مصر التى فى جيبى وفى فمى

[ragab2]

..

اخطف واجرى

وكله بينهش ويهبش

وحاميها حراميها

كلمات مأثورة وتطبق على الواقع

وحتكون أمثلة وحكم المستقبل لازم نشدد القانون يااخوانا حبتين قبل ما نروح فى أبو نكلة وتخرب البلد

والوزير والمستشار والمحافظ والمدير والغفير كلهم سرقوا

والمصريين الشرفاء بيتفرجوا ومتمسكين بالمثل الشريف اللى بيقول

تموت العفيفة ولا تأكل ب .....!!!

طب وبعدين هانفضل ساكتين لحد ما يخربوها

ويقعدوا على تلها ولا نتحرك بسرعة

ونعالج الخلل ده

وهل الخلل ده من البيت ولا المدرسة ولا القوانين الغير رادعة

امتى السارق يتباهى بالسرقة

ابتدت تحصل دلوقت فى بلدنا

تصورا نواب القروض روحوا بيوتهم بزفة وطبل بلدى زى الفاتحين

ديك النهار كنت فى حى شعبى

ولاقيت واحد بيقول لزميله عارف ياسمكة البتاعة اللى معاية دى

سرقتها منين ..  من  الحتة الفولانية

هل يعقل مديرعام بنك ورئيس رابطة المصارف العربية يسرق شوكة وملعقة ونسيبة فى منصبه أربع سنين ونضرب له تعظيم سلام

أنا مش عارف احنا فين بالظبط

يكونش جينا فى الزمن الغلط والا نزلنا من المريخ

فيه كتير مازال مصريين شرفاء وقلة لصوص

بس القلة دول ابتدوا يزيدو ويتوحشوا وبقى ليهم أنياب

ولسة الدنيا بخير

زى موظف المتحف الى رفض الملايين وغيره وغيره

بس عاوزين تصرف سريع لاستئصال الفساد قبل مايزيد أكتر واكتر

فى مرة كنا عاوزين نصدر أمصال ولقاحات وأدوات طبية

من جهة حكومية  لدولة عربية وندخل عملة صعبة لبلدنا

تتصوروا ان المسؤولين طلبوا عمولات ورشاوى رفضنا طبعا  دفعها

واضطرينا نصدرلهم من الأردن للأسف  وبأرخص من أسعار مصر

وهكذا تضيع على مصر فرص كتيرة وده مثل واحد

طب سيب حتى قلم جاف بنكلة على مكتب

فى أى شركة أو مصلحة حكومية

لمدة خمس دقايق أتحداك لو لقيته الشعوب كلها فيها حرامية وشرفاء ومنهم مصر

بس القانون عندنا طرى حبتين وكمان نايم وفيه تسيب

واللى معاه فلوس بيطلع لسانه للقانون وبيخرج زى الشعرة م العجين

واللى بسرق ملايين يروح بيتهم بكفالة عشرة وعشرين ألف لياخد فرصة لترتيب أوراقه والاتصال بشركائه فى الفساد عشان يساعدوه ويتوسطوله

وبعض المحامين بيخلقوا عشرين ثغرة فى القانون

عاجبكم الوضع المذرى ده

يا اخوانا والله احنا كنا أحسن ناس فى الأرض

وده مش كلام انشا ولا جرايد

واسألو أبهاتنا وجدودنا

ودى حاجات دخيلة علينا ومكناش كدة أبدا

كنت تلاقى الراجل راجل مايرجعش فى كلمته لو حايخسر رقبته

وكان أمانة الدنيا كلها فيه  والدهب فى ايده يزيد ولا ينقص

فين راحت أخلاقنا وقيمنا الجميلة دى

مش لازم نعمل وقفة ومراجعة مع  للنفس

ليه بنسرق بلدنا عمال على بطال وليه مانحبهاش زى الألمانى اللى سد الثغرة فى الترعة بجسمه عشان يمنع الفيضان أن يغرق القرية فى الليل  وفى الصبح لقوه متجمد

صدقونى احنا شعب طيب

وبسهولة بنستجيب للخير بس نبدأ الاصلاح من دلوقت

أنا بأناشد مجلس الشعب

اثارة هذا الموضوع لتشديد قوانين عقاب السارق

بأناشد رئيس الدولة يشد على اللصوص كبير وصغير

وبأنلشد تطوير الأجهزة الرقابية  لنفسها وتزيد حمالاتها أكتر

وزيادة ميزانيتها  مع تقديرى لهم ولجهدهم

ونبدأ نشدد القانون ومانفرقش فى العقوبة بين المال العام والخاص دى كلها سرقة وكله مال

والا هانكون بنقول للحرامى اسرق بس  بعيد عن الحكومة

طب ماهو اللى هايسرق حتى من أبوه هايسرق بنك الحكومة

ولا نغير الأناشيد الوطنية ونقول ...

مصر التى فى جيبى وفى فمى

أو

يا أحلى هبرة  فى الوجود ....  يا مصر

ويا أشهى البلاد يابلادى  ...  يا هبرتى يا مصر

أما الغلابة فلهم النشيد الوطنى لمحمد فوزى وهو ...

