مصر الاعزاء

كل سنه وكل مصرى بخير بمناسبه حلول شهر رمضان الكريم اعاده الله عليكم بالخير واليمن والبركات

عندى كام سؤال واتمنى من اخوانى المغتربين عامه والمقيمين فى اهل الرياض خاصه الاجابه على اسئلتى

1- انا الان موجود فى جده اعمل فى شركه معينه ولا اعمل فى تخصصى(طبعا انتو عارفين حوارات النصب من شركات العماله)المهم انا ناوى ان شاء الله اخرج نهائى وادفع الشرط الجزائى وارجع على تاشيره جديده وسوالى هو

ما هى الخطوات الازمه لاتمام هذه العمليه سمعت فى ورق لازم يخلص من الكفيل مثل عدم ممانعه وحاجات تانيه واوراق خصوصاان الله سبحانه وتعالى وفقنى لعمل اخر

هل فى مشكله فى انى اخرج نهائى وارجع تانى على تاشيره جديده وخصوصا موضوع بصمه اليد والعين؟

ماهى التدابيرالواجب عملها مع الشركة الجديده بخصوص العقد الجديد حتى لايتم التلاعب بى واكون خسرت كل شى؟

2- كنت عايز خدمه من اخوانى المقيمين فى الرياض لو حد يعرف شركه تعمل فى مجال بناء المستشفيات وتوريد الاجهزه الطبية اسمها المنصورية للمقاولات

ماسمعه هذه الشركه وخاصه تعاملها مع المهندسين العاملين بها؟

ماهو متوسط الرواتب حيث انى خريج جديد لكنى كنت اعمل اثناء الدراسه وخبره عمليه اكثر من5 سنوات ومعى شهادات تدريب وخبره فى المجال مع العلم بان الراتب المعروض على هو 3000 هل هذا العرض كويس ولا ايه؟

خصوصا انى على وش جواز وناوى لو حصل نصيب استقدم الزوجة ومقر العمل سيكون فى مدنيه الرياض انا اسئل بخصوص تكاليف المعيشه والسكن وكل شى يخص الحياه فى هذه المدنيه

ارجو منكم الرد على اسئلتى لانى فى حيره وخايف فى نفس الوقت

الرد الاول من استاذ خالد

الاستاذ العزيز خالد

اشكرك على سرعه تجاوبك وردك على اسئلتى هذا من شيم النبلاء اغاثه الملهوف جزاك الله خيرا رغم انى لاحظت دخول بعض الاعضاء وعدم كتابه اى ردود ولكن الانسان لازم يعزر الناس المهم

فى بعض النقاط احب اوضحها لحضرتك ولكل الاعضاء اللى ممكن يدلو بدلوهم و يقولوا رايهم

1- فهمت من كلام حضرتك ان الراتب ضعيف لاى مهندس له نفس ظروفى طيب اقل راتب يكون كام مع العلم انى هاسكن فى مدنيه الرياض وانا معرفش تكاليف المعيشه هناك ايه؟

2- بالنسبه لموضوع انى اخرج نهائى هل فعلا ده ممكن من غير ماادفع الشرط الجزائى الموجود فى العقد اللى انا سافرت عليه وهل لو الكفيل لم يوافق على ذلك ايه يكون العمل؟

3- فهمت من كلام حضرتك انه عادى جدا انى ارجع مصر واجى على التاشيره الجديده بس لازم تغيير الباسبور فقط ولا فى شى تانى لازم يتعمل هنا من انى مثلا لازم اعمل خطاب عدم ممانعه من الكفيل او اخلاء طرف او اى اجراء تحت اى مسمى؟ لانى سمعت كلام كتير بخصوص موضوع البصمه

4- بالنسبه للشركه الجديده ايه الاجراء للتعامل معهم وضمان حقى هل المفروض التاشيره اللى هاخدها هن الشركة هاتكون مكتوبه باسمى مثلا بعد مامضى العقد معاهم لانى خايف انى لما ارجع مصر يخلو بالاتفاق او يقولو رجعنا فى كلامنا فى النواحى المادية او يقولو شوفنا مهندس تانى او اى حاجه هل العقد لما امضيه معاهم هنا ده بيوثق فى السعودية ولا فى مصر

معلش اعذرنى لانى ماعنديش خبره فى المواضيع ديه

واشكرك استاذ خالد مره تانى

وللجميع الشكر

العرض التانى للموضوع

السلام عليكم

انا صاحب موضوع http://www.egyptiant...howtopic=124801

ارجو من الساده الاعضاء والزوار من اخوانى المصريين الدخول وقراءه الموضوع لانى فى حيره من امرى والموضوع مهم جدا بالنسبه لى

يا جماعه ياريت تتدخلو واللى يعرف اى معلومه يقولها

كل سنه وانتو طيبين

مهندس مصرى

[raouf]

اولا حرام عليك تتكلم وتتفاوض اصلا على راتب 3000 بعد 5 سنين خبرة

امال لو ماعندكش خبرة الا سنة مثلا كنت هاتاخد كام

سيدى الفاضل عامل الشاى والقهوة اللى هايبقى فى شركتك راتبه 1500 + ما ياخذه من الموظفين

طبعا مستحيل تعرف تجيب اولادك او تعلمهم هنا يعنى هاتتشحطط

انا نصحت واسف لحدة كلامى بس ده لمصلحتك

[shady almazlom]

سيدي الفاضل ..قي الاغلب الاعم لن يطلب منك اي مكان جديد شهادة عدم الممانعة في حال خروجك من المملكة بشكل نظامي..ومن الافضل انك تحصل على أخلاء طرف من صاحب العمل..

كده ..يكون مفيش مشكلة في انك ترجع على شغل تاني. ولا حاجة ايضا لأنك تغير جواز السفر..بالنسبة للراتب اللى حضرتك بتقول عليه فده قليل جدا..ومش حتقدر توفر منه حاجة..اقل راتب سمعته بالنسبة للمهندسين كان 8000 ريال..أرجو اني اكون قدافدت.

[zima zima]

السلام عليكم ورحمه الله وبركاته

اشكر كل من دخل ورد على اسئلتى

متشكر للجميع

وكل سنه وانتو طيبين