مساعده

[husaly]

السلام عليكم جميعا

عندى استفسار او يمكن بعد كده يكون مشكله مش عارف

المهم انا الوقتى هسافر على تأشيره فنى شبكات حاسب

طبعا عرفت انه لازم يكون الجوزا بنفس المهنه فغيرت البطاقه وبعد كده غيرت الجواز طبعا بعد ما طلع عينى وكده قلت انا خلاص تمام حصلت بقى مشكله صغيره او هى لسه محصلتش يعنى الشركه قالتلى يارب السفاره مترفضشى التأشيره ليك لان المؤهل بتاعى بكالوريوس نظم معلومات اداريه

السؤال بقى هل السفاره هتوافق ولا فيه فعلا مشكله كده ولو التاشيره بعيده عن المؤهل ايه الحل

شكرا ومنتظر الرد لانى هكشف بكره والورق هيروح السفاره طبعا كمان يومان بالظبط ياريت سرعه الرد لان الوقت ضيق جدا

جزاكم الله كل خير

[Tots]

السلام عليكم جميعا

عندى استفسار او يمكن بعد كده يكون مشكله مش عارف

المهم انا الوقتى هسافر على تأشيره فنى شبكات حاسب

طبعا عرفت انه لازم يكون الجوزا بنفس المهنه فغيرت البطاقه وبعد كده غيرت الجواز طبعا بعد ما طلع عينى وكده قلت انا خلاص تمام حصلت بقى مشكله صغيره او هى لسه محصلتش يعنى الشركه قالتلى يارب السفاره مترفضشى التأشيره ليك لان المؤهل بتاعى بكالوريوس نظم معلومات اداريه

السؤال بقى هل السفاره هتوافق ولا فيه فعلا مشكله كده ولو التاشيره بعيده عن المؤهل ايه الحل

شكرا ومنتظر الرد لانى هكشف بكره والورق هيروح السفاره طبعا كمان يومان بالظبط ياريت سرعه الرد لان الوقت ضيق جدا

جزاكم الله كل خير

السلام عليكم ورحمة الله

شوف اخي الفاضل موضوع رفض التأشيرة في المقام الاول موضوع ليست له قاعدة محددة او بمعني اوضح على حسب مزاج الموظف يا اما يوافق على التأشيرة أو يرفض وفي الغالب هتترفض علشان المؤهل وخصوصا ان التأشيرة فني يعني متخصص بس ده عادي متقلقش اول حاجة تعملها حاليا هي انك تكلم الكفيل يبعت ليك خطاب تعزيز ويكون موثق من الخارجية السعودية والغرفة التجارية داخل المملكة ومعنى الخطاب انه بيقول والله انا محتاج الشخص ده بالتحديد بغض النظر عن المؤهل علشان الشخص ده خبرة ولحاجة العمل ليه وعلى العموم في صيغة معروفة للخطاب ده

ولحد لما الخطاب يجي تعمل شهادة خبرة بمدة كويسة بنفس المسمى داخل التأشيرة وتكون الشهادة موثقة من الشهر العقاري وبعد كده تصدقها من الخارجية وتقدمها مع الاوراق كلها واهم حاجة خطاب التعزيز من الكفيل

وبالتوفيق ان شاء الله

[husaly]

متشكر جدا على ردك ومساعدتك Tots

[husaly]

الحمد لله التأشيره طلعت خلاص بس فيه حاجتين لسه ومش عارف منين اعملهم ياريت اى مساعده فى الموضوع ده وكمان ياريت ايه هو الورق المطلوب

1- تصريح العمل ....ياريت اعرف ايه الاوراق المطلوبه لاستخراجه وكمان من اى هيئه او جهه والوقت قد ايه

2- تصيرح سفر من الجيش مع العلم انى معايه شهاده تاجيل ال3سنوات ... هو اكيد من منطقه التجنيد التابع ليها بس ايه الورق المطلوب وكمان فى كام يوم

شكرا