فولى أحببتك يافولى .. حبا فى العدس وفى الفولى

مش كدة والا ايه

Edited By ragab2 on Sep. 12 2002 8:16pm

[mnman]

أمال لو قلت لك أن سنة 1998 رسي علي الشركة التي أعمل بها مشروع أنشاء محطة معالجة مياه الصرف الصناعي لأكبر شركة حكومية لأنتاج السكر والتمن دفع تكاليف الحج كاملة لرئيس مجلس الأدارة والعائلة المكونة من 8 أفراد... وطبعا العقد كان بينص علي تدريب  10 فنيين و5 مهندسين في الخارج علي محطات شبيهة وكان طبعا أفراد ألأسرة الكريمة علي راس الفوج السياحي بالأضافة إلي 7 مدييرين... ومين يشغل المحطة  مش مهم إيكش تولع..... وطبعا كانت الرحلة للشوبينج .... وكلة علي حساب صاحب المحل..أقصد الشركة..

وأيضا بالنسبة لشركة قطاع عام في الاسكندرية لأنتاج النشا واخميرة... المدير العام كان لازم ياكل لترسية المناقصة.. وعلي فكرة بيعتبروها عمولة مش رشوة وحلال ولو مش حتدفع غيرك مستعد.... ونفس الشئ التدريب أنقلب بقدرة قادر لشوبينج للمودرين...

وعندك حق يا أخ رجب مصر التي في جيبي وفي فمي... :)  :D

[Set_Amina]

الأغنية دي كانت من أجمل الأغاني وأكثرها تأثيرا على نفسي حيث انني لا أتمالك دموعي عند سماعها ولكن لعنة الله على زمن حول الرومانسية والى واقع مؤلم متوحش، معكم كل الحق فيما سبق وأشارككم معانتي على البعد من انتشار السلب والنهب في مصرنا المحروسة وما يحضرني الآن هو تجربتي الثانية مع النهب المخضرم في احدى شركات المقاولات والتي سمت نفسها اسم اسلامي حتى تتقن النصب باسم الاسلام البريء ، فطبعا بعد ان بهرني الاسم وحيث اني اريد الرجوع اليها وحيث ان الحنين وألم الغربة لا يتوانيان عن اقلاق راحتي فقتم بكل جدعنة بحجز شقة في المعادي الجديدة عن طريق هذه الشركة واذا بي اسمع ان رئيس مجلس ادارتها نهب الجرشنات ورحل الى فين؟؟ الله أعلم والمشروع من 15 سنة متوقف والعمارات مثل الاشباح أو الهياكل العظمية واقفة تلعن النصابين مشاركة لنا في اللعن والسب وهذا كل ما نملكه، على فكرة اسم الشركة هي صقر قريش واللي عنده أي معلومات عن هذه الشركة الخربانة يدلني وينوبكم ثواب فيه وأوعدكم اني بعدها هاغني الغنوة وهابكي بكل رومانسية زي زمان  :D

[ragab2]

أعتقد

ياست أمينة أن جمعية صقر قريش فى المعادى تابعة لمحافظة القاهرة

ومديرها كان صبحى وهدان عضو مجلس شعب واتهم بالفساد هو ومجلس ادراة جمعية صقر قريش ولا أدرى ماذا تم قبلهم

وممكن السؤال عنهم فى محافظة القاهرة

ونأمل

التوفيق فى استرداد حقوقك

تحياتى

[Faro]

ألأخت ست أمينة

لقد مررت على أربعة أشباح وقيل لى البناء مخالف للمواصفات أو لم يتم إصدار تصريح ... يعني هناك مخالفة قانونية .... لقد عرض علي الشراء من إحدى الشركات - لاأذكر هل كان إسم الشركة صقر أو حداية - ولكني رفضت لعدم توافر الثقة . أخي الأكبر إشترى شقة فى المنطقة المذكورة ... الإستلام تم بعد 5-10 أعوام ... جميع الأسلاك الكهربائية تم تغيرها إلى أسلاك قانونية وتم تغيير أشياء كثيرة... القطاع الخاص لا يبني لخدمة الزبون ولكن لسرقته .

[Set_Amina]

ياجماعة والنبي عاوزة رسمة وجه بيعيط علشان انا خلاص تعبت من النصب والنصابين في مصر، امال لو كنت عايشة في مصر فعلا كان حصل لي إيه؟؟ هنا برضه مفيش قدامي غير اني أقول حسبي الله ونعم الوكيل

ومن منكم يحبها مثلي أنا مثلي أنا

[Set_Amina]

أعتقد

ياست أمينة أن جمعية صقر قريش فى المعادى تابعة لمحافظة القاهرة

ومديرها كان صبحى وهدان عضو مجلس شعب واتهم بالفساد هو ومجلس ادراة جمعية صقر قريش ولا أدرى ماذا تم قبلهم  

وممكن السؤال عنهم فى محافظة القاهرة

ونأمل  

التوفيق فى استرداد حقوقك

تحياتى

بارك الله فيك يارجب وشكرا على هذه المعلومات  ولكن هناك مشكلة أواجهها وهو اني لا أعيش في مصر منذ فترة طويلة ومن كنت أعتمد عليهم في تتبع الموضوع من أهلي قد مل زهق وسلم ولا يريد أحد متابعة ما حدث من باب اليأس ولا أقول اللامبالاة وعشمى في الله وفي أحد الأخوة المقيمين في مصر والذي قد يعرف أي طريق أسلك وطبعا ذلك عن طريق المراسلة لمعرفة هل استطيع وبعد هذا الزمن الحصول على شقة ولا حتى استرداد ما دفعته ولا أكتب وصيتي للورثة وهم يتصرفوا؟؟ :D

[ragab2]

والمفترض

أن لا نكتفى بمحاكمة الفاسد فقط

ولكن نحاسب أيضا رئيسه ومرؤسه حتى نقتلع الفساد من جذوره